觀眾們，我係咪唔應該再拍Youtube...點解魚波變了？這四年經歷了什麼？然後呢？｜魚波
ฝัง
- เผยแพร่เมื่อ 5 ก.พ. 2025
- 做左香港youtuber 四年，經歷過大大小小的事情
我係咪唔應該再拍youtube?
點解我會變左?
影片拍攝於2024年1月20日
睇完記得Like，Share，「訂閱」頻道呀！
========網店"鐵騎部品"========
www.ridershoph...
有我最常用 + 介紹的電單車產品及個人精品!
========Patreon支持影片製作========
牙波的patreon已開了!贊助小弟支持影片製作
/ yuball
==============================
加入付費會員，支持本頻道製作 reurl.cc/v1yV6k
Facebook: YuBall 魚波 reurl.cc/9edb8
Instagram: yuballballjacky reurl.cc/W6eb7
========工作聯絡=======
請發電郵到 ybstudiohk@gmail.com (搵YuBall)
#vlog #youtuber #魚波
點解我會拍呢條片？ 係1月19日晚上發生左一件令我好嬲既事
之後我好似以前咁即拎起部機拍左呢條片
影片分為兩個部份，08:30有一個過場
係我情緒最低落，最焦慮的時候 打算將影片停係08:30做完結然後暫停出片的
“你永遠唔知道，你用盡腦力深思熟慮嘅情況下”
“做咗一樣你認為自己正確既事，而全世界都覺得你錯嘅事”
所以…我掙扎左好耐應唔應該出呢條片
早幾日直播，比觀眾睇左呢條片的完整版(即你地依家見到的版本)
作為創作者…每個觀眾支持係創作者創作的原動力
我時刻提醒住自己”我是如何走下來的”
最後決定將成段片放哂出黎
至於影片08:30之後講既野我做唔做到
係2024年我即管試一試吧
如影片最後所講既一樣
”我唔知有一日我會唔會越走越遠”
“或者我驚到以後唔敢拍TH-cam”
”如果有一日...3年..5年後...我做唔到今日我所講野既事”
”或者有一日你地覺得"魚波變左" ”呢條片當係一個記錄，比大家知道呢四年以黎我經歷過既事”
我明白，觀眾無必要理會你經歷過D咩，只會著過結果(影片)
至少我講出黎，比大家知道我有盡力過
謝謝每一位願意接受/理解我的不完美
“魚波我自己本人都有好多野想做，但我唔敢啦”
“大家睇到呢個位知我想講咩啦?XD”
“如果我拍左呢D野之後”
“我內心同情緒會唔會承受唔到呢D野?”
呢一刻我都答唔到自己，如果係你地，你地又會點睇呢
最後好感謝PATREON的觀眾支持，冇你地既話，呢兩年都唔會有咁多片出
。
仲有幾日就新年 我想藉住新年的時間休息一陣 等我可以調整一下心情情緒
直播日期同時間另外通知大家
先祝大家新年快樂，出入平安，身體健康
新年後見～
影片拍攝日期2024年1月20日
影片出片日期2024年2月7日
我最覺得同埋你最應該，係時候休息多D😅😅，你個樣好累😂😂😂
拍自己鐘意既片
理得人地什麼評價 ,
出返整車片 教學片永遠都會有人睇...
你好漁波，本人不認識你的頻道，都對汽車/電單車不了解，是youtube 某一天，突然推薦影片你的買二手私家車片。睇完你果段片之後，發現你同朋友之間的互動好有趣，所以就一直睇返你之前啲片。當中睇到你係對車的熟悉同熱愛，算不上什麼死忠😂當你每次介紹產品的時候，都係以個人經驗同觀點去解釋返自己選擇的品牌，的確不是每個行家，每個師傅都會接受你的講法，呢樣野什麼好容易理解。每個師傅遇到的事情經驗唔同，時間，地點，年資，修車技術，都達到好似無不能，但唔好忘記，時代會進步，時代會改變，潮流會改變，師傅有幾利害都冇用，都敵不過時間，當你老左手腳唔靈活，教下一代手法就只有口述。口述好多時，技術就失傳。有影片教學之少多了一種參考記錄，之少可以保存好長，什之永久。另外漁波，當你覺得外界對你有語言上的不禮貌，唔緊要，自己行得正，怕咩人地講。不過係介紹產品之前可以同自己帶定頭盔先(以上內容只是個人經驗同觀感)的字眼，基本上大家都會明白，呢個其中一位用戶心得。咁樣分享出來的影片，大眾多數都會收貨。知道你係自用，冇收廣告費。如果要講到某某品牌有咩問的時候，例如：我之前未用過呢個牌子啲油，用完之後出左問題，不知道是否哪裡出錯，歡迎大家提供意見，係下面留言啦！咁樣一定多左正面回應。希望呢段內容會對你有幫助。
加油呀!!!!
