رائعة عريان السيد خلف - هلي (الموت من يحصد الوادم باكة باكة)

هلي
على واهسكم خبطنة الماي الازرك
طاليبن بدين واعرض دينة
وعلى واهسكم لكينة الكصبة كعبة
نزور حدها ولو سفاهة بعينة
وعلى واهسكم عرفنا الموت الاول
واستحة وعينة نثنت من عينة
وجان ليل الخوف لفحة ريح شتوة
ولو شبكنة الكاع يعرك ليلنة
وجانت الضحكة جوالي
تناثرت ضحكة بحوافر خيلنة
وعلى ريحتكم تلكتنة الشواطي
بفرح نفية وطحنة كلمنة اثنينة
كلمة بيها الماي ذبل كل زراكة
كلمة بيها العين غبش كل فرحها
وخضرت طاكات بخدود الرفاكة
وباكة باكة
الموت من يحصد الوادم باكة باكة
وباكة باكة
الصوت من يصحة على ظالم باكة باكة
هلي وبتنة كلوبنا ولاية وسوالفنة ضفيرة
وشوكنا الدهلة ومحبتنة وخبزنا ضنونة
وخطارنا تراب الجزيرة
وديرة ديرة
الفيض من يمحي المعالم ديرة ديرة
وديرة ديرة
الموت من يشرب الوادم ديرة ديرة
وصبحت ياهلي على جفون الخواطر غاليات
وطيفكم مهو طيفكم عاود على عيوني حنينة
وجرعت روحي لاجلكم حنظل الوحشة
ولكيت الروح بالصفنات امينة
وذاك من ذاك الي لكة النجمة العزيزة
بلا سما ودكلها عينة
وذاك من ذاك الي يحط كلبة على جفة
ويغسل باخر نزف وجه المدينة
وبينة بينة
شما تعب لف المغازل بينة بينة
وبينة وبينة
شما ثكل صوت الهلاهل بينة بينة
ومرت الوحشة على جفوفي
خرز سبحة وتعب روجة بلم
وسالفة وضحكة بدوية تموت باطراف الندم
ومرت الظلمة تغش الشوف الابيض
والطواري شما هوت هام البخت توكف علم
وجان جفي يلاعب النسمة وذر الكذلة عشب
وجان كلبي يريد يكبر اكبر من اسمة من ذاته ويكره ويشكة ويحب
وجنت اسميكم الذمة ولسة اشيلنكم وصية بغير حد ماتنكتب
عفية نهران شكثر خدرانة ملهة ومايها الراكد عذب
هلي وسيرتو عليه بوحشتني حجاية بريد وبيت نايل
بيت نايل مثل المصوب الي اهلة مايدارونة
كلما يطيب الجرح عمدا يلجمونة
بيت نايل واشتهيتوني اكتبلكم عن وفة البردي
وحنين الماي ودموع السنابل
وعن العيون الي تلم الليل دمعة
وتشتعل وكت الوفة شموع ومشاعل
وعن الكلوب الي تموت بلاية اسم وبلا براية
وعن شمس طلكت باسمها وعسرت باول قضية
وغربتي وصوت النواعي يلوحني ويلتم بدية
الصوت بيه ريحة عيوني وبيه وهلي وحشة مسية
هلي يامن ضيعوني وكحة النفس ماتفعل تلين
منبت حزن ومخالف سنين
الليل لوسد الروازين
شمسين حمرة يخضر الطين
وهية وهية
العين من تكضي السوالف هية هية
وهية هية
الكاع من تجفي وتوالف هية هية
وليلة حظنتنة بتعبنة بخوفنة بيوت العشيرة
وجان اول بيت ضحكة
وجان ثالث بيت رجفة
وجان سابع بيت عين
وجان دحان المواكد كلمة مروة وهلة ونغطة جنين
وصوغتنا عيونهم طابك دنان ولبن شجوة وكلمة مكطوعة نفس طول السنين
وعين عين
شدت تالي الطوارف
عين عين
وعين عين
بلهفة تنشد على السوالف
عين عين
وعين لفتنة بحزنها وزوكت وجه الجرح
وعين هزتنة ونختنة يغزر ويانة الملح
وعين سالتنة من اجيتوا ماعثر بيكم صبح
هلي ودعنا الضفاير والضماير والخناجر والدفوا الغطى الجفوف
وجانت الهلهولة خرسة تضيح بالشفة وتطوف
الكاع من يكبر كلبها يشب عشبهة وتوصل حجاياتها لتالي الجروف
هلي وشرعني هواكم باب للخطوة الغريبة
وخايرتني عيونكم ذل لو قتل
وانا والموت التحمنا بمايكم ساق وحجل
الروح شاخص والعمر بركة كمر والموت ظل
وية كل لمظة جمر بكلبي رصاصة
وية كل لهبة اصرخ بدمي اشتعل
الدنيا من يشح ضواها الدم بكل حيلة يهل
هلي واخر مكاتيبي كتبتلك على الكاع
ابنكم باعتة الدنيا ولاباع

[@MRNagiii]

بلاد الرافدين فيها شعراء كُثر يجيدون الشعر بكل حذافيره ،سواءاً كان فصيح او شعبي ولكن للحق والإنصاف عريان السيد خلف عليه السلام آخر أئمة الشعراء .. كان خيال الوصف والكلمة . تعازينا من اليمن 🇾🇪

[@nargesraed6596]

عمر سعدون جان يحبهة هواي لهاي القصيدة الف رحمة ع روحك عموري 💔

[@naeemasd2]

منو عمر سعدون ؟

[@sponjbob-lm7wy]

الله علی ذوقچ الجمیل

[@user-xk6mo6wc5z]

