As Venecia, as Paris! Spektatorja i thotë “po” propozimit për martesë në skenën e “Këngës Magjike!”

#arditgjebrea #kengamagjike #musicistheanswer
#kengamagjike2024 #music #festival #albanianmusic #muzikshqip #award
Në një hapësirë të natës së parë gjysmëfinale të “Këngës Magjike” në Tv Klan, moderatori Ardit Gjebrea kërkoi një vajzë nga publiku për të bërë reklamën e një produkti. E ndërsa bashkëprezantuesja Matilda Mcini pikasi Klean dhe më pas e mori jashtë sallës, Gjebrea shpjegoi se e vërteta qëndron ndryshe.
Klea shoqërohet nga i dashuri, Adi i cili jeton në Gjermani. Nëna e tij u nda nga jeta kur ai ishte 21 vjeç dhe ishte e sigurt që i biri do të gjente dashurinë e jetës.
Ardit Gjebrea: Nuk e zgjodhëm rastësisht atë vajzë. Ajo kujtoi se më duhet për publicitet, por jo. Po e ul zërin se nuk dua që të më dëgjohet andej ndërkohë që po e hutojmë. Sonte do të ketë një surprizë për të, eja Adi, eja.. Ajo shoqërohet nga i dashuri i saj dhe ky djalosh simpatik që po vjen është nga Pogradeci dhe jeton në Gjermani. Kur ishte 21 vjeç, për fat të keq mamaja e tij preket nga një sëmundje e keqe dhe ndahet nga jeta. Ai nuk qëndronte dot në shtëpi, i dukej bosh, e përjetoi shumë keq dhe pas 6 muajsh ikën në Gjermani. Mami i thoshte gjithmonë, “ty s’ta kam merakun, nuk kemi nevojë ta gjejmë ne nusen sepse ti e gjen ti se je i shkathët” apo jo?
Një nga asistentët vjen për të mikrofonuar Adin, por ai s’mund të flasë që të mos dëgjohet nga Klea. Gjebrea ndërkohë vijon rrëfimin e historisë së tij.
Një ditë vere në plazh, buzëqeshja e një vajze i mori mendjen. Me disa manovra, ata u njohën dhe sot kanë 3 vite.
Ardit Gjebrea: Kur vinte në Shqipëri nuk e kishte mendjen për t’u fejuar por thjesht për pushime, kur të jetë momenti i lidhjes do të vijë vetë. Në fakt, momenti erdhi pa e menduar. Ishte në plazh në Pogradec me shokun e tij dhe në shezlongun ngjitur ishin 4 vajza me një djalë të vogël rreth 7-8 vjeç. Adi ngacmonte shokun me shaka “kush të pëlqen nga ato? Vetë kishte vënë syzet e diellit dhe ama, ç’i shikonte! Por hiqej sikur nuk i interesonin, kaluan orë dhe rastësisht u pa në sy me njërën nga vajzat, shkëmbeu një buzëqeshje me të dhe në fragment sekondi tha me vete “çfarë buzëqeshjeje, sa e ëmbël, si t’ia gjej unë anën kësaj? E kërkoi te miqtë e lokalit ku ishin në Facebook, por nuk e gjeti. Bëri një ‘story’ në Instagram dhe bëri ‘tag’ lokalin. Lokali e kishte ripostuar ‘story’-n e tij, vajzat e kishin parë këtë ‘story’ dhe siç Klea të tregon më vonë, ajo i kishte thëë një shoqeje “sa i mirë ky kaçurrelsi, paska edhe trup të bukur”. Për 4-5 ditë rresht kaçurrelsi shkonte çdo ditë te plazhi që të gjente atë, por nuk e gjente. Pas dy javësh ajo i bën ftesë nga profili i vëllait të vogël, u bë pishman dhe e hoqi menjëherë. Mjeshtri e kapi sepse njohu vëllain që atë ditë e kishte me vete. I shkroi menjëherë “oh sa të kam kërkuar” dhe kështu filloi komunikimi. Takimi i parë erdhi pas disa ditësh, por të nesërmen duhet të ikte në Gjermani. I kishte rënë në kokë, e vërtetë?
Adi pohon me kokë.
Ardit Gjebrea: Trupi në Gjermani, zemra në Pogradec. Po ajo të donte mo?
Adi bën me shenjë.
Ardit Gjebrea: Ti vetëm mos fol, bëj me shenja. Gjërat po bëheshin më serioze dhe ajo thoshte “unë nuk dua një djalë për të kaluar kohën”.
Klea ka kohë që pret propozimin në Venecia a Paris, por jo, ai u realizua pikërisht në skenën e “Këngës Magjike” në Pallatin e Koncerteve!
Ardit Gjebrea: Ti për të kaluar kohën e doje? Sa do të doja të flisje tani se s’po kuptoj, është po apo jo? Prej sa vitesh jeni bashkë? 3 vite. Kemi një problem. Kaçurrelsi jeton në Gjermani dhe ajo në Tiranë. Është pak xheloze, Adi apo jo? i thotë “kur do ma japësh unazën? Ku do ma japësh? Në Paris, në Venecia?” E do në Venecia apo s’e do? Ça. Parisin e do? Vdes për Parisin. Nëse ju kujtohet, para pak javësh unë publikova një status në Instagram-in tim ku shkruaja nëse do të ndodhë një propozim me unazë, më shkruani se dua që të jem prezent dhe e dini kush më shkruanin? Zonjat e martuara. Dhe më shkruanin “ah, ta shihja njëherë burrin tim në gjunjë dhe të vdisja!” Mes shumë që më shkruanin, ishte edhe Adi dhe ja ku jemi sot!
Adi ‘u zhduk’ në prapaskenë, ndërsa Klea u ngjit në skenë me Matilda Mcinin për ‘të prezantuar’, Adi u gjend pas saj, i gjunjëzuar dhe me unazën në dorë. E kapur në befasi, Klea shpërthen në lot gëzimi ndërsa përgjigjja s’mund të ishte ndryshe veçse “po!”
SUBSCRIBE to “RTV KLAN” on TH-cam for more videos!
Për më shumë informacione vizitoni faqen tonë web tvklan.al/
Videot e fundit nga Tv Klan i gjeni në faqen tvklan.al/video/
Follow Tvklan on Facebook: / tvklan
Follow Tvklan on Instagram: / rtvklan
Programet e Tvklan mund t’i ndiqni edhe në faqen tvklan.al/prog...