يحلالي الونين/ملا ام سجاد العزيباويه/قصيدة للام/تصميمي

قصيده للإم
خيعونه اليطب للبيت
وام البيت يلگاها
***
يحلالي الونين اليوم يحلالي
امي الحملت والبيت ضل خالي
نارچ يا ام هلا تسعر بدلالي
وجهج ضاع يمه وين اشوفنه
***
اطب للبيت والگه البيت خوان
گلبي على فراگچ حيل خلصان
ولو بيدي تبعتچ وين ما چان
ومنچ يالحبيبه انگطت الضنه
***
بنتچ يالحنينه اليوم حزنانه
راحت گعدتچ يالوالده ويانه
عشرتنا انتهت واليوم خلوانه
ضعنچ شال يمه وأيست منه
***
عليچ اليوم اون والعين مدميه
يمه لفرگتچ تدرين ما بيه
اليوم فراگنا وهاي الوداعيه
حزنانه وتون يا دار اهلنا