蔣家旻傳出婚訊狂收祝賀短訊 出發布拉格拍外景大賣關子

蔣家旻傳出婚訊狂收祝賀短訊 出發布拉格拍外景大賣關子
一向低調處理感情事嘅蔣家旻，早前突然高調認愛，帶埋幕後製作人男友周永基出席朋友聚會，有媒體報導指Angel呢個月尾將於海外結婚，消息傳出之後，Angel終於露面，佢現身機場準備出發去布拉格拍攝劇集《巨塔之后》，佢除咗多謝大家關心，亦親自回應傳聞。
Angel話：「突然間有好多訊息恭喜我，我就冇乜回覆，如果真係有好消息，我會喺社交平台同大家分享。」Angel話自己對私事一向低調處理，因為同男朋友感情穩定所以先會公開，「身邊好多人都好似我真係結婚咁樣。」被問到是否真係好事近，Angel就大賣關子叫大家期待下啦！
Angel今次去到布拉格，最重要嘅一場重頭戲就係喺城堡取景嘅婚禮場面，Angel不妨考慮下，物色有冇適合嘅古堡來舉行婚禮，「唔使啦！以前細個係會覺得喺城堡搞婚禮好靚，大個咗其實原來唔係，自己唔鍾意咁華麗，鍾意簡單啲，唔需要咁公主。」
Angel今次拍完布拉格外景就正式煞科，所以心情特別興奮，佢話自己已經處於煞科嘅心態，所以感覺特別輕鬆，尤其第一次喺歐洲煞科，加埋係第一次去布拉格，希望有時間可以周圍行下就更開心啦！
#蔣家旻 #巨塔之后 #布拉格 #婚禮 #月尾結婚 #大賣關子 #城堡婚禮 #歐洲煞科 #幕後製作人 #周永基 #好消息 #公主 #華麗 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0

[@OntheRightTrack-b9t]

幸福的未來！