ممكن نعرف عموري منو فاتح محرر جرف الصخر لو محرر الفلوجه لو محرر امرلي استحو اشويه واخجلو أكثر من ٣٠ الف شهيد بطل استشهدو ماذكرتوهم

[@rud_y4]

@@user-xk6mo6wc5z وانته ليش ضايج.... الولد ضحه بنفسه علمود تعيش بنعيم.... بس انتم شعب مايستحق تضحيه بقطرة دم

[@nargesraed6596]

@@user-xk6mo6wc5z
عزيزي محد ناكر فضل الشهداء علينه وماكو تفرقه بين كل الشهداء عيب عليك تفرق كلهم نفس المنزله عند الله سوى شهيد ع الساتر او بساحة التحرير
بس شي جدآ محزن من تشوف شي جان يحبه هذا الشهيد 💔

[@user-uk2zc3zf8q]

الف رحمة ونور على روحك الطاهرة يا ابو خلدون العظيم اي نعم عقمت الامة العراقيه ان تلد مثلك ستبقى بذاكرة كل حر عراقي

[@shibashiba8839]

شاعرنا تركتنا بجسد ولكن بأعمالك انت دايما معنا الف رحمه على روحك🙏🏻

[@user-qg8xv4bg9g]

عموري يا عُمري
ادري بيك هواية چنت تحبها
وهواي چنت تردد بيها
ما ناسيتك والله ، الله يرحمك عميّر

[@meteba7819]

😞💔

[@طهناصر-ز8ت]

الله يرحمك يا طيب الگلب و الضحكه الحلوه 💔

[@hadialalak8716]

انت وانت وانت
جمال الجنوب وغيرة اهلنا انت لم تغيرك الايام ولم يكسرك الظلم بل انت كالذهب تزداد بريقا كلما اشتدت عليك الملمات انت الساحر الساهر انت رفيق الليل انت من ترعرت في حضن الام ولم ترضع من القواطي انت من تسكر بخمر الدير حد الضياع لقد غادرتنا بلا وداع كالعود من يذبل بلايا وداع انت من جعلت الحب والكلمة والعهد مقدسا انت شرف الكلمة وصمود الرجال وقيمة الجرح واثر الدم انت وانت وانت

[@samanthadallydally]

{ وصوغتنا عيونهم طابگ دنان ولبن شچوة } يلي مابيفهم حكي أهل جنوب العراق بعمرو ما عرف معنى الحزن والفرح الحقيقي

[@user-ss2nf8gs3b]

شنو معناها

[@user-py3wt3vg8v]

عمرسعدون جاي ابدورت السنةاسمع قصيتك التي احببتهاوهديهاالك الف رحمةعلةروحك

[@user-jt2re4yl2j]

أوف يربي شكد ابجي على هاي القصيده 😢😢 الله يرحمك

[@user-uc2iz9kx9v]

اه

[@user-fy3mg1wy3w]

شاعري العظيم

[@riadhzayny3658]

صيرني شيوعي

[@user-hr9xh9hm8l]

رحمة خليل ابراهيم اي شاعر ومعدل

[@hadialalak8716]

مشتاق ياعريان
لموقد القهوة ولهيب الوجاغ وريحة الهيل ولوجهك الجميل الصامد بوجة القهر والحرمان انت مدنف فوق وكرك فوق الروابي والتلال .. لقد تركت ورائك فراغا لا اجد من يملائة بعدك رغم كثرتهم لكنهم لم يعانوا كما عانيت انت ولم يعشقوا كما عشقت انت فظهرت معاناتك وعشقك في ادبك وشعرك وغزلك

[@samanthadallydally]

😭😭😭 مابعرف ابكي على كلمات القصيدة القاتلة وله على موت ابو خلدون وله على قصة القصيدة يلي بطلها ابو محيسن شهيد الرأي والكلمة الحرة وله على الحنين للعراق وله وله وله مابعرف😥😥😥😥

[@mohammedhussein6149]

Samantha Dally لكن هذه برأيي أفضل قصائده

[@Merza__noor]

1:38
و باگة باگة 💔 الموت من يحصد الوادم باگة باگة ☹️
2:11
و ديرة ديرة ،، الموت من يشرب الوادم ديرة ديرة 💔

[@bandrbander5957]

شنو معنا بيت نايل

[@Merza__noor]

@@bandrbander5957
للأسف أنا هم قبلك سألت عنه وما عرفت

[@user-gu7xd9zz3v]

@@Merza__noor
زين سؤال
هم سامعة هااي القصيدة وي شخص عزيز ع كلبج؟

[@Merza__noor]

@@user-gu7xd9zz3v
لا … بَس كلش أحبها

[@bandrbander5957]

@@user-gu7xd9zz3v انا سامعهاا وي شخص....
وكلش قريبة على كلبي 💔

[@user-qi7mk9jz2s]

من اسمعه أذكر الشهيد عمر سعدون

[@rud_y4]

الله يرحمه 💔

[@AhmedAlfartosi]

عشت حرا ومت حرا رحمك الله يا عملاق العراق افتقدناك

[@user-wv9vd2th5y]

الشعر عشقي
النفوس الراقية التي تسمع الاشعار✨️💙

[@user-nt4ox4ji4r]

هلي ... احلى كلمة بصوت عريان

[@user-tj7wk5gu4j]

عظيم يا عريان أنت ترتدي الكون

[@user-wm8td6zf2s]

من اروع القصايد تهد الحيل

[@aqiilbio1595]

الله يرحمك يا تل الورد ياترف شاعرنا الكبير الراحل عريان السيد خلف

[@mohammedmoataz8919]

اوووف 💔 عريان شاعري المفضل ☹💤🎵

[@ZkSkh]

من اروع القصائد الله يرحمك

[@user-gu7xd9zz3v]

