Die CrowBros - So kauns jo ned weitergehn (Bob Dylan - Changing Of The Guard) PARODIE

01. So kauns jo ned weitergehn
(Bob Dylan - Changing Of The Guard)
Wos is los?
Jo wos is, nur mit die Leit los.
Des is neama normal.
Oda sog, wie siechst du des?
Richtig provokant,
und egoistisch, so richtig egoistisch.
I glaub wenn des echt so weiter geht
daun steht di wöd neama laung.
Doch wos is do passiert
warum hod sie ois so verändert.
Egal ob jung ob oid.
So vü deppn und es wean imma mehr.
Es wär echt Zeit,
dass ma olle uns zaumreissn
Und jetzt kumma ned mit Corona.
Weil des alla, kau ned da Grund gwesn sei
INSTRUMENTAL
Wir lem in ana Zeit.
Wo Rücksicht ka Bedeitung hod.
A jeda von sich glaubt,
dass er da Mittlpunkt da Wöd is.
Do gehn maunche Leit.
Maunche gehn afoch über leichn.
Verletzn den aundan und scheissn auf ois.
Nur damit se daun guad do stehn.
Wenn daun Karma kummt,
daun wuins aunfaungan zu wanan.
Nur daun isas zspät.
Und daun schauns mit große Augen.
Drumm kummts und denkts noch
Bevors a schas drahst und es bereihts.
Jeda von uns hod a Hirn.
Und an Verstand, drumm schoidsn ei.
INSTRUMENTAL
Schau ins Internet,
a jeda glaubt sei Meinung is wichtig.
Und gibt sein Senf dazua.
Und mocht den jenigen fertig.
Wos glaubts ihr wos ihr sads.
Koids eichan Scheiss und hoids die Pappn.
Kana is drauf schoaf,
dassa sich den Dreck von eich gibt.
Mocht eich des leicht geil?
Oder wie nennt man des Hobby?
Leit am Oasch gehn.
Heads afoch auf und ois is guad.
Und reds ned imma mit.
Wos eich an Scheissdreck augeht.
Keats amoi vor eichara Tia
Weil jeda hod sei Packl zum drogn
INSTRUMENTAL
Und sads ehrlich zu eich,
verkafts di aundan ned für dumm und deppat.
Weil die Woaheit kummt ans Licht.
Und des nimmt daun ka guades End.
Bei da Liebe isas gleich.
Kana wü sich mehr richtig binden.
Da Bodycount der steigt.
Drumm san vülle so verstört.
Bissl fickn, ka Problem.
Gefühle damma daun hoid vorteischn.
Hauptsoch ma hods gschofft,
den aundan zu veroaschn.
Wo kumma den do hi
des is jo ka Benehman
Owa von aussn duans auf unschuldig
Sads ma ned bes, des is wirkli oam
INSTRUMENTAL
Ned jeda is a Freind
vülle trogn sehr laung a Maskn
Und mochn da wos vor
drumm muas ma do a vorsichtig sei.
Kana is perfekt,
und a jeda mocht hoid Fehler.
Owa draus lernen, wü ned a jeda
heasd, so kauns jo ned weidageh.

[@danielaputz1893]

🎉🎉🎉