[行山安全法]4K 石龍拱易行路線|其實自己一個更開心!吾好一個人行山!咁應該點做?兩個總比一個好?兩隻小學雞唔通又會好過一個有準備既人?點樣令自己行山行得安全啲?| 荃灣初級行山路線
ฝัง
- เผยแพร่เมื่อ 21 ส.ค. 2024
- [行山安全法]4K 其實自己一個更開心!
吾好一個人行山!咁應該點做?兩個總比一個好?兩隻小學雞唔通又會好過一個有準備既人?點樣令自己行山行得安全啲?|行一條最容易上石龍拱路線 | 荃灣初級行山路線|邊有咁多隱世秘境
起點START:荃錦公路大帽山郊徑公園站
終點FINISH : 荃景圍港安醫院
路線ROUTE ︰麥理浩徑9段 蓮花山林路 元荃古道
起點交通建議: 51巴士
距離DISTANCE :約7km
⚠️⚠️⚠️
路線分享:
GPX File 連結已放在影片內, 可掃描QR Code下載
(可能有部份手機瀏覽器及QC code掃描App未能直接下載, 如有此情況可複製連結,再在桌面電腦開啟. 複製連結至手機App Signal, Whatapp , Safari , Firefox 亦可開啟下載.
⚠️⚠️⚠️
版權聲明:影片版權為CAPTAIN VL CHANNEL擁有, 未經授權不可取用影片
⚠️⚠️⚠️
免責聲明: 短片純粹個人意見分享, 絕非任何專業性指導, 亦不構成任何登山 建議, 短片純粹希望讓山友對路況多一點了解, 從而評估自己能力及經驗是否足夠應付.
常見問題統一回覆.
1)難唔難?
幾多星難度? 難唔難係主觀感覺, 每人定義不同. 對片人中路線有興趣, 應詳睇片了解路況, 自己評估能力是否足以應付.
2) 行幾耐?
我行幾耐唔等於你行幾耐, 參考意義不大. 如果係郊遊既, 就應該預足 夠時間, 無謂令自己趕頭趕命. 如果係想挑戰一吓既, 更應該有能力睇完片, 再衡量 自己能力要行幾耐.
3) 點樣去起點?
分享山路係短片既主要目的, 唔同地區去登山起點位置有唔同方 法, 難以續一介紹, 未上山前的路況 亦應有能力自己搜尋到的, 坦白講如果連地面 的路線自己都無能力搜尋, 上到山是很危險的.
喜歡我既短片分享既, 記得訂閱我既頻道喇!, 同時選擇 "全部"通知 , 第一時間接
FACEBOOK: CAPTAIN VL CHANNEL
IG: TRAILNRUNMAN
合作聯繫
EMAIL: trailnrunman@gmail.com
長文:
我係閒日腳, 假期好多時都要返工, 一個人行山呢樣我都行左好多年
甚至講出黎比人鬧, 險線澗線崖線我都試過一個人玩, 我唔係要認咩叻話自己幾勁幾醒❌
我只係想帶出幾樣野:
1️⃣要知道自己能力去到邊,爬野咁計,爬之前你覺得自己有冇能力先?冇既點解你仲要去試?
睇完條片,「人地得喎,咁自己都得啦」,有咁既諗法你已經唔適合行山
2️⃣極限去到邊,路程咁計,行幾多公里自己就冇辦法繼續?
冬天行到50KM,夏天你仲行到嗎?
呢D野得你自己最清楚自己,明明自己只行到30KM,你冇理由搵條港島徑全走黎玩自己啦
3️⃣底線去到邊,挑戰自己係好,但都要了解自己能力同極限,畫條底線比自己
計劃路線果陣就跟自己既底線之上搵路線玩,雖然話膽同體力都係練返黎,但都冇得你一步登天,有時候唔得就係唔得,冇得強求的
4️⃣行之前既準備有幾多,呢樣好重要,亦有排講
行幾多KM帶幾多水先夠?路線狀況係點?水泥路?爛路?密林?爬崖?要行幾耐?中間有冇咩位置走到人?仲有天氣呢?
