#ព្រះបន្ទូលនៃសេចក្ដីពិតសម្រាប់ថ្ងៃអង្គារ៍
ฝัง
- เผยแพร่เมื่อ 19 พ.ค. 2024
- #ចំណងជើងវីដេអូ៖ «ច្បាប់ស្ថានសួគ៌!» Heaven Rules!
#រៀបរៀងឡើងដោយ Pastor Chris
#ព្រះបន្ទូលនៃសេចក្ដីពិតសម្រាប់ថ្ងៃអង្គារ៍ ទី២១ ខែឧសភា ឆ្នាំ២០២៤។
«ច្បាប់ស្ថានសួគ៌!» Heaven Rules!
#អត្ថបទព្រះបន្ទូលដកស្រង់នេះរៀបរៀងឡើងដោយ Pastor Chris បង្រៀនអំពី «ជីវិតដ៏អស់កល្ប»
«ទោសនេះ គឺជាពួកពិនិត្យត្រួតមើលដែលកាត់ឲ្យ ហើយសេចក្ដីនេះក៏តាមបង្គាប់នៃពួកបរិសុទ្ធ ប្រយោជន៍ឲ្យមនុស្សដែលនៅរស់បានដឹងថា ព្រះដ៏ខ្ពស់បំផុត ទ្រង់គ្រប់គ្រងលើរាជ្យរបស់មនុស្ស ក៏ប្រគល់ដល់អ្នកណាតាមព្រះហឫទ័យ ព្រមទាំងតាំងមនុស្សសណ្ឋានទាបថោកបំផុតឡើង ឲ្យគ្រប់គ្រងផង» (ដានីយ៉ែល ៤:១៧ NIV) ។
នៅក្នុងប្រទេសជាច្រើនជុំវិញពិភពលោក គ្រីស្ទានកំពុងត្រូវបានគេវាយប្រហារជារៀងរាល់ថ្ងៃ។ តាមពិតនៅទីក្រុងខ្លះ ពួកគេប្រឈមនឹងហានិភ័យនៃការជាប់គុក ឬត្រូវបានគេដកឈ្មោះ ពីបទនិយាយអំពីព្រះយេស៊ូវ។ ហេតុនេះហើយបានជាពួកជំនុំខ្លះសព្វថ្ងៃនេះ ខ្លាចមិនហ៊ាននិយាយដោយក្លាហានទេ។ សូម្បីតែពេលពួកគេនិយាយក៏ដោយ ពួកគេប្រយ័ត្ននូវអ្វីដែលពួកគេនិយាយ ដូច្នេះពួកគេនឹងមិនធ្វើឱ្យប៉ះពាល់ដល់ «អាជ្ញាធរ» ឡើយ។
ទេ ដរាបណាអ្នករាល់គ្នា ប្រកាសសេចក្ដីពិត នៃព្រះបន្ទូលរបស់ព្រះ ចូរក្លាហាន។ កុំនៅស្ងៀម។ សូមប្រកាសដោយក្លាហាន ចំពោះអ្នកណាម្នាក់ នូវសេចក្តីពិតថា ព្រះយេស៊ូវគ្រីស្ទជាព្រះរាជបុត្រានៃព្រះ ដែលមានន័យថា ជាព្រះនៅក្នុងសាច់ឈាម ។ ទ្រង់ជាផ្លូវ ជាសេចក្តីពិត និងជាជីវិត ហើយគ្មានអ្នកណាអាចចូលមកក្នុង ទំនាក់ទំនងជាមួយនឹងព្រះបានឡើយ លើកលែងតែទ្រង់ទេ (យ៉ូហាន ១៤:៦)។
«ប៉ុន្តែ Pastor Chris ច្បាប់នៅក្នុងប្រទេសរបស់ខ្ញុំ ហាមឃាត់យើងមិនឱ្យធ្វើការប្រកាសបែបនេះទេ» អាចនរណាម្នាក់និយាយបែបនេះ។ ប៉ុន្តែសំណួរសួរថា តើអ្នករាល់គ្នាមកពីណា? ព្រះអង្គដែលយើងកំពុងតែនិយាយអំពីទ្រង់ គឺជាព្រះយេស៊ូវគ្រីស្ទ ទ្រង់គ្រប់គ្រងនៅស្ថានសួគ៌ នៅផែនដី និងនៅក្រោមផែនដី។ ទ្រង់ជាស្តេចនៃចក្រវាឡទាំងមូល។ ព្រះបន្ទូលរបស់ទ្រង់គឺជាច្បាប់។ ដូច្នេះតើអ្នករាល់គ្នាចង់ស្តាប់បង្គាប់អ្នកណា?
