ฝัง
- เผยแพร่เมื่อ 1 ส.ค. 2024
- 有網友問：買多少政府年金才合理？活用年金、長者生活津貼和綜援 ！
57歲網友打算提早退休卻被質疑，點算？
今集的主題是：「買多少政府年金才合理？」。
不鳥今集將會分段節錄2024年「經緯線：退休‧退憂？」的部份內容 -
分享79歲香港長者伍海林的退休生活，
穿插點評分享一些退休理財知識和心態。
免責聲明：本片只是學術分享，並非任何投資建議。
學會退休規劃、真理財、資產配置！請進來吧！
#退休生活 #年金 #退休理財 #退休規劃 #理財知識 #香港年金 #政府年金 #資產配置 #長生津 #長者生活津貼 #社署 #綜援 #退休3寶 #退休三寶 #長者 #長者理財 #鏗鏘集 #經緯線 #醫療保險 #社會福利 #長者健康 #正能量 #老年人健康 #老人 #老人頻道 #現金流 #資産運用 #資產管理 #香港年金 #退休養老 #退休生活 #退休金 #退休養老 #退休規劃 #理財教學 #投資理財 #人生下半場 #提早退休 香港
不鳥 N+TV
▬▬▬▬▬▬▬▬▬▬▬▬▬▬▬▬▬▬▬▬▬▬
影片章節：
00:00 內容簡介
00:52 1. 香港長者伍海林退休生活
02:47 1a. 不鳥點評#1： 當别人質疑說：「退休很悶的。」
04:35 1b. 不鳥提早退休被朋友質疑
05:09 1b. 「不要發夢」變「夢想成真」
06:42 2. 香港長者伍海林的節儉生活和財務規劃
09:25 2a. 不鳥點評#2：計算生活開支和量入為出
10:01 2b. 不鳥點評#3：長者生活津貼
10:55 2c. 不鳥點評#4：買多少年金才合理？ - 年金的好處
11:55 2d. 香港年金與綜援
13:02 2e. 政府年金 & 長生津方案 vs 綜援
13:51 2f. 哪些情況不適合買政府年金？- 情況1
14:24 2g. 哪些情況不適合買政府年金？- 情況2
14:45 2h. 哪些情況不適合買政府年金？- 情況3
15:55 3. 香港長者伍海林對退休醫療保險的看法
17:55 3a. 不鳥點評#5：醫療保險不要本末倒置
19:09 4. 香港長者伍海林日常生活和退休觀
22:00 4a. 不鳥點評#6：心靈比金錢富足
22:50 4b. 不鳥點評7：關於目標感
▬▬▬▬▬▬▬▬▬▬▬▬▬▬▬▬▬▬▬▬▬▬
![[TH] GEN vs SEN | FPX vs TH - VALORANT Champions 2024 DAY 1](http://i.ytimg.com/vi/VcyH-0LAlhs/mqdefault.jpg)
本身有自住樓（已供完），有萬多元被動收入....想停一停工作，抽時間和家人聚多一點，都被人叫我唔好發夢，話香港無可能生存到。睇完你呢條片令我覺得唔好太在乎人地點睇，自己計到數就可以, 令我重拾返少少希望。因為有啲時間係追唔返......會想珍惜多點和家人，朋友一起嘅時間
我唔知你幾歲，但其實你的經濟實力已經非常優厚了，好多buffer了。
做個迷你退休試下囉，唔會死的，如果被動收入係流動資產產生，比如定期國債或低風險股票，咁利息唔夠，你個本都夠你用好多年，仲有層樓，真係唔駛驚。
我自己每份工都停一段時間先再揾，短則半年，多則2年。之前33歲無返，停左2年再揾，一揾就揾到。真係唔駛太擔心，我相信你有如此財力，一定有過人的才能。
停一停，過下自己想過的生活。因為如你所說，過左的時間追唔返。
60歲揸架跑車同追女仔，已經唔同廿幾歲的感覺，追唔返的。
話唔定你可以發展到一門新的揾錢方法，或揾到人生比錢更重要的意義。🥰
可以睇下第8同23集😊😊
@@nobird8888 我邁向40歲.....係，其實我有諗過迷你退休。因為我真係唔想人生最黃金時間都在辦公室同同事渡過。唔想65歲時後悔......
會花時間睇多啲你之前啲片，再認真諗下。而家始終高息環境，賺少少被動收入唔難。但我嘅被動收入唔夠多元化，所以仲諗緊.....我主要都係低風險類。
多謝你花咁多時間製作影片同大家share....相信你好快過10萬訂閱....真心覺得你啲片唔錯。
@@baubau4993 咁你已經夠足夠厚去試自己想做的事了。上一代同我地諗法唔同，想下一代安穩，打工賺多d錢...
時間好快過，如果有心願快實現下先，大病絕症都講唔埋話到就到，咁上做左先無後悔。
諗定迷你退休有咩想做想試，退幾年想返工退路點做（我自己唔擔心，就算我依家停左2年幾，我都有信心好快揾到工...再唔低預低d人工，4x歲仲揾到的)，就拎2年時間隨心所欲。😊😊
多謝你支持！ 😇😊
本港舊區很多隱蔽獨居老人要義工找出來幫助，海林活出100%正能量是個鼓舞例子，所以要快樂的選擇權從來都是掌握在自己手上，不是要滿足客觀條件才算有快樂
十分同意！！❤️❤️
心態唔同，成個人生都唔同晒！ 係咪好多錢呢，又唔係呀。除左旅行，海林的生活都唔係用d咩錢，就算冇乜錢要綜援，佢地大可能有公屋，基本生活已和海林差不多，都係有得食有得住... 快唔快樂，最後睇自己選擇。😊
睇到不鳥的片段 ，令我有不同的想法，之前時常擔心退休後唔夠錢過活，現在學識了不同財務工具，心中擔心小了很多了。多謝不鳥分享！
@@user-yi3mu2ij3e 太好了！😊🥰
這是這些影片的其中一個大目標 - 讓大家對退休的擔憂焦慮減少..
