فلاح المسردي ظافر الحبابي || الحب سجن وبعد الاحباب الاعدام || الحب نوم ٍ عمره اشهور واعوام || بطيء

الكلمات :
الحب مثل النوم والوصل الاحلام
والشين من الاحلام صد المحبين
نوم ٍ طويل ٍ عمره اشهور واعوام
وان قمت ففهمها فراق وسهر عين
وانا رقدت وعمري اربع عشر عام
صحيت في شهر اربعه عام الالفين
نوم ٍ طويلٍ كله احلام واوهام
نصيبي من احلامه الجانب الشين
صحّى الفراق اقلوب في عكسه نيام
وغاب الفرح وانا بعكسه الى اللحين
ياحزن كبدي حزن من ضاق ثم حام
اخذت فروخه مادرى ليه ولوين
بعد ما شاف العش عيدان وعظام
خالي تفكر فوق ويسار ويمين
خلا عشاها فيه ومن الوطى شام
زبن على روحه وفل الجناحين
ياوجد حالي وجد من نام ثم قام
على صياح امه وهو دون رجلين
عويق وامه تنعته والنعت سام
وهو خابر انه يقسم الصف صفين
حبا وصاح بصيحة ٍ تاصل الشام
منها تقطّع في خفوقي شرايين
على وليف ٍ قسم اظنوني اقسام
واقفى وانا ما اعرف طرد المقفين
راح وترك في صدري ووسوم واعلام
وصى علي طيفه وقفى بقلبين
ليته تعذّر كان ماهو بمّلام
بعد ماشاف الدرب بيصير دربين
اشوى علي شوي من عظ الابهام
واشوى علي شوي من دمعة البين
تمشي بنا الاقدام والموت قدام
وميعادنا يمفرق اثنين بعدين
ياعين لا تبكين وعيونه تنام
عادش الى ما خاب ظني بترضين
لو الدموع اتفيد فادن الايتام
ولو الكلام يفيد عادت فلسطين
لو النبات يطّلعه دمعة هيام
شفتوا على وجهي ورود وبساتين
الحب سجن وبعد الاحباب الاعدام
وقلوبنا السجّان مدري مساجين
الحب نوم ٍ عمره اشهور واعوام
وان قمت ففهمها فراق وسهر عين
#فلاح_المسردي
#ابداع_سليطين

[@fM-nu5jt]

مبدع

[@exz505]

لا اله الا الله وحده لاشريك له له الملك وله الحمد يحيي ويميت وهو على كل شيء قدير:سبحان الله وبحمده:سبحان الله العظيم:استغفر الله:لاحول ولا قوة الا بالله: صلِّ علىٰ محمد

[@4tifl]

عادش إذا ماخاب ظنّي بترضين .

[@ln2zl]

لو الدموع تفيد فادن الايتام .

[@-sltoo]

لو النبات يطّلعه دمعة هيام ..

[@-sltoo]

شفتوا على وجهي ورود وبساتين🧑🏻‍🦯💔…

[@ln2zl]

الحب ؟ سجن وبعد الاحباب الاعدام .

[@2lwe.i]

﮼وقلوبنا السجّان مدري مسَاجين﮼

[@sh_r7y]

جببرراات 💔.

[@gigf1216]

لو نساني العهد يجبرني بطيء

[@user-2isn9119]

استمر ❤

[@user-no1cs8yt3k]

لو الكلام يفيد عادت فلسطين 😢💔

[@adgasafe321]

نذر انك مبدعع

[@o.ui.101]

جبريي

[@user-op6qt2nj1h]

ذووووق 💔🥀🥀😭😭

[@4tifl]

اسم البرنامج اللي تصمم عليه واسم الخط!

[@ln2zl]

لبيه يالابداع 🧡🔥..

[@t7-pk]

ابدعتت🤍🤍🤍