شيلة بمناسبة زواج : حسن محمد الصبيحي | كلمات : هلالي منجحي | أداء : فهد العوضي

شيلة بمناسبة زواج الشاب : حسن محمد حسن الصبيحي
كلمات الشاعر : هلالي منجحي الصبيحي
أداء المنشد : فهد العوضي
تصميم : عامر الصبيحي
_________________________
بسم من عونه يعين المستعينا
نبتدي وعلى النبي الصادق لمينا
الصلاة الواجبه
فن ذكر الله طاعه
والنبي راع الشفاعه
خير مبعوث ودينه خير دينا
بعدها يامطيف ضمن كل قاله
لاتقصر ودنا كسب الجماله
عند من يزها بها
واخبرك في كل ميقافن بجنبي
وان دعيتك ماتعذرت وتلبي
ماتجيب الا جزل
فانظم انظم من جزيلات المباني
لاتعذر فالخوي اللي نصاني
واجب انك تجمله
والعذر مانقبله
كل من يدعى بقطعي عندنا له
قدر وتزيد المخوه والزماله
المقادي والشيم
قدرهم مثل الجبال الشم راسي
واشهد انه من على عيني وراسي
واتشرف وافتخر
يقتدمهم شيخ في كل النوايب
محزمن وان جاب للفزعات جايب
ماقصر ولا انثنا
عشت ياسليمان يامقدام لابه
في زمان السلم واوقات الحرابه
انت تقدم لابتك
وانت تحكم جابتك
باسمك ارحب نيابه بالضيوفي
واسم وافن دائما في الوعد يوفي
نعم يامحمد حسن
ابو احمد من كسب علم الجمايل
عند ربعه خص واعموم القبايل
والوفي يلقى الوفا
في زواج ابنه يرحب بالوفودي
عد سكب الماء وزكام الرعودي
والبروق اللامعه
من معينه شهر سابرها يهلي
والحزن بقدومكم عنا يولي
ثم يكتمل الفرح
ياضيوفن شرفونا فالمقادم
يامحازم لابدا وقت المحازم
والمواقف شاهده
مرحبا واهلا بمن منا وفينا
من قبيلتنا عموم مشرفينا
ارحبو يابني صبيح
يادروعي لابدا وقت المخاطر
واهل فزعه يطرب لها كل خاطر
من زمان قد مضى
والصبيحي له مع الامجاد سيره
والسلاح اللي معه واغلا ذخيره
الشيم والمرجله
والف حيا الله ناجح والهلالي
يارجال أهل الوفا والقدر عالي
والغلا فقلوبنا
وأيضا الترحيب ينصى رجل غالي
رجل مطلق من مطاليق الرجالي
الخوي المحترم
ماصل الدكتور ابو طالب شرفنا
بيني وبينه قصور الطيب تبنا
ساسها ساسن ضمين
من قديمات السنين
فالله يديم الفرح طول الزماني
ثمن ابارك وازف اغلا التهاني
في زاوجك ياحسن
فالله يتمم لك بخير وسعاده
بعدها اسمع لك من الشاعر شهاده
فالبيوت الشعريه
والله انك من.رجالن واهل شيمه
فالزمان الحاضر ومده قديمه
ورث من جدانكم
والولد ياخذ طباعه من جدوده
جدك احمد ذا ظهر طيبه وجوده
فالمواقف كلها
والنسب ناسبت أبوخالد محمد
هذا من فضل الولي فاشكر وحمد
يوم ربي كرمك
واهبك من أهل المراجل والطلاقه
سعد من داعي امقطع له رفاقه
ماشكى ضيم الزمن
فاطرب اطرب ياحسن
خولتك فزعتك في كل الطالع
نعم يامحمد ويافايع وطالع
ثم عامر والنعم
واخوتك من قدرو معنى الاخوه
كسبو اعلوم الوفا وأيضا المروه
واسمع القول الوجيز
احمد وعبدالعزيز
هم حزامك هم حزامك
كان وان الدهر ضامك
نبهم وابشر بهم
وان زهم عبدالرحيم ابشر بفزعه
والوفي سلمان علم الطيب طبعه
ثم بن عمك حمد
مايقصر فاللوازم لانصيته
وان زهمته ساعة الشده لقيته
محزمن فالنايبه
والختام الله يمسيكم بنورا
والله ايحيي الضيوف اللي حضورا
شرفونا بالحضور
ثم زاد النور نور
بعضهم من فايت ادياره تعنا
واشهد ان له خالص التقدير منا
والغلا ماينحصر
والنهايه نختصر
واطلب الله ان يديم امن البلادي
وان يعم برحمته كل العبادي
فنه الفرد المجيب
مني الدعوه وعنده لستجابه