ان كنت تراني فارحم حال المشتاق 💔

[@Thetrurth]

شاعر لن يتكرر مرتين

[@user-vp9kx7hw7e]

الله شكد بيها ذكريات
٢٠٢١/٢/١٩م

[@H._313f]

خاب عريان سويت بينا كارثه هاي 💔☹️

[@tx_8.8]

هلي اني العندي امتحانات وزاري ومابيه حيل اقره المتراڪم عليه😔👍🏿

[@zeenbzeenb9759]

الله يرحمه

[@lrrs_]

الله الله شكد عزيزه هاي القصيدة

[@alaakamil1159]

شنو يعني الروح شاخص؟؟؟

[@user-dl9yn8hj3j]

​@@alaakamil1159يعني من يگولون هذا الشي شاخص يعني برز
الروح من تبرز للموت

[@Noor-ti8ot]

الف رحمه ونور تنزل عليك❤️

[@user-bs1bj6wf2b]

مثل المصوب واهله مايدارونه.. وكلما يطيب الجرح عمدا يلجمونه🤕😢

[@user-dm2vy7lu1h]

القصيدة الي بروحي احبها💔

[@user-wc8nx2zc7b]

الله اشكد اموت عل قصائده الله يرحمك يا عريان 💔☹

[@user-py3wt3vg8v]

يعني كل شهر اجي اسمع هاي القصيدة

[@user-hf4it3pq2l]

اااالف رحمه على روحك لطيبه

[@samanthadallydally]

عجزت الوصف يا ابو خلدون الله يرحمك نفسك بالسما يا رب🙏

[@user-hk6ew8ij2m]

الكبير السيدعريان الف رحمه على روحه

[@user-bt1uy4op8u]

شكرا استاذ آدم ضامد لان سمعتي هذا المقطوعة العالمية من الصور الشعرية الملغمة بحب الوطن والأهل والارض

[@user-yc1yn2ch2w]

الله يرحمك عريان الشعر 💔

[@user-qi7mk9jz2s]

💔💔

[@hadialalak8716]

الله ياحبيب العراق
عريان اسمك لكن فيك عفت العراق وشرفة وعذوبتة وعنفوان الرجال وثمن الحرية وعبق الارض وماء الرافدين وجمال النخيل وغفوت دجلة وطعم البرحي وحرارة تموز وبرد شباط الازرق وسحر الهور وقامات البردي وطعم القهوة وظلم السنين وحسرات الامهات والزوجات وقسوة الليل وخوفة ولوعة الغربة والحنين للاهل والخلان والديرة الثبات على الموقف ومقاومة مشتتات الراي والنهوض مجددا والصبر امام مهذبات الناب . انت العاشق الولهان من الحب انت من تغزل وذاب حبا بالعراقية الحنينة الفاتنة وانت من ثبت من مطگت ام عريف انت تربية الطابگ والشچوة انت الشارب والناموس انت وانت وانت

[@Ahmed-1984-t2c]

صياد الهموم💔💔💔

[@ابراهيمموسی-ي2ظ]

الله .....

[@user-bx3yx5qg1p]

رحمك الله ابا خلدون ❤

[@user-ov9nz8ik8m]

وخبزنه اضنونه 💔

[@KarremAli-xz6bj]

كافي ابو خلدون رحمك اللة

[@olawathiq1823]

تموت❤️❤️

[@user-gp2nn9kl6x]

اعظم قصيده في الشعر الشعبي

[@user-jj8ri5jd4b]

الله يرحمك اليوم ذكرى وفاة الشاعر الكبير عريان السيد خلف 😢

[@user-uf1qw6dq4q]

شاعر لن يتكرر

[@olawathiq1823]

اوووف

[@user-jf7sq5ij4j]

الله يرحمه ويسكنه فسيح جناته

[@user-sc8mm5ug1x]

الف رحمه ونور عله روحك 😭😭

[@user-xk6mo6wc5z]

الله يرحمه شاعر بمعنى الكلمة

[@user-wn8gs9rv6i]

الله یرحمک عریان ابا خالد

[@user-hg3fv1jb2j]

يمكن.هذا.ايطابق.هم.زمنه.والكورنا.باكه.يحصد.الموت.باكه.باكه

[@Thualfekar4GA]

شنو ماعندك سبيس

[@zaiox_mj5630]

الف رحمة على روحك

[@user-pj7kg9ej2e]

كبير

[@user-iz8on6ts8u]

أووووووه
هم ردينه .
بس لواكه.

[@user-jf7sq5ij4j]

الف رحمه ونور علي روحك

[@user-mb9fx2er7k]

الله اووووففف يازمن 😔😞💔

[@user-hg3fv1jb2j]

اي.وسيروتوا.علي.

[@MortezaMansouri]

هلي و آخر مكاتيبي كتبت الكم على الكاع ، ابنكم باعته الدنيا و لا باع

[@nayefaskar6079]

علواه نلاقي واحد من بعدك يعبر عن جروحنه واشتياقنا

[@حسيننجم-ت7ق]

الله يرحمك

[@hydarhydar5007]

ابداع لا يمكن وصفه

[@alialso3416]

اوف اوف عريان سيد خلف الف رحمه على روحك

[@حمد-ظ2ث5و]

الراحل المبدع تراث الشعر

[@user-dp9wy2tu8q]

وصبحت يهلي على چفون الخواطر غاليات 😪

[@Incest70]

