Давлатимиз раҳбари Шавкат Мирзиёев томонидан қаратилаётган алоҳида эътибор хусусида...

Ўзбекистон Журналистлар уюшмаси собиқ раиси Собир Қурбонов журналистларнинг хизмати, меҳнати, ўзгаришларга қўшаётган ҳиссаси, айни кунда соҳа вакилларига давлатимиз раҳбари Шавкат Мирзиёев томонидан қаратилаётган алоҳида эътибор хусусида ўз фикр-мулоҳазаларини билдирди.

[@brabuslgsonymansorytesla813]

ОНАМГА ХАТ
Қайтгим келди, онам, ёнингга
Юрагимда исмсиз дардлар.
Совуқ хонам, соат чиқ-чиқи,
Ташқарида хазонрез боғлар,
Ёмғирнинг жим хониш қилиши...
Бариси ҳам нечундир бу дам
Туширмоқда сени ёдимга...
Қайтгим келди, онам, ёнингга.
Юрагимни очиб гапирсам,
Кам-кам бўлар менда бундай ҳол.
Шодмон юрсам, менинг ёдимга
Сен тушмайсан ростдан, онажон.
Ногаҳоний бундай ҳолда-чи,
Шундай кўргим келади сени.
Айтсам сенга бор гапларимни,
Орзуларим, ҳасратларимни
Йиғлаб, кулиб айтгим келар, ҳа,
Одамларнинг қадру қимматин
Англамаймиз бирга бўлганда.
Аммо ногоҳ узоққа тушсак,
Ё танҳолик ҳасратин чексак,
Баъзан шундоқ,
Одам зотининг
Тирноғига зор бўламиз, ҳа!
Тушунмайман бул ҳақиқатни,
Сен-ку, ахир онасан, она...
Онам, ранжимагил хатимдан,
Мен ростини ёздим, шод дамим
Сен тушмайсан асло эсимга.
Аммо ҳаёт ўзи, биламан,
Солар сени ёдимга бот-бот.
Яъни, бошимизни доим ҳам
Она бўлиб силамас ҳаёт Абдулла Орипов