恭喜你😊🙏 推薦你也看第8，9集😊
不鳥👏👏👍👍❤️✨🙏不鳥的出現也給我哋“叮”一聲理財大計又亮起來又鼓舞起來亦“叮”一聲把我哋理財抑鬱平衡上回正常人生軌道上！不鳥說得對錢令我哋有優質生活但要有健康才享受到👍👍💪💪❤✨🙏
Wythy,每次你都令我個留言區生氣勃勃🥰😍
有信心，開始實行，一定可以改善。❤️👏👏😘😘
@@nobird8888 不敢當😅是不鳥講得精彩和實用...等等令大家及我理財大計上生氣勃勃就真😊感謝不鳥為我哋精打細算、未雨綢繆和...🤔❤️✨辛苦晒🙏
不鳥，我你唔覺意睇到你，即刻訂閱因為我們退休老人，真的需要這些指導和幫助！❤❤❤
@@cheungmother2012 可以睇之前所有長者退休系列😊
由當初好擔心退休生活，睇咗不鳥之前好多case study同分析，個心會定啲，越睇得多越覺得退休冇想像中咁多憂慮。真心多謝不鳥👏👏👍❤️
太好了❤️🫶
解左呢個結，少d金錢焦慮...🥳
@@nobird8888 係呀 幫助好大👍
不鳥你做呢個題材很讚, 集集精彩,愈做愈好,謝謝你❤
Betty 感謝你的支持和鼓勵！！🥰😇😊😊
@@nobird8888 我是個随遇而安的人，现年58， 已差不多接近退休年齡，一向沒有長遠打算的我，好怕退休後不知怎樣渡過生活，雖然聽了很多例子，仍找不到自己的興趣，以往只有返工返工，沒頭沒腦，現在將退休，對未來生活感到憂慮，有工作時放假很放鬆的，但將要離開工作岡位又好像百般不寫不捨得，但如繼續工作，又覺得很困身，應該多出外囯走走，很矛盾。
面對著我家的狗己老了，需要人照顧佢，所以很多旅遊計畫未成行，除返工以外，時間盡量留家中照顧佢。這是我責任。
只想宣洩下吧
集集都咁精彩！已經聽過不鳥上一集的年金內容（同樣精彩！），到呢集仍然有更深得著❤
感謝你！🥰
其實年金要講的都差唔多講晒了😂😂
你睇多幾次，諗通左，全部野都係咁上下...一理通，馬國明😂
伯伯有計劃👍，唔係租金比較大，如果有公屋住，相信伯伯更輕鬆一！
見伯伯都好精神，希望他多加注意健康、睇吓中醫作保健，相信活得更好！
好精神😊🤩 我到60歲有佢79歲咁fit已經好開心😆
我今年39歲, 21歲出黎工作就開始買保險同月供儲蓄基金, 啟蒙是當年睇左富爸爸個本書, 我當年每月人工只有$5500, 還會比$2000 家用屋企, 我選擇帶飯盒及行路返工. 現在仍有投資儲蓄習慣, 希望45歲可以提早退休. 一直有睇你片學下野, 今集你的分享好好呀, 退休後心態都好重要, 特別是對老人家來說, 今集我會分享比長老睇下.
@@shine1568 你的人生係係勵志故事黎喎😄 絕對可以開返集鼓勵下後生仔...有d後生仔會覺得收入唔高就財自唔到，真係要踢走呢個諗法開始左先。
富爸爸呢本書係影響一代人，唔知會唔會影響幾代人...
希望你早日達成提早退休！
退休後好多心態要調整，要“出世”d，調整好左，做人就容易好多😊
@@nobird8888 作為80後嘅我，都唔太理解現在年青人向下流嘅想法，我自己都有下一代，當然唔希望小朋友長大後會有類似嘅情況啦，所以仍然了解中。講返理財，其實唔同年齡有唔同需要，以前嘅我都有’奶過野‘投資損利，現在嘅年紀，開始會考慮一半保守投資，不鳥你個channel 好好呀，有教長者如何安排退休後資產管理，希望你都可以分享多啲你如何達到財自，祝你channel 愈做愈好！
開頭比較多講財務自由，不過似乎受眾較少，唔太多人睇。而且如果講股票或其他工具講得太深入，太技術，就更加少人睇... 呢d要唔少時間浸同實戰一齊成長，似乎唔太適合在yt講，唯有有其他機會再講。
開始做長者系列同正常退休好似多d受眾，就做多d。
都會間中做返d講財自，但似乎效果都唔太好，唯有滲下滲下...
我諗我分享多d失敗位和退休要留意的事，避免踩雷，可能更幫到大家。😊
@@nobird8888 不鳥不如你講多啲保守型投資，例如債卷，貨幣基金，定期等，可能岩正準備退休人士，YT上好多投資頻道，方向都比較進取，最後都係想sell 上課，所以講d 唔講d。我其實好感謝你每集都講一d實例，計算方法等等，真係幫到唔少人，特別係長者。👍🏻
@@shine1568 低風險投資我現時只做港元定期。
像美國國債，我自己也沒有買，要開個IB acc才講到😂 有d channel都有教點買的。
貨幣基金，做短期的，有點規模，計况回報，問題應該不大。
至於公司債，我都冇接觸過，但覺得都係一個好選擇。可以上網search睇懶系投資法，我看過他一本書，他應該是專家。😉😊
支持讚好,講得好👍💯😍
感謝支持！！🥰😊
好嘢🎉不鳥又有新片。海林依個片，我都有睇過，加埋你嘅旁白更加肯定我都同意呢一個諗法。我比自己四年時間儲吓錢，到時係未夠60歲，我已經寫定好多to do list😂真係驚唔夠時間做。因為人生無常。
@@qubeewong1031 太好了！ 加油！！你做得岩，除左錢，安排定退休做咩，一定好精彩...👍👍👏👏😊😊
我都有支持不鳥💪💪💪可唔可以出條片教年青人點理財，發覺人工低，永遠追不到通脹，返工好似死做爛做都儲唔到錢，好慘😢
第69集同開頭很很多集數都是...
不外乎都係儲錢學投資，或者學d技能增值自己揾多d錢...😊
多謝分享！ 海林既生活正正係我既理想！！因為我都係冇咩物質要求，最重視係身體健康同有良好社交！咁樣開心生活感覺係幸福過好多人❤
感謝支持！ 海林開心生活，的確開心過好多人😊😊
多謝不鳥！支持👍
感謝Juju🙏😊😊
海林叔叔好勁！79歲無長期病患，精神奕奕，真係要好好向佢學習👍🏻👍🏻
買年金仲有一樣好處不鳥未同大家講：買咗年金，唔使驚騙子呃走舊lump sum😅😅
重有，河馬唔會鍾意你。
哈...都係，唔會被人呃左舊錢走😊👍👍🥸🥳
Mr Ng is an inspiration to us all. I hope he gets a medal from the HKSAR CE one day.
😂😂Great one🥰
退休, 可以掌握返自己既時間❤有時同個FRD講, 第日退休可以約埋一齊去行街, 上興趣班, 肯定唔會悶, 因為有返自己既時間, 可以做一直未實行既事同習慣
係呀... 有成班人一齊係好正架。
有時行山會遇一班長者一齊行有講有笑，行完又食個tea，人生樂事也。😊👍👍
開心 , 不烏夢想成真 , 好既野係會有人欣賞的👍
@@shing7095 我都覺得做youtube成件事幾夢幻😁
前星期，我朋友話佢爸爸share我條片俾佢，但佢爸爸唔知係佢個仔的朋友整的😂
我成日諗，會唔會有一日嚮條街，坐巴士地鐵見到有人睇緊我d片呢🤔😂🥰
感謝大家的支持！！😊
@@nobird8888 加油 !!
