Ditari - Sulmi i Iranit ndaj Izraelit rrezikon konflikt rajonal

Sulmi me 180 raketa i Iranit ndaj Izraelit, ka rritur frikën për zgjerimin e konfliktit në Lindjen e Mesme. Sot ushtria izraelite vazhdoi sulmet në Liban, duke rritur presionin ndaj Hezbollahut. I dërguari i Gjermanisë për Ballkanin Perëndimor, Manuel Sarrazin tha se autoriteteve në Kosovë u mungon vullneti politik për të themeluar Asociacionin e komunave me shumicë serbe. Në Maqedoninë e Veriut, partitë opozitare, akuzuan qeverinë se ka vënë në rrezik përparimin e vendit. Ndërkaq, kryeministri Mickovski thotë se rruga evropiane mbetet përparësi e qeverisë së tij.