كشتة لوادي نعيم احد اودية طريق الرياض - الخرج في جبال العرمه توصية من احد المتابعين
ฝัง
- เผยแพร่เมื่อ 10 ก.ย. 2024
- ملاحظة وتصحيح
تاريخ الكشته هو ١٠ نوفمبر والذي كتب في اول المقطع ١٠ ديسمبر بعدها بشهر وهذا خطأ مطبعي لتوضيح ذكرت هذا
هذه الكشتة بتوصية من احد المتابعين جزاه الله كل خير نسي اسمه والا كان ذكرته وما اود هنا ان اذكره بان هذه حسنه من حسنات مشاركة الناس رحلاتك فتتعرف على اماكن جديده عليك وطريق ايضا
وشعيب نعيم قريب من الرياض يقع في ظهرة جبال العرمه وقريب من دحل هيت شعيب جميل وهادئ
طلعة جميلة وروح مرحة والجميل في المقطع التوجيهات الرائعة للحفاظ على البيئة والإرشاد للأماكن ، وقافشاتك مع ابو ابراهيم لها نكهة خاصة 😂
الله يسعدك اخوي ابراهيم تسلم
عاد ابو ابراهيم ملح الطلعه
اكثر ماعجبني بالفيديو يوم انك تحث وتطلب من المشاهدين النظافه وعدم رمي النفايات ـ بيض الله وجهك ـ اول مااخذ معي في الطلعات البريه كيس النفايات ولااترك وراي شي وحتى اهلي صاروا يقلدوني وبعضهم تزوج والان يعلمون اولادهم ع عدم رمي النفاياات
ما بعد كلامك كلام
احسنت بارك الله فيك و ذريتك
@@waleedalhammad3650 امين وياك ياغالي الله يسعدك ويوفقك ويحفظك ويجزاك كل خير ع هذي الدعوه والاخلاق العاليه
@@user-pt8vb4ud2n 💐💐💐
ياخي حبيت كشتاتك ❤
رايقة بسيطة مفيدة ..
من طيبك يابو انس تسلم يالغالي 💐💐💐
أنا رجل طاعن في السن يا وليد تجاوزت 65 عام ويشهد الله أنك أبكيت مني المآقي واغرورقت عيناي نزف دمع قراح الصفاء وافر الحسرة . اسأل الله العلي العظيم ملكوت السماء والأرض أن يمد في عمرك لطاعة خالقك ورضوان والديك الذين زرعوا فيك بذرة الصلاح وأهليك الذين يحيطوك رعاية من زوجك وأبناؤك والله اسأل أن يصب الرزق عليك وعليهم جمعاء وأمة محمد صلّ الله عليه وسلم صبا صبا إنك يا الله سميع مجيب
اللهم امين واياك يالغالي استل ان يتقبل ما دعيت والملاك تردد ولك بمثله ولا تنسى بارك الله فيك بإن العمر مجرد رقم لذلك حثنا رسولنا الكريم صلى الله عليه وسلم على تكرار ادعيه منها ربي اعوذ بك من العجز والكسل … الخ وانا متاكد مائة بالمئة بأنك تعلم ولكن لتذكر واعرف رجل نجاوز ٧٠ ماشاء الله عليه دائمآ في البر يروح ويجي قدر الاماكن وقدر طاقته واخير اسال الله لنا ولك ان يمتعنا بأبداننا وقواتنا ويبارك لنا فيما رزقنا اللهم ح
والله كلامك عين العقل يا ولدي ولكن الحمد لله ظروف الحياة أحيانا فيها شظف العيش والشطط نظرا للتقليص المادي على المتقاعدين القدامى ولكن الحمد لله من قبل ومن بعد ما لم نستطع تحقيقه على أرض الواقع شاهدناه فيكم بكامل نبلكم وأخلاقكم المفرحة @@waleedalhammad3650
سلام يابو خالد وعودا حميدا لاخونا العزيز ابو ابراهيم وموقع جديد شكراً لك ❤
الله يسعدك سلمت اخوي سعد
ماشاءالله مكان جميل ونظيف وهادئ
صدقت يابو معاذ والواقع افضل من التصوير
عجائب الله سبحانه وتعالى وليس عجائب الطبيعه وجزاكم الله خير