مجنت احس اكو بي شي غلط لحد صف اول ابتدائي … يعني نلعب سوى نركض سوى .. هو اكبر مني بسنه و شوية … بس الي جان يخليني افكر (بعقلية الجهال طبعا) ليش ابوية و أمي يكولولي ديربالك على حسوني .. مع العلم هو اكبر مني !!
زين ليش هو ميداوم مدرسة مثلي و ميروح وياي للابتدائية ؟؟
مرات جنت اطلع العب وياه بالشارع .. مجانو يقبلون اصدقائي ينزلوه ويانه للفريق مال الطوبة و جنت اتعارك وياهم .. اني جنت افهمه اكله ابقى واكف هنا بس هو ميوكف و يعوفنه و يروح يلعب بغير مكان و جان يتعارك .. اخر شي عرفت هو مو طبيعي .. مجنت استحي منه .. حتى من كبرت و جنت اروح لسينما بالعيد اخذه وياي .. جنت اشوف علامات استفهام بعيون ؟؟؟؟
اني مجنت احس اخوية بي نقص .. و مره ردت اخذه وياي لحفلة التعارف مال الكلية .. بس أمي مقبلت كالت عوفه … جنت وياه ما اعرف شي اسمه خجل .. اخويه هذا حبيبي و عمري و رغم ما هو يحجي و يعبر عن الي يريده بكلمات ممفهومة بس جنت افتهمه و اعرف شيريد .. لحد هسه حافظ كلماته .. اللحم ( يصيحله ميحه ) البيض ( يصيحله بوه بوه) حتى كلمة احبك ( يكولها ابك ابك ) جان ينتظرني يوميا ورى باب الحوش يخلي كرسي و يكعد .. أمي جانت تكول كل شوية يروح يفتح الباب شوية و يباوع يشوفك ماكو و يرجع يكعد عالكرسي … ميقبل ياكل الا وياي … كلش مرتبط بيا … لان بحياتي مخليت احد يضربه او يصيح عليه … اكثر من مره تعاركت من وراه (من جنا جهال ) مره عدنا جوارينه بيت ام رعد حايطهم ناصي و عدهم بالحديقة مالتهم شجرة جبيرة مال نارنج … جان النارنج يوكع برى السياج من يصير هوى قوي … مرة رجعت من المدرسة لكيت حسوني كاعد يم باب الحوش ينتظرني و امي كاعدة ورى الباب تراقبه (طبعا هو كلش يسمع كلام امي) شفتهم من بعيد يضربوه بالنارنج و امي تصيح عليهم بس همه ميتوبون .. مو يشوفون امي تسكت .. يرجعون يضربوه … اني متحملت كمت ابجي و هو اجاني يضحك مثل كل يوم من يشوفني راجع من المدرسة … اني بجيت عليه والله العظيم بجيت بدون وعي .. ورحت لحكتهم حصرتهم بالدربونه صح ضربوني بس اني مقصرت هم ضربتهم .. وهو اجاني يصيحلي امد امد (يعني احمد) و امي وراه تركض … و غيرها و غيرها … مرة جنا نكعد عالرصيف من جنا نلعب طوبة .. هو يكعد بصفي … مو يشوفوني الجهال ملتهي بالحجي .. لو يجرون هدومة لو يطخوه بأذنه حتى بس يعصب … هواي اكو اصدقاء زاعلتهم بطفولتي علموده … عالعموم حبيبي جان ينتظرني من كبرت يعني و داومت كلية ورى باب حوشنا … من جان يشوفني يضحك … و يأشر لأمي حتى تحضر الاكل ناكل سوى اني وياه … طبعا احنا عائلتنه بس اربع نفرات .. اني و ابوية و امي و حسوني … و مشت السنين و هو على نفس الشي … اسعد لحظات بحياته من اني ارجع للبيت … سنه ورى سنه ابوية توفى … و ابوية وصاني بي و حتى أمي جانت تكول والله يمه اني مخايفة من الموت .. بس خايفه على حسن اذا اموت منو يداري و انته عندك دوامك .. جنت ابوس ايدها اكلها لا تشيلين هم .. المصيبة بذاك الوكت مجانت اكو هواي مدارس تعليمية الهم .. و هو دخلناه مدرسة بس مقبل يكمل و جان يكسر الغراض اذا يصير وقت الدوام .. يخاف يروح للمدرسة لذلك ابوية الله يرحمه كاله عوفوه براحته و بطلناه … الحاصل … اني تخرجت بس متعينت ..
لزمت شغل ابوية .. ابوية جان عنده مزاد بس جتي فترة وكف شغلة و سويناه محل مال اثاث … و قررت اتزوج لان امي تعبت كلش و متكدر تداري حسوني وحدها .. مع العلم جنت اخذه وياي للشغل و يبقى كاعد ميسوي شي .. و تزوجت بنية بنت حلال كرايبنه وكلش دارته لحسوني و هو هم كلش كام يحبها …
عالعموم ..
مثل مكلت قبل شوية .. جنت اخذ حسوني وياي للشغل … مرات من ماكو شغل اصفن بوجهه هو يبتسم بوجهي .. أحسه يسألني بعيونه يكلي ليش الناس و خصوصا الجهال هواي يباوعون عليا .. جنت اختنك من اشوف الناس و خصوصا الجهال يباوعون عليه بتعجب ..
مثلا مرات يجون عائلة بيها جهال ثنين .. واحد من الجهال يشوف حسوني .. اذا الجاهل الثاني ممنتبه كبل يروح يصيحه و يشاوره .. يكله شوف شوف هذا .. و ثنينهم يبقون الوقت كله يباوعون عليه .. مع العلم المسكين كاعد و ساكت … وخصوصا من كبر … كام ميتحرك هواي … يعني اكله اكعد هنا يبقى كاعد خطية و بس يباوع عليه و يبتسم .. و اذا يجوع يأشرلي يعني جوعان …
و اجه الشي الخايف منه .. و توفت حبيبة كلبي أمي … طبعا بالدفنه جان اصعب موقف عليا … لان من ردنا نرجع للبيت يكلي امه امه (يعني امي) و يجرني من ايدي يعني اوكف خلي ننتظرها … يابويه من سوى هيج .. حضنته و ابجي ابجي … و هو يصيح امه امه …. كلتله امه بالبيت .. يأشر بيده يعني امي هنا مو بالبيت … بالكوى جريته و رجعنا للبيت … طبعا بوفاة ابوية مصار هيج الموقف لان امي بقت بالبيت و هو بقى يمها .. بس عمت عيني امي هسه راحت يم منو يبقى … و رجعنا للبيت و بقى يوميا يسأني امه امه و يأشر على فراشها و ميقبل ينام بغرفته الا ينام بفراش أمي … و بقى عالحال شهرين و يوميا اروح اكعد اخذه وياي للشغل .. و شهرين و خمس ايام كعدت الصبح و طبعا زوجتي جانت مسويه اكل .. رحت اكعدة حتى نتريك … لكيته متوفي على فراش أمي .. هنا و بهل اللحظة اني حياتي انتهت … يعني هم امي و هم حسوني … من حلاة روحي زوجتي تلطم اني حضنته و نمت بصفه و تغطيت وياه بالبطانية و اكلها لزوجتي شبيج صوتج يمعوده حسوني لا يفز .. لا تعيطين ولج لاتبجين هو نايم والله نايم … بس حسوني مجان نايم .. حسوني رغم ما هو فهمه على كده بس فراك أمي جان ثكيل عليه .. و لان امي تريده و جانت تخاف عليه لا يبقى وحده بهل الدنيا .. صاحته و راحلها …
حسوني راح يم امي … يمه حسوني اجاج .. يمه حسوني جان ينام بفراشج يمه .. يمه ديربالج عليه فدوه لروحج … ديربالج عليه يمه ترى ما كدر على فراكج ...
(حسوني)

