السلام عليكم خويا سفيان 🤔لما تتفكر سنوات مضت كيف كان بعض الناس يتحكمون في توجه هده الهواية ويوجهون فيها اللاشياء الاصطناعية😪 # يعني كلش تشريه ولا فقير ماتربيش معهم 😡# ارشحك لنيل جائزة احسن صانع امل لدى الزواولة 🤩🤩🤩
وعليكم السلام والرحمة والبركة خويا ناصر لعزيز ولحبيب كلامك كله حقيقة وصح والحمد لله لى عندي حبابى كيما نتا ناس عاقلة وحرة فى التفكير لى ساعدتنى وفهمتنى من الأول ربى يعطيك كل خير لعزيز
قبل سنوات صحاب التجارة كان هو يتحكم في توجيه الناس التي لا تفقه شيئا في تربية الحسون ديرو في كرتونه نحيلو الزعكة صغرلو القفص اطيلو تفاح وشلاضة ..... الحمد لله جاء وقت هذا شفنا سفيان وحميد تعلمنا والبرهان من البرية أين يعيش المقنين دائما واصل سفيان فيدهواتك باذن الله قد تكون سبب في عودة هذا الطائر للبرية
سلام خويا سفيان إنشاء الله تكون بخير ليك وحشة كبيرة و فيديوهاتك ما ينشبعوش و الله يعطيك الخير و ربي يحفضك إنشاء الله راني نعاود نشوفهم كامل للمرة الخامسة نعمة الله يبارك تهلا في روحك سلام .
ربي يباركلك فيهم خويا سفيان بالنسبة للسلاطة مليحة مرة او مرتين فقط في الأسبوع حسب تجربتي لأن الإكثار منها يسبب الإسهال للمقنين و المقنين ياكل منها عبر فترات ما ياكلهاش ديراكت كيما الهندباء
لأنها مملوئة بالماء ماشى كيما اوراق الهندباء اقدمها كل يوم منذ سنين روعة ربى ينورك خويا سفيان زيد شوف الفديو الجديد واعطينى رأيك ادا قستها ولا رانى نتيرى برك هههههههه
سلام عليكم اخي الفاضل سوفيان بارك الله فيك على الموضوع القيم إشكل لحاصل لمربين أنهم يردون تربية الحسون على هواهم وهذا لا يساعد الحسون على عيش بشكل جيد لان أشكال هو أزمت معرفة و جزاك الله بخير أستاذ 🌷🥀🌹🌸🌺🎩🎩🎩👍👍
سفيان فنان هواية الحسون رجعها الى مكانها الحقيقي الاصلي و عرف الناس بحياة الحسون الطبيعية اغتنم فرصة وجود الحسون في المحيط الذي يعيش فيه و درس مدة 5 سنوات حياة البرية للطائر و يقدم لنا هاد الفيديوات على طبق فبارك الله فيك يا خونا و ربي يحفظك
Salam alikoume khouya sofiane ya sofiane top du top comme d'habitude rabie yehafdek 3la hadde les renseignements bihoume net3amelle me3a maknine merci beaucoup rabi yehanike we ma tensache de temps en temps vidéos merci .
ربي يبارك فيك ان شاء الله . اول مرة نشوف مربي يخمم بطريقة منطقية و واقعية و خالية من الخرافات و لخزعبلات و طريقة قالك و قالو ههههه تحير شكون لي قال ههههه ربي يحفظك خويا لمقنين تحوس يكون طبيعي اعطيه طبيعة. علمتني بزاف حوايج و اكثر حاجة فتحتلي مخي على لمنطق و خرجتني من دائرة لخرافات و لخزعبلات ان شاء الله مع لوقت تفيدنا كثر و كثر و بتوفيق ان شاء الله
ههههه.. والله يا سفيان يا خويا غير قلبت المفاهيم الخاطئة كامل على المقنين بطريقة جميلة طبيعية وسهلة ،حين المربي الجزائري للمقنين يصعب في التعامل مع هذا الطائر المسكين... هههههه.. يعطيك الصحة والعافية..