休息為了更好的將來 休息一會我哋會支持
最近幾個月先知你的存在，因為我不是車友，但我覺得你啲片好睇，好真誠，見到你對陳小姐的真誠都已經好感動。anyway 加油。
TH-cam 原本就應該放自己既經歷，放自己鍾意拍既野，開心就好 😂
諗返起當年真係幾快樂，所有野都無憂無慮，想玩就玩，其實某程度因為你既出現，先會令觀眾認識小林 😉
唔好比到自己太大壓力，因為我宜家其實係好開心，當然有過唔開心，但宜家睇得好開，唔代表完全放棄，我會努力既 😊
小林只係我生命中既一部分，除左呢個部分，我還會好好享受其他既部分，慢慢體驗生活 😂
最後想講，多謝你魚波，新年快樂 😊
香港就係一個喜歡批評既地方
因為批評係唔需要成本
而依個亦都係東方社會中最喜歡既
全力推魚波,我都因為電單車改變左我既情緒
依家連醫生都叫我唔好再食某D精神病藥了
感謝你的付出
同意
好多地方據說互插內卷為樂。 我自己不看好一些東西，我考車牌，不幸地，我儘管我排除了很多垃圾，就來到頂，考官事後認為我比上次更傻更懵，尚未到他一樣噉豬的程度（因為“劇本”就是要扮豬） 。 我儲少少錢，之後抽快期再看。 況且只有中籤的人才要付錢約時間。 參加抽籤不需事前付錢。 至於兩轆問題，搞好VAN仔再睇。 當然是棍波，不是棍波我一般情況下懶寫。
support 魚波, 你嘅片影響好多人，的確係: 我係因爲你嘅片，先報26，由排期到而家已經喺路上行緊了，多謝你打開咗我另一片天
你嘅片影響好多人，的確係: 但你亦唔需要俾太大壓力自己，每個人都應該有獨立思考，唔應該將所有責任推俾TH-camr
多謝你，我有一次半夜三更頗無助嘅時候send 咗個message 問你嘢，多謝你不厭其煩咁俾意見我
最後，做自己，支持你
我有次pm佢。我聽聲好嘈應該喺出面啲酒樓食緊飯。佢都用溫柔嘅聲線解答我問題。雖然未見過佢真人，但都感覺到佢係個好nice嘅人😂
@@KFCheung-xj6gs佢係一個好貼地嘅人，有次我都見佢出story回應咗佢一句佢都有回應返我如果有名氣好似好少會咁做
龍年平安，加油
我無車牌，但都睇左你好耐，有時D片未必啱睇，
但覺得你呢種追尋自己夢想既個種決心，幾吸引到我睇落去，
老套講一句：能夠追尋自己夢想又享受過程既，點解唔繼續落去？
加油啦！！
多謝！
牙波，我係一個無電單車牌既人，但我鍾意睇你既片，因為你夠真。
記住你唔可能令全世界人都鍾意你，但你只要做好自己，問心無愧就可以。
撐你💪💪💪💪加油💪💪💪💪
Thanks
魚波你好，我係你既新觀眾，我都好鍾意睇你既整車出車片，其實你拍既我都好鍾意睇， 雖然我未有電單車牌，不過黎緊應該會報名去學，同埋要多謝你，如果唔係你拍片，我女朋友都應該唔會放手比我去學車，多謝你，繼續做自己想做既，拍自己想拍既，同埋我覺得睇得你片既應該都成左年，係一個成年人，應該有自己既思想，自己會識得去過濾一啲岩同唔岩既嘢，加油！！
希望我會考到牌，可以同你一齊出車做個朋友
魚波真係越嚟越TVB，YUOTUBE好玩嘅地方係可以為所欲為，做啲自己鍾意嘅作品(當然係唔犯法啦)，其實你諗返你當初拍片為咩？而家為左取悅觀眾而餵縮，真係對你好失望。我唔知問過咩人，但咁易受人影響，唔似你個性。同埋，唔好睇到自己有咁大影響力，真心，你啲電單車片都係由你個人經驗去分享，而唔係以權威姿態，我唔覺有咩問題，人哋要學你而出事，責任都唔係喺你度。即係啲靚仔學蒙面超人咁跳嚟跳去而跌斷手腳，都唔係拍嗰個人負責任啦。其實咁畏首畏尾，收台算了............真心失望
其實我都算係 魚波 嘅老觀眾，老實講係2023年開始我已經都唔係每條片都有興趣睇了，魚波 長大了...開始要為搵更多嘅錢而走商業路線是正確，但同時也會因為你的思維變更而令到睇開你舊風味片嘅觀眾群變更。
