مطلق : سلام الله على المهرجان ومن حضر فيه وانا شاعر وابى الشعر واحضر مهرجانه حصل لي فالحشا جرح مدري وش يداويه وبعض الناس عنده من الدنيا حصانه شليويح : هلا يا مرحبا بالعميل الله يحييه عميل نفهم اللي يقوله من لسانه عسى ربي يشاف المريض اللي تداويه وانا طيب ولا شفت ضيقه من زماني مطلق : شليويح المطيري عسى ربي يكافيه كبير وشاب راسه ولا كب اللعانه انا جيته مسير ولقاني علابيه ولا حتى تحرك شويه عن مكانه شليويح : بلايَه من عميلٍ يكثّر لي دعاويه وباق اللي نحطه بصندوق الامانه ليا جانا سواتك نبى والله نقهويه على فنجال مره وحاني زعفرانه مطلق : انا ماني بساطي على الفارس واربّيه ولا يضحك علينا ولا يصهل حصانه ليا مديت كفك علينا لا تحنّيه ترى الحنا ليا بان في كفك مهانه شليويح : بعيرٍ سَرّحه صاحبي فوقه نِضويّه يحطّ الكُورِ وَالاّ يبى يكرب بطانه انا كفي على الطايله دايم مضريه ولا دقيت ابه في سلوكك يا الكمانه مطلق : يموت الزّرع من بعد ما ماتت سوانيه لو اِنّ الزّرع زرعك ولا شاني بشانه نبى قافٍ جديدٍ على الحَضره تغنّيه ولا نبغى علينا تِعِيدَ الاسطوانه شليويح : سِقيت الزّرعِ والله من الهَمّالِ يسقِيه واخوك اللّي تعَرفه نِصِيحٍ مع خوانه اثر مطلق رياضي وهذا اللي محليه يلين اِمعَ المعاني سوات الخيزرانه مطلق : مَلَينا الدّلوِ لكَنّ قطّعتوا عَراويه وشيخ القوم لقّانيَ الرّمحِ بسنانه انا ازعّل شليويح بالطّاروق وارضِيه وانا لو ضِقت ما لي مع الشّعّار خانه شليويح : حديثك يا المطوع فهمنا ويش تاليه بعد ما شاب راسك تبى دار الحضانه تعلّمني بموضوع انا ماني بغاويه نصونك يا المعاني بقانون الصيانه
تمنيت انهم تقابلو في المغتره لو محاوره وحده. في حفلات الجامعه اكثر من ٢٠ شاعر. كان مطلق وشليويح يلعبو طاروق واحيان يثنو طاروقين والطاروق نص ساعه ومعاني قويه وبيوتهم قويه
(عميل نفهم اللي يقوله من لسانه) شليويح يلقي مطلق علابيه وهم ربع هذي تغطية المعنى يقصد بها شخصية واللي يشوف شكلهم وهم يغنون يعرف ان السالفة رمي ودائما الربع هذي سوالفهم
مطلق الثبيتي يقول سقيت الزرع من مبعد مددت سوانيه رد شليويح سقيت الزرع والله من الهمال يسقيه قصد مطلق يتكلم عن شعره رد شليويح عليه انت يامطلق شعرك فالقمه ولا يزوده لك. لين اخر الطاروق وهو يحاول يقنع شليويح على عدم الاعتزال لين قال شليويح واخوك إلى إلى تقول يصيحنه خوانه مصمل شليويح على رايه.... وفي كلام كثير بعضه ماأعرفت معناه....
"وانا شاعر وابا الشعر واحضر مهرجانه". < فيها سخرية او تمريره على لشليويح انه مايحضر مهرجانات الشعر. ورد شليويح، "عميل نفهم اللي يقوله من لسانه". واكدها رد مطلق " كبير وشاب راسه ولاكب اللعانه". يازين شعرهم. عسا الله يرحمهم برحمته وجميع موتى المسلمين.