تحياتى ليك خويا الهوارى الله غالب كيما نقولو حنا رانا نصحناهم بكل الطرق والوسائل خاطبنا عقولهم بكل الطرق تقدر تدى الحصان الماء ولكن ماتقدرش تشربو الماء دراع هههههه
قتلتنا با. سا سامبل. يا أبا. آمين.... الله يحفظك حبيبي.... حبيت نحكي معاك على زواوشي شويا خويا سفيان.... راني داير. سلاكة. من. أوت لي فات. الشتاء كامل أو هما برا..... ولاو يتخبطو بزاف. تقول ما يعرفونيش. او لات عندهم عقلية تاع. سوافج جدد
ههههههه خويا محمد والله غير توحشتك لعزيز ان شاء راك فى رحمة ربى انعم خويا محمد المقنين يرجع للطبيعة ديالو هدا امر هدرت اغليه عدة مرات وهادي فى كلش حتى التغريد والتلقام خلقو ربى حر وعندو اصل يرجع ليه لوكان توفرلو واش يحتاج علابيها نحبوه شكرا على المعلومة لعزيز
خويا سفيان لعزيز انا تان المقانن تاوعي يموتو على النباتات البرية بصح كاين لي قالولي اي حاجة تمدها دائما تمرض قالولي مد التفاف يوم بيوم و ليس كل يوم واش رايك خويا سفيان
لعزيز خمم معايا شوية المقنين فالطبيعة ربى يمدلو التيفاف نهار نهار ياك وفرلو كلش وهو يختار واش ياكل ويكذب اعليك لى يقولك الطبيعة والقفص تختلف راك تشوف بعينيك واش نقدم انا وراك تشوف فالطيور فى صحة جيدة عام مور عام رانى نقدم نفس الطيور لا امراض لا اي مشكل الساعة ديالهم سواسوا مع الطبيعة نسقسيك هل نتا تامن عينيك وعقلك وتامن هدرة لا اساس لها من العلم هنا نتا حر فالخيار لا استطيع ان افعل اكتر من هدا البراهين الواضحة والشرح البسيط والمنطقى لى يخاطب العقل ماشى القلب
هدا مشكل الله اعلم يختلف مقنين إلى آخر ساعات فى نفس القفص عدة طيور تلقى واحد فيهم عندو هاد الضاهرة ولو عايشين كيف كيف لمدة طويلة معضم الأحيان المقنين كى يكبر ينقس الميطابوليزم ديالو وترجع الأضافر ديالو تطوال كاين لوكان تضع مجثم طبيعى المشكل يروح وكاين لو ناقس شمس والله اعلم خويا لعزيز
@@sofianebvbdiscoverydz6210 بارك الله فيك خويا لعزيز انا مدايرلهم مجثم طبيعي كيما نصحتنا والتشميس على الأقل زوج مرات في الاسبوع لمدة ساعة وعمرهم 3و4سنوات
كاين فرق بين وأحد يحوس غير يكوبلي بأي طريقة باش يبيع وبين هاوي كما نتا والله يخويا غير بارك الله فيك راك متهلي على الشريعة وشنو بيت القصيد الصعيب يقول إذا عشق شخص هذا الطائر طلقه ( ... كل واحد يفهم على تخمامو
بارك الله فيك لعزيز لوكان نصيب نطلقهم كامل ولكن نحتاج البعض باش ندير بيهم تجارب تعاون خاوتى وانا شخصيا عندي مدة وانا ندرس سلوك المقنين فى الطبيعة ولماذا تتغير فى القفص ولماذا باش يسهل وما يمرضش وربما نساهم فى تطوره وباش خاوتى يتعلمو يربوه ومايموتش بسهولة لعزيز لازملى ادوات مع الأسف
ما شاء الله تبارك الله. سفيان عندي زوج اناث في كاجا كبيرة بالسيباراسيو قد هدي تاعك .واحدة راكحة وواحدة تخاف مني شوية رغم انه عندها عامين عندي .واش رايك كي يلحق الوقت نخليهم في نفس الكاجا ولا ندير كل واحدة في قفص هل
خويا لعزيز لوكان تخليهم كيف كيف راح ترتاب التانية كى تلاحض الأولى لا تخاف منك راح تعرف فيك الأمان اما ادا تخليهم كيف كيف نتا والخبرة ديالك يعنى ادا جربت تنتج من قبل ام لا والفرق هيى لى نتج راه تكون عندو خبرة فالصبر اولا وقبل كل شئ ادا مانتجتش من قبل ننصحك جرب انتى وذكر واحد منا والصبر ديالك لعزيز هدا هو الجواب الحقيقى
سلام خويا سفيان او يعطيك الصحة على الفيديوات تاوك ،، والله غير عندي سؤال او يا ريت تجاوبني ربي يرضى عليك... كنت مسيباري المال والفومال،،، ايا قلت ندخل الذكر ونشوف... كانو يتعافرو.. ايا غدوة من ذاك عاودت نحيت المال.... او من هذاك النهار مازادش صفر... ضرك هل نخليهم كل واحد وحدو او راهوم غير يسمعو لبعضاهم ولا نعاود ندخل المال او نخلي عليهم... يعطيك الصحة سلام
وعليكم السلام خويا لعزيز الغلطة كامل كى خلطت فيهم لأنهم تعافرو رجع الذكر وخليهم فى حالهم تماما غير الماكلة والماء نتا كل ما تبقى تعس واتخلط فيهم كل ما ترجعهم للوراء الإنتاج لازملو أمان واستقرار ونتا نحيتهم فى زوج ولذالك تكمل هكدا راح تفشل اصبر لعزيز