我喜歡以前 魚波 夠貼地，當時睇你整車整嘢嘅直播又能同觀眾互動，還有那些捉老鼠及打機片。
我喜歡睇 魚皮搞，因為呢類影片有營養之外也能感受到維修成功嘅喜悅感，當然過程之中也發生了很多趣事。
但當你說要搬更大嘅工作室及請更多人幫手剪輯影片時...我就知道我們將會失去以前的 魚波，因為你將會為營運開支而被迫改變你的人生。
所以無拘無束的少年是快樂，可惜我們已慢慢步入中年...總要為建立家庭而面對現實。魚波 加油～🫡
世界上邊會得正確同錯誤, 人又點會得兩面,
人一定會被其他人同個環境影響,
人生得把口就預左有人乜乜柒柒都屌,
我自己都好撚在乎身邊既人點樣睇自己, 好在意「評價」
所以, 做自己! 你認為係好既, 係想做既, 就做啦, 時間唔等人
BTW 19年睇你睇到依家, 我今年終於報26
好開心見到你返返黎啦!!!
加油啊魚波, welcome back!!!!!!!
雖然睇你唔係好耐，但係我非常欣賞你🎉因為你由零開始一手建立，繼續去拍片，繼續分享。不論你係電單車定私家車😤你繼續保持自己，身邊嘅人講既只係意見，你先係主角❤
我都係youtuber，雖然冇你咁出名，但係我覺得做youtube最緊要就係做你自己鍾意嘅事，諗吓當初點解你要開始拍TH-cam，覺得自己冇錯嘅，唔洗理人哋點睇，繼續做自己，你做TH-cam係因為你鍾意做你想做，hater一定會有，繼續做自己想做嘅事對hater唔回應，hater只會默然取消訂閱或者唔睇，對你唔會有太大影響，始終大部份觀眾都係支持你嘅
魚波波，我係趣緻呀。由你係觀塘個時開始已經支持你，有係你到買唔同既產品。心態上有所轉變、成長是必然的。你每次既直播同片我都盡量睇同聽，亦都有私下比鼓勵你，希望你都接受到啦。
同以往一樣，揸緊自己宗指，抵抗住其他人的目光、言語上的壓力。
有時唔係你有做錯，而係人地扭曲左你既意思。但唔緊要，做好PR，有就有，冇就冇。
記住你係魚波，唔係遊學修，唔係其他人。你有你既諗法，你有自己想表達同想講既內容。
你控制唔人地點樣扭曲你既內容，但你可以澄清你所表達的內容。
最後，支持你呀兄弟。撐住呀。
唔好將自己覺得好辛苦既感受轉嫁比觀眾！你係得既話冇人可以質疑你 香港人😢做好自己做好目標 加油👍🏼 做好一件事未必好多人睇到 最重要係值唔值得 香港既觀眾可能唔係每個人都中接到你既講解 但唔好怨！做好自己，無忘初衷就可以
魚波我覺得你唔好被所謂‘初心’綁住，人並非一成不變，唔好比自己的‘初心’拖住自己的步伐。我相信大部分觀眾最想睇到既係親眼見證你的進步以及你用行動一步步實現以前訂落的目標。每次睇完你的YT片，心入邊都十分佩服你的魄力及行動力，因為你做左好多人想但唔敢做既事！雖然我沒有電單車，但有機會都會去你舖頭觀摩下！
Keep going!
雖然你係26出身，但見你而家都揸46。反而我覺得可以講多d揸26同揸46個分別，呢類野暫時都仲係好少人分享。
始終多左人睇，你個名揚左，自然就多左種被人評論的壓力。如果真係太辛苦我都贊成你休息一陣先。
至於影片題材，我又唔需要講乜初心，始終人都係會變，口味都會變。無謂比初心迫死自己。
點都好，肯拍片已經值得respect 。雖然我無車牌，考車肥左，但都覺得你條片好好睇。加油！
魚波我支持你! 人係會成長會改變既，就好似你由觀塘睇係街整車到你有地鋪有studio，又例如你由毒L冇女到宜加偽毒(好似係)有陳小姐(男&女)，係好正常既事黎。由自己2020年報名學🛵到2021年學牌出車到甩P，好感激有魚波你既片陪住我成長，好多謝你魚波，我會繼續支持你的! 片入面既你睇落真係好攰吖，襯新年好好休息一下，加油吖!!
