Бухоро тумани ҳокими Хайрилло Жўраев профилактика инспекторлари билан учрашди

Туман ҳокими Хайрилло Жўраев, туман прокурори Лазизбек Аҳадов билан биргаликда, ички ишлар бўлими тизимида хизмат олиб бораётган профилактика инспекторлари билан учрашди
Туман ҳокимлиги мажлислар залида бўлиб ўтган урашувда туманда жиноят ва ҳуқубузарликларни келтириб чиқарадиган омиллар, уларни барвақт аниқлаш ҳамда олдини олиш, фуқароларнинг ҳуқуқий билим ва маданиятини оширишда профилактика инспекторларининг ўрни, масъулияти ҳақида сўз юритилди.
Йиғилиш мобайнида туман ҳокими профилактика инспекторлари билан бевосита мулоқот қилар экан, уларнинг хизмат фаолиятини янада самарали олиб боришлари юзасидан муаммо ва таклифларини тинглади ҳамда маҳаллаларда хавфсизликни таъминлаш, турли салбий ҳолатларнинг олдини олиш юзасидан ўз таклифларини билдирди.
Учрашув сўнгида эл-юрт осойишталигини таъминлаш, жиноятчиликка қарши курашиш ва унинг олдини олиш борасидаги самарали меҳнатлари ҳамда ички ишлар органлари ходимларига намуна бўлиб келаётганлиги учун 12 нафар профилактика инспекторларига хизматда фойдаланиш учун компютер жамланмалари ва принтерлар топширилди