@@nobird8888 一定有啦👍
好欣赏海林，他跟我的理財观念很相近，而我比他幸运，有自己的物业不用交租，储存的退休金也丰厚。
我未到55歲已经退休，现在有租金收入，定存利息，债券年金的回报，每年不错的股息，所以生活很寫意和富足。
非常感谢年轻的我🙏克儉勤劳加上理财有道，令日后的退休生活无忧无虑！
@@whoIam1010 很好呢👍🙏
有沒有故事分享，我幫你出一集😆😊😊
@@nobird8888
不敢當😅我不算什么成功例子，只是幸运之神一直伴随！也算时势造英雄吧，因我每次買楼之后，物业都会大升。優质物业我会加按套现，長期持有(现在一直收租)，次等的就賣出獲利，再投资债券股票等。
我只想给年轻人忠告～凡事要有远见和计划，千萬不要臨渴挖井！不然，先甜后苦的人生会是他们的命运。
我喜欢先苦后甜，现在能享受甜美的生活！
人呢太難，家庭不只你一個人，當還要顧慮家人，想退也太難。錢，健康也不是一個人問題。
在顧及家人的情況下，有沒有可行的方法？😊
不烏，我一樣很享受在圖書館睇書、報紙和雜誌。你的片帶給我們正能量，Thanks !
❤️🩷🧡
感謝你支持，你也帶給我正能量！🥰😊😊
可能有一日我就係坐嚮你旁邊...🤭🤭🤗
請問有冇一個題材係「將近退休但仍然有幾年工作的人士 60-65歲，應該怎樣Plan之後的人生呢！
1）沒有仔女繼承遺產
2）怎樣的退休計劃適合呢？
3） 人生苦短，今日唔知聽日事/意外，應該點樣去盡情享受人生之餘，又要留返D錢睇醫生？
😅真的好矛盾：唔想儲錢就係為咗將來的醫藥費，咁樣人生邊有意思？
如果到80歲有大病，都費事醫啦！盡量洗晒D錢去享受人生啦❤
4） 如果沒有仔女繼承，住宅方面又應該點Plan呢？是否住細D既樓，留反多D錢去食同玩🥰 🥰🥰 定係租樓算？但係年紀大又無業主肯租俾你👴🏻👵🏻
問題1-3：
可以睇下第71集50-65歲做咩，第61集（整體理財），72-73集（醫療保險的部署）。
第8-9集， 心態。
你有大病費事醫呢個心態已經慳左好多年揾錢了。最後大病都係去公立醫院。
問題4：
1. 可以逆按揭層大樓製造現金流；
2. 可以搬細d，套返舊錢，再逆按細果層樓做現金流，舊錢拎去用／享受人生
3. 可以以租養租先，再返大灣區或其他平的地方住，老左再返黎住
4. 直頭移居平的地方住
...大概係咁。🥰😊
@@nobird8888 Many thanks ❤️
支持不鳥!! 雖然追夢唔容易但對你有信心💪🏻💪🏻
有幸認識呢個頻道成為小觀眾，亦希望頻道越嚟越好長做長有☺️🎉🎉
感謝Elaine長期支持！🥰😍😊😊
我都希望長做長有呀🥳
每次出完片都嚮靈感乾竭同靈感閃現之間... 每次突然一下靈感出到一集都好欣慰。😂😂
你有idea可以彈俾我🤭🤭
@@nobird8888我都覺得你好犀利，keep住密密有好片出❤👏🏻👏🏻
我見最近咁多香港人鍾意北上，咁大灣區退休可能都係一個選擇，唔知你又點睇？
@@elaineWong-xx1yr ok ga.. 又平...d錢好洗好多。
但我張回鄉證過左期，要攪下先返到去😂😂
@@nobird8888 好呀，等你體驗完分享😆😆
我10年前53歲已計劃做安老按揭,年金,全部做晒你講嘅理財方式,而家退休完全唔駛煩無錢使,得閒仲去下旅行,悶得滯就搵份part time文職做半日打發時間😅
@@user-jw2dm7wm3x Ada, 謝謝留言分享你的退休理財方式🥰🥰🥰
咁做真係勝在唔駛煩錢，安心退休，想玩就玩，想做咩就做咩😊😊👍👍
Ada，为你鼓掌👏！我们只要有规划的人生，就有美满的果实可以享受！
好同意不鳥講, 年金係比較適合想攞長生津既長者, 如果身家超過3M以上既, 咁坊間有好多低風險既投資工具可以買, 年金冇吸引力
是的，最好自己識計，知自己有冇其他投資能力，選最適合自己的方案。😊😊
係咩類型既投資呀？
支持不鳥，我早排炒港股早市9-11點之後退左1年，突然間多左時間之後好似有d無所事事咁，得閒去左大阪東京馬拉同上海成都，之後過左年幾又番番工😂，搵左份喜歡輕鬆點的工作算
@@MrTam-yn3di 😂😂我前年都有炒港股，上年就停左整下youtube...
要炒都可以炒到一份半份糧既，但日日坐足9-4，如果咁坐嚮度炒份糧，又真係唔知為乜，做乜唔返工，可能仲輕鬆d。
你知，好多時間係等。如果果一日炒唔到，或者輸錢，成日好似浪費左。 但炒緊，又唔可以專心做到其他野...
做下yt反而見幫到下人咁，訂閱有d增長，有少少收入.. 完左1個月好似做左d野咁，除左錢，好似有d野做左留得低咁。
返工如果鍾意的話係好幸福架，我第一集都講...好似你依家咁，感覺輕鬆又快樂又有收入，係好架。最怕無所事事。
我都揾緊呢d野， ikigai, 擅長-喜愛-世界需要-收入 4合為1的東西。😆😊
支持不鳥💪👍💐
@@pattsang190 謝謝Pat， yeah, 有花收🥰😊🎉🎉
我係之前同你講過70後退休5年嗰個人呀， 我退休無講比屋企人知， 老人家一見你唔返工就會好擔心，照養佢地其實唔比佢地知可能仲好😆
我記得你留過言，但太多人有時會攪亂。有d網友次次留我就慢慢記得...
老一輩係咁，佢地成長背景係咁，解釋過亦說服唔到，所以都唔會話怪佢地定點，只係因為背景唔同，大家冇辦法互相理解。唯有自己理解自己😂
@@nobird8888 所以我選擇左唔講😅
@@anniea2042 唔知都係好😊
繼續聽不鳥增加財商，希望大家退休後都可以成為施贈者😊
感謝雞丁，你都係施贈者令到呢件事成事🥰🥰❤️🩷🧡
今日又太陽又落雨，送個彩虹🌈俾你😊😊
你退休時可以拍幾集餐廳創業攻略放響度做福下d後生仔😂😂
Thanks for your effort, a nice topic and video again 🎉🎉🎉❤❤❤ CLS
Nanatee, Thanks for your great support ❤️🩷🧡😊😊
支持不鳥
感謝Kaka💋❤️😊🥰
加油! 支持你!
Leona 謝謝支持☺️😘😊😇
謝謝 不鳥
謝謝支持！😊😊
多謝！
😱你㩒左3次？
多謝不鳥，好有啟發性，把聲好好聽，可以做DJ.