我係因為你先對電單車有興趣，本身鍾意車多啲。我地觀眾鍾意睇嘅係你。唔同嘅片會有唔同嘅觀眾睇，唔需要取悅任何人，歡迎你返黎yuball。
💯 Support you Yu Ball 💪
Can't wait for your new content in 2024 ❤
Morning from snowy Boston, Massachusetts 🇺🇲 ❄️
魚波，我唔係電單車駕駛者，但我睇左你嘅片幾年。想說，認為自己正確的事，去做吧！其實人會成長，但你始終是你。對你有信心，加油！
魚波，你係拍片者，我地係觀眾！
其實我地冇得命令你拍咩片！最緊要係你諗到你想拍既題材就去拍！
每個人都有佢做得好或唔好既一面！
你覺得以前邊到做得唔夠好，就搵方法去修補你覺得唔好既地方！唔好後悔每一個係面前既機會！我冇26牌，但我都會睇魚皮攪！努力
作為一個五十幾歲先黎學電單車既伯伯, 見到你呢條片, 就會覺得, 冇錯能keep住果團火, 當然好好. 但人生, 係會有好多轉折, 好多變化, 即使他日, 魚波變到第二舊嘢, 或者, 變左個所謂冇夢想既中佬, 其實, 又如何呢? 人既心境, 想要做, 需要做, 覺得值得做既野, 都會隨住年紀唔同而有變化, 再加上唔同階段, 要承擔既責任等等, 都好唔同的. 唔一定係話, 年年廿五歲, forever young就係最好. 我覺得, 每一個階段, 都真誠地生活, 努力做好, 可以的話做福下他人, 已經算係咁.
點都好, 睇你既片, 係我在由零開始學習電單車野既重要資訊來源 (而家仲響強制試果關努力緊), 學到好多野的, 謝謝你啊!
路過留言支持一下，香港哋玩車本質上就被標籤咗某啲嘢
有人聚埋一齊嘅地方就有是非，玩車界亦不會例外
雖然無玩電單車，但睇過你幾條私家車嘅片，到睇到呢條片，都想像到你講嘅嘢同有咩人會背後講啲大概咩嘢
既然拍 TH-cam 唔係為咗賺錢，咁做你自己開心嘅事就好；只要唔係刻意抹黑其他人或者其他產品，呢個係你嘅個人感受嘅分享，相信支持你嘅觀眾都係想睇呢啲
加油
啱啊！出得黎行預左多小人！唔好俾咁多壓力自己！人大咗應該懂得面向鍾意你嘅人！Hater唔使理！每個人身邊都總呢類人！下下要理佢哋感受咁咪好忙？！咁咪好戇鳩！係咪先！支持魚波！我冇電單車都睇左你幾年！最like睇你整車砌車開車吹水！！
加油呀魚波！
作為一個因為你搞 4轆 再而去睇你 2轆 的觀眾，我繼續追就係因為鐘意你講你自己想講嘅嘢。
一樣米養百樣人，總會有人憎人富貴厭人貧。見到你呢一條片，都會感覺到你 2023 年失去咗好多想講嘢嘅機會。
總而言之，支持你！
支持你，拍自己想拍既片係最好睇，唔好淆，俾d 正能量你，世界上鐘意你既人再多1位🎉 老土d 講，總有人鐘意你，有人唔鐘意你，改變唔到人就改變自己心態，有左被討厭既勇氣，可能做野就簡單d🤣
由中學開始睇你睇到差唔多大專畢業 無論你想拍咩片都好 都一定支持你 ，人生咁短 希望你可以做你真正鐘意嘅嘢 唔會因為一小部份人嘅負皮而唔做
老實講我由細到大都好鐘意電單車，18歲考完車牌一直都想考埋電單車、一路都唔去報名又驚打8字
我真係睇完魚波你啲片、的起心肝去報 最後一✅ pass我唔知你令到幾多人去踏出第一步 但起碼令到我踏出第一步
繼續加油💪🏻
好喜歡你魚波後生仔，我這幾天才看過你Suzuki的片，你的介紹非常生動，有真性情，完全無很多KOL随口up的情況，你花很多時間去剪輯片，我不是電單車迷，但我會繼續follow你，給一個有心有才華的KOL支持，如果我可以一次可以有十個like我一定你視頻下俾你，表示支持🎉