[@mohammedhussein6149]

Ammar Al Zohairi
توجع

[@tuqarmahi8781]

اوووف بجيت والله

[@user-ve5ve6is5r]

أولا الله يرحم امواتك ويرحم حسوني برحمته الواسعة واسكنهم فسيح جناته الموت حق وكلنا يموت وكن على يقين أن ما عند الله خيرا وهو أرحم من الأم على ولدها وكلنا فقدنا الاحبه ولكن هذا حال الدنيا حياة وموت /ثانيا أن حسوني رحل وهو خالي من الذنوب والخطايا فهنيئا له الباقي علينا ومانحمل على ظهورنا من ذنوب ليس لنا سوى رحمة الله الواسعة والله قصتك هذه اوجعت قلبي وابكتني بحرقه أنا لله وانا اليه راجعون الله يعطيك الصبر والأجر العظيم

[@user-bo2jp9ob2y]

بجيتني بعلي الله يرحمهم لأهلك ويصبرك على فراك حسوني

[@user-yj3tj8yh9i]

بجيتني وعلي💔

[@abdullahabdalkarem3537]

الرحمة والمغفرة والخلود لروحك سيد عريان

[@mmmmmmmm9759]

الله عليك ياشاعر الشعب رحمة الله نور على قبرك الله الله

[@fatmaali715]

باكه باكه الموت من يحصد الوادم 💔💔

[@user-qi4vr8hx6m]

الله يرحمه ويسكنه فسيح جناته ويلهم أهله وذويه الصبر والسلوان وانا لله وانا اليه راجعون

[@ali_alsamarrae]

اويلي عليك عريان

[@tareghalalalem5340]

1:37باكة باكة ❤️❤️❤️

[@Thualfekar4GA]