جزاك الله خير على التصحيح الغير مقصود
ما شاء الله تبارك الرحمن: مكان جميل جدًا جدًا وبعيد عن الازعاج الله يوفك ربي ويسهل دربك في الحل وترحال المكان نظيف وعساه يبقى نظيف ان شاء الله
الله يسلمك اخوي ابراهيم اسعدنا وشرفنا مرورك الكريم
ابشرك الوعي صار افضل وهذا ما لاحظته بين الكشاته في رحلاتي تبقى بعض التصرفات الفردية وهي شاذة ونسال الله لنا ولهم الهداية
@@waleedalhammad3650 اللهم أمين شكرًا لك وانا متابع جديد ومنك نستفيد
@@ibrahimaldossri2646 حياك الله اخي الكريم وحود شرف وماعليك زود منكم نستفيد
شعيب جميل وانتم وطلعتكم اجمل👌
الاجمل هو كلماتك الطيبه
تسلم يالغالي 💐
الصراحة اشوف الاجمل في الشعيب هي النظافة . بعض البشر يشوهون الواجهه السياحية للرحلات البرية ودك أنهم ما انخلقوا .
اشوف الوعي صار افضل من اول وان شاء الله الى خير
لو تاصل شعبان الحاير بعد النزله لشعيب البعيجا والدهو وبعدة شعيب المخلاف فهي اماكن فعلا تستاهل الزيارة والتوثيق اشجار كثيفة وجبال ورمال .. وماقصرت يابوخالد فعلا طلعاتك تعتبر توثيق للاماكن المحيطة بالعاصمة ..
المنطقة تستاهل كم زيارة وبأذن الله متى ماتيسرت الامور ان شاء الله لي كشته فيها
تسلم يالغالي
كالعادة ابدعت يبو خالد، الله يسعدك ويسعد ابو ابراهيم
الله يحفظكم من كل شر يا رب
اللهم امين واياك
سلمت وسلم غاليك يالغالي
الله يحفظك
اللهم امين واياك
ما شاء الله اماكن ممتازة تستحق الزيارة
وقريب لا تنسى
على فكره
اسلك طريق الخزن الاستراتيجي و بعده فيه طريق يمين زراعي يمر على مواقع و مزارع فوق جبال العرمه هيت
المناظر هنا جدا جميله
تسلم اخوي
يامال العوافي يبوخالد ماشاءالله لاقوه الابالله
جعلك ع القوه دايما وبصحه وسلامه ولايهون بوبراهيم ونعم الخوي
الله يعافيك تسلم يالغالي 💐
لوانك سيدت على طريق الرياض القديم ودخلت على طريق الحنيه يسارفيه مناظرجميله ارجو لكم رحله سعيده
الله يسعد ايامك ولا مانع من تكرار الرحلة حول الاماكن الجميله تسلم على الوصف
ماشاءالله تبارك الرحمن رحله موفقه وممتعه
والاجمل وجود ابو ابراهيم
جدا الشعيب ممتاز ويستاهل الزياره
تسلم الله يسعدك
عاد ابو ابراهيم لا خلا ولا عدم ونعم الخوي
شكرا لك يا ابو خالد على التغطية الجميلة من اسباب نظافة هذا الشعيب قلة الناس الي يجونه ووعيهم لاني شفت كم مرة مكان من يجون نضيفه بعد مغادرتهم بعكس اماكن ثانية . ننتظر الجديد منك وبالتوفيق اخوك ابو عمر الشمري
ونعم يابو عمر نورتنا واعز من يشرف
صدقت لكن اشوف الناس بدت تحرص كثير على نظافة البيئة ونحرص أنفسنا والجميع على التذكير بالحرص على النظافة
تجربة جميله وتصوير احترافي
عساكم عالقوة ❤✋
الله يقويك يابو جراح
هذا من حسن ذاتك ياصديقي 💐💐💐
لا عاد تاخذ ابو ابراهيم معك الين تستشيرنا يابو وليد
او اربطه على الكبوت الين انت تختار المكان هههههه😅😅😅😅😅😅😅😅😅😅 امزح
الله يديم المحبه بينكم ويطول بعماركم.
