ฝัง
- เผยแพร่เมื่อ 2 ม.ค. 2025
- 11 Dekabr - Uşaqların Beynəlxalq Televiziya və Radio Günüdür 📻
Ötən əsrin sonlarından BMT tərəfindən hər il dekabrın 11-i Uşaqların Beynəlxalq Televiziya və Radio Günü kimi qeyd olunur. Həmin tarixdə radio və televiziya proqramları uşaqlara həsr olunur.
Ümummilli lider Heydər Əliyev həmişə uşaqların bu əlamətdar günündə onlarla bir yerdə olmağı çox sevirdi. Ulu öndər uşaqlara göstərilən bu diqqəti belə dəyərləndirirdi ki, Televiziya və Radio Günü ilə əlaqədar uşaqların hazırladığı mərasimdə iştirak etməkdən böyük zövq alır. Hətta aparıcıların uşaqlardan ibarət olmasını Heydər Əliyev təqdirəlayiq sayırdı: "Mən çox sevindim ki, verilişi idarə edən Azərbaycanda tanınmış televiziya aparıcıları ilə bərabər uşaqlar da gözəl veriliş aparmağa başladılar... Görün, bizim xalqımızda nə qədər istedadlılar var. Bizim uşaqlar öz istedadlarını kiçik yaşlarından büruzə verirlər, nümayiş etdirirlər".
Xatırladaq ki, 6 noyabr 2023-cü il tarixindən etibarən Şəmkir şəhəri M.Füzuli adına tam orta məktəb-liseyin radio qovşağı fəaliyyət göstərir. Həftəiçi böyük tənəffüsdə məktəb daxilində yayımlanan radiomuzun aparıcıları da məktəbin şagirdləridir.
Məktəb radiosunun yaradılmasında əsas məqsəd şagirdlərin bacarıqlarını inkişaf etdirmək, dünyagörüşünü artırmaq, həmçinin, tədrisin keyfiyyətini yüksəltməkdən ibarətdir.
📻 11.12.2024-cü il, saat 10:25-də Şəmkir şəhəri M.Füzuli adına tam orta məktəb-lisey böyük tənəffüs vaxtı yayımlanan verilişi təqdim edirik.
🎙Aparıcı: 4"b" sinif şagirdi Gülay Abdullayeva