@@sofianebvbdiscoverydz6210 يرحم والديك او ربي يحفضك ان شاء الله،،، غير نلحق للدار ندخل المال فالقفص تاع الفومال..ربي يسترك خو او يعطيك الصحة على الاجابة
خويا نبيل ليست هناك علامات جهوزية كما يضن الكثير حتى التغريد قفص لقفص ليس للإنتاج ولكن للهيمنة فقط رانى شرحتها عدة مراة ننصحك خليهم كيف كيف لا تفرقهم ابدا ولكن اعطيلهم الأمان والإستقرار وما تخلطش فيهم كامل كى يلحق الوقت ينتجو علامة الجهوزية المال كى يطلع والأنتى كى تبرك ماكاش غير هاد الزوج
@@sofianebvbdiscoverydz6210 ربي يحفدك خونا سفيان الله يبارك عليك صاح خليتهوم راهوم دارو العش و الفيمالة بركت المال راح يطلع بصح ما كوبلهاش المال هذا عندو عامين لم ينتج قبل المرة الأولى راح يكوبلي بدون تغربد
نفس الجواب علاش ياكل البراقة حاجة يحتاجها ليبقى فى قيد الحياة ولكن المتغعة ناقسة نعطيك متال ولو بعض الأغذية السامة ليه لا يأكلها فى الطبيعة ولكن يقدر ياكلها فالقفص ويموت متل avoca نتا تقول اعلاه وهناك عدة امتلة يرجع عندو نقس حاد فى امر غير يشوفو يروح يجرى ليه ولا يعلم انها مسمومة ولكن لما تقدملو الغذاء الحقيقى ديالو ماراحش ياكل شئ آخر وهدا ما استنجه وهدا الفديو توضيح للأمر
وعليكم السلام خويا لعزيز اسمحلى بزاف لعزيز عندي اليوتوب الوسيلة الوحيدة لى نتعامل بيها مع خاوتى مديت الرقم من قبل و هبلونى صباح عشية بزاف لعزيز عاودت نحيتو
بارك الله فيكم خويا سفيان، عندي سؤال عاجل في موضوع التزاوج بغيتك تفيدنا فيه : أول تجربة لي في إنتاج المقنين لدي زوج مقنين ( الذكر سوفاج، هذا عامو الثاني، الأنثى تاع العام، مربية جان) ربيتهم بطريقة طبيعية، يبدوان بصحة جيدة و الحمد لله، أول ما وضعتهم مع بعض، غنى عليها و كان القبول بينهما، بنو العش مع بعض، متوافقان، المشكل هو : من قبل كان يغني عليها نادرا (بعد التحفيز بصوت) لكن لا تبرك حاليا، هذي 5 أيام ، مع الاستيقاظ مباشرة تبرك الأنثى عدة مرات لكنه لا يتفاعل أو bec à bec فقط وعندها يتحفز و يبدأ بالرقص لا تتفاعل معه الأنثى أخاف أن تضع بيضا غير ملقح، ما الحل من فضلكم مع العلم ( عندي إناث أخرى، لكنه اختار التي معه من قبل، يغني بلا توقف في حال عزلته)
@@sofianebvbdiscoverydz6210 قدر الله وما شاء فعل، خرج البيض غير ملقح عاودتلو مع أنثى أخرى متربية معاهم، كيف كيف هذي أرزاق، زدت جبت ذكر آخر و بعدت الأول، قبلوه الإناث لكن كيف كيف ما يطلعش (هذي اليوم) بارك الله فيكم خويا سفيان على كل شيء
@@hadinmok مازال الحال خويا لعزيز بيض غير ملقح عادة الغذاء ناقس عاود شوف المواضيع تاع الغذاء الكامل والمشكل كى تبدا تغير الذكور عاود رجع الذكر الأول اعطيلهم زريعة الكيف ودوار الشمس والذكر لى ما طلعش مازال ماشى واحد واذا صغار فى العمر يعنى تحت عام هاد الأمور يصراو لعزيز مازال ما بلغوش ما تقطعش لياس زيد جرب العام مازال طويل لعزيز
هذا هو لي يسموه السهل الممتنع ههه ساهلة ماهلة
هههههه ربى ينورك خويا شهاب راك تعرف
السلام عليكم خويا سفيان 🤔لما تتفكر سنوات مضت كيف كان بعض الناس يتحكمون في توجه هده الهواية ويوجهون فيها اللاشياء الاصطناعية😪 # يعني كلش تشريه ولا فقير ماتربيش معهم 😡# ارشحك لنيل جائزة احسن صانع امل لدى الزواولة 🤩🤩🤩
وعليكم السلام والرحمة والبركة خويا ناصر لعزيز ولحبيب كلامك كله حقيقة وصح والحمد لله لى عندي حبابى كيما نتا ناس عاقلة وحرة فى التفكير لى ساعدتنى وفهمتنى من الأول ربى يعطيك كل خير لعزيز
قبل سنوات صحاب التجارة كان هو يتحكم في توجيه الناس التي لا تفقه شيئا في تربية الحسون ديرو في كرتونه نحيلو الزعكة صغرلو القفص اطيلو تفاح وشلاضة ..... الحمد لله جاء وقت هذا شفنا سفيان وحميد تعلمنا والبرهان من البرية أين يعيش المقنين دائما واصل سفيان فيدهواتك باذن الله قد تكون سبب في عودة هذا الطائر للبرية
بارك الله فيك خويا لعزيز كلامك ينحى التعب ويزيد يشجع ربى ينورك
سلام خويا سفيان إنشاء الله تكون بخير ليك وحشة كبيرة و فيديوهاتك ما ينشبعوش و الله يعطيك الخير و ربي يحفضك إنشاء الله راني نعاود نشوفهم كامل للمرة الخامسة نعمة الله يبارك تهلا في روحك سلام .