魚波加油，做返自己就夠，唔洗理9班L人，如果要理唔同人立場，最終就會變成無左自己。心理質素都要時間成長，加油💪
我甚少YT留言，但想跟你分享我2021年3月開始睇到你的片，重燃我壓下幾十年的26夢，終於同年5月報了考26……出埋車，終於初嘗騎上26的那種爽……。謝謝你，加油。
👍👍👍
魚波真係變得左。再見了有夢想的魚波
第一次認識魚波你，係由我同朋友一齊決定考電單車，開始上網搵資料既時候搵到你個channel，睇到學車係點，考車有咩留意等等。
一路睇住你就好似自己一路同個朋友一齊成長，一齊進步，而同時間見到你由youtuber成為一間網店到實體店既老闆，呢件事真係好開心，好似睇住一個識左好耐既朋友，睇住佢成功，睇住佢進步；
希望你唔好因為某d人既說話而自己抹殺左自己既努力同對其他人既正面影響，加油！
支持魚波，年輕人追理想又要兼顧生活着實不易，揸4 6 都應同支持你努力。😝
我魷魚波第一條片睇到，而家基本上每一條片我都睇過咁滯係有種覺得如果魚波改變咗嘅感覺，但係呢種改變可能就係我哋一手造成嘅，但點都好只要你繼續出片我就會繼續睇落去
加油！
我有牌冇車揸都成日睇你D片ga~~~加油~~~唔好L忍啦~~~你忍咗佢都唔知GA~~~做你自己啦!! 陳小姐需要你~~
魚波。 頂住。 你拍咩片我都會鐘意你既片。 放心去拍。 唔好比太大壓力自己。 每人思想唔同。 唔好為左其他人搞到咁大壓力。 加油
魚波，努力呀！呢個世界什麼人都有，邊有可能迎合所有人的口味，只要目標正確，就開開心心隨心去做吧！💪😄
開心你諗通咗。做人問心無愧，參考下外國嘅電單車youtubers，做自己。
Fortnine 就係一個好嘅例子，絕對係youtube上最出色嘅電單車youtuber之一。
唔理得閒言閒語咁多，畀咁多嘢框鎖住，加油。
我係身處台灣嘅香港觀眾，最鍾意睇你嘅vlog，拍vlog最睇到你自由自在兜風
睇你嘅片可以睇返香港嘅景物，其實想同你講，你拍嘅片係治癒到我
所以都想簡單同你講聲：加油，KEEP住👍
魚波：
我吾識揸26，其實都無諗住學。你既片係某一日TH-cam彈左出黎我click入黎睇，我吾識整車，但係好中意睇你每條整車片。我知道呢段說話你可能聽過好多次，但係你要知道，你要記得你既初心，你要做翻你自己，吾好因為其他人既惡言影響到你自己。
當你發生事既時候，可能會有好多人離開你，但係你不能去勉強對人點對你，你只要記住，有一班真正中意睇你既人會一直係到支持你，加油！！
魚波我雖然移居左日本差不多一年，但我仍然有睇你啲片架，加油呀，唔洗理啲人呀支呀左，香港啲既得利益者就係咁pk ,魚波我支持你呀❤
其實以前喺老鼠屋拍片或者live係幾好睇，而家都好好，2024繼續拍啦，驚hi咩魚波,你都洗濕左個頭,驚咩? 繼續拍多啲片啦
魚波兄，雖然我唔係電單車友但你拍既片我都會睇覺得都可以對電單車方面增加了解，同埋你拍得好風趣。 我唔知你會對我嘅comment有乜睇法！ 但我相信一直支持你嘅觀眾，只要魚波兄你活得愉快，大家都會尊重你嘅決定！ 加油👏
呢個世界 做乜都好
都會有人讚 有人批評
我認為 根本唔洗理
你拍乜 做乜 講乜
只要唔係犯法
乜嘢影響 唔影響 根本唔係你去控制
每個人都可以有自己想法
跟唔跟 啱唔啱
應該由每個人自己思考
冇人迫的 自己判斷完 就唔好賴人 一係唔好睇 取消訂閱 Skip走
全部都係自己可以控制
所以 我希望你唔好受其他人影响 支持你 👍
