مرثية العام الدراسي | قصيدة رثاء الاب لولده | القصة الكاملة | كاظم اسماعيل الگاطع
ฝัง
- เผยแพร่เมื่อ 16 มิ.ย. 2023
- نسرد لكم اليوم قصة قصيدة #مرثية_العام_الدراسي ، واحدة من اشهر قصائد الشعر الشعبي في العراق ، يرثي فيها الشاعر #كاظم_اسماعيل_الگاطع مدرسة ' الشعر الشعبي العراقي ' ولده حيدر الذي وافاه الاجل اثر حادث غامض وهو لم يبلغ سن الحلم ، ثم نلقي بعضا من ابيات القصيده ونقف على اجمل ابياتها ونحاول توضيحها ..
قصة القصيدة الوترية : • أخطر لحظة في حياة الشا...
قصة قصيدة رسالة مملحة : • الجواهري ينتصر لبنات ا...
نص القصيدة:
بده العام الدراسي وبدت الهموم
وبيتي عالمدارس بابه صاير
نسيت وداعتك جيت اشتري هدوم
الك ومحضر اقلام ودفاتر
مو تسمع قيام وليش ماتكوم
ومر اسمك ولا من كال حاضر
الشمس طلعت علينا ومو وكت نوم
وهم عدكم صبح يا اهل المكابر
وهم عدكم ضوه وشباچ ونجوم
وهم ينطونكم واجب لباچر
الوالد بالوداع يصير مهموم
وانا اثنينهن والد وشاعر
خيلك طشرتني وچنت ملموم
وصارت طيحتي بين الحوافر
اذا عشرين يوم وما شفت نوم
شيظل بالحيل بالعشره الاواخر
فراش الفاتحه لو شفته ملموم
بنص كلوبنا تلكى الچوادر
يمنه المصبغه ودينه لهدوم
الحزنك مشترينه قماش حاضر
تمنيتك جرح كل ساع ملچوم
وتبات الليل بشفاف الخناجر
انا يا بوي من ونيت مالوم
نزل مني دمع يعمي النواظر
خدودي تعودت تتندى كل يوم
وتحب الماي خشبات الكناطر
لمت الروح بس شفادني اللوم
شلحك! وبسفينة الموت عابر
المنايا عالسطح وعيونها تحوم
عليك ونزلتلك نسر كاسر
ستر الله نغگ بديارنا البوم
اخذ عين الكلاده وراح طاير
ديني حلاتك حلو الرسوم
بلكي انعشگ دنيانا مظاهر
اظل كاظم وصبري وياي مكظوم
لو ما هالخشب جوه الاظافر
اهن كاسين بيهن كاس مسموم
خاف اغلط وبالمسموم اكاسر
بعنه البيت، ريت البيت مهجوم
وريت اكثر بعد من هل الخساير
تحب انت اللعب والگبر ملموم
شلون تحملت وشلون صابر
وليش من الهوى يابوي محروم
ونسمات الهوى تطيب الخاطر
منهو؟ الشوفك صورة المعدوم
وليش تعلكت ياشاب يا قاصر
ما ظنيت زرعي يروح فد يوم
وعصافير الحزن تگضي البيادر
من اكتب قصيده تزيد الغيوم
ومن عيني الدمع يملي الدفاتر
يبقى بهل مطر ياشعر منظوم
نصاري الحسين وبحر وافر
حساب انستغرام: muhaemn98?igshi... - กีฬา
طبعٱ بعيدا عن موضوع القصيده لئن كاظم اسماعيل الكاطع مدرسه شعريه ولاكن مالفت انتباهي هوه ثقافه المقدم وطريقة الكلامه الراقيه الله يحفظك حبيبي استمر يامبدع
حبيبي شكرًا على كلامك ❤️
@@Muhaemn_mustafa98 حبيبي تستحق اكثر والله
يا إلهي.. هذا اعجاز اقسم انه اعجاز بالوصف
هاي معلقة قصائد الشعر الشعبي العراقي وما تصير مثلها بعد الف رحمة على روحك الطاهرة كاظم الكاطع يومية اسمعها مرتين وابجي وافرغ همي😢
العظيم ابو وسام لن يتكرر ابداً
اشارتك جد مهمة بخصوص القاء #الگاطع
و #كاظم اسماعيل #شاعر عريق وكبير،ولعل صعوبة نطقه وطريقة القائه، مما ابعد الكثيرين من الاستماع لقصائده او تذوقها، اتمنى ان تلقى جميع قصائده من قبل #ملقي محترف،يعيد لها رونقها وعمقها.