وعليك السلام خويا لعزيز شكرا وابصحتك حبيبى المهم فيهم افادة
@@sofianebvbdiscoverydz6210 إفادة مهمة إنشاء الله مازالنا نزيدو نستفادو معاك خويا العزيز
الله يعطيك الصحة والله انت هو اول جزائري وعربي امام وقرب.المقنين في الطبيعة 💛🖤💛💛🇩🇿🇩🇿🇩🇿
ربى يحفضك حبيبى لعزيز
بل احسن من سوفاج الله يبارك
لقد أحببت الطيور منذ الطفولة! لقد كنت أصطاد الطيور (طيور الحسون) في روسيا لسنوات عديدة ، أريد أن أكون صديقا لأولئك الذين يحبون الطيور أيضا!➕🔔✔️👍🐦😏
خونا سفيان لعزيز ربي يحفظك توجور فقما الله يعطيك صح يخو شكرا خونا سفيان توجور
ربى ينورك خويا لعزيز
سبحان الله حتى الباب تع الكاجة ماشي كيما احنا الباب تحت حاحة فور
بارك الله فيك خويا
يبارك فيك لعزيز
سي سفيان كعوايدك في القمة اخي الكريم الله يوفقك الخير
ربى ينورك لعزيز
تبارك الله عليك خويا سفيان ماشاء الله
يبارك فيك لعزيز
Vive khouya sofiane rebi yahfdek la3ziz koulshi naturel en avant.....
ربى ينورك حبيبى
ربي يحفضك خويا من الكبار
اجمعين خويا لعزيز
خويا سفيان نتفرج لفيديوهات نتاعك نترشق
الله يبارك ماشاء الله
هههههه بصحتك لعزيز
سبحان الله ياخو والله ياسفيان غير شفتها فزواوشي خاصة ربي يعزك
اجمعين خويا لعزيز
الله يبارك خويا سفيان vive l’élevage naturel و ربي يحفضك
يبارك فيك حبيبى
Saha remdank Sofiane
صحى رمضانك خويا سفيان لعزيز
Khouya sofiane rabi yehafdek toujoure bariya bariya
اجمعين خويا لعزيز
ربي يباركلك فيهم خويا سفيان بالنسبة للسلاطة مليحة مرة او مرتين فقط في الأسبوع حسب تجربتي لأن الإكثار منها يسبب الإسهال للمقنين و المقنين ياكل منها عبر فترات ما ياكلهاش ديراكت كيما الهندباء
لأنها مملوئة بالماء ماشى كيما اوراق الهندباء اقدمها كل يوم منذ سنين روعة ربى ينورك خويا سفيان زيد شوف الفديو الجديد واعطينى رأيك ادا قستها ولا رانى نتيرى برك هههههههه
@@sofianebvbdiscoverydz6210 اوكي خويا سفيان
الله يبارك فيك أخي الكريم طول عمر
بازك الله فيك لعزيز
والله منهار وليت نخدم باطبيعي الحمد لله والله يسطرك ويحفظك خونا سفيان..........T،soo much👏👍
اجمعين خويا لعزيز
Allahiberek mâcha allah rabi Kamel
يبارك فيك حبيبى
الله يحفظك خويا لعزيز راك نافع امة بارك الله فيك
اجمعين خويا لعزيز ربى يبارك فيك
بارك الله فيك خونا سفيان
والله غير لي فيديو ديالك متعة ربي يوفقك ان شاء الله
يبارك فيك خويا لعزيز شكرا
من قوة نضل نلقط في تيفاف و حرايق من برا ناس عمبالهم راني نبيع فيهم، واحد قالي لواش تنفع هذي تيزانة
هههههههه تحلالى كى يسقسبنى كاش واحد واش رانى ندير نضل نحرش ههههههه كل خطرة واش نخترع. سبة
الله يبارك ماشاء الله الطبيعي وتحيا البرية
ربى يبارك فيك حبيبى
سلام عليكم اخي الفاضل سوفيان بارك الله فيك على الموضوع القيم إشكل لحاصل لمربين أنهم يردون تربية الحسون على هواهم وهذا لا يساعد الحسون على عيش بشكل جيد لان أشكال هو أزمت معرفة و جزاك الله بخير أستاذ 🌷🥀🌹🌸🌺🎩🎩🎩👍👍
بارك الله فيك خويا لعزيز كلامك صواب
الله يبارك
يبارك فيك لعزيز
حبينا نشوفوا تجربة تاع سوفاج إذا يصلح كوبلاج في عام الأول ربي يعاونك ربي ويوفقك في حياتك
هههههه هاديك هي علاش جبناه هاد الوقت لعزيز
هذي هي التربية الحقيقية توفرلو واش يحتاج من طبيعة فالقفص يعطيك الصحة
ربى ينورك خويا لعزيز
مشاء الله
بارك الله فيك لعزيز
سفيان والله أحبك في الله انت فكرة واضحة وساهلة الحمد لله كل عام ننتج في السلاكة بكل سهولة والا الطبيعي
مشاء الله تبارك الله
يبارك فيك خويا لعزيز
سفيان فنان هواية الحسون رجعها الى مكانها الحقيقي الاصلي و عرف الناس بحياة الحسون الطبيعية اغتنم فرصة وجود الحسون في المحيط الذي يعيش فيه و درس مدة 5 سنوات حياة البرية للطائر و يقدم لنا هاد الفيديوات على طبق فبارك الله فيك يا خونا و ربي يحفظك
ربى ينورك خويا عدنان الحمد لله لى عندي خاوتى عرفوني من اول المشوار والحمد لله مازالهم معايا للآن والله ما نتوما ما نقدر نكمل لعزيز صراحة
بارك الله فيك اخي الكريم وجزاك الله خيرا
يبارك فيك خويا لعزيز
بارك الله فيك خويا سفيان و تستاهل كرطونة دقلة وش نقلك ههههههههه
ههههههههه مانتساش اللبن
Salam alikoume khouya sofiane ya sofiane top du top comme d'habitude rabie yehafdek 3la hadde les renseignements bihoume net3amelle me3a maknine merci beaucoup rabi yehanike we ma tensache de temps en temps vidéos merci .
