V Romaxe Viquinga - 2022 (video oficial)

Video oficial da Romaxe Viquinga de O Vicedo (Lugo), celebrada o 30 de xullo de 2022 na praia de Area Grande en San Román. É unha festa de recreación histórica que trata de recrear a chegada dos viquingos ás costas galegas nun lugar onde houbo achádegos que fan pensar na presencia viquinga, concretamente na zona de Moutillós, nesa mesma praia.
Durante todo o día hai varias actividades como o desembarco viquingo, o espectáculo de loita entre viquingos e cristiáns, diferentes actividades de recreación viquinga no campamento viquingo, monicreques, música, obradoiros, torneo cristián e, xa cara a noite, o enterramento viquingo, espectáculo de lume e son e voda viquinga.