رحم الله شاعرنا النبيل
اول مرة اسمع القصيدة🥺حييل تقهر و دمعت🥺💔
هذا المحتوى الهادف الجيد❤❤❤❤
الف رحمه ونور تنزل على قبرك
والله من اكثر الشعراء الي من اسمعله ماعرف شيصير بكلبي بالله الكريم شعر جدا جدا مؤثر وبي معنى الله اكبر الله اكبر
الله الله الله
محتوى جميل ، عاشت ايدك ❤
خصوصا مراجعة القصيدة الشعبية بلغة فصيحة جميلة ، هذا الاسلوب برأيي افضل اسلوب لشرح الشعر الشعبي العراقي لان احيانا يكون صعب و ما مفهوم
مهيمن ان شاء الله توصل للي تستاهله لن انت مضلوم اعلامين
قصيدة حزينة جداً
طرح والقاء رائع جداً
لايجي من بعد كاظم كاطع شاعر شنو هاي من لقصيده ياخي ياكاظم انت عميد شعرا لابعد تجي من بعد هاي لقصيده
أول مره افهمها وبچتني ❤️ .
الله الله
قصيدة مجنت سامعها ، بطريقة طرحك الها وايصالك لمعانيها اكثر من عظيمة
عاشت ايدك والله ❤
شفتلك مقطع عل تيكتوك من تعاليق شفت واحد كاتب اسم قنا تيك توك مالتك من تيك توك طبيت عل يوتيوب وستمر❤🤍محتواك يجنن
اابداع في الطرح مما يجعل المستمع أكثر تفاعلا وانجذابا للقصيدة بأسلوبك الرائع والممتع
طرح ممتع ل قصيده ممتعه وعظيمه
مبدع انته وكاضم الله يرحمه
الله يرحمه ما سمعت له قصيدة إذا ما ترحمت عليه من تبدأ لحد ما تنتهي
صوره شعريه جميله القاء وسرد رائع عاش د.مهيمن
مبدع ❤
عظيم انت
جميل جدا ❤❤
فيديو جميل استمر بشرح قصائد الكاطع
ان شاء الله
همين نزلت بعد شرح للقصايد@@Muhaemn_mustafa98
@@Muhaemn_mustafa98همين نزلت بعد شرح للقصايد
هاي القصيده توجع توجع توجع
التنوّع جداً لطيف❤
خوش حلقة و تطور يخبل
عاشت ايدك قمه بالابداع
راقي ابن راقي
تخبل❤
عاااااشت ايدك واللله
حبيبي تستحق الاشتراك بالقناة كل التوفيق أن شأء الله.. و الله يرحم كاظم اسماعيل
اخ مهيمن اشكرك على هذا الموضوع والقصيدة والطرح الجميل ❤
عفوا اخي ، انتظر الحلقة القادمة ان شاءالله قصيدة الريل و حمد
ياريت تكون الحلقات للشعراء الكبار الراحلين
كاظم اسماعيل الكاطع
سمير صبيح
عريان السيد خلف
انت ذائقة رائعة جداً وتفسيرك والقائك جميلان جداً ❤
التقديم وطريقة الألقاء قمة الروعه استمر
شكرا الك 💖
تستاهل مليون مشترك
وجود ناس مثقفة مهتمة بمحتواي وتستمتع بي مثل حضرتك يغنيني عن مليون مشترك
قبل فتره سمعت شعر عجبني ودخلت عالتعليقات هوايي قريتله اشعار حيل حلوات حسيته عاش هواي اشياء صعبه بحياته بحيث اغلب اشعاره تحجي عن الخوف والحزن ولموت ماجنت اعرف بقصة ابنه الله يرحمه من هذاك ليوم لهذا ليوم مراح من بالي وردت اعرف واقره عنه اكثر الله يرحمه برحمتة الواسعة 💔.
