Chitrali New Song 2025 ||Yaar_e_Man Ameen[Khowar New Song 2025][[Zia Sada[Amin Ustaz

مستزاد نظم ۔۔ یارِ من امیں
مستزاد لفظی اضافی ، زائد یا بیݰ ۔ ہیہ ای ہݰ نظموتے ریر ہمو مصرعوسوم آخرا ای نصف مصرع بیݰ الفاظ ݯاکونی وا ہیت ہے مصرعو ہم قافیہ دی بونی ۔ آمین استاذ ہیہ مستزاد نظمو ضیاء صدا و ہوازہ پسہ خدمتہ پیش کوسیان
ریتام ہردیوتے ای وختہ اے نادان ہردی ۔۔۔۔ عشقو غیرنان ہردی
ہمیش غیریتاو تو عقلوتے کو دݰمان ہردی۔۔۔۔ غمو ختان ہردی
ای نا انسانو غمِ عشقہ گرفتار تو کو ہو ؟.... ہݰ قلمدا تو کو ہو؟
بوسون توریکاری نست یومونیو سار تو کو ہو؟ پیڅھیرو دار تو کو ہو ؟
ته ہے دردو بچے مه دستہ کیہ درمان دی نیکی ۔۔۔۔ ہݰ کیہ انسان دی نیکی
خور وا عالمہ ہروݰ ته غون پریشان دی نیکی ۔۔۔ وا بے زبان دی نیکی وصلِ دلبرار غیر کیاغ ته ضرورتہ نیکی ۔۔۔۔ وصل قسمتہ نیکی
صبرو سکونو کیہ دولت ته سعادتہ نیکی۔۔۔۔ ہیس مه طاقتہ نیکی
ته بچے بیم توغو دربارا کیہ انکار کہ نو کوئے ۔۔۔ مه سے آزار کہ نو کوئے
حُسنو خودیو باڑا مس مخو زنگار کہ نو کوئے۔۔۔۔ پوشیکار عار کہ نو کوئے
دیتی یہ لؤو تھے بغاتم ته دلداروؔ نسہ ۔۔۔ تان ژانو ہارو نسہ
یومونی کیچقہ کہ گویان نو بہارو نسہ ۔۔۔۔ عشق قرارو نسہ
ریتام ژانوتے مه ای لؤو ہردیار کار کو ۔۔۔۔ اے مه دینار کار کو
ناحق مه یار رے ہوتام تتے شرمسار کار کو۔۔ فلکو یار کار کو
ای استوری کہ ہوست ژیلاوہ پونگ اڑغانہ نیکی ۔۔ طاقت دی ژانہ نیکی
غیچ ته سار غیر کھیو پوشیکو مه ارمانہ نیکی ۔۔۔ اے گلبدانہ نیکی
نیسے دی تان دیرو دردوتے ته دوا کوریلی ۔۔۔ حقو ادا کوریلی مه کہ غریب چوڑینیو موردِ جفا کوریلی ۔۔۔ ته دی وفا کوریلی
آخر کیہ جرمہ ته ہوستین آوا سزا ژیبومان ۔۔۔ صبح و مسا ژیبومان
جوݰی تان حقہ ته دردو آوا دوا ژیبومان ۔۔۔ بے انتہا ژیبومان
ریتاے سے روئے متے جوابہ اے نادان ہوݰ کو ۔۔۔ عشقو رازدان ہوݰ کو
عشق حسنو سار ہمیش کیہ رے گلہ مان ہوݰ کو ۔۔۔۔می لوان تان ہوݰ کو
توری منزلی کورا عشق وا کٹک بہچوران۔۔۔ ہسے کہ ݱاک بہچوران
کیہ رے حسنو سوم تیغار اچی وا نمک بہچوران ۔۔ ہوشو الاک بہچوران ۔۔
جہل کوراک حسنو سوم انگارا پاچور ہش تان ۔۔۔۔ بوئی بے حضور ہݰ تان
مجرمِ عشق کہ ہوئے عشقو دی خیݰور ہݰ تان ۔۔۔ اژاو بریور ہݰ تان
سوزا سرگرم که ہوئے زندگیو ساز دی ہیہ ۔ ۔۔۔ہستیو را ز دی ہیہ
عشق روز گار تہ بچیں شغل دی اعزاز دی ہیں۔ تہ امتیاز دی ہیہ
ورینځار شمار قالب ته سورا پونگہ مگم اف موکورے۔۔۔ تو تأسف موکورے
قبول کو ریکا حقیقتو، توقف مو کورے ۔۔۔ بیر تہ وقوف موکورے
خدا یار دی ݯھوتتے بادلِ حزین شاباش بوئے وا پوشین شاباش
څیق تحملو ثبوت اے مہ ہمنشین شاباش یار من امين شاباش
Khowar new song 2025
#chitralinewsong2025
#chitralisongs
#chitrali_music

[@Salimkhan11220]

Had Kori asus zia SaDa xan ❤

[@usmanghanifana7533]

Love

[@SardarAzam-j9b]

Bo sheyeli💗💗

[@SAIFBhai7246]

❤

[@Chtirali6331]

🎉🎉❤❤❤❤❤

[@MirHiSamuddin]

❤❤ bo zabardst

[@zahedjan13]

Behtareen, Behtareen. ❤

[@Rebelgirlpk]

So sweet 💕💕💕

[@akhtarazamakhtar5718]

You are so kind

[@shafiqahmadofficial201]

❤❤❤❤

[@TajMaula-i2m]

Bo shaily

[@IqraruddinKhisraw]

Bo raitaw la Zia ma xhan 💕💕❤️

[@khowarpoint]

Wasas

[@IqbalUddin-e8o]

❤❤❤❤

[@ifaturrahman5505]

❤❤❤

[@khowarpoint]

❤❤❤❤❤

[@AfsarAli-uc2bb]

❤❤❤