لا تنسا تفرحنا با اخبار المطر حنا يا اهل العوايل
مناطق من الثمامه الين الخفستين مرورا بملهم وما جاورها جزاك الله الف خير يابو وليد
هههههه الله يسعدك
يإذن الله والخير جاي والربيع قريب اللهم لك الحمد
هلا اخوي ❤
فيديوهاتك مشوقة والمكان جميل و إطلالتك اجمل ربي يديمها نعمة ❤
اللهم آمين واياك يالغالي
تسلم على شعورك الطيب هذا من حسن ذاتك
@@waleedalhammad3650 الله يسعدك ويعطيك الخير ❤🌺
@@ibra_android1651 اللهم آمين واياك يالغالي 💐💐💐
السلام عليكم ابو خالد فيه شعيب اسمه وثيلان على طريق الرياض الحوطه جميل والله يصلح لك اتمنى تروح له وفالك التوفيق
وعليكم السلام ورحمة الله وبركاته
هلا ومليون هلا
وثيلان هذا مثل ما تفضلت رهيب رهيب رهيب جدا وممتع سبق ان زرته قبل كم سنه والعام الماضي رحت يمه لكن مع الاسف كان مغلق بسبب عمل تحسينات وتطوير المنتزه كونه اصبح متنزه وطني واظن باقي له تقريبا سنتين كان مانسيت وينتهي المشروع
بيض الله وجهك وماقصرت يا الغالي
يامرحبا والله يابو خالد وتشرفنا والله فيك
@@user-wu1hb7if7m الشرف لي طال عمرك
سلمت يا الغالي
ماشاء الله يابو خالد كاشت عقب شهر بتاريخ ١٠ ديسمبر 😂😂😂 ولكن عز الله انك زعيم الكشتات وتراي اخذ اماكن المكاشيت منك 👍
ههههههههههههه وش رايك رهيب صح ههه انزل كشته الشهر الجاي
تسلم على كلامك الطيب وهو شهادة افتخر فيها
الله يجعلني عند حسن ظنك والجميع
حسبي الله على الكسارات كانهم لعبوا في اوديتنا ،،
اول نروح نكشت في شعيب المهدية وشعيب اوبير وشعيب صفار
اودية كانت من اجمل مايكون والحين كلها دراكيل ومخلفات
يمكن اول فيها عشوائية في اختيار الاماكن الان اصبحت منظمه ولها ضوابط والله يرزقنا بالامطار اللي تعيد للاودية جمالها
اللهم امين يارب @@waleedalhammad3650
@@alieb6403 💐
هلا ابوخالد
رحله موفقه بعد عوده ابوابراهيم
هلا بها الطله
الله يسعدك ويوفقنا واياك يالغالي
انا رحت لهذا المكان ادور عين هيت ولا حصلت مكانها ومشيت مع اول ذا الطريق ورجعت بسبب المطانيج طول الخط متعبه مره
@@user-or4mv4vs4s لاحظت فيه بعض الخطوط الممهد اغلقت لذلك يجب ان يكون تركيز في البحث عن طريق اخر وهذا يكون بان يكون عندك توقع عن اتجاه الكهف والموقع موجود في قوقل ماب اكتب كهف عين هيت
وايضا في رحلة لي قديمه هناك ربما تستفيد منها أخي الكريم
كشته الى دحل هيت ( كهف - عين هيت ) والفيضة المميزة
th-cam.com/video/XEKTPLMi1OU/w-d-xo.html
قريب من موقعك هذا بيمر معه طريق من طريق الخرج الى طريق الدمام مباشرة ، و الآن يوجد مخطط بدأ البناء فيه اسمه مخطط المحمدية
معلومه جديدة تسلم
وهذه من فوائد مشاركة الناس رحلاتك تكتسب معلومات جديدة
