【全場精華】聯賽會盃-傑志 5:0 東方
ฝัง
- เผยแพร่เมื่อ 5 ก.ย. 2024
- 香港超級聯賽會盃 傑志大勝闖決賽
「香港超級聯賽會盃」周五(29日)繼續上演4強對決,傑志與東方爭奪最後一個決賽席位。結果派出多名外援的傑志兵不血刃,憑羅素、查理史葛及明加索夫各入1球,加上迪美路夫梅開二度,以5比0淘汰東方,元旦日將與理文爭冠。
「藍鳥」正選派出6位外援,包括恩查、伊高沙托尼及明加索夫組成進攻三叉戟,米基爾、基爾頓及查理史葛坐陣中場,金信煜先列後備;東方有吳宇曦及柏拔等4位U22球員擔正,鐘樂安戴起隊長臂章鎮守後防,巴拉克及于楊兩位特邀球員齊齊亮相,後備席12位球員皆為U22小將,其中11人不足19歲。
傑志開局就靠角球攻勢搶得先機,3分鐘羅素接應隊友二傳,插水式頭鎚頂入,早早為球隊領先。16分鐘恩查落底傳中,查理史葛接應燙射得手,為傑志拉開比數。29分鐘,基爾頓傳入門前,明加索夫一頂入網。傑志採取前場緊逼下,東方難以組織至前場,吳宇曦於左翼的突破,成為球隊為數不多的亮點。半場傑志暫時以3比0領先。
換邊後傑志繼續搶攻,後備入替的迪美路夫先後兩次起腳,都未能考驗廖富源。57分鐘,基爾頓落底傳中,明加索夫一射又僅僅高出。東方及後換入高銘浩及高銘藝一對孖生兄弟兵,並加強前場逼搶。惟東方攻勢未見起色,傑志就繼續搶士哥,78分鐘金信煜傳中,造就迪美路夫射成4比0。84分鐘,羅素回後,由迪美路夫完成最後一擊,為傑志鎖定5比0勝局。
#本地足球 #傑志 #東方 #我撐本地波 #港超聯 #中銀人壽香港超級聯賽 #香港超級聯賽會盃 #睇體
綿羊對老虎嘅比賽
東方好波呀輸唔緊要最重要夠膽用新人上陣
唔知邊個諗呢隻盃出黎
呢隻盃完全冇問題係東方問題,人哋理文 流浪及傑志甚投入係東方破壞唔打就讓南區或大埔打
東方有冇射過波
成班外援對住班小朋友都係贏得5蛋……
東方 0:00 記住下場對流浪不要再派大量不够班的小朋友落場,大輸了又話流浪老鬼恰細路,其实是細路恰老鬼有氣有力已着數,点會咁喳!
依D波傑志都5出新彊仔?
梗係唔會啦,佢都要keep住班主力嘅狀態!冇比賽好難有狀態
傑志青訓球員真係慘,永遠坐冷板凳,何來進步
東方讓傑志五球
東方是魚腩😢
東方教練應炒尤!
一句講哂,龍門好重要😂😂😂
東方出細路仔,有紐亞都朱啦
衰過菁英盃
東方53號加油❤❤❤
全鬼
傑志搞到場波好悶,全部用晒老人家外援,大恰細有意思咩
明明係東方hea踢,咁都關傑志事😂,理文流浪隊都盡力踢,係得東方出晒青年軍 咁隊隊出u隊,仲有人入場睇咩
贏得小?是否每球獎一萬係就唔怕講!
no fighting