呢D野全部都唔係你行到去先諗,係前一晚,甚至幾晚之前已經要諗,我由冇GPS年代帶住政府紙質地圖指南針咁搵路
玩到而家好方便跟住GPS就行到,深知道地圖上一條虛線,實際路況係可以好大分別,地圖一定要帶,但都唔可以依賴
前一晚睇隊長一條片你就諗住可以出發去玩?睇你行D乜啦,郊流流既我覺得隊長 D片已經講得好夠
但難既路線呢,麻煩搵多幾條唔同人拍既片,網上搵多幾篇遊記之類,早幾日望熟邊D位置你要避,邊D位可能有危險,諗清楚自己能力極限底線先好去
5️⃣仲有❗ 知 難 而 退 ❗都好重要
我自己都試過迷路,試過有崖起底見到知自己冇能力上到去,咁點做好?放棄啦,夾硬上只會害到自己
放棄「敗走」唔係D乜野瘀事黎,襯自己仲有機會走到人既時候,唔好比自己有機會身陷險景好重要
上面都有講,唔得就係唔得,冇得強求的,行山就算係想尋求刺激,都唔須要搵自己條命去駁的
山唔會走左去, 今日去唔到既位置, 或者搵唔到既路, 返轉頭唔好夾硬去, 返屋企再做下功課了解多D, 覺得OK先再試
6️⃣如果一班人行,❗慎 選 同 行 者 ❗,好重要!
冇經驗既人會同你講,一個人行山好危險,我可以同大家講,一班人行山都可以好危險!(以下經驗之談)
我試過帶人去綑火紅海岸,搭大飛到鬼手綑返出紅石門,再上山走,事前知道同行有5人,但只有一個朋友我係識,亦以為信得過
同行既都話自己有經驗,結果綑邊開始就見到除左朋友以外其他人既能力都唔太夠,結果預4小時去到紅石門既路線我地綑左8小時
還好最後全員平安,但預5點出到烏蛟騰就玩到晚上9點先出到去。呢次之後我就冇再帶人玩,只有好熟既,頂多3,4個人一齊行。
講咁多想講乜?同行既人起碼都要自己識又有一齊玩過既先好預,行之前自稱OK冇問題果D,你唔識佢,佢既OK同我既OK可以好大分別
經常獨行既我玩左咁多年冇穿冇爛連跌親都未試過,冇誇大的,因為我好清楚自己做緊D乜,經驗係累積返黎既
獨行=/=危險,危險係在於一個冇準備既人去獨行,多言了
*另:拍行山片既人有好多,我亦都訂閱左唔少
但只有隊長既片我先會肯花時間打咁大段野,因為我行左咁多年山,都仲可以起佢D片到學到野👍
多謝你!好詳細,在你身上都學到野,謝謝分享🙏🏻🙏🏻🙏🏻
@@lamcandy5874 我係打完文先再睇隊長條片, 其實都有好多野係佢有講而我冇講到的😅
見到個話題, 我睇都未睇就一大段文彈出黎, 唔敢講係咩大道理, 純粹個人經驗之談啦
好正既分享,大家都想小啲行山意外🙏🏽一個人行險線要小心呀!🙏🏽
@@captainvlchannel 就同你片中咁講, 41:45 唔係夾硬完成得到就係叻, 要識進退
一個人行險線, 做足晒功課, 甚至邊D險位, 險位係點既樣, 我都會截晒圖落手機到, 對清地形, 唔得既我都唔會夾硬試
你之前既青蝶石河我都擺左起候補清單到, 做足功課等天氣乾爽我先會去試, 我都仲記得有問過同吊手北脊比較邊個難D🤣
險線絕對唔會係睇一條片就足夠了解的, 儘管你拍得幾清楚都好👍
近年行山有一個體會:你行山問路問著一班人未必有人識;但問一個單人行山的人他一定識!原因無他;一個人行山只能靠自己;要保障自己必然做足準備
俾一班人問返我一個人邊條路可以去某地,打左個突,好嬲又好笑。
指示定唔指示好呢?
呢句真。單拖行山唔識路真係唔覺。
我自己意見啦:喜愛一個人行山的人,一般都是有一定行山經驗的人!事前大部分人都會做好準備,起碼清楚路線和路況是如何!
反而一大班人去行山的人,一般都會有幾位什麼都不知道/或者帶不夠裝備的人...到有時候他們和其他隊友失散時,他們便焦急萬分的到處問人..
