HELBEST, Dilbêzarê Bêkes. DILÊ MIN Xwendin, Dilbirîn Jêhat.

Dilbêzarê Bêkes - Dilê Min
Dilê min Gola Wanê ye
Qerewilê vê xanê ye
Dil li nav kul û janê ye
Tu xerîb î lo dilê min
Dilê min dilek xerîb e
Bê miraz û bê nesîb e
Birîndar e bê tebîb e
Tu evîndar î dilê min
Dil dilekî evîndar e
Lê dil bê dost û bê yar e
Lewma bin destê neyar e
Tu qeherkêş î dilê min
Dil dilekî qeherkêş e
Her dem nav kulan û êş e
Dil kul û derdan dikêşe
Tu delal î lo dilê min
Dilê min dilek delal e
Li vê dinê bê heval e
Ji bê kekesiyê dinale
Tu reben î lo dilê min
Dilê min dilek reben e
Zarok hêj piçûk, gede ne
Birîndar in cengzede ne
Tu ne hêja yî dilê min
Dilê min dilek hêja ye
Ji van derdan pir pija ye
Kelijiye tev rijaye
Tu birîndar î dilê min
Dilê min dilek birîn e
Welat ji bo min pir şîrîn e
Karê min şîn û girîn e
Tu nezanî lo dilê min
Dilê min dilek nezane
Bê guhdariya we`zane
Mixabin em tev razane
Tu bê awazî dilê min
Dil bê awaz û bê qêr e
We`zan dide lê bê xêr e
Wan birçiyan nake têr e
Tu belengaz î dilê min
Dil dilekî belengaz e
Beriya min li evraz e
Dijmin li pê min dibaze
Tu nazik î lo dilê min
Dilê min dilek nazike
Ji min dûr e ne nêzik e
Nizane zimanê zik e
Tu rehber î lo dilê min

[@Kurdizm_]

❤❤❤

[@dilbirinjehat]

🌹♥️🍀💚

[@avitxer_oremar]

👏👏👏❤️🥰🥰🥰

[@dilbirinjehat]

🥰♥️🌹

[@Helbestkar.]

Dengê te sax be mamoste

[@dilbirinjehat]

spas dikim, tû her hebî çavê min 🌹♥️

[@Helbestkar.]

@@dilbirinjehat 🌹🥀🌹

[@dilbirinjehat]

@@Helbestkar. ♥️🌹💚🍀