فيه محاورة بين عبد العزيز العازمي وتركي الميزاني كانت معي مسجله بالتلفون ضاع التلفون اتمنى انك تتكرم وتنزلها محاوره حلوه جدا كانتا اثنتان يعني مجاورتان في نفس اليوم تركي لابس جاكت اسود وكان وضع الشال كذا مثل التبيتي الله يرحمه
مطلق يقوله انا ماني مثلك احب المهرجانات واحب اضهر فيها وانت عشان الي حصل لك في المغتره تركت اللعب لان ماعندك حصانه مثل احمد الناصر لان طلبو منه يلعب مع ولد احمد الناصر وزعل وسرى ليلتها وهنا جابوه بطلب وكانت اخر مره يلعب فيها
مطلق :
سلام الله على المهرجان ومن حضر فيه
وانا شاعر وابى الشعر واحضر مهرجانه
حصل لي فالحشا جرح مدري وش يداويه
وبعض الناس عنده من الدنيا حصانه
شليويح :
هلا يا مرحبا بالعميل الله يحييه
عميل نفهم اللي يقوله من لسانه
عسى ربي يشاف المريض اللي تداويه
وانا طيب ولا شفت ضيقه من زماني
مطلق :
شليويح المطيري عسى ربي يكافيه
كبير وشاب راسه ولا كب اللعانه
انا جيته مسير ولقاني علابيه
ولا حتى تحرك شويه عن مكانه
شليويح :
بلايَه من عميلٍ يكثّر لي دعاويه
وباق اللي نحطه بصندوق الامانه
ليا جانا سواتك نبى والله نقهويه
على فنجال مره وحاني زعفرانه
مطلق :
انا ماني بساطي على الفارس واربّيه
ولا يضحك علينا ولا يصهل حصانه
ليا مديت كفك علينا لا تحنّيه
ترى الحنا ليا بان في كفك مهانه
شليويح :
بعيرٍ سَرّحه صاحبي فوقه نِضويّه
يحطّ الكُورِ وَالاّ يبى يكرب بطانه
انا كفي على الطايله دايم مضريه
ولا دقيت ابه في سلوكك يا الكمانه
مطلق :
يموت الزّرع من بعد ما ماتت سوانيه
لو اِنّ الزّرع زرعك ولا شاني بشانه
نبى قافٍ جديدٍ على الحَضره تغنّيه
ولا نبغى علينا تِعِيدَ الاسطوانه
شليويح :
سِقيت الزّرعِ والله من الهَمّالِ يسقِيه
واخوك اللّي تعَرفه نِصِيحٍ مع خوانه
اثر مطلق رياضي وهذا اللي محليه
يلين اِمعَ المعاني سوات الخيزرانه
مطلق :
مَلَينا الدّلوِ لكَنّ قطّعتوا عَراويه
وشيخ القوم لقّانيَ الرّمحِ بسنانه
انا ازعّل شليويح بالطّاروق وارضِيه
وانا لو ضِقت ما لي مع الشّعّار خانه
شليويح :
حديثك يا المطوع فهمنا ويش تاليه
بعد ما شاب راسك تبى دار الحضانه
تعلّمني بموضوع انا ماني بغاويه
نصونك يا المعاني بقانون الصيانه
طيب هذا البيت ولاشفت ضيقه من زماني غلط القافيه على انه ولاهي على اني
@@مطلقالعتيبي-م7ل
ماشاف ضيقه من زمانه
@@مطلقالعتيبي-م7ل مدري ليه القافيتين ذي يلخبطون بينها دايم
@@user-zs8vv2vh7lانت حساب محذوف والراي محذوف
@@مطلقالعتيبي-م7ل
سج شليويح
شليويح حضوره يطرب الشاعر الحقيقي ويطرب اهل الشعر واكثر من يفرح لحضوره مطلق الله يرحمهم ويغفر لهم ،،
@@ناشيالعتيبي-د7م
ومن قالك هالكلام؟؟
@@ناشيالعتيبي-د7م والله سالفتك ماقد سمعناها لكن قريناها وانت مصدرها ، الله يرحمهم ويرحمنا برحمته ويغفر لك كذبك ياعتيبي
@@ناشيالعتيبي-د7م والله مادري عنك ياللي منت ورع ، سالفتك ما ذكرها لا مطيري ولا عتيبي
@@sauodalotaibi9829 الشعراء العمالقه استاذهم الاول شليويح
كانوا يذهبون الي الكويت ليتعلموا
منه الابداع ودفنالمعني وكان هذا
فالبدايات والثمانينات
غفر الله للشاعر الكبير مطلق الثبيتي والشاعر الكبير شليويح المطيري واسكنهم جنات النعيم وجميع موتانا وموتى المسلمين من أهل السنة والجماعة .