ربى يعطيك كل خير بارك الله فيك
سلام عليكم اخي سفيان موفق ان شاء الله
اجمعين خويا لعزيز
ربي يبارك فيك ان شاء الله . اول مرة نشوف مربي يخمم بطريقة منطقية و واقعية و خالية من الخرافات و لخزعبلات و طريقة قالك و قالو ههههه تحير شكون لي قال ههههه
ربي يحفظك خويا لمقنين تحوس يكون طبيعي اعطيه طبيعة. علمتني بزاف حوايج و اكثر حاجة فتحتلي مخي على لمنطق و خرجتني من دائرة لخرافات و لخزعبلات ان شاء الله مع لوقت تفيدنا كثر و كثر و بتوفيق ان شاء الله
كلامك قاسنى لعزيز بارك الله فيك الحمد لله على كل نعمة
ههههه.. والله يا سفيان يا خويا غير قلبت المفاهيم الخاطئة كامل على المقنين بطريقة جميلة طبيعية وسهلة ،حين المربي الجزائري للمقنين يصعب في التعامل مع هذا الطائر المسكين... هههههه.. يعطيك الصحة والعافية..
ربى ينورك خويا لعزيز
Lah ibarek
يبارك فيك لعزيز
الله يبارك مشاء الله
يبارك فيك حبيبى
الله يرحم الوالدين و شكرا بزاااااف الله يحفظك من كل شر
اجمعين خويا لعزيز ربى يحفضك
تحياتي ليك خويا سفيان الله يعطيك الصحة صدعونا صحاب الميلونج يمرض المقنين هههههه
تحياتى ليك خويا الهوارى الله غالب كيما نقولو حنا رانا نصحناهم بكل الطرق والوسائل خاطبنا عقولهم بكل الطرق تقدر تدى الحصان الماء ولكن ماتقدرش تشربو الماء دراع هههههه
Bvb برية
ربى ينورك حبيبى
ليزوم خويا سفيان ربي يبارك فيك
لا خورطي لا والو لجماعة رجعتنا المقنين بلي زوبسيو كي شغل سيارة 😁 تروح تشري مقنين يقولك هدا مقنين tête cobra سبحان الله هوا مقنين بصح راسو تاع حنش 😅 واحد يقولك هدا بارابا قائد السرب 😅 واحد يقولك هدا شارمار وهوا مشربلو فياغرا ومدخلو لسوق 😂
ربى ينورك خويا لعزيز صح واش راك تقول مع الأسف
Lah ybarek
يبارك فيك لعزيز
يعطيك العافية.... تعلمت منك بزاف...شكرا
اجمعين خويا لعزيز بارك الله فيك
الله يبارك صحبي
يبارك فيك لعزيز
بارك الله فيك
يبارك فيك حبيبى
قتلتنا با. سا سامبل. يا أبا. آمين.... الله يحفظك حبيبي.... حبيت نحكي معاك على زواوشي شويا خويا سفيان.... راني داير. سلاكة. من. أوت لي فات. الشتاء كامل أو هما برا..... ولاو يتخبطو بزاف. تقول ما يعرفونيش. او لات عندهم عقلية تاع. سوافج جدد
ههههههه خويا محمد والله غير توحشتك لعزيز ان شاء راك فى رحمة ربى انعم خويا محمد المقنين يرجع للطبيعة ديالو هدا امر هدرت اغليه عدة مرات وهادي فى كلش حتى التغريد والتلقام خلقو ربى حر وعندو اصل يرجع ليه لوكان توفرلو واش يحتاج علابيها نحبوه شكرا على المعلومة لعزيز
@@sofianebvbdiscoverydz6210 خويا سفيان. فا. سلاكة راهم داينها. غير. لاباقار با لموس... و. لغنة والو. او. تقول. سوافج. جدد.... راني. ساعة على ساعة. نحكم. واحد. صباح. او. نحطو. وحدو باش نسمع لو. شويا... او. نطلقو فا لعشية. توحشت. لغنة ياخو.
