“FHN-in Akademiyasına kursant qəbulu qaydaları” mövzusunda birbaşa sual-cavab

2019-cu il 3 aprel tarixində saat 15.00-da Azərbaycan Respublikası Fövqəladə Hallar Nazirliyinin “Facebook” sosial şəbəkə səhifəsində ( / officialfhn ) “FHN-in Akademiyasına kursant qəbulu qaydaları” mövzusunda birbaşa sual-cavab təşkil olunub. “Facebook” üzərindən canlı yayımın təşkilində məqsəd FHN-in Akademiyasında təhsil almaq istəyən abituriyentlərin qəbul qaydaları haqqında məlumatlandırılması olub.
Canlı yayımda mövzuya dair məlumatlar verilib və suallar ətraflı cavablandırılıb. Qeyd edək ki, diskussiya zamanı “Facebook istifadəçiləri tərəfindən verilən suallar, əsasən, Akademiyaya qəbul şərtləri, təhsilin səviyyəsi, Akademiyanın maddi-texniki bazası və s. ibarət olub.
Fövqəladə Hallar Nazirliyi tərəfindən sosial şəbəkələr vasitəsilə belə yayımlar davamlı şəkildə təşkil ediləcək.