رحمة الله علي مطلق وشليويح رحمة واسعه
مافيه اعلا من ابداعهم اي ابداع
لفت انتباهي اللي يكتب الأبيات بخط اليد ، مثل هالمواجهة تستحق النشر في وقتها . الشعر الحقيقي .
كل واحد يترحم على اللي من قبيلته لا حول ولا قوة إلا بالله تراهم مثلنا كلهم بشر الله يرحمهم جميع
مارأيت خوة وحب على وضح النقا شعار كثر مطلق الثبيتي وشليويح الشلاحي رحمهم الله تعالى ورحم الله أصحابهم واموات المسلمين
الله يرحمهم ابوي و مطلق الثبيتي عمالقة الشعر
انت ولد شليويح فيكم شاعر ولا لا
الله يرحمهم جميع واسكنهم جناته
مطلق الثبيتي
شليويح بن شلاح
صياف بن عواد
احمد الناصر
شعراء لم تلد الأيام مثلهم
الجبرتي والمسعودي حكام الشعر
ابن مربح امبراطورالشعر
شعراء اقوياء ومدارس شعر رحمة الله عليهم ورحم ابوي واموات المسلمين
الله يرحمهم ويسكنهم الجنة هؤلاء هم عمالقة العصر الذهبي لفن القلطة مع باقي زملاؤهم رحمهم الله جميعا
شكرا لك على هذه المحاورة الممتعة جدا
الله يرحمهم والله من زين اللعب وطيب القلوب
تسلم على المحاورة النادرة هذه
رائعة
الف شكر للقناه
استمر الله يرضى عليك
الله يرحمهم ويغفر لهم
رحمهما الله واسكنهما فسيح جناته
هم الآن بحاجة لدعائكم لا لمدحكم
أحسنت اخوي الله يجزاااك الجنة نسأل الله أن يغفر لهم ويدخلهم في رحمته وأبي وجميع موتى المسلمين والمسلمات
الكلام مايوفيك حقك يا فن القلطه وعفاك
راحم وباقي مجدهم مثل ماكان 🌹
الظاهر آخر محاورات شليويح الله يرحمه ويرحم مطلق
صبحكم الله بالخير سلمت يابوخالد
كفو وبيض الله وجهك يا لمير
الله يرحمهم شعار كبار.. الجنادرية واضح انها مثلها مثل حفلات الرياض الان صياح ولخبطه ولا تثمر بخدمه للموروث مافيه مثل المغتره هي والله الي خدمت الشعر
هاذي صفوف نجد كذا لابد الهبال فيهم من زمان..
