《十八相送》何華棧 李愛文 (台長138製作室)

(台長138製作室) 註:非賣品 本影片由李愛文小姐提供 並要求上傳 只供粵劇愛好者免費欣賞 謝謝!
2018-11-12 粵藝薪傳溢華聲 何華棧師生演唱會
沙田大會堂演奏廳

[@woonchunfung3973]

👍👍👍👍👍👍👏👏🌹🌹

[@georgekwho]

十八相送
林家聲 李寶瑩原唱
現演唱者何華棧 李愛文
葉紹德撰曲
旦角除特別註明，以平喉唱出

山伯: (念白)
雲山疊疊水茫茫，送弟平安返故鄉，

英台: (念白)
三載同窗嫌聚短，傷離恨比柳絲長，

山伯: (白)
賢弟

英台: (白)
梁兄

山伯: (漢宮秋月)
分花拂柳，
恭送弟郎，
你莫怨驪歌今初唱

英台: (二王上句)
唱不盡別離愁，
訴不出其中況，
感哥你送我一程，
我多添一番惆悵；

山伯: (接唱)
三載同窗，
一旦分張，
忘不了手足情長，
縱然小別又何妨。

英台: (白)
如此說，梁兄請，

山伯: (白)
賢弟請，啊！賢弟呀！你睇嚇的花，開得幾靚！正是

(王姑娘算命)
好花應折趁芬芳，
幽香一縷襲人醉贈弟郎，

英台: (接唱)
寒舍孤芳最堪賞，
嘆寂寞，
送春歸暗斷腸，

山伯: (接唱)
傷春莫怨惜花客，
花吐艷時蝶更忙

(白)
賢弟呀！既然府上有一樹孤芳，無人玩賞，待愚兄異日拜上堂前，摘一枝歸去案頭供奉呀！

英台: (白)
梁兄，其實花早有迎人之心，獨惜人無惜花之意啫！

山伯: (白)
賢弟，你話乜話，

英台: (禿頭子喉花)
枉倩女魂銷楚峽情，恨呆郎不辨廬山相；

山伯: (白)
奇怪咯！何故賢弟沉吟自語呢嚇？祝賢弟，

(禿頭花)
莫非怪我惜花妄肆摧花手，自悔未從賢弟學憐香。

英台: (白)
梁兄呀，你睇嚇前面池塘，

(醉酒二段)
有一對戲水鴛鴦，

(白)
梁兄，你睇唔睇到呀！

(接唱)
一對一雙，
偕老白頭一生不會分張，
與兄相靠傍，
願化鴛鴦倆，
交頸並頭夢正長，

(白)
梁兄，英台若是紅粉女，梁兄可願配成雙呢？

山伯: (接唱)
鴛侶共浴情浪，
堪笑義弟縱生得潘安相，
可惜不是豔女郎，

(白)
金蘭枉入風流夢，管鮑焉能化孟梁呢？

(接唱)
賢弟你將兄取笑令人為愛狂，
空羨情鴛只戲浪

英台: (白)
唏！梁兄呀！你見否

(減字芙蓉)
河邊一對白天鵝，暢游碧波上；

山伯: (白)
我見到呃，哈

(接唱)
何以一隻在前邊去，一隻在後面嘆孤寒。

英台: (白)
你咁都唔知呀？

(接唱)
可笑雄鳥只顧前行，不解婦隨夫唱；

山伯: (白)
賢弟，你又點知前面只係公，後面只係乸呢又？

英台: (接唱)
梁兄未懂其中意，堪憐雌鳥叫斷腸。

山伯: (追問白)
啊，佢叫？

英台: (白)
而家唔係佢叫，系我叫呀！

山伯: (白)
乜話，你叫乜嘢呀？

英台: (白)
系，我叫你過橋呀！

山伯: (白)
哦！

(禿頭花上句)
眼前一度獨木橋，待我把賢弟攙扶臨對岸；
(攙扶過橋介)