魚波，我身在加拿大滿地河 Montreal Canada 都一定無限量支持你！
加油，人生無幾多個十年，做每件事只是憑著自己良心就可！
我在加拿大都係開車房的，一做就35年。
加油，努力💪
繼續做，keep住阿Q精神是必須的，拍片沒有對與錯，你不是電視台節目主持人，亦不是在拍教育電視，你是自由媒體，你的頻道是你的。
我仲好記得 魚波 一個人 去西貢 飲早茶 嗰段片
而家大個仔 拍拖 做老闆
恭喜晒 加油魚波
果間舖已經執咗
我好純粹 只要你拍 我就睇就like 就係咁簡單💪🏻 保持身心健康 好好生活
魚波你已經大個仔架啦！應該自己識分對錯，岩就繼續做，唔岩就改！TH-cam條路從來都唔易行，最重要，你不是游學修，唔好胡亂學佢，其實游學修單野，佢老闆古生背後幫佢做左好多野先傾得掂無事！
你真係攰就休息下，遲啲先再拍返片😢
加油呀魚波
我係未有車牌 （將會有）😂
對電單車只係有少少認識
但睇完你d電單車片，同埋小辣椒
我覺得你個人好Real 好享受自己做緊既野
你要記住你身邊仲有你一班嘅好朋友好同事同屋企人去支持你
Btw 無論係好定壞 我都會繼續支持你睇你嘅片 Keep Going dudeee👊🏻
撐你呀魚波....加油...💪🏻💪🏻💪🏻, 1日26友, 終生係朋友, 比心機...雖然我唔係paytron 會員....🤣🤣🤣
加油, 做自己中意做既野, 我想講, 上去睇TH-cam既人上邊咁多唔同既資訊, 總要學識自已分析資訊既內容, VIEW數就會反影你做既野, 平常心便是, 唔好太大壓力.
雖然好老土，但一百個人有一百個唔同嘅想法，人地要點講你亦都控制唔到，加油魚波💪🏻💪🏻💪🏻
支持你呀魚波，期待睇你2024年做返自己，繼續做你認為岩嘅事，萬事都唔好怯，怯你就輸一世😏
睇魚波嘅整車片出車片感性剖白片煮嘢食片vlog片溝女片產品片出trip片睇到而家睇咗4年，呢4年我都冇車牌，門外漢唔知圈內有幾多花生，但就真係見到你用心去做好每件事拍好每條片，而呢啲片對於好多觀眾其實好有用。我前排學車都睇返你講學車嘅片，睇返你同小林同陳小姐練車，睇返你講養車開支，近幾日我終於pass咗路試，打算買車啦，就睇返你油站全攻略條片。呢啲知識喺其他地方搵唔到，得你會講，仲講得好詳細。其他老前輩有幾叻有幾正確都好，佢哋冇一個會將知識傳授比新手同車友，淨係指指點點都唔會令個車圈同揸車嘅生態更好。所以你做嘅嘢拍嘅片真係有影響，但只要你繼續用心去拍，就一定會有好嘅影響。加油魚波，冇咩事我返出去繼續煲舊片。
我由你第一條電單車片開始睇，但我從未留過言，睇你啲片，令我自己都走去學車、買車。你不是孤獨的，仲有好多人支持你！
Hello，我係一個訂閱你嘅普通人，雖然follow你，但係我係對電單車零興趣+零認識，你所有片我都有睇，每條片都拍得好好，我想講嘅係有時候拍片做youtuber無可能得到所有人認同，同路人/有共鳴嘅人自然會一路支持你，無興趣嘅人自然會落車走人。唔需要太顧慮呢方面嘅問題，做番自己就可以，加油💪🏻😊
頂住呀魚波點都撐你呀，認真你條條片都好撚高質 一直見證你進步由吐露港火燒鮑魚到而家真係越嚟越高質好睇。唔好理班7頭講咩做自己就可以最緊要自己開心。加油魚波🔥🔥🔥🔥
Keep it up, and I like your channel. I start looking at your channel few weeks ago. Thank you for your efforts.
