KazToll жеке кабинетінде жаңа мүмкіндіктер

Ақылы жол пайдаланушылары үшін KazToll жеке кабинетінде қаражатты аудару бойынша сервис қосылды. Енді атында бірнеше автокөлік тіркелген азаматтар қаражатты бір көліктен екінші көлікке аудару үшін электрондық өтініш жолдай алады. KazToll сайтында электрондық пошта арқылы тіркеліп жеке кабинетте автокөлік туралы мәліметті қосқаннан кейін, «Көлік құралы туралы ақпарат» бөлімінде «ақшаны аудару» батырмасы шығады. Қаражатты аудару кажет мемлекеттік тіркеу нөмірін таңдап, электрондық цифрлық қолтаңба арқылы қол қою керек. «Менің құжаттарым» бөлімінде өтініштің нөмірі, уақыты және мәртебесі туралы ақпарат бар. Егер өтініш қабылданбаса, ескертулер қоса жазылады.
Маңызды! Автокөлік иесі мен электрондық цифрлық қолтаңбаның ЖСН-і сәйкес келсе қаражат автоматты түрде аударылады. Тіркеуден алынған автокөліктің жеке балансынан ІІМ-де тіркелген көлікке қаражат сәтті аударылады, алайда тіркеуден алынған автокөліктің нөміріне қаражат аудару мүмкін емес.