中年好聲音六強誕生丨李佳谷婭溦黑白雙煞Look搶Fo

無綫綜藝歌唱真人騷《中年好聲音》進入白熱化階段，本周日（16日）播出是爭入總決賽的第六部曲《歌手合唱！決賽前哨戰！》，七強選手聯乘七位專業歌手合唱爭入六強，專業歌手包括韋綺姍、彭家麗、雷有輝、張崇德、吳浩康、林二汶以及谷婭溦，陣容鼎盛，而本回合的嘉賓評審是資深歌手陳潔靈。
累積排名分數暫時最高的李佳，她與谷婭溦合唱《一路上有你》，同樣細細粒的兩人以黑白雙煞Look上陣，造型上非常合襯，而兩人的歌聲同樣合拍，主持車婉婉笑言：「殺氣好強呀，開埋把聲好有震撼力！」肥媽笑謂：「使唔使咁襯呀，一個黑一個白，連對靴都襯埋，佢哋年齡有啲差距，會唔會唔合拍呢？但出到嚟好合拍喎，好多人合唱好似搶包山咁，但你哋兩個係幫到對方。」
伍仲衡則大讚李佳選了一個好拍檔：「你們的穿透力，有晒！揀啱一個拍檔係好重要。」陳潔靈亦指：「你們眼神有交流，好有默契，不過李佳高音有點沙啞，可以集中點，練多啲頭音。」
而李佳今回奪得87分，現時累積總分為36分排第一，暫時領先其他對手。