我點只喜歡一個人行山,更享受山上行两三個鐘都見唔倒人,真係遠離煩囂,再加無敵風景,超正。但绝對同意隊長話要量力而為,自身健康態况,天氣,危险環境唔好博......
完全同意,我同你一樣
好矛盾喎! 無敵風景又點會行兩三粒鐘都見唔到人呢?
@@orangeorange213 ,
@@swu7132 平日去少人啲,又唔洗就人哋啲時間
我行下城門都試過一個人都冇👍🏻
我試過當時自己一個人行,然後救返一班迷路嘅大媽😅😅(佢地一行6人,冇人行過亦唔識路,明明有訊號但又唔識睇地圖,最後我無啦啦做咗領隊,揀咗條基本上有落無上嘅靚路帶返佢地落山)
好人一路平安👍🏼
我行髻山,開揚景觀,遇到4個大媽前面路况不知和唔識睇地圖是指定動作,甚至數十座的天水圍屋邨都不識,點算
依家發現唔少人(行山嘅人)係唔識用離線地圖
@@kahosun1411 根本唔識睇地圖,曾經有谷友粗言爛口鬧人堅持灰線是石屎路,死未!
@@candysnow4815 😁
一個人行山,或一班人行山,各有各樂趣,兩樣我都好享受,當然安全最緊要😁
隊長,同意你觀點👍🏼
好多人成日都道德綁架,講到我哋呢班獨獨行好似犯咗啲彌天大錯咁😅覺得我哋連累到啲消防員同拯救隊…其實我想講,就算我成村人咁行山,如果發生意外,都係會麻煩到佢哋😂重點唔係人數,重點應該係你嘅體能、經驗、事前準備!
不過隊長你片中所講嘅嘢,都係嗰句啦,明嘅就會明,唔明嘅你講咗幾多次佢都唔會明😓
喜歡一個人行山,一個人旅行,一班人吱吱喳喳,走過風光溜走,最討厭.只要planning得好,注意安全,量力而為.沿途風光都在記憶中.靜聽鳥語,享受清風,只有一個人才能深深感受到.
Same me
我同朋友一齊行山旅行也ok
但自己去也很enjoy, 自己覺得做乜都系,最緊要事先plan好就ok
隊長嘅觀點非常好 聽過都感受到有益處 相當好👏👏
隊長講法有意思,已出重点有準備 知能力 知進退👏👏
因應近期特別事例:若有打過疫苗,未夠兩星期,真係唔好上山或劇烈運動。
有次真係上到半路大斜坡中,某位首位join 團山友因為有氣喘,眼黑,體力不繼先報出佢打完針一星期;整隊人都要一步一休,轉向車路林道,走遠左但安全既幾k路,幸好無事。
1. 有明顯或隱藏式不足,不上山
2. 一有不適請早提出,讓全世界做好準備
睇定啲,一個月好。所有會令身體脫水的動作都不應該做。
我都係一個人行山,幾個鐘頭唔見人,就係鐘意這種感覺,只聽到雀仔聲,很自由
其實唔識行就自己亂來本身就唔啱,如果自己能力可以就得啦!
有人話有人死咗就唔好去,屯門公路夠有人炒車,咪唔去得屯門?
一個人要注意安全,量力而為就可以了,隊長講得幾好!
天地人 三大要素全配合,才會令意外降低。
天:係天氣同時間,過熱過冷行雷下暴雨,會令原本一般路線增加難度同危險性;晨行日行黃昏行夜行通宵行亦大大不同,你,是否認知同準備好?
地:路線、路況、路程、路難度沿途補給位置、可退出位置、甚至起步位完結位置交通都至少要有概念。
人:自我判斷自我準備,能合符天地要求,加上要有計劃同交帶,行前做好功課,行後做好回顧。
🙏🏽
我自己都鍾意一個人行山,前提當然係安全,會講低去邊度,大約會經過嗰d地方,只要有網絡訊號就影相通知老婆
我的座右銘⋯⋯在山的面前,我永遠謙卑;不敢言征服,只願山仁慈
對!我開始一人行山時,我會行最易的路途!慢慢由易開始,所有安全嘢都會做齊!但都會用怕死心態去行山😅 咁樣對我好少少!另外,石龍拱這地方好靚!但嗰日都係咁大霧,我必會重遊!