@@mohamedgaoua2409 عادي خو محمد لا يهم التغريد المهم راهم يشطحو واصحاح لا تقلق انا تانى ندير كيما نتا كى نحب نسمع نخرج المال او نخرج نسمع السوفاج فالغابة انعم المقنين يرجع للسلوك ديالو كى يبعد اغليه الإنسان راك سمعتنى قلتها بزاف ههههههههه
@@sofianebvbdiscoverydz6210 ربي يخليك لينا خويا لعزيز.... او مازالك تسالي دوبل زيت. فا. رو دالجي. في الحومة
الله يبارك.. 💗
يبارك فيك لعزيز
ربي يبارك
يبارك فيك لعزيز
Allah ebark 👍❤️
يبارك فيك لعزيز
بارك الله فيك خويا سفيان كنت نقول وننصح في 2010 مدو تلفاف ونبتاة البريه كانو يضحكو مي عقول لبعض حابسه في فرتي فيت والمحفيزات
كلامك صواب لعزيز مشكل عقلية عدنا نحبو نضحكو على الحق
غير جديد معا خونا صفيان ماشاء الله
بارك الله فيك لعزيز
هههه سيتها قبلك خويا سفيان هههه مدوهاش فيها خلاص وجربت خليتلهم غير الساك شغل بارجي يهبطو يشموها ويطلعو حلفو ميكلوهاش المهم راهم عايشين بلبريه وربي يصلح لجميع الناس
ههههههه الحمد لله كاين خاوتى تلاحض كلش
مشاء الله 💚❤️
بارك الله فيك لعزيز
💝💖
بازك الله فيك لعزيز
السلام عليكم. الله يبارك. شيخ مزال البيض والتفاح.و...
هادوك عندهم سنين ماكلاوهمش ههههه
Merci pour la vidéo Sofiane. Une petite question dis moi ta pas un Site pour commander زريعة الكيف car en France je trouve pas . Merci d'avance
تلقاها حتى فالأسواق tesco asda الخ انا نشريها
وين راهي ماني طوبا خونا سفيان
راهى فالمونجواو لعزيز انا نزيدلها دوار الشمس وزريعة الكيف لذالك ما تبانش مليح
@@sofianebvbdiscoverydz6210 شكرا ان شاء الله تزيد تحطلنا فيديوهات باش نتعلمو منكم
👍
بارك الله فيك لعزيز
@@sofianebvbdiscoverydz6210 wa fik baraka Allah
صلح سوفاج في عامه ولا لا و هل انثى وذكر على العام مع بعض لا سيبراسيو لا واالو يصلحو ؟؟
شكرآ صفيان برية ان شاءالله
العفو خويا لعزيز
انا متتبع للاخ سفيان من 2017 والله تعلمت عليه بزاف حوايج والانتاج طبيعي و بااااااطل ههههه
ههههههه عجبتنى تاع باطل ربى يحفضك خويا عدنان
خويا صفيان انا نتبعك ونحبك بصح انا المقنين تاعي يحب السلاطة وزيد انا معاق حركيا منقدرش نروح للغابة انحي هذو الاعشاب كيفاه ندير
لا يكلف الله نفسا الا وسعها خويا لعزيز ربى يوفقك معليش لعزيز
نموت عليك خويا ومتمني نحكي معاك
خويا سفيان لعزيز انا تان المقانن تاوعي يموتو على النباتات البرية بصح كاين لي قالولي اي حاجة تمدها دائما تمرض قالولي مد التفاف يوم بيوم و ليس كل يوم واش رايك خويا سفيان
لعزيز خمم معايا شوية المقنين فالطبيعة ربى يمدلو التيفاف نهار نهار ياك وفرلو كلش وهو يختار واش ياكل ويكذب اعليك لى يقولك الطبيعة والقفص تختلف راك تشوف بعينيك واش نقدم انا وراك تشوف فالطيور فى صحة جيدة عام مور عام رانى نقدم نفس الطيور لا امراض لا اي مشكل الساعة ديالهم سواسوا مع الطبيعة نسقسيك هل نتا تامن عينيك وعقلك وتامن هدرة لا اساس لها من العلم هنا نتا حر فالخيار لا استطيع ان افعل اكتر من هدا البراهين الواضحة والشرح البسيط والمنطقى لى يخاطب العقل ماشى القلب
Bonsoir professeur
ههههههه مساء الورد والله غير ضحكتنى ربى ينورك
سفيان خويا علي سلامتك هل الكناري لزمله التراب و النبتات البريا شكرا
انعم التراب لازم لكامل الطيور والأعشاب البرية كلها فائدة لعزيز
@@sofianebvbdiscoverydz6210 شكرا بزاف خويا لعزيز ربي يحفظك وي خليك لينا سلام
خويا سفيان ديرلنا درس على التزاوج
والله يالعزيز رانى مقدم كل ما تحتاج فالقناة ادخل تابع الفديوات فقط
كلشي بالبرهان ربي يحفظك ويبارك فيك خويا حبيت نسقسي على مشكل طول الاضافر والحل
هدا مشكل الله اعلم يختلف مقنين إلى آخر ساعات فى نفس القفص عدة طيور تلقى واحد فيهم عندو هاد الضاهرة ولو عايشين كيف كيف لمدة طويلة معضم الأحيان المقنين كى يكبر ينقس الميطابوليزم ديالو وترجع الأضافر ديالو تطوال كاين لوكان تضع مجثم طبيعى المشكل يروح وكاين لو ناقس شمس والله اعلم خويا لعزيز
@@sofianebvbdiscoverydz6210 بارك الله فيك خويا لعزيز انا مدايرلهم مجثم طبيعي كيما نصحتنا والتشميس على الأقل زوج مرات في الاسبوع لمدة ساعة وعمرهم 3و4سنوات
السلام عليكم خويا سفيان وقتاش يصفي المقنين غناه مليح وشكرا
عادة فيفرى ادا كان تاع العام لعزيز
السلام خونا سفيان الحر يحب غير الحر.