😁 平時唔係咁講野，d片幾句幾句錄，錯左又可以錄過😂😂
王維基果幾句對我當年真係好有啟發，所以唔講下唔得，要送俾大家😆😊
好多人未開始（任何事）已經注定失敗，成日話俾自己聽唔得，無可能，唔好發夢... 潛意識都接受晒，限制左自己的能力，試都未試就完左。
不如求其做左先，睇下結果點再諗下點改進... 🤓
雖然最後都係可能唔得，但唔知點解，又會有第二d野出左野... 發現有第二條路....
早幾個月睇“填詞L”導演就係咁，鍾意填詞，做左編劇，最後做左導演又拍返填詞... 仲要自資拍，好鬼熱血🥹
早兩日睇米紙訪問香城映畫趙羅尼，又係好鬼熱血...
我原生家庭就一路叫我循規蹈矩，個人都好絕緣，唔熱血... 依家人生下半場想熱血返d😂😂
謝謝！
@@chanchanchan1136 感謝chan chan chan 大力支持！！😍🥰😊🤗❤️
送個風鈴🎐俾你，好運隨時來🥰😊
🎉😂❤此君非常好，精明
🎉😂❤
@@henryha10 海林精明呀😆😁😊😊
海林100👍佩服
@@mamang7953 🥰👍👍
多謝你❤❤❤
@@kitwahchui5914 謝謝你😊😊😊
多謝❤
@@chakmanwong7552 謝謝你的支持！❤️
最安全裝修好間公屋再申請食宗援一路永日
不鳥媽好可愛👍
@@mamang7953 😂😂係嘅😂😂
我地成日有呢d對話...😂
最後佢都話同我講嘥氣😆
@@nobird8888不久的將來，把你的100,000訂閱紀念牌送給不鳥媽😊
@@carrie2627 我都想10萬訂閱...同錢冇關，都係一個成就，人生呢幾年做左d野咁😂 不過近來諗內容都諗到有d枯竭了...😂😂
我覺得你嘅影片就好似濃縮雞精，我有陣時要聽三四次先至可以完全吸收。（因為太過精彩，但係又有好多嘢要記住。）有陣時我諗，如果條片冇咁長，短啲，就好似嗰樽雞精size可以再細啲，唔使我全日分開幾次飲。因為一次過飲好似太多，可能個胃會接受唔到。但係打開得太耐又保鮮唔到。所以如果有大細size選擇，我會買細瓶嘅雞精。一嚟吸收得平均啲，二來避免飲唔晒浪費咗嗰支雞精。因為呢隻雞精嘅出品人（即係你😊）實在係用心良苦，處處為粉絲着想。（如果你將一條片嘅內容斬開幾次出，我相信啲觀眾都會覺得好精彩，例如三四日出一次，好過要等一個星期至出一次，咁樣你又可以冇咁辛苦。）
@@carrie2627 謝謝你的意見。絕對明白你感受，我成日整完睇返都覺得好長。（我自己好多時睇3次大錯先出街，錯少少再gen片又要由頭睇一次2x分鐘，想死🤤）
我都想做10-15分鐘就算... 以前我剪片app有限12分鐘，就一定減到12分鐘。整片app限制，以前太長可以一句句cut(一句一條mp3)，依家錄晒所有先知幾長，又cut唔返（一條mp3)...
有d野唔講唔戴返個頭盔唔得，有d野我都唔係100%肯定。
或有人冇睇舊片，又重覆，比如講長生津的限額或買年金，有人會覺得長氣... 就長左。😂😂
有時又好難斬，比如呢條，其實可以到第2 部份 16分鐘左右完，完全唔要第3，4 部份。
但又好似唔完整，後半部份海林所做的和講的又幾有意思，但單係第3，4部份我的點評內容（即係點評5-7）又好似老生常談冇乜特別，出唔到一集... 唯有夾埋一集出。
上一集咁，我都想斬2集，但後半又好似唔夠實在出到一集...
感謝分享
加油
感謝Marco🥰❤️🥳😊
當日直播我有睇，睇到伍先生嘅一舉一動好有活力，好欣賞。再知道用咩方式去生活，就了解到退休後嘅生活，可以好精彩。
希望大家都可以做到精彩嘅退休生活
@@MaRco-hf6vp 我都有好多得著... 條片我睇左幾次了😂😂 吸左好多正能量😊
鳥哥好嘢👍
謝謝小春子💋❤️
有錢退休就唔悶，生活多姿多彩， 時間充足，冇錢呢。。。。。。
悶唔悶真係好主觀... 我圖書館睇下書做下運動都好唔悶，接近唔駛錢。
就算拿綜援或唔太多錢，退休後都唔一定悶，2蚊車，社區免費活動，上下大陸平玩都得。😊
最怕冇健康...🥲
未學識課金試下先 真係抵睇！
@@bb1599 感謝你☺️😊😊🤗
聽不鳥人生得了❤
感謝Leo支持！🥰😍😊
一集比一集精彩..... 好有啟發性。幾時又有新片ww
@@lamzawong2498 謝謝葉月！🤩
呢條片搞左4日，岩岩7pm先整好趕得切今日上。
哈...已經好攰，要抖下😆 好多最重要長者退休理財的東西都講了，乾乾地塘...成日唔知下一集做咩好...