隊長,我都是一個人行山客,我的感受同隊長差不多,一個人更加對自己有更充足準備。而當中會發覺自己有什麼不足,當場點對應,及往後點做得更好。當然在對應上要考慮自身安全,惟一補充是不介意多帶點水及蘋果,到你在殘存時是有用的,每個山客都可以分享一點殘存管理,例如怎樣通報予人幫,其實漁護署有個程式是好好用,此事都好重要。
但有些地方,我都要堅持同伴而行的。
嘩,隊長的肌肉操得幾勁,係涼亭睇晒
十分認同你嘅講法同觀感,鍾意行山嘅人都會鍾意一班人,又或者只有自己一個人既時間。判斷能力,做足準備真係好重要。睇你拍嘅影片學到好多嘢,繼續加油💪🏻
話題堅有意思,隊長講得好岩👍講出我心聲😄一個人行山可以真正感受到大自然,聽下自然既聲音,又可以靜下,我都好鐘意🥰最緊要量力而為,做足準備,注意安全,好緊要👍人數唔係重點
你估個個都想一個人行山架咩
都要人地ok 先得架 所以
我都中意自己一個人去行山
上網做好功課 、帶足夠水/食物 、同屋企人講清楚
盡力而為 好好欣賞大自然
👆🏻不喜勿鬧
謝謝隊長!
我都好享受一個人行山,唔洗同人傾偈,好專心去聆聽風聲、草聲、自己的腳步聲和呼吸聲!
Me2
非常之好,清晰明瞭。多謝你概分享。
山常在,好鍾意哩句話。
也祝各位朋友常在山。
VL隊長,你post咁多條片,這條係我最比心機睇的一條,而且係由頭睇到尾,不是路線給引我,因為這條路線我都行過幾次,而係你道出一個人行山的重點,就是量力而為!本人時常都一個人行山,而且喜歡一些有難度的山,通常都行4至6星,全部都係一個人行,每次行都盡量唔行重複的路線,皆因香港有太多的山路,相信窮一生也未必行得曬所有山路,但當行得很多唔同的路線,有了不少的經驗,就會明白你在片中所表達的感受,就是你所謂的層次,真的每個唔同層次的人,所睇的危險性各有不同,有些人明知一個人行山危險,都會照去行,但有些人未行過一些較高難度的山,就已經覺得一個人行山就很危險,就等於8號風球下有人走去滑浪,我都覺得他們危險,出了事又要出動消防員拯救一樣道理!Anyway,你這條片我心同感受,藉此留言給你支持,隊長加油,香港人加油。
1) CAPTAIN, I learn much from u, respect!
2) 仲要敢冒天下之大不韙, 勁型
3) 蝦叔係高手, 但點解成日唔願行咁😂
行山前計劃好路線,我 唔只 plan A, plan B 加埋 plan C 添, 量力而為知所進退 !大家行得小心,長行長有 。 💪💪💪
第一次睇隊長係聖誕節浪茄遇上迷路男士,跟住學埋你教的離線地圖,對行山準l備好有用👍👍
期待!我好多行山知識都係睇隊長既片學既,用離線地圖,行山路線考慮,都係睇隊長既片學。
我都係鍾意一個人行山,有能力行難啲有乜問題,今日先行完象額脊,落象門
極之認同隊長的講法和想法;自問係你身上都學到不少心得,加上心態和你都算係接近,所以好支持你的分享片段👍
香港好幾個行山KOL ,各有特色才出色,well done👍👍👍☺️,我是新手.
本人也是一個人練山的,由於近來出現比較多的一個人行山身亡的意外,身邊人看完新聞便質疑我一個人行山便是一件錯事,期待隊長這條新片可以讓我與身邊人分享一下!
😂😂😂將條片分享俾佢哋吧!
隊長,我 feel 到你的語重心長,thank you.
我都喜歡一個行山,不過我都做足資料,睇清路線先行😂學你講,難的路線睇左當行左,自己行要注意能力,但可享受清靜自由,想行就行,想休息就休息,多好😉加油
隊長真係好正!有經驗又有吉屎!👍🏼👍🏼👍🏼
我都係睇咗隊長教地圖的片先學識離線地圖。感恩。🙏🙏
隊長係分享行山哲學及人生觀,說話彬彬有禮大方得體,同其他人好唔同!我有時都會自己一個人行山,通常喺屋企附近短路為主,帶條鎖匙八達通就出去!行吓跑下,水同電話都唔拎!