@@احمدالحربي-ز9ه صدقت لاحظت هذا الشيء حتى في محاورت الجامعة
*الصفوف شيء ثاني* 👍
الصفوف منسجمه مع مطلق واذانيهم صاغيه له وش يقول ويرددون معه بطريقه تفوق الخيال
الله الله يا مطلق وشليويح ثنائي في اعلى قمة المحاوره
الله يرحمهم
صح السانك
تمنيت انهم تقابلو في المغتره لو محاوره وحده. في حفلات الجامعه اكثر من ٢٠ شاعر. كان مطلق وشليويح يلعبو طاروق واحيان يثنو طاروقين والطاروق نص ساعه ومعاني قويه وبيوتهم قويه
هو المعنى على المغتره يوم سرى زعلان
انا جيته مسير ولقاني علابيه
ولا حتى تحرك عليه من مكانه
الله يرحمك يامطلق
ليا جانا سواتك نبى والله نقهويه
على فنجال مره وحاني زعفرانه
الله يرحم شليويح ومطلق وكل مسلم
(عميل نفهم اللي يقوله من لسانه) شليويح يلقي مطلق علابيه وهم ربع
هذي تغطية المعنى يقصد بها شخصية
واللي يشوف شكلهم وهم يغنون يعرف ان السالفة رمي ودائما الربع هذي سوالفهم
يازين اسمك يااحمد الناصر الله يرحمكم جميع
ذي اخر محاوره لشليويح الله يرحمه ولا
اظن هي اللي يقول طلبوني وانا طرقي في الرياض
هاذي آخر محاورة بينهم
قبل اعتزال شليويح
وربما المعنى حول اعتزال شليويح
الله يرحمهم عمالقه
شكرا يا فن القلطه لكن الفيديو غير كامل ياليت التكمله
مطلق الثبيتي يقول سقيت الزرع من مبعد مددت سوانيه رد شليويح سقيت الزرع والله من الهمال يسقيه
قصد مطلق يتكلم عن شعره رد شليويح عليه انت يامطلق شعرك فالقمه ولا يزوده لك. لين اخر الطاروق وهو يحاول يقنع شليويح على عدم الاعتزال لين قال شليويح واخوك إلى إلى تقول يصيحنه خوانه مصمل شليويح على رايه.... وفي كلام كثير بعضه ماأعرفت معناه....
الأمل بالله ثم سفر ووصل العطياني وفالح الغنامي والسعيدي
@@mm111x الاعمال بالنيات وقصدي الامل بالله وثم في هولا
اااايه ياحزم الظامي
اختيارك يدل ع ذائقتك الرفيعه 🤙🏻
فالح ههههههههههههههههههههههههههههههههههههههههههههههههههههههههههههههههه
"وانا شاعر وابا الشعر واحضر مهرجانه". < فيها سخرية او تمريره على لشليويح انه مايحضر مهرجانات الشعر. ورد شليويح، "عميل نفهم اللي يقوله من لسانه". واكدها رد مطلق " كبير وشاب راسه ولاكب اللعانه". يازين شعرهم. عسا الله يرحمهم برحمته وجميع موتى المسلمين.
هذا اخر طاروق جمعهم ؟
اسماء كبيره في شعر المحاوره
دكتور المحاورة مطلق الثبيتي
فيه محاورة بين عبد العزيز العازمي وتركي الميزاني كانت معي مسجله بالتلفون ضاع التلفون اتمنى انك تتكرم وتنزلها محاوره حلوه جدا كانتا اثنتان يعني مجاورتان في نفس اليوم تركي لابس جاكت اسود وكان وضع الشال كذا مثل التبيتي الله يرحمه
مجاورتان ولا محاورتان
محاورتان
@@s.t6233 تمام
يارجال انت فاتح مقطع لمطلق ولشليويح
وتعود تطلب تركي وعبدالعزيز ؟
رح دور لك فيديوا ثاني اطلب على كيفك مجاورتان وثلاث مجاورات
*هذي حاضرها*
اثرك مكوبر ، احسب انك صغير 😜😂
هل شليويح لعب غير هالطاروق
@@بدرالمطيري-ك5س
*كنت هاك الحين صغير يا بدر هههه والله ما أذكر زين* ^
*كنا لازمين الارض مع الشيبان واللي يتحرك يمين يسار يا عقوبته عقوبتاه* 😂
@@mt.r
*وأنت عجيب بتعليقك وبروحك العالية* ^
*المسألة هواية وعِشق* ^^
مطلق يقوله انا ماني مثلك احب المهرجانات واحب اضهر فيها وانت عشان الي حصل لك في المغتره تركت اللعب لان ماعندك حصانه مثل احمد الناصر لان طلبو منه يلعب مع ولد احمد الناصر وزعل وسرى ليلتها وهنا جابوه بطلب وكانت اخر مره يلعب فيها
يعني هذي آخر محاوره له في تاريخه ؟
السؤال المطروح ///الثبيتي كيف يسلم والمطيري يرحب ❌❌
اول مره تشوف ضيف يسلم؟
الله يرحمهم ويغفر لهم