Fifidianana Solombavambahoaka|Ndao hanao safidy malina, mari-pototra ary voasaina tsara

Ho avy ny fifidianana solombavambahoaka : ianao olompirenena voasoratra anarana anaty lisipifidianana no hifidy izay depiote hisolo tena ny Malagasy eny amin’ny Antenimerampirenena.
Ny asan’ny solombavambahoaka ve ?
Miady ho an’ny tombotsoan’ny Malagasy amin’ny alalan’ny fandaniana lalàna
Manaramaso ny asan’ny govermenta sy ny fitantanany ny volampanjakana
Fanteno tsara noho izany izay hofidiana mba tsy hanenina :
1. Olompantatry ny ny fiarahamonina ary mahafantatra ny fiarahamonina, sy ny tontolo iveloman’ny olompirenena
2. Olona nianatra na/sy mahay ny antompisian’ny Antenimierampirenena sy ny fiantraikan’ny lalàna hofidiany na ho laviny
3. Olona vonona hanohitra ny kolikoly na amin’ny fandaniana lalàna na amin’ny fanomezana ohatra tsara amin’ny asany, Mahitsy fitondrantena ary tsy mampitafy henatra ny Antenimiera sy ny Repoblika.
Ho an’ny fifidianana solombavambahoaka 2024, ndao hanao safidy malina, mari-pototra ary voasaina tsara.