كاظم الكاطع عملاق مايجي بعدة
بس خطيه تعب هواي
@@user-kd8ng1vs9cفعلاً
شكراً لتحليلك ارجو ان تنشر لنا حياة كاضم الكاطع وايضاً قصائده
ان شاءالله
❤😢
شمعة انت ❤️
حبيبي اكو لقاء مع الراحل كاظم اسماعيل كاطع اكو ابني توفه بسن 14سنه
❤❤❤❤
💔💔💔💔💔💔
تابعتك لأن نشرت للكاطع ❤
وحلقات جايه ان شاء الله بالمستقبل للعديد من شعرائنا الكبار ، شرفتني
كوه سمعته هلقصيده ما اكدر اسمعهة لان تزيد المواجيع
ميامي راح اخليج تحبين الشعر
عباس
اي
@@user-pj8rl3gl6yمدا اسئل
قصيدة حزينه جدا 🥲 وعظيمه جدا
كثرلنا على الكاطع❤
بخدمتكم
ياريت تنزل بعد قصائد لكاظم اسماعيل
ان شاء الله
@@Muhaemn_mustafa98اخوتي بيت الشاعر المرحوم احترك نريد همتكم نرمم بيته وكل غراضهم حتركت😢😢😢
سوي فيديو عله قصيده الليله اموت لان تستحق.
اقتراح جيد ، ان شاء الله نسويهه
عزيزي مهيمن هل يمكنني تحميل مقاطعك و أنشرها على حسابي مع الإشارة إلى قناتكم
لا بأس اخي
يا اخي متت يلا لكيت قناتك
يا حبيبي ، اهلا و سهلا بيك ، تشرفت بانضمامك
خلي الناس تستمتع بقرائته للقصيده هوه مترجمهه وشاعر فاهم موتجي انته تفسر كلامه تره احنه بالعراق موصينين
هناك العديد من المتابعين من خارج العراق والذين لا يفهمون اللهجة العراقية ، بالاضافة الى صعوبة بعض المفردات والابيات على بعض الناس حتى من العراقيين ولا ارى مشكلة في إيضاح المعنى
أشرح رثاء الامام الحسين للشاعر الجواهري اذا متصير زحمة
ان شاء الله
ليش ما تخلي الشاعر يكمل وبعدين تشرح هيج صارت القصيده ممله ترا اللهجه واضحه حتى العرب يفتهموها
حلقه مال واحد استوه خاطب ومنسم
مفردات القصيدة واضحة ميحتاج تشرح هواي
نعم صحيح، ولكن ليست واضحة للجميع خصوصا من المشاهدين غير العراقيين كذلك القصيدة ليست مقروءة بشكل كامل في اغلب الفيدوات على يوتيوب ، بالاضافة إلى أن القصة ليست معروفة للجميع
أخي حيدر ابن الشاعر كاظم أسماعيل الكاطع اندعم بسياره ومات
بس الشاعر يذكر في احد ابيات القصيدة ( منهو الشوفك صورة المعدوم وليش تعلكت يا شاب يا قاصر )
@@Muhaemn_mustafa98 يقصد موت الطفل مايفرق عن الانتحار ترى جانو جيرانه بالمدينه
من تيك توك اجيت كد ما احب شعر كاظم الكاطع
تدري دمرت قصيده وفلشتها ونعلت سلفى سلفاها
سبب وفاة حيدر رحمة الله. كان بسبب انه شيعي ام قتله البعثيون اتباع صدام؟
غير معلوم ، ما جاء بعد حادثة وفاته انه وجد مشنوقا في سقف غرفته ، ربما فعلها البعثيون بسبب انتماء الشاعر للحزب الشيوعي
الله يرحمة ويرحم ابيه. كان الدليل واضح في خاتمة القصيدة
في البيت *نصاري الحسين وبحر وافر *💔
اكيد السبب كان البعث المجرم . ☹️❤️🔥
عيني معلوملتك غلط ابنه انسحك حادث سياره ابحث زين
منهو الشوفك صورة المعدوم ؟
وليش تعلكت يا شاب يا قاصر
هذا احد ابيات القصيدة اعتقد ما انتبهت عليه حضرتك