هذا البيت اهداء لك بوخالد على لسان بوبراهيم ياصاحبي طالت علي المسافه💕
كل مانشدتك قلتي الدرب قدام
هههه انت من مؤيدين ابو ابراهيم اجل
رفقتك والله ماتسما حسافه
اللا لمنهو باع بندقه وحزام
@@kunfayakun-sl5kn ماعليك زود يالغالي
تسلم
فيه له طريق مع الخزن الاستراتيجي طريق الخرج الجديد مخرج 18
سلمت على الاضافة بارك الله فيك
حاول تختار الأماكن الجميله والنظيفه بعيدا عن أماكن تربيه الحلال وأثار الإنسان الأرض البكر اللي على الطبيعه لا يوجد لطرق السيارات فيها اثر وحاول تستفيد من خبره من سبقوك في هذا المجال وراح تبدع بالتوفيق
وجهة نظر احترمها واقدرها لك
ونما طريقتي هي نقل الواقع كما هو دون تزييف ومن سهل جدا ان انتقى الاماكن والزوايا الخياليه وهذا ما يحتاج خبره ولكن تذكر بأن فيه الكثير من الناس عند مشاهدة الفديو قد يتعنون ويروح للمكان ويطلع الواقع اسوء ولك ان تتخيل شعورهم
وانا لا صور عملاً سينمائي بل انقل الصوره مما لو ان المشاهد كان معنا
ارجو ان اكون وفقت في توضيح وجهة نظري
تحياتي
ما شاء الله عليك.. عيني عليك مثلجه ... كل يوم اكتشاف معلم او مكان جديد... اتعبت من بعدك ومن قبلك كذلك... بس كأنكم مسرفين بالغداء مكثرين الرز !!! ما خليتوا شي للنمل أبو خالد 😂.
تسلم على هالاطراء الجميل لكن عاد فيه من هو افضل مني بكثر جدا وانما انا هاوي فقط
عاد الرز وزنه
😂😂😂😂😂😂😂😂😂😂
@@waleedalhammad3650
لا ابالغ ابو خالد.... اكثر ما يعجبني هي نفسك الخفيفة الله لا يضرك .
@@omartameme3519 ماعليك زود يابعد راسي
👍💚
💐💐💐
طيب ياشيخ
التاريخ…؟ ديسمبر . لسة ما بعد جاااااا
ههههههه لا تدقق خطاء مطبعي وكم واحد من الشباب نبهوني اهم شي الفكره والوناسه 😁
لك الله يابو ابراهيم سبايسي😂😂 ماقصرت وليد طلعه حلوه
هههههه راح فيها ابو ابراهيم
الله يحلي ايامك اخوي احمد شرفنا مرورك الكريم
المكان صراحه موب زين وكئيب وكله حصيان وريغا...
اتذكره كله دراكيل ومدقوق ، ميزته قريب لحقين العزيزيه وجنوب الرياض وقت المطر طلعة ابو ساعتين ...
من خبرة 35 سنه طردي في البران خذها مني نصيحة اخويه ( كل ما أشملت استاسع صدرك وكل ما رحت جنوب العكس )
والله يالغالي وجة نظر احترمها واقدرها وكلامك على عيني وراسي ولكن انا لدي شغف اشوف اي مكان جديد على عيني له متعه تطول المتعه او تقصر حسب المكان وبالمناسبه سنواتي ليست ببعيده عنك يالغالي ان ما زادت 😊
وشكرا على مرورك الكريم
بالعكس الجنوب فيه اماكن تتميز بالخصوصية تاخد راحتك فيها بعكس الشمال تقول كنك في حدايق عند نورة والخفس والتنهات وخريم وغيرها والباقي كلها نفود او براحات وهذة من ميزات الشمال مد النظر فيه ..