بالطبع خويا لعزيز ربى ينورك
سلام خويا صوفيان
ماشاءالله حراشي اعندي مقنين عندو ريش طاير من عينيه كاش مساعد بارك الله فيك اخي
وعليكم السلام والرحمة والبركة لعزيزز
@@UnknownkilxzYT كاين بزاف اسباب لعزيز علاش نوصيك بالنضافة والغذاء الكامل والتوم فالوقت وتكبير القفص وخليه يدوش وحدو
مافهمناش المشكل انهار يخلاصوا الشيكيات الي راكم تخرجوا فالمقنين واش تقدموا المقنين ماياكلش الريش انتاع الشلاظة
خويا لعزيز كلامك غير مفهوم
كاين فرق بين وأحد يحوس غير يكوبلي بأي طريقة باش يبيع وبين هاوي كما نتا والله يخويا غير بارك الله فيك راك متهلي على الشريعة وشنو بيت القصيد الصعيب يقول إذا عشق شخص هذا الطائر طلقه ( ... كل واحد يفهم على تخمامو
بارك الله فيك لعزيز لوكان نصيب نطلقهم كامل ولكن نحتاج البعض باش ندير بيهم تجارب تعاون خاوتى وانا شخصيا عندي مدة وانا ندرس سلوك المقنين فى الطبيعة ولماذا تتغير فى القفص ولماذا باش يسهل وما يمرضش وربما نساهم فى تطوره وباش خاوتى يتعلمو يربوه ومايموتش بسهولة لعزيز لازملى ادوات مع الأسف
@@sofianebvbdiscoverydz6210 نعرفك خويا بلي إنسانية الله يبارك ربي يعاونك وربي يهدي الناس لي ضرو هاذ الطير
@@badisbouy1124 بارك الله فيك لعزيز
ما شاء الله تبارك الله.
سفيان عندي زوج اناث في كاجا كبيرة بالسيباراسيو قد هدي تاعك .واحدة راكحة وواحدة تخاف مني شوية رغم انه عندها عامين عندي .واش رايك كي يلحق الوقت نخليهم في نفس الكاجا ولا ندير كل واحدة في قفص
هل
خويا لعزيز لوكان تخليهم كيف كيف راح ترتاب التانية كى تلاحض الأولى لا تخاف منك راح تعرف فيك الأمان اما ادا تخليهم كيف كيف نتا والخبرة ديالك يعنى ادا جربت تنتج من قبل ام لا والفرق هيى لى نتج راه تكون عندو خبرة فالصبر اولا وقبل كل شئ ادا مانتجتش من قبل ننصحك جرب انتى وذكر واحد منا والصبر ديالك لعزيز هدا هو الجواب الحقيقى
@@sofianebvbdiscoverydz6210 الله يعطيك الخير لعزيز كي راك تجاوب .وربي يفتح عليك.امين
سلام خويا سفيان او يعطيك الصحة على الفيديوات تاوك ،، والله غير عندي سؤال او يا ريت تجاوبني ربي يرضى عليك... كنت مسيباري المال والفومال،،، ايا قلت ندخل الذكر ونشوف... كانو يتعافرو.. ايا غدوة من ذاك عاودت نحيت المال.... او من هذاك النهار مازادش صفر... ضرك هل نخليهم كل واحد وحدو او راهوم غير يسمعو لبعضاهم ولا نعاود ندخل المال او نخلي عليهم... يعطيك الصحة سلام
وعليكم السلام خويا لعزيز الغلطة كامل كى خلطت فيهم لأنهم تعافرو رجع الذكر وخليهم فى حالهم تماما غير الماكلة والماء نتا كل ما تبقى تعس واتخلط فيهم كل ما ترجعهم للوراء الإنتاج لازملو أمان واستقرار ونتا نحيتهم فى زوج ولذالك تكمل هكدا راح تفشل اصبر لعزيز
@@sofianebvbdiscoverydz6210 يرحم والديك او ربي يحفضك ان شاء الله،،، غير نلحق للدار ندخل المال فالقفص تاع الفومال..ربي يسترك خو او يعطيك الصحة على الاجابة
سلام عليكم خويا سفيان لاباس العزيز واش هاداك le cube rose خويا في الكاجة و هل تمدلهم ماء معدني ولا تاع الروبيني و تحياتي خويا سلام
املاح خويا لعزيز
صحا و الماء تمدلهم ماء معدني ؟؟
سلام خويا سفيان نسقسيك عندي كوبل تاع مقنين واجدين درتلهم سيباراسيون لمال يغني عليها هي بركت كي نحيت سيباراسيون لمال بقى يضرب فيها أعطني الحل جزاك الله خيرا
خويا نبيل ليست هناك علامات جهوزية كما يضن الكثير حتى التغريد قفص لقفص ليس للإنتاج ولكن للهيمنة فقط رانى شرحتها عدة مراة ننصحك خليهم كيف كيف لا تفرقهم ابدا ولكن اعطيلهم الأمان والإستقرار وما تخلطش فيهم كامل كى يلحق الوقت ينتجو علامة الجهوزية المال كى يطلع والأنتى كى تبرك ماكاش غير هاد الزوج