人冇夢想。同條咸魚有咩分別！
魚波生仔後都可以拍TH-cam 架。我一樣支持。加油啊Bro
魚波，雖然我唔係睇你電單車片，我係學四碌車個陣睇到你既channel , 我個陣係睇住你學新觀駕條片，追住睇好想知你pass 唔pass , 直至你拍左條1 take pass 既片，我真係好開心。自此我都有睇你唔同既片，我只係想講無人可以做到全人類都會支持同鍾意你，總會有人反對同你睇唔順眼，希望你可以放低執著，為左自己開心而活，每個人睇片都需要學識分析，唔係話你做既野一定要跟，你唔需要有壓力，自己想做乜拍乜，隨自己心去做啦，加油。
btw,其實唔係電單車片都好睇，我覺得你追陳小姐d 片都頂癮😂。 唔洗比個框架框住自己。岩睇就會繼續睇架啦
由你學46開始睇，我有車牌，但無玩車，不過每次睇你Ｄ片我都好開心，有車唧介紹，温情，愛情，友情（加油支特你）總之好啦
魚波加油同休息多啲呀，要上去學賽車釋放一下壓力喇😂😂，人生苦短，點解唔去做，唔通等到身體有問題做唔到先來後悔，由你觀塘比人跣睇住你成長，你團火真係好狂😂，真係得來不易🎉
而我2023年尾都不幸地中年先比人裁員，需然暫時都搵唔到一份適合自己嘅工作，但我都無放棄一路尋找出路，而你有青春有活力仲有團火，只係人生一個小跌浪來啫，所以你唔好放棄呀，加油，Gin Lee 首 企好 歌詞好似幾啱你😂😂😂
我係睇你既片先會考慮學26先過46，希望你繼續出片，貴精不貴多呀，等我過左筆試，我就會過黎買頭盔，你要頂住！你要等我呀！支持你魚波！
魚波，加油💪🏻，我當初系一個咩都車既人，去睇你啲咩，你講左好多唔同電單車專業詞語，慢慢去學識小部位電單車知，如果唔系睇你啲片，我都未必會去學電單車，好多人會因為電單車系因為皮包鐵好危險
啱撚晒啦！唔鐘意嘅，係自己啱嘅咪屌囉！使撚理佢呀～揸穩自己理念，做人做事做乜撚都係做比自己睇唔係做比邊個睇！自己個心係覺得件事係對嘅正確嘅，好希望你能堅持下去！一定要做返自己！路的確可能好難行，好多困難但仍然希望你一直懷著初心走下去！加油！
如果做得唔開心最緊要做返早早幾年嘅片，我會更加支持你而家嘅片我都會更加支持你加油永遠支持你魚波
從來冇對錯. 只係你未ready. Follow your heart. 勇往直前. 以前嗰啲片係好睇啲, 唔使理人咁多.
support 吖波，想講你個channel對於我考26黎講都俾咗好多energy同埋歡樂，無論你之後決定如何我都會keep住support你同埋鐵器部品🫶加油！
加油魚波！我相信做content嘅人總會遇到呢個階段。由因為熱愛一樣嘢、想同人分享，去到開始有顧忌、題目範圍被逼地收窄或者開始為拍而拍，甚至拍一啲自己未必最鍾意嘅題目。
不過記住就算「魚波」變咗，嗰個都係「魚波」。與其話拍片係俾觀眾睇，更加係記錄自己成長嘅一個渠道。觀眾就好似朋友咁，離離合合，合則來不合則去。所以最緊要嘅係要搵返一個心態去正面地做一啲自己開心嘅content，而唔係將拍片變成壓力。繼續努力，你嘅片真係好好睇👍🏼
P.S. 26新手，會繼續一路睇你嘅片學嘢🤘🏼
支持魚波，心理質素 同 抒發壓力好重要
加油呀!我都係睇你先去考牌,而且我好鍾意你拍片嘅節奏,喺啲片學到好多知識,繼續啦!支持你💪💪💪
你堅持多年有邊個係繼續同你共苦㗎？你對嗰啲人好啲，對自己好啲。做生意搵錢TH-cam 嘅嘢係浮雲，需要但不可強求。放鬆心情，身心健康。
魚波，你係唔係有情緒病，我係上年下半年至開始睇你啲片，慢慢睇返你8-9乘嘅片，越近期就越開始feel到你好有壓力，身體越嚟越瘦，點都好，忙還忙，最緊要身體健康，多啲時間休息，陪多啲身邊嘅人，女朋友，屋企人都好重要，萬一有咩事發生，佢哋係最傷心，要好好珍惜同佢哋嘅相處時間。
一直支持你，由你做話劇導師時已開始睇，好耐之前你仲有做外賣時見到你，仲好辛苦先追到上燈口位同你講加油，希望你唔好灰心，做自己想做既事情