អាជ្ញាធរក្នុងប្រទេសរបស់អ្នករាល់គ្នា និងនៅគ្រប់ប្រទេស ត្រូវចុះចូលចំពោះទ្រង់។ ព្រះគម្ពីរចែងថា ព្រះយេស៊ូវកាន់កាប់កន្លែង នៃកិត្តិយសដ៏ខ្ពង់ខ្ពស់បំផុតនៅស្ថានសួគ៌-ជាកន្លែងដែលប្រសើរជាង គ្មានទីបញ្ចប់ចំពោះការបង្គាប់បញ្ជា សិទ្ធិអំណាច អំណាច ការគ្រប់គ្រង ឬរដ្ឋាភិបាលដែលអាចយល់បានឡើយ។ ទ្រង់មានឈ្មោះមួយ ដែលហួសពីឈ្មោះណា ដែលអាចប្រើបាន ក្នុងពិភពលោកនេះ ឬពិភពលោកដែលនឹងមកនៅខាងមុខផង។
ព្រះយេស៊ូវគ្រប់គ្រង។ ច្បាប់នៃស្ថានសួគ៌ ហើយពិភពលោកទាំងមូល ត្រូវតែទទួលស្គាល់ការពិតនេះ។ ព្រះគម្ពីរប្រាប់យើង នូវអ្វីដែលគួរឲ្យកត់សម្គាល់ ដែលដានីយ៉ែលបាននិយាយ ពេលកំពុងបកស្រាយសុបិន របស់ស្ដេចនេប៊ូក្នេសា អំពីដើមឈើដ៏ធំមួយ ដែលត្រូវគេកាប់។ គាត់បាននិយាយថា «ឯដំណើរដែលគេបានបង្គាប់ឲ្យទុកគល់ នឹងឫសនៃដើមនោះឲ្យនៅ នោះគឺថា រាជ្យទ្រង់នឹងបានទុកនៅ សំរាប់កាលណាទ្រង់បានជ្រាបថា ស្ថានសួគ៌មានអំណាចគ្រប់គ្រង» (ដានីយ៉ែល ៤:២៦ NIV)។ តើអ្នករាល់គ្នាបានឃើញហើយឬនៅ? នេះជាច្បាប់ស្ថានសួគ៌! សូម្បីតែស្តេចនេប៊ូក្នេសា ដែលជាស្តេចលើគ្រប់ជាតិសាសន៍នៅពេលនោះ ក៏ត្រូវរៀនមេរៀនមួយ ដែលថាស្ថានសួគ៌គឺជាអ្នកគ្រប់គ្រងដែរ។ មិនមែនគាត់ជាអ្នកគ្រប់គ្រងទេ។
កុំគិតថាចៅហ្វាយក្រុងរបស់អ្នករាល់គ្នា ឬប្រធានាធិបតីនៃប្រទេសរបស់អ្នករាល់គ្នា ជាអ្នកកាន់អំណាចឱ្យសោះ។ គឺស្ថានសួគ៌ជាអ្នកកាន់អំណាចទេ។ អ្នករាល់គ្នា ត្រូវតែយល់ដឹងពីការនេះ។ សូមកុំនិយាយថា «ច្បាប់នៃទឹកដីហាមឃាត់ខ្ញុំ» ហើយបោះបង់ចោលនោះឡើយ។ ទេ! ចូរផ្សាយដំណឹងល្អចុះ។ សូមអធិស្ឋានតាមព្រះហឫទ័យរបស់ព្រះវរបិតា លើទីក្រុង និងប្រទេសរបស់អ្នករាល់គ្នា។ ចូរប្រតិបត្តិតាមព្រះហឫទ័យរបស់ព្រះវរបិតា នៅគ្រប់ទីកន្លែងដែលអ្នករាល់គ្នានៅ។
ចូរបដិសេធកុំឈប់ផ្សាយដំណឹងល្អ ដោយការភ័យខ្លាច និងការបំភិតបំភ័យឡើយ។ ចូរចាំថា អ្នករាល់គ្នា តំណាងឱ្យស្ថានសួគ៌ និងការគ្រប់គ្រងរបល់ស្ថានសួគ៌។
#សេចក្ដីអធិស្ឋាន
ឱព្រះវរបិតាអើយ សូមអរព្រះគុណទ្រង់ សម្រាប់ការប្រទានអំណាច និងសិទ្ធិអំណាចដល់យើងខ្ញុំ ក្នុងព្រះនាមព្រះយេស៊ូវគ្រីស្ទ ដើម្បីសោយរាជ្យ និងគ្រប់គ្រងក្នុងជីវិតនេះ។ កូនសូមប្រកាស ក្នុងនាមជាតំណាងនៃនគររបស់ទ្រង់ នៅលើផែនដីនេះថា ប្រជាជាតិនានា រួចផុតពីចំណងនៃការបោកបញ្ឆោត។ សេចក្តីសុចរិតរបស់ទ្រង់ ត្រូវបានតាំងឡើងនៅគ្រប់ជាតិសាសន៍ ខណៈដែលដំណឹងល្អ ជ្រាបចូលទៅក្នុងចិត្តមនុស្សទាំងអស់ ក្នុងព្រះនាមព្រះយេស៊ូវគ្រីស្ទ។ អេមែន! សូមព្រះប្រទានពរ!
#ការសិក្សាបន្ថែម៖ ទំនុកដំកើង ១១០:២ និង អេសាយ ៣២:១ (ការកើតជាថ្មីកម្ពុជា)