我鍾意講下d心態野，但未必有人睇😅
偶然看到不鳥視頻，多謝分享個案。本人退休至今已經二年，但在二年做過幾份工，現在仍然做緊partime.因為之前份工已經超過二十幾年，所以希望退休之後嘗試不同的工作，從而了解其他工作的實況。我覺得退休生活悶唔悶係視乎你嘅心態，積極參與活動是生活的動力。
@@user-of6jy9tq1b 如果唔係生活迫人，返下輕鬆工作，有d收入，又有d貢獻係好。
整片咁，可能好多人以為整片好好玩，其實整落就未必係好玩，我呢d片咁，要錄音加d片入去，重覆地做都好悶架。整幾日，好多係重覆工序。我相信好多人整幾次片已經覺得好悶。😂😂😂
不過我鍾意創作寫稿呢一部份，同最終條片出黎，有人覺得有用，我就好滿足。同埋鍾意有人留言，我又回下，有時幫到人，有時又學到野。今朝8點到依家都不斷打字回留言，5個幾鐘，時間閃眼過左🤣🥰 有人睇又覺得有用，係滿足同開心架。❤️
悶唔悶，心境一轉就唔同晒。😊
細個想睇卡通，見大人睇電視財經或新聞就覺得好悶... 到廿幾歲時投入股市，睇財經或新聞就唔悶了。😂
不鳥您好，多謝你的資訊和分析很有用
請問會唔會考慮下分析港人在大灣區退休的生活和財務策劃？
因為內地食同住都平過香港好多，從而讓手上資產有放大作用。唔知不鳥點樣睇？
我張回鄉証上年過左期，都未續返，遲下續返可以去了解下，因為我有d朋友已經嚮大陸買左樓退休，可能遲下整d相關內容。
生活指數真係低好多... 同埋質素都係唔差的。地方又大。
絕對好事黎啦，d錢好洗好多。😊👍👍
@@nobird8888 多謝你😀
Thanks!😊
謝謝CT, 今晚加班？定振興本港夜市😇😊
@@nobird8888 你講中左,我加班呀!未能睇首播,放工買三盒爭鮮振興吓咁啦😁
@@ctmak4129 😂😂辛苦你了
我以前加完班都會食餐好😆
我因工作壓力提早退休，退休後好悶，身體好似仲差左😢想搵工，但唔容易，高不成低不就
@@linglingwong4152 你夠唔夠錢全退？
無d想做的事？學下野，玩下，運動下，旅行，做下d貢獻他人的事，唔揾工而揾到錢（做d低成本生意）...？
如果返返工又有返壓力處理到？ 😊
買領展就唔會唔派息因為拒係政府分出來受管理地產管理上市公司。有定營業利潤9成要出來派息。即係100億營業利用要派90億。其他什麼買賣賺蝕係唔計落去。現在33蚊左右有8厘息抵過買銀債
要考慮賺息蝕價的情況。
例如某KOL在$70-80已說很便宜很抵，如果買了，即使賺了股息，股價至今也下跌一半有多。中間還供了股。
現在$33左右可能值得買安全一點，但要留意以上可能情況。😊😊
@@nobird8888 kol唔識計數。因為拒計唔到管理層會換頂擴張令到原來1股收益有超過1成因為擴張過大蝕左好多錢跌到現在1股收益有1成。好彩領展現在還有1半物業係90年代。只要捱過高息期1股收益率就會超過1成拒負債不夠3成地產算係穩。
@chingyeungsi.891 哈... 可能你知我講緊邊位KOL😂😂
現在的價格係開胎吸引的... 自己計岩數都可以一試😊
你把聲巧巧聽呀🥰🥰🥰你係唔係主播黎架🎤
@@cometogetherwowwow8897 🥰🥰
依家係N+TV主播😂😂😂
@@nobird8888 你咁夜都未瞓嘅你是否在香港住呀？
@@cometogetherwowwow8897 係呀，好多留言要覆... 我依家去訓了... 雖然想睇歐國盃...😴😴
海林😊
甚麼甚麼幾百萬才夠退休，一般都係投資公司經紀叫你買基金，
我買過小小，但回報不似經紀佬所說。
香港算幾好，有乜事，政府都提供最基本支持。
@@lamym377 香港真係算係唔錯，唔錢少錢，退休都有基本生活保障...😊
經紀簽完張單收左錢就.... 😅😆😊
感謝分享！好奇不鳥媽現在看到了有數百萬觀看次數又會怎樣說呢？哈哈。以及覺得不鳥雖然(長期?)被母親否定但仍可以堅持信念不被影響好厲害，我發現自己比較容易受外界的能量負面影響⋯⋯尤其是親近的人。要向你多多學習！
@@HealArtElf 不鳥媽長期否定架... 我比較反傳統。傳統係打工向上爬-買樓-結婚-生仔，我依家就同一般人好唔同。
有幾百萬人睇又點，得果少少錢，你去返工多好啦...
佢講的確又冇錯既，依家單整片，做盡似乎都係咁上下了。求其返份正常工, 人工應該係高d... 😂😂
十幾年前睇Steve jobs演講影響好深的，唔好活在別人的說話或期望中... 第23集尾段。
反對無效！😂
唯有不斷增強自己的財力和能力，可以照顧到自己，令自己行出自己條路... 😊😊
❤😊
@@nobird8888
身邊確實有很多觀念上認為，人類存在就是為了結婚買樓生仔的人……曾經有對認識的情侶，覺得因為收入低，所以更加要生仔為了排公屋，還想情緒勒索我做擔保人！？但我自己還沒未處理好自己的情況吧？回想此事依然覺得恐怖心理壓力很大 。
搵返嗰集聽下先！對呢如沒記錯不鳥是否33歲左右裸辭還是gap year了一段時間？好奇你那時候做了什麼，如果有在節目講過只是我聽漏了的話我想聽返~ 謝謝你
@@nobird8888 身邊確實有很多觀念上認為，人類存在就是為了結婚買樓生仔的人……曾經有對認識的情侶，覺得因為收入低，所以更加要生仔為了排公屋，還想情緒勒索我做擔保人！？但我自己還沒未處理好自己的情況吧？回想此事依然覺得恐怖心理壓力很大 。
搵返嗰集聽下先！對呢如沒記錯不鳥是否33歲左右裸辭還是gap year了一段時間？好奇你那時候做了什麼，如果有在節目講過只是我聽漏了的話我想聽返~ 謝謝
已👍
@@mamang7953 🙏❤️❤️謝謝
請問不鳥先生，那個銀髮債券每月有1-2000利息是怎樣計算呢？因本人都有購買銀債，但是以半年派息而不是月息，而且半年息都只是幾百至千元。希望能解答一下以便長知識。🙏
@@danielyiu1986 其實原片中沒有細說有多少利息，只是說$1-$2000。可能海林不想透露。
假設最多是配23手，則是23萬，低於長生津$40.1萬限額。
$23萬去年買入，年利4厘（2023年買）即一年$9200， 每月最多$766。
因為他退休前買入公用股（7：53），也有利息收入，但沒有透露。反正就是低於$2000。
假如是一個月$2000，假設公共股比較高息，銀債4厘，我當銀債和公用股平均是5厘，一年共收2.4萬，那麼，$24000/0.05得出就是$48萬本金。 可能這個原因超額，海林沒有申請長生津；
所以我在10：41中提出，如果是超出限額一點，如資產$50萬的情況，把$10萬買年金可能比較划算。 放棄部份買了的公共股換成年金，低於$40.1萬限額，以拎取$4195長生津。😊
👍👍👍
感謝支持！！❤️❤️
金融市场大起，大跌。 像过去几年的蓝筹股，公用股，收息都好危险。过去十年，有大段时间银行无息，有存款无收入。 年金就市一个垫底方法。
對的，看自己適合什麼產品。退休後投資不熟或不懂的，輸掉退休金更慘，年金是一個選擇。😊（不是年金廣告，我沒收錢😆）
不鳥看透了人生❤
@@anniea2042 我諗冇透晒都透左一半了... 都過左半世人...😂
追求成長進步但又唔強求執著，例想去某地方旅行或10萬訂閱，但最後去到或去唔到，做唔做到10萬訂閱，都冇乜所謂。依家都當係玩戲玩。唔同事經驗感受下，添下色彩，但少左又唔會失色。
就算聽日就不在人世，都冇乜所謂。
死都無所謂，反而未諗通長病自理唔到，日日痛，但死唔去，應該點... 😂
冇返工呢2年幾，靜心學習和思考多左，好多野更加清晰...比如51集（n+tv的誕生，比較少人睇）後段所說的... 第8，9集，對金錢的看法 焦慮處理... 人生好的煩惱都解決左。
比較虛榮名譽都輕左98%，利都要既 但都放輕左70%，夠用就算。
剩返每日做一d野進步，成長，探索咁...