‎يوم جان مثل كل يوم طبيعي .. رحت للدوام و كملت و رجعت انتظرت بالكراج شوية .. و جتي السيارة الي تروح لمنطقتي و صعدت .. كعدت انتظر السياره تقبط … اجه واحد صعد و سد الباب وجانت اصلا السيارة ممقبطة ..
‎صوت طبكة الباب جان قوي لدرجة السايق صاح يابه علكيفك وي الباب ترى اني سايق بالسيارة مو سيارتي و كاله ارجع افتحها بعد نفر ..
‎الي طبك الباب اعتذر من السايق و فتح الباب و انتقل من الكرسي الي بصف الباب مال السيارة للكرسي الي بصفي .. و كال مرحبا .. اني مجاوبته و درت وجهي عالشباك بقيت اباوع على اهل العرباين .. جهال وجوهم تضحك و اعمارهم صغيرة بس همومهم مبينه جبيرة .. هالشي واضح بعيونهم رغم ضحكهم بيناتهم ..
‎ بلحظة الي سلم بيها عليا هالولد الي بصفي الي عطره هلكد مو قوي و هلكد مراش روحه بالمعطر صاير قوي لدرجة الخنكه .. بنفس اللحظة كلت بيني و بين نفسي .. هم راح يسمعني حجي المتعلمة عليه يوميا .. حفظت الموضوع و تقريبا تعودت عليه .. بالبداية من بديت اداوم بالكلية جان هالشي مال (تصجيم وهاج رقمي) كلش ينرفزني .. بس بعدين صار عادي و روتيني و كمت ما اهتم ولا ادير وجهي اصلا .. اني صح بالاعدادية صايرة وياي هالمواقف .. بس بالكلية لان اركب اكثر من وسيلتين نقل و غصب عليا اطب بكراج متروس بشر ..
‎ الموضوع زاد عن حده .. و رجع كال يابه مو كلنه مرحبا ..
‎و هم مجاوبته .. سكت شوية و هم رجع حجى .. كال انتي هنا بفلان كلية تداومين ؟
‎ و هم مجاوبته .. و رجع هو جاوب بمكاني هالمرة كال اها اي زين اتشرفت بيج .. و كام هو يسأل وهو يجاوب بس صوته نصاه شوية لأن صعدت مرية جبيرة بالعمر بصفه و قبط السايق و طلع .. و بقى يحجي و اني ولا عبالك داسمعه .. بس المصيبة كال جملة هي تضحك و اني بالكوه لزمت نفسي لان ردت اضحك من صدك .. كال هسه اني ادري تكولين هذا غير لزكة و شكد لغى .. بس والله انتي مو غلطانه لان اني صدك لزكه و الغي هواي .. هههه ردت اضحك بس لزمت نفسي ..
‎و ابد مدرت وجهي عليه ابد ولا حتى شفت وجهه .. و ورى شوية من اخر جملة كالها .. كال يله اني اترخص ممحتاجة شي .. طبعا هم مجاوبته .. كال بس مو وكته للركي هسه شبيج ترى احنا بالشتا راح اجيب بطيخ بمكانه (يعني هو تخيل انو اني طلبت منه شي الي هو ركي) ..
‎و هم مجاوبته .. جان يصيح نازل و نزل .. بصراحة حاولت اشوف وجهه .. بس ملحكت وضاعت ملامحه عليا ..واختفى ورى الركاب .. و قبل مينزل كال جملة للسايق .. كاله بالخوه خو ما بعدك ضايج مني .. السايق كاله لا حبيبي مصار شي .. و هم رجع اعتذر للسايق ونزل .. المشكلة اني مثل مكلت حاولت اشوفه بس جان بس ظهره عليا ..
‎ و نزل و راح .. الوحيد من بين الي سمعوني و لحكوني ردت اشوف وجهه .. يجوز جان فضول عابر .. يعني مو شغلة اعجاب لأن اني ما احب الرجال الي يصجم و يلحك بنات .. و مرت ايام و ليالي و نسيت هالموقف و طبعا صادفوني غيره هواي و بقيت بدوامي عادي .. و فد يوم احنا الطلبة واكفين برى نحجي على الدراسة .. قريب من الكافتريا كلنا ملتمين و كاعدين نقارن شغلات بدراستنا .. اجه ولد من قسمنا و وياه صديقه .. سلمو ثنينهم و هم بدو يحجون بسالفة الدراسة .. بس الي شفته الولد الي وي زميلنا هواي لح بعيونه عليا .. بقى يباوع عليا .. اني بديت اتهرب من عيونه لأن عيونه كلش قوية ..و كمت اكلب بالدفتر الي بيدي بسرعه بحجة اشوف الطالبة الي بصفي الشغلة الي دنحجي عليها بس عقلي يمه الولد و داحجي بيني و بين نفسي عنه اكول ما ارفع عيوني بي بعد .. و سمعته يكول لصديقه يله ابو الحب اني اترخص و سلم و راح .. وراها رفعت راسي براحتي و السرعة الي جنت اكلب بيها اوراق الدفتر رجعت طبيعية .. و كمت عادي احجي ..
‎ ثاني يوم اجتني طالبة صديقتي و وياي بنفس القسم كالت اكلج اكو شخص دازلج هدية بس حلفني ما اكول منو ولا اكول اي تفاصيل عنه .. كلتلها شنو هالحجي .. كالت اي والله ما اتشاقى و ترى هي الهدية بسيطة كلش .. كلتلها شنو بله .. جان تطلع مساحه على شكل نص ركيه ام العطر ..
‎ اني ضحكت و جنت ناسيه موضوع الي صعد وياي و بقى يلغي هواي .. كلتلها ترى اني مفتهمت انتي صدك تحجين لو تتشاقين .. كالت اي والله و حلفني تاخذيها .. اني مديت ايدي داخذها و تذكرت السالفة بنفس الثانية الي لزمت بيها المساحه ههههه ضحكت كلتلها عرفته .. و وخرت ايدي من عالمساحه كلتلها كوليله شكرا ما اخذ هدايا غير بس من اهلي والناس الي عندي ثقة بيهم .. ضحكت البنيه كالت يعني هيج اكله .. كلتلها اي ..
‎ و انتهت السالفة بس من طلعت من الكلية و دخلت للكراج حسيت هو نفسه الشخص راح يلحكني .. و بقيت انتظر اشوفه .. بس ما اجى و ما لحكني .. و من رجعت للبيت بقيت افكر بيني و بين نفسي كلت هذا مبين مركز وياي و اكيد هو بنفس الكلية .. و اكيد فاتن تعرفه (فاتن هي الي جابتلي المساحه) .. و رجعلي نفس الفضول الاول الي ردت اشوف شكله بي بس ملحكت .. بس هالولد ملعب و مبين ابو بنات ماريد لا ماريد .. و صار بداخلي مثل العركه .. صوت يكول اريد اشوفه و صوت ثاني يكول لا هذا ملعب و هذا ابو بنات و انتي بحياتج مصادقتي و دائما تكولين الي يصجم بنات مو ثقة لأن متعود على هالشي .. و داومت وراها و التقيت بفاتن .. هي مفتحت موضوع عن الولد و اني جنت بين الي اريد اسألها عليه و بين الي ما اريد .. اخر شي سألتها كلتلها ها رجعتيله المساحه .. كالت اي و انقهر كلش .. كلتلها بابا خلي يولي ترى هذا ابو بنات .. كالت انتي غلطانه والله اصلا ماكو افقر منه (وهنا بديت اسحب الحجي منها سحب) كلتلها بنتي هذا من جماعة الي يلحكون شكو بنية بالشارع و ياهو الي تنطيهم عين يجلبون بيها .. كالت والله داكلج غلطانه ..