英台: (花)
宛似鵲橋高架天河渡，我地有如織女共牛郎。

山伯: (白)
哈哈，賢弟你真係鍾意講笑㗎叻，

(新腔快七字清)
過了一河又一莊；
哎呀！莊前黃犬吠聲狂。

英台: (白)
噎哎！梁兄呀！

(接唱)
不咬先行男子漢；
偏吠同行身伴女紅妝。

山伯: (接唱)
兄弟出言真乖妄；
此地何來窈窕娘。
可笑弟郎無膽量；
待我驅犬兒與你過村莊。

英台: (接唱)
轉過村前舒眼望；

(白)
梁兄，前面有一口井呀，

(接唱)
我投石沖開井水寒。

山伯: (接唱)
賢弟呀，
井水縱然深千尺；
怎比得我地手足情深比天長。

英台: (接唱)
你來看井中雙影隨水盪；
又好似一男一女笑洋洋。

山伯: (接唱)
愚兄不是娥眉相；
賢弟你將吾捉弄太不當。

英台: (南音短板面)
過一井來又到觀音堂

山伯: (流水南音)
兄弟同入廟，
下禮叩靈光；

英台: (接唱)
又見金童玉女列兩旁。
佢兩位分明夫妻樣；
怎奈心中有意口難張。

山伯: (接唱)
觀音一副慈悲相；
當會為癡男怨女撮鳳凰。

英台: (接唱催快)
既是玉女金童原一對；
梁兄與我亦一雙。
觀音有意為媒證；
我與兄攜手共拜堂。
(強拉山伯拜堂介)

山伯: (白)
賢弟，乜你揾地咁個嘢玩啊？

(禿頭長花)
賢弟你太荒唐，
舉止何乖妄，
你不是癲時，
我又不是戇，
試問兩個男兒怎拜堂，
不若速離廟宇向前行，
見否夕陽斜憑西山上；

英台: (子喉花下句)
惱煞梁兄蠢鈍如頑石，任教生公說法，難以醒呆郎。

山伯: (白)
賢弟呀！

(禿唱木魚)
只見牧童吹笛牛背上；
高歌一曲過山崗。

英台: (接唱)
情歌枉向蠻牛唱；

山伯: (白)
你指住我做乜呀？

英台: (白)
啊！我唔係指你……我係指只牛啫！

山伯: (白)
哦！

英台: (轉合尺花)
謝兄你相送弟郎十八里，
長亭泣別暗神傷。

山伯: (白)
來到長亭，祝賢弟，我們一同稍憩也罷，

英台: (白)
柳陰依舊當年樣，弟兄從此各一方，

(子喉反線中板)
偷眼望梁兄，
三載同食同眠，
抵足談心，
暗將情絲綁；
愁似別路長，
枉我暗傳弦外意，
嘆文君空引鳳，
恨司馬未求凰。

山伯: (接唱)
休道別時難，
人有離合悲歡，
觸景莫傷情，
背人偷淚淌；
相對暗魂銷，
慰安無一語，
望勤修魚雁，
早日報平安。

(花)
願弟郎珍重手足情，縱使海角天涯心一樣；

英台: (子喉花)
我一皺眉頭心有計，常言換柱可偷梁。

(白)
梁兄呀，

(花)
我問兄曾否訂婚盟，

山伯: (白)
賢弟，你亦早知愚兄未曾訂親㗎喇！

英台: (白)
咁就好叻，

(接唱)
待我撮合才子佳人，早賦關雎唱；

山伯: (白)
賢弟你欲代我為媒呀！都幾難囉！除非揾到一位小姐與你生得一般容貌喇，

英台: (白)
我已經同你揾到㗎喇，

(七字清)
我家祝九妹，
淑德又端莊。
閨中夜讀精文翰；
合教才女配才郎。

山伯: (接唱)
我問芳齡，

英台: (接唱)
佢與我雙胞養；

山伯: (接唱)
廬山貌呢，

英台: (接唱)
似小弟化紅妝。

山伯: (接唱)
則怕玉宇瓊樓難攀上；
豪門不納布衣郎。

英台: (接唱)
家父不求金萬兩；
慕才選婿贅東床。

(花)
望兄百日訪寒廬，待我掃徑恭迎仙駕降；

(白)
梁兄，百日之內、你記緊依期踐約呀，

山伯: (白)
如此說，多謝賢弟，

(花下句)
臨歧未盡離情語，我定當依期拜上祝家莊。

[@Tichduon]

好小見何華棧，笑容，笑得好真心