依家望住隻雀河邊等捉魚，望住d蟻行，或者同蝸牛都可以睇半個鐘。😊😊
@@nobird8888 我無你甘理智， 無做野後養左3隻動物， 好忙， 不過幾開心， 但無左自由度， 諗返有啲後悔當時太衝動， 但向前看， 希望佢地健健康康啦
@@anniea2042 我早幾年養倉鼠，生左7隻，養左9隻，一隻一隻離開... sad ar...
過程係開心既。
依家一養就冇咁自由，想去旅行要揾人幫手... 都冇再養住了😄
你養左咩動物？😊
@@nobird8888 養左兩隻貓一隻狗呀， 有排忙啊
@@anniea2042 忙但開心😊😊🥰
同錢有關,與悶關係唔大
@@cylee5621 係，退唔退休，同夠唔夠錢關係大d...😂😂
不鳥兄, 如果買貨幣基金如何呢?? 仲有10年應該退休, 流動資金唔多, 現在開始做, 每月留幾多比較好呢?
@@chanbenny194 貨幣基金都係低風險的，回報都唔會太高，睇你的目標。要留意內冇認購費和管理費幾多，因為可能食左一部份回報。
唔太明‘’留幾多‘’的意思... 儲就當然越多越好。😊
我考慮到有幾個問題，第一，有番咁上下年紀嘅長者，比較孤獨！未必好似片中嘅主角喜歡周圍結識朋友，周圍走，片中嘅主角仲住喺板間房，遲啲都會因為搬遷嘅問題要使錢同勞累！呢兩個問題都係要認真諗諗！
我自己為例，我都係算係比較內向，鍾意獨處，反而唔太鍾意日日出去開party，四圍去的人... 我明白有呢一類人，同人交往係精神內耗...所以我條片專登加左一句：“喜歡的話，多結交朋友也是好的。‘’😂
不過喜歡獨處未必等於孤獨，我咁，鍾意睇書，咁書本的作者就係我的朋友，我同佢地神交😂 我平時都會一個人四圍去，行街四圍望下野，最緊要健康行到走到，唔駛被迫困嚮屋企...
海林都已經79歲，佢仲住嚮呢個地方，應該個業主俾佢住到老架啦...但你講的的確係要考慮的，如果一要搬遷，一來煩，二來租貴左就可能改變整個生活。😊
我都想講，海林叔叔其實可以申請公屋，區議員應該幫到佢。
佢的資產過左公屋上限...
🎉🎉🎉
謝謝King 🥳😊😊
要重複聽一百次
@@bb1599 之前仲有好多集架..可以都去睇下。
61-74集，35-39集，45-47集，8-9集都推薦你睇😊
主播d片講左很多情況買或者唔買年金應該情況。
是的😊😊
年紀大,好難租房住,好多業主都不會願意租75歲以上老人
是的🥲🥲
不鳥有一個問題想你比下意見 我爸爸媽媽準備退休屋企有物業唔需要交租但佢哋手頭上現金唔多btw 佢哋申請到’長伸津‘ 之後會攞一部份現金買年金加上我比嘅家用每月有20k 但擔心之後會突然有健康問題，要用一筆錢 有冇咩方法可以保障一下? 希望你可以比一啲意見感謝你🥹🥹
可以睇下d term保險（定期保險，純保險），每年俾錢，但年紀越大越貴。
買d基本醫療，危疾... 但到80歲後都無。
保小病，幾萬蚊手術果d... 或突然大病頂一頂。大病長病最終都係去公立架啦，我都係咁。😉😊
👍👍❤
😊😍🥰🙏🙏
夢想有日達成找到心理夢想的世界🎉🎉🎉 唔好猶疑喇餵
😍😍😍 超鍾意呢隻歌，細細個就聽佢😂😂
誰人定我去或留 定我心中的宇宙
只想靠兩手向理想揮手
問句天幾高心中志比天更高
自信打不死的心態活到老
😎😎
請問不鳥，我快65歲，有40萬現金符合申請長生津，健康狀況算好好，一直做散工有五千至八千以上收入，住公屋，獨居，我應該買年金嗎？🙏🙏
如果呢個情況，當我自己呢個情況，呢一刻唔會買。（當65歲女性，買$30萬年金都係$1987。連長生津得$6千幾長遠未必夠，但因為呢筆年金而超額申請唔到綜援反而麻煩）
你申請到長生津 收$4195，連返工收入已9千到1.2萬，應該都夠生活。
40萬備用，可預留$10萬日常備用金，其餘拎去做3個定期3個月3個月咁做，每月接近收息$800-$1000。即有1萬到1.3萬用，交完租都仲好夠洗...😊
我就會做得一日得一日，但預有一日冇工返，得返5千蚊又未必夠用..
試下盡儲睇下幾年儲到幾多，多於40萬（申請長生津限額）的部份才去買年金。
要慳住用架啦...到時可能要開始用40萬本金，最後可能無晒錢到80歲拎綜援（到時冇乜錢，年金又扣到差唔多，或退保申請綜援）。
@@nobird8888 🙏🙏
年金越遲做，每個月發的年金會越多。
過幾年再睇（或依家都可以預計下）下年金加長生津好，定慢慢用錢唔夠再拎綜援好。😉😊
現今的可靠嗎！簽署後日期未到都可話已無效 、好可怕
@@m1717n 咩意思？ 年金？ 有咩經歷分享？
如果住公屋就200萬樓下買年金好。如果沒公屋居屋加物業就300萬。先係新界北d村屋100幾萬就有成交返大陸近又平剩下100幾萬買100萬年金。自住物業唔影響生津。唔冼交租。1個月7000幾加長津。剩低幾十萬。10萬買10年期債券有4厘幾。10萬買1年期美債有5厘幾。剩下買領展比較穩。有8厘。不會受到派息比率影響因為有管理派8厘。咁平均1個月就有1500蚊息加年金加長津。
了解箇中邏輯，自己就能計數😊😚☺️
買了年金再去外國／內地生活，可以繼續提取嗎？
年金應該冇問題，但長生津就有留港限制。
網站常見問題叫你打去問佢😂：
一般只要年滿60歲及持有香港永久性居民身份證人士便可申請香港年金計劃。而就資格的其他個別情況，或想知更多有關詳情，歡迎致電香港年金有限公司客戶服務熱線 (852) 2512-5000或致電郵cs@hkmca.hk與客戶關係部聯絡。
但年金不敵通脹又點睇？由買入一刻每月派的錢和二十年後的金額不變⋯⋯
通脹也要包括在是考慮之內，20年減半仲夠唔夠用。好處有長生津。
揸住舊大錢也有問題，唔敢用錢，因為用了錢，利息或被動收入也會減少，這是也很實在的問題... 沒法最大化金錢的效用。
所以賈自己計下邊個方案最岩自己。😉😊
正想問，海林為什麼申請生果金而非長生津？
可能唔知年金可以豁免資產，可以申請長生津，又或者有d錢冇在上節目公開晒，留返d私隱。🤔😊😊
😊
@@kwoksangleung9188 謝謝🥰😊
不鳥可以做理財顧問