[@Thualfekar4GA]

‎كلتلها و شنو هالثقة الزايدة بله .. كالت سدي الموضوع .. كلتلها سدي سدي و اني اصلا صوجي سألتج .. بنفس الوكت الي جنت احجي وياها اجه نفس الولد الي خلى عيونه بعيوني قبل كم يوم .. جان يسلم و كعد بصف فاتن .. اني رأسا سويت نفسي داكلب بالكتب و باوعت عالساعة الي بيدي .. بقى يحجي وياها بس بصوت ما اسمعه لأن هو بصفها .. يعني احنا كاعدات على مكان مثل المسطبه .. فاتن صارت بالنص و الولد بصفها من ذيج الصفحة واني من هالصفحة .. هي ضحكت و هو كال يابه شنو سالفتج صار كم مرة اسلم ومتردين السلام .. بس صوته جان عالي و مبين موجه كلامه اليا مو لفاتن .. اني كلت العفو وياي هالحجي .. ورفعت عيني بعينه .. بس عينه قوية والله قوية .. كال اي يعني هسه هدية متاخذين و سلام هم متردين هههههه طلع هو نفسه .. يابه انصدمت .. هو نفسه ..
‎كلتله اها هاي انته .. جان تندار عليا فاتن كالت اقدملج فائز اخوية .. يابه غير ما اعرف شحجي .. طلع اخوها واني قبل شوية حاجيه عليه .. عاد اني لزمتني العبره ماعرف شكول بس كلت اهلا و سهلا .. طلع يداوم ويانه بس بغير قسم .. اخوها الاكبر منها .. و راها سلم وراح وهي بدت تحجي .. كالت اخوية مو مال هالسوالف ترى .. و ميلحك بنات .. و هو شافج واكفة وياي اكثر من مرة و سألني عليج و كلتله التفاصيل العادية الي اعرفها عنج .. و اصلا هو يجي بسيارته الشخصية للدوام و لحكج مره من شافج بالكراج و ركب وياج بنفس السيارة و بنص الطريق نزل .. كلتلها هاي هيج مركز وياي اخوج .. كالت اي وخلي ببالج هو اخر سنه وراح يتخرج و ترى غرضه شريف يعني مو من نوع الشباب الي يدور علاقات ..
‎ كلتلها والله فاتن هالاشياء و هالامور لازم تكون صحيحة واكو اهل عندي و اني ما ادور شي خارج عن المألوف .. كالت زين .. و سدينا الموضوع و اني الي عرفته منها هو راد يشوف ردة فعلي من صعد وياي بالسيارة .. يعني اني اقبل بعلاقات لو مثل مكالتله اخته ماعدها شي البنية .. و صدك والله ما مر على هالموقف شهر و جوي خطابة عليا .. هو واهله .. و طبعا طلعو سائلين بالمنطقة علينا قبل ميجون .. و همه امكانيتهم زينة و هو لازم شغل والده و اصلا حتى لو يتخرج مراح يتوظف يعني يشتغل وي والده .. و هالتفاصيل كلها حجتليها امي .. و عادي كايلين كبال اهلي انو اخت الولد هي صديقتي و وياي بنفس القسم واخوها شايفني و رأسا جاي من الباب .. بس اكيد مذاكرين التفاصيل الدقيقة الي صارت مال هو صعد وياي بنفس السيارة و اجه وي اخته و دزلي المساحه .. بصراحة الولد ابد ميتعيب ..
‎ و اي بنية تتمناه بس مو معناها اني اعوف دراستي و هدفي بهل الحياة الي تعذبت بي و بعدني داتعذب .. ترى اي بنيه امكانية اهلها بسيطة و تداوم كلية تشوف الويل بالروحة و بالرجعه .. و خصوصا اول ايام بدخولها للكلية خصوصا اذا جانت اصلا مو قوية ..
‎ يعني ماعدها خبره بالطلعات و الطبات .. سالفة التنقل كلش صعبة .. و عذاب .. و كلت هالشي لأمي .. و ردت امي الجواب الهم مع العلم اني هالشي حجيته لفاتن ورى ما جوي .. الولد مجان عنده اي مانع ابقى اداوم واتخرج وحتى لو اريد اتوظف هم عادي .. وافقت طبعا و تزوجت .. توقعت راح اكعد وي اهله بس طلع والده مساعدة للولد بشكل كلش جبير و عنده بيت بنفس منطقتهم بس بيت مو كلش جبير .. الرجال شحجي عنه اكون مو منصفه بحقه .. كلش داراني و كلش دللني .. دللني لدرجة ما بقى شي عندي اطلبه منه .. سفرات و طلعات و طبات .. حياتي كلش حلوة وياه جانت .. و هو يوديني اني و فاتن للدوام و يرجعنا .. و تخرجت اني و صار عندي شيماء و علي .. و توظفت بس بسبب الجهال مكدرت اكمل .. عفت الوظيفة و كعدت بالبيت اربي اطفالي .. و راحت سنين و جتي سنين و سافرنا ورى احداث الفين و تلاثة لسوريا بقينا هناك سنتين و رجعنا و جهالي كبرو .. و اني كبرت و فائز كبر .. و قبل مدة من هاليوم حسيت فائز متغير علينا بالبيت .. قبل جان يكعد وي الجهال و يكعد وياي من يرجع من الدوام و نسولف ونضحك و يسأل شيماء و يسأل علي على حياتهم و وضعهم و يحاول يشاركهم بكلشي .. اشو فجاءة الرجال تغير ..
‎كام يكعد ميسولف و عبالك جسمه يمنه بس عقله بمكان ثاني .. اني حسيت اكو شي مو طبيعي بالموضوع و كام يستخدم التلفون هواي .. اني كلت هاي مبينه واضحه .. شافله وحدة .. كلت احسن شي اسوي اكشفه .. و حاولت اكثر من مرة افتح تلفونه بس مكدرت لان تلفونه بي رمز .. وردت اجرب ارقام و احاول افتحه بس خفت .. لان اني وياه عدنا ثقه كلش قوية واحد بالثاني و الخوفه مجانت من ردة فعله اذا عرف اني مكلبه تلفونه وفاتحته .. الخوفه لا يطلع كلشي ماكو و هو يحس ..
‎ كلت احسن شي اخلي علي ابني هو يراقبه لان مرات علاوي يروح وياه للشغل .. راح و رجع علاوي يكلي يمه كلشي ماعنده .. بس فائز بعده نفس حطته .. تغير جذريا هالرجال .. وفوكاها مرات نحجي وياه يطلع يكول ها شنو .. يعني ممركز ويانه .. اني هنا كلت بعد كافي هالرجال عنده شي .. كعدت وياه كلتله مليتني ابو علي مو ؟
‎كال شنو مليتج ؟؟
‎ كلتله يعني خلص مليتني تغيرت اني و شكلي مو مثل اول مرة لحكتني بيها تغير شوية … و شفتلك وحدة من بنات هاليومين .. كالي بابا انتي شدتحجين و طبعا اني بجيت لا اراديا من داحجي وياه .. كام باسني من راسي وكالي والله ما ابدل الدنيا بيج .. انتي حبيبتي الاولى والاخيرة .. كلتله هااا لعد شبيك هالفترة كاعد تكلب بالتلفون هواي و تصفن هواي .. كالي احجيلج الصدك اني عندي شي ضامه عليج .. كلتله والله عرفت احجي احجي و طبعا اني بدقيقتها اريد اكوم اخنكه .. و كمت اهز برجلي دانتظر يطلع الحجاية اريد اعرف شلون عرفها ومنين .. كال اني عندي ذاك المرض (الله يبعد الشر عن القارئين) كلتله شنوووو .. كال اي والله حللت و طلع عندي و ببدايته … كلتله يمه صخام و كمت الطم .. كال اشششش ماريد شيماء وعلي يعرفون واصلا مردت اكلج .. كلتله منين اجاك .. كال يابه هو منين يجي شمعرفني بس رحت حللت و كالي الدكتور ببدايته و تكدر تتلاحك عليه بالعلاج و خايف كلش من العلاج لأن يأذي .. كلتله لا عفيه لاتكولها و كمت ابجي و ردت اتخربط .. هو كام يصبر بيا حبيبي و سكتت .. و بدينا برحله جديدة .. رحلة عبارة عن علاج و ادوية و عقاقير .. و حبيبي يوم ورى يوم كام يضعف و يفقد حيله .. الا ان الحمدلله الله نجاه من هالمصيبه .. وتعافه و رجع طبيعي .. و راح منه كلشي بس عنده فحص كل فتره و كل منروح ايدنا على كلبنا … و الحمدلله كلشي بخير .. بس هسه هو انكلب (صار عنده هوس مو طبيعي) كل ميحس بسالفة يروح للدكتور .. بس حبيبي ميخالف اهم شي صحته فوك الكل .. وهسه احنا عايشين و مطالبين من هالدنيا غير بس العافية و الستر .. و الله يبعد الشر والامراض عن كل هالبشر .. لان الي شفته بهل الموضوع جبير كلش جبير ..
‎الله يحفظكم ..