@@sofianebvbdiscoverydz6210 ربي يحفدك خونا سفيان الله يبارك عليك صاح خليتهوم راهوم دارو العش و الفيمالة بركت المال راح يطلع بصح ما كوبلهاش المال هذا عندو عامين لم ينتج قبل المرة الأولى راح يكوبلي بدون تغربد
سلام عليكم شيخ سفيان ربي يبارك
سؤال اخي سفيان حيرتني وعلاه تع دزاير يكلو شلاضة جوبني يرحم والديك والله يرحم لرباك
نفس الجواب علاش ياكل البراقة حاجة يحتاجها ليبقى فى قيد الحياة ولكن المتغعة ناقسة نعطيك متال ولو بعض الأغذية السامة ليه لا يأكلها فى الطبيعة ولكن يقدر ياكلها فالقفص ويموت متل avoca نتا تقول اعلاه وهناك عدة امتلة يرجع عندو نقس حاد فى امر غير يشوفو يروح يجرى ليه ولا يعلم انها مسمومة ولكن لما تقدملو الغذاء الحقيقى ديالو ماراحش ياكل شئ آخر وهدا ما استنجه وهدا الفديو توضيح للأمر
@@sofianebvbdiscoverydz6210 اوي فهمتك يعني تمد شردو ولا خيار راح ياكل شاردو مفهوم اخي غالي الله يرحم من رباك وينصرك ويسترك ويحفضك
خويا نقدر ندير زوج نتاع ذكورا مع انثي في قفص تزواج كَما هذا
لعزيز ذكر بأنتيين العكس غير صحيح
زريعة دوار الشمس مقشرة مالقيتهاش
لقيتها عند لى يبيعو التوابل
سلام عليكم أريد رقم هاتفك من فضلك جزاك الله خيرا.
وعليكم السلام خويا لعزيز اسمحلى بزاف لعزيز عندي اليوتوب الوسيلة الوحيدة لى نتعامل بيها مع خاوتى مديت الرقم من قبل و هبلونى صباح عشية بزاف لعزيز عاودت نحيتو
وهاذي كاينة في جميع الفصول؟!
لا اخى ولكن رانى قدمت ما يتوفر طول العام وكل غذاء المقنين على العام تابع الفديوات السابقة تفهم كلش لعزيز
@@sofianebvbdiscoverydz6210 شكرا شيخنا. ❤❤
انا قلت سور راك تسبورتي بروسيا دورتموند😅
ههههههه عندك الحق
واش هي نبتة الهندباء بالدارجة في الشرق الجزائري من فضلكم؟؟؟؟
والله ما نعرفها لعزيز ولكن ساهلة فيها وردة صفراء والورقة ديالها فيها شغل سنان ورانى وربتها عدة مرات
@@sofianebvbdiscoverydz6210 بارك الله فيك راني لقيتو نورمالمو التيفاف ربي يحفظك لارڨاز
بارك الله فيكم خويا سفيان،
عندي سؤال عاجل في موضوع التزاوج بغيتك تفيدنا فيه :
أول تجربة لي في إنتاج المقنين
لدي زوج مقنين ( الذكر سوفاج، هذا عامو الثاني، الأنثى تاع العام، مربية جان) ربيتهم بطريقة طبيعية، يبدوان بصحة جيدة و الحمد لله،
أول ما وضعتهم مع بعض، غنى عليها و كان القبول بينهما، بنو العش مع بعض، متوافقان،
المشكل هو : من قبل كان يغني عليها نادرا (بعد التحفيز بصوت) لكن لا تبرك
حاليا، هذي 5 أيام ، مع الاستيقاظ مباشرة تبرك الأنثى عدة مرات لكنه لا يتفاعل أو bec à bec فقط
وعندها يتحفز و يبدأ بالرقص لا تتفاعل معه الأنثى
أخاف أن تضع بيضا غير ملقح، ما الحل من فضلكم
مع العلم ( عندي إناث أخرى، لكنه اختار التي معه من قبل، يغني بلا توقف في حال عزلته)
اسمحلى حتى اليوم واش كاش جديد
@@sofianebvbdiscoverydz6210 قدر الله وما شاء فعل، خرج البيض غير ملقح
عاودتلو مع أنثى أخرى متربية معاهم، كيف كيف
هذي أرزاق، زدت جبت ذكر آخر و بعدت الأول، قبلوه الإناث لكن كيف كيف ما يطلعش (هذي اليوم)
بارك الله فيكم خويا سفيان على كل شيء
@@hadinmok مازال الحال خويا لعزيز بيض غير ملقح عادة الغذاء ناقس عاود شوف المواضيع تاع الغذاء الكامل والمشكل كى تبدا تغير الذكور عاود رجع الذكر الأول اعطيلهم زريعة الكيف ودوار الشمس والذكر لى ما طلعش مازال ماشى واحد واذا صغار فى العمر يعنى تحت عام هاد الأمور يصراو لعزيز مازال ما بلغوش ما تقطعش لياس زيد جرب العام مازال طويل لعزيز
@@sofianebvbdiscoverydz6210 بارك الله فيكم خويا سفيان
إن شاء الله
الله يبارك ماشاء الله
يبارك فيك لعزيز