客氣喇!上山電話要隨身呀!🙏🏽
只是上華山同蝴蝶山,應該唔使攞電話啦!
有意思既話題,未睇先like
有計劃有自量,一個人行山,亦不危險,隊長講得啱,要有自知之明。
隊長真係用心良苦👍
我都經常自己一個行山,一個人旅行,一個人渣車,一個人游水,最緊要係有危機意識,識得判斷風險,亦進亦退,隊長講得好有道理,事前做足功課,了解地勢天氣,唔好咩都未了解就衝住去,唔好為打卡要做什麼挑戰就夾硬前行,我一個人跑山一定揀自己最熟悉既路,行返d行徑郊遊徑,避免仼何攀爬陡峭嘅地方,一個人岀行可以更認識自己,聆聽到自己既聲音。
我也是經常一個人行山,今日你分享的行山安全,我大部份都認同。
“獨自行山易出事” - 單一因果論述不太合適,若為“獨自行山出事後無照應”會比較合理。
隊長副眼鏡同帽好靚,請問係咩型號同邊度可以買到呢?
聽隊長分享真喺好正好到位,上左好寶貴嘅課👍
隊長有態度!夠吉士!真敢言!致敬!
隊長真係好大膽,居然喺屋企唱「其實自己一個更…」🤭🤭🤭
個人覺得,一個人行山又好,同三五知己結伴行山都好,除左量力而為、知所進退係最基木之外,最重要嘅係時刻對大自然抱敬畏之心,輕視左,大自然就會教育返你
好彩隊長講果幾點我自問都做得到🤭
岩,我有時自己一個,有時同朋友行。但點都會拿哨子,電筒,頭燈,雨傘。小急救包(噴霧膠布,膠布,生理鹽水,即棄手套,棉花,棉花棒),會plan好路線Plan A &B ,睇天氣做人,開始都會報山藝一級。拿外置充電器。
行山鞋都好注重抓地能力,有點長線(e.g環湖出咀鬼手同三牙全走)自知一個能力不足等緊腳/暑季等涼先等腳行
👍🏼👍🏼👍🏼
我覺得你講得好好,完全係我嘅心聲,我亦是單人行山的人,我會事先做足功課,量力而為才是最真。
多謝。溫故知新👍
我都喜歡一個人行,遠離市區人多車多頭腦都清醒的,前日行完元荃古道荃灣去大棠
😂😂😂 “總之一個人行山就唔啱啦!”
我都覺得講呢啲話既人十個有九個都無行山習慣。跟本唔識
對,我都經常一人行山
尖,草,帽,釣魚翁,青山,孖崗,港島徑,老麥,西高山,長,短途都係一人,正如隊長講得岩,量力而為,高估山路,小心評估,準備充足,有7/3不對勁都吾續行!
反而撞板PK系行最易行嘅地方
系….自己日日返工個條路線,呢D叫越易越冇警覺性
我一個人行過三尖,行過四大考牌路線。一個人可以盡情發揮自己小宇宙能力。
終於知道點解隊長鍾意一個人行山喇!
為了唱一首歌!
期望撞到女山賊!🤣🤣🤣
😂😂😂
跪求 只刧色不刧財美豔女山賊 位置!
隊長好頂癮😂😂
“頭盔🪖兜到落腳眼” 堅笑咗!
喜歡行山,所以我去上山藝堂,長知識
請問在哪裡可以上山藝堂?我也喜歡行山,想學些行山知識,能否指教?
@@jackieleung5340 Facebook上搜索’香港山藝協會’,電話24852933,每月都有山藝班。
多謝,隊長分享,睇完段片學識好多重要資訊,👍👍
隊長👍分析好有道理,真係要量力而為🙏我好享受一個人靜靜地行山,我係長者,考慮安全至上,所以好喜歡行嘉道理農場😀
好同意你講嘅嘢! 你啲片幫到好多新手!
