مخنوك ونسيمك من اجه بوقته واخيرا ضحكت الدنيا وصرت لي انته وشعور المنسجن وانفك بوجهه الباب حرفيا نفس هذا الوضع عشته جنت حاسب حسابي شما يطول الصوم كفيل المغرب ب انهاء سالفته وقبلك رادو يجبروني جابو ثوب وما نكره حلو بس اني ما ردته انه الثوب الالبسه من اختياري يكون انه المو صيدي مو ما كلته ما شفته وبدت قصتنه من شفتك تشيل الهم وبديت اهتم وبديت اتعلق واحلم والكبلك ما يعرف الغزل ابشرك جاي يتعلم وتكبر فرحتي ياخي واقضي الوقت مصدوم واقرص روحي خاف أحلم ومن حقي انصدم ما عشت بالفردوس بس اصبرلي اتاقلم وكتلك عالحمل بيه عله شيله وياك بس ما بيه اتندم ومشينه وبالبداية الدرب يا لذته وكلت جازاني الله اعلى الكبل شفته وبده التغيير يكبر يوم يتبع يوم وبده الاهمال ما تنفهم سالفته شايف غيري يمكن ملني كل شي يجوز بهيج افكار ليل اليمر خلصته ويمكن كايليلك او دريت أنته البلكوه جبروته يترك التدخين باخر مشكله وياك رجعته وشسولف ع الكلب ما تنحمل علته الوصيتك عليه لا ينلجم داري رجعته الي مو لاجمه كسرته دور اليوجعك والماله نيه يطيب تلكا من بشر ع دنيا فضلته من فرق التعامل بين المضموم الخافي كلبك افعالك مطلعته ادز مرسال الك يومين ما تقراه وادورلك عذر مشغول ما شفته واني تعودت كل ما تدز مرسال قبل لا ينقري بسته ياخي كون مقصر استاهل الصار وياي شغله من العمر واطيته لي ردته سمعت كايل عليه يرد من يشتاك صح هذا الحجي لكن عبر وقته بيت احلامنا البانينا اني وياك هدمته وشكو مرسال الك مضموم بالكنتور بليل البارحة حركته وخاف صورك تهزني واجي مشتاك ابشرك كل شي يلوي ذراعي شككته الينبض جان الك وحدك موته اليعتبرك دوه لمن تجرحه الناس هسه انكلبت وصار الوجع انته ذاك اليزعل وبشلونك تنسي الحاول يبتعد واغنية رجعته ابشرك صار قاسي وانته غيرته وعلى كل يوم جان وياك ندمته واصل مرحلة من ضمادك ياذيك متحسف على عمرك الضيعته رايد تبجي لكن مستحي من الشيب احساس الوحده جربته مدورلك علاج وماكو بس الموت المستقتل عليه متندم عرفته عشتهن كلهن ويا حركة المخنوك من ما يلكه لي يكله عله سالفته انتهت واخر قرار تسمعه من تروح الجان بكلبي الك من الجذر شلته ولو بس هاي احمد ربك عله الصار شكو شارع يودي البيتك كرهته ادعولي بالتوفيق
فديتكم ❤ ما تشبع من الشعر العراقي
😔💔الله اجت بوكتها والله
حرفيا هاي القصيدة صارت وياي
يكلك اني كاتبتها😢😢😢😢
الله على شعرك
ابدااع
اللة على أحساسك ابو الاكبر
اي والله الخيبة صعبة
شنو هاي ابو الاكبر شسويت بينه
💔
مخنوك ونسيمك من اجه بوقته
واخيرا ضحكت الدنيا وصرت لي انته
وشعور المنسجن وانفك بوجهه الباب
حرفيا نفس هذا الوضع عشته
جنت حاسب حسابي شما يطول الصوم
كفيل المغرب ب انهاء سالفته
وقبلك رادو يجبروني جابو ثوب
وما نكره حلو بس اني ما ردته
انه الثوب الالبسه من اختياري يكون
انه المو صيدي مو ما كلته ما شفته
وبدت قصتنه من شفتك تشيل الهم وبديت اهتم
وبديت اتعلق واحلم
والكبلك ما يعرف الغزل
ابشرك جاي يتعلم
وتكبر فرحتي ياخي واقضي الوقت مصدوم
واقرص روحي خاف أحلم
ومن حقي انصدم ما عشت بالفردوس
بس اصبرلي اتاقلم
وكتلك عالحمل بيه عله شيله وياك
بس ما بيه اتندم
ومشينه وبالبداية الدرب يا لذته
وكلت جازاني الله اعلى الكبل شفته
وبده التغيير يكبر يوم يتبع يوم
وبده الاهمال ما تنفهم سالفته
شايف غيري يمكن ملني كل شي يجوز
بهيج افكار ليل اليمر خلصته
ويمكن كايليلك او دريت أنته
البلكوه جبروته يترك التدخين
باخر مشكله وياك رجعته
وشسولف ع الكلب ما تنحمل علته
الوصيتك عليه لا ينلجم داري
رجعته الي مو لاجمه كسرته
دور اليوجعك والماله نيه يطيب
تلكا من بشر ع دنيا فضلته
من فرق التعامل بين المضموم
الخافي كلبك افعالك مطلعته
ادز مرسال الك يومين ما تقراه
وادورلك عذر مشغول ما شفته
واني تعودت كل ما تدز مرسال
قبل لا ينقري بسته
ياخي كون مقصر استاهل الصار وياي
شغله من العمر واطيته لي ردته
سمعت كايل عليه يرد من يشتاك
صح هذا الحجي لكن عبر وقته
بيت احلامنا البانينا اني وياك هدمته
وشكو مرسال الك مضموم بالكنتور
بليل البارحة حركته
وخاف صورك تهزني واجي مشتاك
ابشرك كل شي يلوي ذراعي شككته
الينبض جان الك وحدك موته
اليعتبرك دوه لمن تجرحه الناس
هسه انكلبت وصار الوجع انته
ذاك اليزعل وبشلونك تنسي
الحاول يبتعد واغنية رجعته
ابشرك صار قاسي وانته غيرته
وعلى كل يوم جان وياك ندمته
واصل مرحلة من ضمادك ياذيك
متحسف على عمرك الضيعته
رايد تبجي لكن مستحي من الشيب
احساس الوحده جربته
مدورلك علاج وماكو بس الموت
المستقتل عليه متندم عرفته
عشتهن كلهن ويا حركة المخنوك
من ما يلكه لي يكله عله سالفته
انتهت واخر قرار تسمعه من تروح
الجان بكلبي الك من الجذر شلته
ولو بس هاي احمد ربك عله الصار
شكو شارع يودي البيتك كرهته
ادعولي بالتوفيق