@@leoho4102 😂 本身都唔係呢行，我前排真係睇過財務策略師，但原來每年要續，同埋要執業有經驗先得.. 就冇睇了。如果純考個試就得我都可能會考返個...😂
不過我有d觀點係比較另類的，同一般財務策劃可能有分別。例如巴菲特話投資唔好分太散，集中小部份股票並且睇實佢地，呢個觀點可能已經唔係一般策劃師的思維。
反而可能有d年輕人儲唔到錢，想變有錢，自問可能我可以做教練咁督住佢地或啟發下佢地，應該令佢地改善到10年後的生活。😊
簽署後日期未滿都可話無效，好可怕
唔太明白你意思...🤔
❤❤
😊😊感謝😊😊
❤🎉
謝謝Player支持！ 今次好早！💋❤️🩷🤗😊
但係申請長者生活津貼，月入不可以超10710 ，年金當收入
係呀，長生津收入部份要計年金收入，海林片中情況應該得。😊
咁申請成功長生津4190計唔計埋月入10710度先！
@@pockykwong 梗係唔計啦，你都未有長生津，計申請前收入😂
不鳥：謝謝分享！ 兩公婆59歲，除了定期，從來不做其他投資 。 没有小朋友，有一層已供完巿值500萬的樓，900萬現金（全定期），200萬MPF 。 打算60歲1000萬All In 政府年金，每月有$49000 收入 （直到兩公婆返天家），keep 100萬cash 應急，自住樓這隻母雞應該不用吃了（或80歲有需要才吃）。 雖然這投資回報率如果沒有活到77歲就不是好投資，但真的覺得零風險和不用煩。 可否給一些建議？ 謝謝！
@@jennycheng3939 如果唔大洗，你地筆錢應該都好足夠退休到老。
如果要低風險，現在算高息，我覺得唔駛急於做年金，做定期不損本金都已經有3萬蚊息。年金就一路食你本金，4厘息要長命到9x歲先有著數。
應急100萬cash，又拎唔到長生津...所以做年金冇乜著數。
我覺得做定期先，甚至拎部份本金實現下夢想去玩下都仲得。 越遲做年金，金額越多。遲下再老d低息先再考慮年金都仲得，因為到時本錢都仲有咁多。
得返100萬備用，有咩大事退保會蝕，轉唔到身。
依家拎住舊錢想去邊做乜都得。
拎少少錢做d保險避免有大病燒左一大筆錢。😊😊
@@nobird8888 謝謝！如果定期維持高利率（最少2·5%以上），是可以不用急於做年金，還是要看未來1，2 年減息的時間和幅度。 保險則有買醫保。
@@jennycheng3939 最緊要每個月收入太於開支夠用，真係唔駛心急。
如果你地唔大洗，當你一個月用3萬，筆錢乜都唔做唔收息都夠你地用廿幾年，何況有息收，仲有層樓...😊
年金唔係一次過比晒, 買完之後, 仲可以再加咩 ! ?
字面睇落可以多過一份架：
---
‘’每張保單的最低保費金額為 50,000 港元，而每名受保人的個人保費總金額上限為 5,000,000港元。"
‘’不論受保人持有多少張香港年金公司簽發之保單...‘’
即係一個受保人可以多於一張保單... 我咁理解。 我冇問過熱線，大家申請前可以去問下。😊
可以買完又買,再買,總數最多500萬.
@@sosowong5007 是，應該得，我自己冇買過啦，但我近來睇曾智華再因為年金加買年金：
--
小弟已買了5年多，對其運作非常滿意。最近見到年金公司突然「賣大包」（吸引草根階層保住老本？），推出一次過優惠，若購買30萬新保費金額，即可終身獲取額外津貼，咁筍我當然飛身再買。
❤❤❤❤😊😊😊👏👏👍👍
感謝！！🥰😍🤩😘😘❤️❤️
請問我剛剛60歲，有自住物業，仔每月俾5仟，已無做嘢，現有150萬做定期，適宜攞100萬買年金嗎？如果攞100萬買年金，假如好長壽係咪一路攞落去，定係到時本金攞到無曬？
65歲先拎到長生津，如果夠錢用，唔駛咁急住，可以過幾年先。可以定期繼續收住息先。
另外，1人和2人長生津分別40.1萬和60.8萬（今年計），如果2夫婦，可以買到合資格可以。
仲有，阿仔俾家用，都有孝心，有d人有家庭會有家庭財務規劃，以整體家庭最大利益出發，例如俾d錢個仔買樓或投資，阿仔俾多d家用咁... 大家都好。不過要肯定要信得過先得，避免何伯事件。
如果自己養掂自己，年金加長生津係一個選擇，到64歲睇下資格係幾多，再考慮買幾多年金。年金似保險，每月一路派，保單價值會一路減，但直到零的話，每月年金都會繼續派到百年歸老。😊
@@nobird8888 多謝你咁快回復🙏。哈哈～何伯🤣，我係單身，咁就等65歲買幾多年金了。到時可以拎長生津了。支持你💪
@@saulincheung9795 家庭財務規劃，你明我意思？都拎到長生津😉😊
@@nobird8888 明白，唔該晒🙏
家庭規劃要趁早😊
有無ig 可以係ig share?
我個ig乜都冇，只係八卦望下人d野... 😂
我神隱mode.. 廣告都推晒冇接。遲下諗到做乜先公開聯絡方法啦😆😊
如果長者因為有時間買面我會建議去面粉店買面好過買即食面。那d面平d但唔放得耐要成日買。荃灣街市街那間日日排長龍買面。跟著講d野可能幫到主播我見你片頭講你應該沒野做。個人建議去做下義工探老人院得閒教下長者又可以播片比他們睇。我見你做的片係比退休社群睇。全港有過百萬個長者但好多都唔識。你做義工對增加睇片人數有幫忙。做市場定位完最緊要對焦。如果你去公園長者會有介心以為你呃錢。
一般粉面應該好過即食麵的。易消化d。
youtube的效率應該比自己去更高，一出片已有數萬至10多萬人收看。
有緣人自然能看到😊
有兩千万便有消遥快活晚年🎉闷？像那些富豪般养条囡怎会闷😁
真係可保証一世都有保証？利率保不變？
@@user-bg6px8ju6y 銀行利率當然會變。
年金，合約就寫保出足一世，收入固定，也不是以利率去計（網站叫年金率），與定期存款不同，你當是一份保險。😊
有時唔係好明，點解七十九歲，都上唔到樓？資產超標？
@@williamlikc88 超額了，單身長者公翟 $57.2萬。海林年金已有$100萬，還有其他股票債劵資產。😊
唱成咁 好彩我無退休
😂😂😂😂😂
可能你退休的話係你上台唱呢😂😂😂
我未退休但已經覺得人生完全無意義，唔知點算好呢
咁要尋找下...