雖然我哋好少跟到你嘅路線,因為我系帶初小嘅仔女行山,唔敢太高level。希望以後多啲片介紹下啲簡單路線啦~
今晚依集好值得大家去收看,思考,多謝隊長分享👍👏💪
高質,有用,多謝隊長。
隊長,我全力支持你的論點👍
多謝隊長語重心長! 支持你分享嘅經驗,個人信念,繼續努力! 👍
一個人行山一班人行山係有吾同樂趣,體驗,責任,挑戰! ✌
謝謝😉
真心好喜歡聽你嘅分享, 要明嘅就明。
一個人行山有一個人的樂趣,但亦視乎你行咩山,謝謝隊長分享。
其實我担心治安多d,每個人對自己的安全要負責。
支持下隊長先,睇左隊長的片受到了很大的鼓勵,有準備的人永遠是安全的。
隊長👍🙏🙏多謝分享🙏🙏
你講出我嘅心聲、問題、憂慮
因我大多數時間都係一人行山
量力而為好重要,一個人行我自己都係揀難度低D。
非常欣賞你對一個人行山的睇法!說到重點!
我也喜歡一個人行山!
量力而為是我行山的首要!
好呀隊長能為獨自行山者平返,首要量力而為及能夠處理得到,獨行行快行慢都可以自已控制,體力不支可以行慢D, 留意到出意外果D係幾個人行,你追我趕咪容易出意外,中暑或抽筋。
聽你講完,我都非常同意無論幾多人行,都要做足準備!謝謝
一個人走確有樂趣。一個人走或一班人走都要做好預備、作個壞打算,凡事小心為上!
隊長講得好好!支持你!謝謝你的分享!好喜歡隊長嘅行山片,繼續努力!
經常一人行,最緊要自己量力,安全至上,裝備足夠,小心行,危險位不要亂行,享受行山樂趣,寧靜,要知會身邊人
十分認同
有能力行到一個人行有咩問題
唔通一班無經驗嘅人一齊行高難度嘅路線就安全!?
我都係自己一個行山
會去學山藝
隊長,贊成你的講法!多謝你分享行山資訊🙏🙏
十分認同隊長的話,量力而為,不過話時話...你呢段路如果反方向由港安起步的話就HIHI了...所以去前要做好功課。
非常認同隊長的説法
其實明就明
非常同意非常贊同隊長嘅說話!
隊長:完全同意你的見解
隊長:多謝你,從上年看你片後,可以上羗山,/\仙嶺。介紹地圖後,上月從城門水塘上禾秧山、妙高台,下川龍飲茶,行錯石林也可從地圖更正,所以我們過七十耆老也可行
隊長你講得好啱 非常認同你說法 支持繼續拍多d行山路線 令行山友得益不少
完全同意隊長說的: 量力而為, 有伴行當然最好,但未必常常能有伴, 行山主要是睇"目的" , 想鍛鍊身體? 想追景打卡還是想挑戰難道? 😉😉😉😉
Tks Captain 👨✈️
完完全全講出我心㡳話
謝謝隊長既介紹及提醒行山人士要注意嘅事項及準備,每次都有得著,多謝🙏
謝謝隊長分享,一個人行山好開心的,加油呀👍👍
😂😂😂其實自己一個更開心
認同你的說法,有時候我也會自己一個行
行山安全好緊要,做個有責任的行山人,對自對人都要負責。謝謝分享,可作參考。隊長的說話令人有反思。
我都係經常自己一個人行山的。
一個人自由
要來的,終於來了
相對來講香港行山徑係安全的(懸崖峭壁例外)。最好笑係居然有靚仔网上大聲疾呼曾老師的舉動毫無意義,會累死雪巴响導,一陣又話剝削雪巴人。其實連雪巴人酬劳幾多都唔知,雪巴响導都是有嚴格訓練及regulation的。
唔識又要俾意見的人何其多😅
Well done !
隊長👍👍
感謝隊長語重心長🙏🏽🙏🏽🙏🏽
重要既事情要講三次:「訂閱係好緊要,好緊要同埋好緊要㗎!」😅👍🏾
By the way,隊長幾時會出介紹行山鞋嘅片?另外可唔可以分享下應對浮沙碎石落斜嘅小技巧
我諰為最重要是身體狀態,比方充足睡眠。
認同,多謝隊長既努力,加油
講得好👍🏼