[@aqiilbio1595]

😭

[@user-zk5vn6dc4r]

ههه حلوه قصتكم و ماعدكم غير العافية أن شاءالله

[@abas2398]

قصة تخبل تصير فيلم حلو

[@NadaNada-gx3fk]

حبيت القصه واندمجت كلش وياها

[@civilengineer-gw4zw]

ذاك من ذاك اللكه النجمة العزيزة بلاسما ودك إلها عينه. ذاك من ذاك اليحط كلبه اعله جفه ويغسل باخر نزف وجه المديتة

[@user-th8ud2ic3n]

راءع

[@Kazimhassan-cl8dq]

رحمك ربي يا عريان

[@user-sc4zx2tf1i]

الله يرحمك ابو خلدون لقد كنت أسطورة تتموج على أنغام ليالينا

[@user-ol1yt2mc1u]

سلام الله عليك ابا خلدون

[@user-sx5vd9lb5z]

الف ونور علئ روحك

[@user-ky9hb2nr5n]

اويلي العراق خسر شخصيات امثال عريان السيد

[@8raouf]

1:38 باكه باكه 💔🤦‍♂️

[@user-li5ev9cx9q]

😔

[@user-lc1my2pz6l]

الخالد ابو خلدون

[@MK-gw6wr]

الله يرحمك بويه

[@user-gb4bi8yz8g]

للله💔

[@ph.student739]

"وعلة واهسكم خبطنة الماي الازرگ طالبين بدين واعرف ديَّنة"

[@zeenbzeenb9759]

آلله الله

[@user-fn8dx4jh6r]

💔حيدر حبيبي

[@saadsatar2338]

الله الله 😞😞💔💔

[@user-xi3qo3fn8o]

😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭بعد روحي صوتك

[@8148652379]

الله يرحمك ويغمد روحك الينة

[@R7_]

*أوف يا عريان أوف*

[@user-lw1yf7ts1b]

الف رحمه عله روحك ياابا خلدون

[@yvdgnyjcgnk4769]

عريان💔💔💔

[@علاويالحنين-ز3ل]

او باكه باكه
الف رحمه على روحه

[@user-fj4hv6ue1t]

الله يرحمك 😢🌸

[@user-kj9hv5zy3z]

الف رحم على روحك ابوخلدون

[@8raouf]

1:38 💔

[@maryammaryam-vm9qw]

الله 😍😍😍