支持！即管做自己開心嘅事最緊要，快樂先係人生意義。
訂閱左你channel好長時間，期待你魚皮搞⋯❤唔係想人云亦云地叫你唔駛理人講咩，事實上無論人地講咩，你做左啲咩都一定係會有人唔認同，keep住做自己覺得正確既事，就係無悔。🫰🏻
yuball 頂撚住 你既人生只需為你自己交代 必需好好的活著 加油 撐你
頂 成條片睇哂
老實講 留喺度睇既人就係識欣賞你夠真實 千祈吾好咁拘謹
要向自己最拿手既方向發展
造出自己既風格
這樣先可以百花齊放
繼續進步 内卷只會步向萎縮滅亡
我唔係條條片/直播都有睇
亦自問無乜幫到魚波
希望留個言可以表示對魚波支持
加油呀, 真係好掛住你個d "土炮"整車片
加油魚波波❤，唔駛理人點睇你，壓力從來都係自己比自己，人地比唔到壓力你….唔好理其他人，做好自己，做自己想做既野就好👍🏻
無話應唔應該,其實係話你拍既片,有幾想分享同交流,有人批評係好正常,因為真係驚你遇到啲最麻煩既嘢
唔敢講發生未,但遲早都會發生,好似JPEX既事咁,你推介過啲咩 甚至有人跟風用完唔滿意,會去搵法律途徑恰你,唔好怪啲前輩咁長氣提你,人言可畏 人心叵測
你本心好意無問題,試嘢批評人哋既嘢無問題,夠持平一定大把人撐你,加油
期待2024新魚波(由22年開始學車睇你,話係新魚波不如期待可以再睇過去既魚波)
鍾意睇日常揸車吹水片,有時分享下D揸車技巧都令我獲益良多
多得你拍黑色暴雨條片,上年9月既百年一遇無穿無爛咁返到屋企🤣
澳門新手26撐你
頂住呀 魚波!!!
唔算係好早期嘅觀眾 亦唔係點留言嘅觀眾 亦無電單車牌
不過由觀塘studio 果陣D片已經一路有睇 一路都會期待你出片
無論咩類形嘅片都好 都會繼續追落去等你出新片
唔知點撐你好 只好同你講聲加油
同埋希望我地作為觀眾嘅期望 唔會令你覺得係壓力
想抖就放個小假 想拍就繼續拍 祝心靈同身體都健康 繼續有心有力
p.s. 開頭你咁凝重 有D 驚你頂唔住 後半部分見你笑返就好
我係一個唔揸電單車既人，所以無框框去睇你講既野，即係我唔會理你講既野岩唔岩，錯唔錯，純粹喜歡睇你講故事既方式
繼續加油，得閒冥想，努力
明白你嘅感受，當一個人多左人留意，就會多左好多野背負，唔知點解好多人會將責任放左喺你身上，其實呢樣野好奇怪，點解呢d人淨係識得批評人，而佢地自己可能一直都無為。
我認為呢d人先至係最龜縮，而唔係你。
加油，魚波我同我D朋友都係因為睇左你D片先一齊考26同出車，我用緊既藍牙耳機用電單手套都係因為睇完你D片先去你度買，有一齊考車既朋友都希望將來可以好似你咁出去日本/其他國家玩公路旅程，如果真係辛苦就休息下先😢
我無電單車牌的！只有私家車牌（35年了）！但我就是被你所拍嘅片吸引過來（已經好幾年了）！你加油吧！支持你！💪
掂呀！出多啲片！撐你呀！愛你啾咪😘😘😘😘😘
作為公眾人物肯定會有人唔妥你。你越紅越成功就越要踩你。憎人富貴嫌人貧，呢啲人都唔少。不過你要知道真心鐘意睇你片嘅人係佔大多數。我時不時落你舖頭睇下買下嘢同米奇佢哋幾個吹下水，心情都好好多。
過幾年你成家立室，變成第二個鐵騎軒，我都會繼續支持你，盡我能力十卜你😂
加油💪魚波。
魚波 我係其中一個睇完你D電單車片先開始學車既觀眾
你D片激勵到好多想學電單車既人嫁
千祈唔好放棄呀 做自己就夠
世界太大 冇可能滿足所有人
只要自己重視既人明白你就夠啦🦾
加油呀魚波 年紀只係數字
唔好俾年紀限制你
加油 一直支持 做TH-cam一d都唔易 唔係單單係做一條片 而係當中面對嘅人言人語 愈做會愈唔敢講得直接 怕得罪人 怕觀眾唔鍾意 好多人比意見你 聽得多就會覺得做乜都有機會錯咁 所以希望你可以繼續做自己 加油💪🏼我都為左條片靚d每個月都比凸TH-cam攞返黎嘅錢比剪片師🤧不過換返黎大家睇得開心 我都有得著有成功感🫰🏻共勉之
Ga yau! Support❤️💪🏻
真系！我連車牌都無 但系俾你啲片吸引咗 從未同陳小姐一齊之前已經一路睇緊