未必係人生意義咁大既... 試下揾可能係一d純粹令自己開心快樂的事。
可能就係為左今晚食一餐美味的晚餐咁簡單，而向前行...
或者睇今晚3點場歐國盃，就係今晚的意義...
或者識個女仔出下街，對方笑下你又開心咁..😊
有d人 set個小目標俾自己，簡單如 今日要幫一個人，做一件好事，睇一本書，學一句外語... 幫世界好一d... 做一個更好的自己... 成就下別人做一件事...
都係好似沙灘堆沙，最後都被海水沖去，但堆沙的過程你存在參與過，發生過，享受過，成長過咁...😂😂
@@nobird8888要解開心魔，多啲參加社區中心，增加知識，在家上綱不會悶，普通人在香港巳經好好啦
可能題材規限，感覺內容反轉又反轉，近期每次睇少少就無再look下去了。
謝謝Kone. 退休題材係有一定規限。要有一定受眾，內容夠廣，出左咁多集，都難免有重覆... 😂😂😆
不過呢幾集都好多唔同野，例如儲蓄保險與利率正反面，回報次序的退休的影響，退休保險配置之類。今日就第一次講綜援同年金關係，同唔情況買唔買／買幾多年金的考慮，同埋王維基當頭棒喝影響我好深果幾句...😊
退休3寶，長生津，綜援都係舉一反三，你明左現金流概念背後道理已經畢業，都係大同小異，中間互換變化。呢幾樣野講左10集都開始被我講爛了，我每次諗下一期都開始痛苦，都諗唔到講咩了...😂
同埋話題真係有d窄的，比如多錢的未必會睇基層相關，基層又唔睇投資相關... 依家觀眾變左大部份長者，之前一集講股票同年輕人退也準備都係少人睇... 退休呢一個話題要受眾廣係有d難。
可能我又係時候抖下.. 😄
@@nobird8888 我純粹講下自己感受，看到咁多觀眾喜愛，又不斷增加subscribers數量，證明不鳥的片十分精彩。
@@koneliem7704 無問題呀，歡迎添，留個言都係支持！ 我呢度好開放，有道理，唔係謾罵就ok。😊
可能因為你唔係基層（我估，從你鼓勵人向上游的精神），內容講基層野未必適合你的... 可能你岩睇股樓投資，心態或精神層面或外地相關內容... ？ 有冇邊d內容可能岩你？或你需要咩？ 話我知，可能刺激到我諗到幾集內容🥰😊
@@nobird8888 我應該係草根向上游，游了多年後，算到游財自水域。不鳥兄你忠於自己初心便可，我只係一隻塘邊鶴，乜都八卦下。政府的長者三宝，不斷推廣下，相信唔少香港人都了解，只係程度上分別。至於高額長者金，有社工及相關人事恊助，香港還是很多支援的。印象中，不鳥早期片講財自多，股票也有提及，近月講基層長者多，其實無問題，不同題材吸引不同受眾。
@@koneliem7704 我好同意你架，包括呢條片都有講，仲有機會可以向上流，長期心態目標就唔好向下流... 除左生活，對成個人的心理和健康都係好的。
你已財自水域，所以好多野你已經識，包括投資。
但例如基本節儉儲錢呢d... 我原生家庭好慳，所以我呢方面一早就會... 但關於節省淥咭借錢呢d, 原來好多人都唔識,唔會,唔做,冇概念... 所以都要重覆地叫人開始儲錢。
樓，我都係唔係專家就無謂亂講....
講財務自由提早退休，原來比我想像中少人睇，可能5千人左右。我都做左有40-50集財自相關的... 之前有一段時間試過匿名browser youtube search"財務自由"，試過頭4-5條都係我的。
講投資，在yt係比較難講，一太深入，太複雜數字，太技術就少人睇。可能要教班或有個group討論先有用。我主要講投資思考，而講宏觀新聞，講消息，講冧把，可能多人睇，但我自己覺得唔太幫到人長遠賺錢，所以冇做呢類。即係講美國大選點，日本美國新加坡韓國經濟點，同在自己在股市賺唔賺到錢真係冇乜關係...
試過講巴菲特的書，整理同整片都要3-4，2千views... 或者我覺得真正幫我投資的書，真正講投資思考的，都唔多人睇的。可能d人要即食。
咁我又試下想講短炒day trade啦，但有人覺得我雞棚呃人... 就冇再講😂😂😂
期權期指果d梗加唔敢開始講了...😅
投資已經收到我冇乜野好講，所以依家都少講投資，間中講一講，最近一條都係少人睇（開頭都係5千上下），可能本身定位已經變左退休話題，訂閱者都係想知退休 一講股票反而唔想睇...
有時都係被yt推我行，推我到一個最多人需要我的地方，就做多d那些片(整一條片的時間都係花咁上下多時間）。😆😊
就係咁，有時都有d江郎才盡的感覺，唔知下一條片整乜好...
我朋友在大陸買左樓提早退休，可能我續返張回鄉證（上年過左期都未搞），返大灣區拍下片講退休生活，可能岩香港人口味d...😂
學下野先😛
感謝支持！！😇😊😊
買年金 haha .wish you lucky
你唔同意？😊😊
片中講左幾個唔同情況... 有d人適合買，有d人唔適合買...
个个都自以为对的.冇一例外
沒有錢退休一定悶，加上冇知識，慘劇
冇知識，一個人，手機都唔識用，冇社交（落樓下做下運動同其他老人家吹下水都唔想），怕唔夠錢用唔敢用錢出街，日日唔知做咩好就難搞d....🥲
要去追求知識學習到老
非常同意😊😊
退休點會悶呀，唔使有八千萬，只要有一千萬，我嘅退休生活一啲都唔會悶
😂😂 試下預算減d減d，可能你都諗到少錢唔悶的方法🤭😝
如果我早十年睇到你嘅片，而家一定唔會咁擔心自己無收入時會點，今年65，由於單身嘅關係，以前洗腳唔抹腳，搵$1，使$1.5，三年前至感覺到無收入嘅壓力而開始儲蓄，而家嘅資產連強積金唔過四十萬，係時候要開始學調整自己對生活嘅要求。
@@OFish-bw3fn儲存到40萬好叻啦，繼續努力加油，身體要健康，生活在香港巳經好好啦，不要收埋自己呀
有冇公屋先？
如果40萬，拎左長生津先，可以返工就返，儲多幾年錢。🙏
$40萬嚮香港真係難少少，如果已經冇收入開始唔做，最後有機會會用晒d錢要申請綜援。
或者返大灣區壓低生活費，拎廣東計劃$4195。
@@nobird8888 多謝指教，好彩係住公屋，住方面係唔使憂，係憂醫療方面，希望能做多幾年，咁生活質素唔使下降得咁犀利
一百万年金有七千？唔係五千几咩？
@@kimitam8894 佢年紀大7x歲嘛... 越遲做越多😊