Göldrótta Ninjan frá Skipholti vs. Senior Matta

Til minningar um góðan vin og skapandi snilling Róbert Örn Hjálmtýsson. Við brölluðum ýmislegt saman en þetta myndband sem ég var að grafa upp af gömlu VHS var inngangur og útgangur fyrir skólasjónvarpsþáttinn LÁKA í eitt skiptið. Sýnt í upphafi og enda þáttar.
Við brölluðum ýmislegt - og þá alltaf eins og þarna geislaði Róbert af einhverjum geggjuðum sköpunarkrafti. Og þegar hann og John voru saman varð til einhver geggjaður balance og var mjög gaman að grínast og gera myndbönd.
Ég man að þegar við gerðum þetta þá vorum við með einhverja svona grunn hugmynd, við vissum hvar við ætluðum að byrja og enda en svo var atburðarrásin og skotin spunnin upp nokkurnveginn jafnóðum og við skutum þetta í Undirheimum. Okkur fannst við mjög fyndnir og skemmtilegir enda var gaman. Það liðu eflaust ekki mikið meira en 2-3klkst frá því að við fengum hugmyndina og vorum að horfa á klipp.
Við gerðum margt annað saman og það var alltaf gaman. Ég var heppinn að þekkja Róbert og það var alltaf gaman í kringum hann. Hann hafði hugmyndir sem voru oft óvenjulegar og þó maður hristi stundum hausinn var alltaf gaman að tala við hann um það sem honum datt í hug því hugmyndirnar voru áhugaverðar. Svo var alltaf gaman að hlusta á tónlistina hans og spekúlera í skemmtilegum textum. Hann sá ekki hlutina eins og flestir og fór létt með að draga fram bros.
Blessuð sé minning þín elsku vinur.