@@salehjammaz8151 صدقت ولكن عندي كل ماكان له مايميزه وله نظره وجماله كل الاماكن تستحق التأمل
هذي جبال هيت وينها ووين العرمه
تصحيح لمعلوماتك بارك الله فيك هو ان سلسلة جبال العرمه يالغالي تبدأ من شرق الارطاوية وتتجه جنوب الى التوضيحية طولها تقريبا ٣٧٠ كم
ولتوضيح هيت مركز على طريق الخرج واطلق اسم دحل هيت كونه قريب منها واما الجبال فهي العرمه
@@waleedalhammad3650
حياك الله .
جبل هيت ما يتصل مع جبال العرمه
وبالفعل جبال العرمه متصله الى التوضحية .
لكن هيت منفصل لحاله .
عموماً ترا فيه طريق اسهل للجبل من طريقك هذا
الطريق من عند مطار الحرس الوطني وبعد امن المنشاءت تهزع يمين ويجيك الضلع والباطن
@@Himowo بارك الله فيك يالغالي سلمت
@@waleedalhammad3650
الحساب هذا مصلحه لي ولدي الله يصلحه يمكن تغرك الصوره و تقول صغير سن .
لكن طال عمرك ضلع هيت يبدا من شبك امن المنشات و ينتهي قبل الخرج و يحده من شرق ضلع خشم العان ويفصل بينهم سكة القطار
بارك الله فيك
ما في الرياض شئ زين وزيد الخرج امحق ديره
اذكر الله يارجال انت بكلامك هذا ظلمت نفسك قبل تظلم غيرك والكلام السلبي يتعب قايله
الله يعفو عنا وعنك ويهدي الجميع
شعيب نعييم معروف افضل وادي
سبحان الله جميل جدا مثل ما تفضلت أخي الكريم
@@waleedalhammad3650 ترى خربتها الكسارات العبت فيه ولا اول أجمل بكثير واشجاره أجمل لكن الآن اغلبها طاحت وفيه وادي جنوب منه اسمه ام كلبه زين بعد وفيه رمال
يضهر لي انه تم منع الكسارات من الشعيب او لا
نعم صحيح بس خلاص خربوه @@waleedalhammad3650
@@hygjujgyyj الله يعين
ودك تصيد فيه القماري
😋
أبو خالد تكفا أبي أكشت معك
شهادة افتخر فيها اخوي ريان بس اخاف ما يعجبك جوي و اجوائي 🤪
هذا الشعيب مايستاهل من يضرب مشوار يمة الا لوكان سايل اما بشكلة هذا امحق من مكان ، الامر الاخر ياخوي هذا اللي معك دايم يحب يجلس في اول مكان توصلون يمة فية عجلة انا متابع طلعاتك ودايم هذا الشخص فية عجلة امره غريب نبهة على ذلك وقلة يركد ويخلي الطفاقة عنة 😂😂🤣🤣 .
ما يسمى مشور يالغالي ياخوي حتى الصلاة ماتقصر
اما خويي فله وجة نظر صحيحه
جمال الطبيعة أن تراها بصورها المختلفة حينًا تكون سايلة ومخضرة وحينًا آخر عطشى ترى في تشققات ارضها الحاجة للرحمة والمطر ( هكذا هو جمال الطبيعة بالنسبة لي )
@@Ahmadjzh999 احسنت
شكرا اخ وليد
لكن شعيب عادي جدا
الحيسية اقرب وأفضل منه
@@adel0505702723 الحيسية ايضا جميله لكن من وجة نظري اي شي جديد على العين له متعه خاصه عندي واحب اشوف الجديد ومكان ما جيته
وسلمت يالغالي
حاط التاريخ ١٠ ديسمبر خطا التاريخ
ممكن هذي العام وبوخالد ماشاءالله
حاب يعرفنا بهالمكان
واشوفه جميل بس زي ماقال مخربته الكسارات
صدقت بدل ما احط نوفمبر كتبت ديسمبر
خطأ مطبعي تيلم على التنبيه
@@user-by5do4pd9u اكشت ويرزقك الله على قول الشاعر
استانسو ترا الليالي زايله
@@waleedalhammad3650
عزالله جابها
انا اشهد 🩵
@@user-by5do4pd9u صدقت