Prime lezion dal Cors teoric e pratic de lenghe furlane di Fausto Zof: la fonologjie

Il “Cors teoric e pratic de lenghe furlane” di Fausto Zof al è inmaneât par judâ ducj chei che a bramin di cjapâ cussience dal fevelâ e scrivi te proprie lenghe. Cheste iniziative, promovude dal setemanâl “la Vite Catoliche”, cul contribût di Provincie di Udin e Unicredit, si propon di dâ i elements necessaris tai cjamps de fonologjie, ortoepie, ortografie, morfologjie e sintassi par podê lei e scrivi par furlan.
Cui che al à voie di imparâ la lenghe o di perfezionânt la cognossince al podarà fâlu in gracie di cheste gnove iniziative editoriâl, che e ven fûr in fassicui su “la Vite Catoliche” e in formât video su TH-cam.
Fausto Zof al insegne lenghe e culture furlanis tai cors inmaneâts de Societât filologjiche furlane. Al ten conferencis su la storie dal Friûl. Al à publicât «Lenghe furlane - elements di fonologjie e grafie» (editôr Leonardo, 2001), «La nestre lenghe» (par cure de Filologjiche, 2004) e «Gramatiche de lenghe furlane» (editôr Leonardo, 2008).

[@dottedu]

Grazie! Dall'Argentina lontana

[@lorisdi7760]

Grazie dal Belgio

[@MC-bienvu]

Grazie di Paridji

[@MrGMS1221]

A scuele no lu insegnin parcé cuant che il guviern ha cjapât in man la leç regjional dal '99 al à dît ch'al jere "discriminatori" par i insegnants meridionâls... soi cence peraulis...

[@lucianamontagna6207]

❤

[@luigipiccini805]

o ai cjalat il video de prime lezion,ma lu ai cjatat un tic intrigos...no sai cemut che lu cjataran i frutas des scuelis...magari ur plasarò di plui là a zuà di balon