Xodaşirin Cəbiyev (Cabbari) - Etibo

ETİBO
Perəsimon əmə kafte kəşisə,
Bəv bimon iqit anqıə çəşisə,
Əpərimon bəsə ruşnə Həşisə,
Rost əbimon bəpe - xolə bəşisə.
Votdəbiş: “kon oxoy ruşin, çok bəben,
Bəjiemon ivrədə, arzuon pok bəben,
Pəxılon, ənqəlon kiəvə xok bəben,
Bılındə parçinon həmə lok bəben”.
Az çı baxtəvər bim, omiş bədınyo,
Çı dınyo qulzorbiş, damiş bədınyo.
Dıtı çımı dave, mande bə dınyo,
Dıştı dasti bəpe, tukəm bədınyo.
Dəvardən ə rujon, tıku xəbəm ni,
Qin bıəm cıstıcuədə, bomo bıbəm ni,
Qele kırdibıjən fərə hovəm ni,
İşdı yoddə beşəm? Bımi bovəm ni.
Nozinə pərəndon niebən etibo,
Zındəm tıni həni, az bietıbo.
Bə dınyoən mandə ni, votdən etibo,
Təylə sıxanişbən, tı ay etibo!
Masallı ş. 04.12.2023-nə sor
#atiştv #талыши #tolışon
#talışlar #تالش #tolışəzıvon
#talysh #talyshlanguage