Afrikaans MBIMB Introduction to 6 songs

My Body Is My Body - www.mbimb.org
Liedoelwitte
1. Om kinders te leer dat hul liggame aan hulleself behoort en niemand die reg het om hulle seer te maak of aan hul privaat dele te raak nie.
2. Maak dit duidelik dat die dele van hul liggame wat deur onderklere bedek word, privaat is.
“As dit nie reg voel nie - moenie dit doen nie!”
Liedoelwitte:
1. Om kinders te leer om na hul eie gevoelens te luister.
• Meeste van die tyd weet kinders wanneer dinge nie reg voel nie of wanneer iets hulle ongemaklik maak. Leer hulle hierdie reël:
“As dit nie reg voel nie - moenie dit doen nie!”
2. Gesels met hulle oor situasies soos groepsdruk van vriende by die skool wat hulle wil oorreed om iets te doen wat verkeerd is. Jy kan selfs dwelms in die gesprek insluit:
“As dit nie reg voel nie - moenie dit doen nie!”
3. Praat oor vreemdelinge. (Baie klein kinders weet nie wat ’n vreemdeling is nie-verduidelik dit vir hulle.)
• As ’n vreemdeling jou probeer oorreed om saam met hulle te gaan:
“As dit nie reg voel nie - moenie dit doen nie!”
4. Kinders moet weet dat hul liggame aan hulleself behoort en dat hulle die reg het om te sê: “Nee, ek wil dit nie doen nie,” as iets hulle ongemaklik laat voel.
“As dit nie reg voel nie - moenie dit doen nie!”
3. Die ‘Wat As’ Speletjie
Liedoelwitte:
Om kinders te leer om met selfvertroue NEE te sê.
Voorstelle:
Die ‘Wat As’ speletjie kan in enige situasie gebruik word waar jy vermoed dat ’n kind dalk in gevaar mag wees. Gebruik die speletjie om hulle te help antwoorde vind vir moeilike situasies waaruit hulle veilig moet kom.
Voorbeelde:
1. “Wat As” iemand klop aan die deur en jy is alleen by die huis? Wat sou jy doen?
• a) Moet nooit die deur oopmaak nie.
• b) Bel ’n buurman of familielid as die persoon nie weggaan nie.
• c) Bel die polisie as jy bang is en niemand jou kan help nie.
2. “Wat As” ’n oppasser jou privaat dele probeer aanraak?
• a) Sê NEE, en gaan vertel dadelik vir iemand.
4. As Jy ’n Probleem Het
Liedoelwitte:
1. Om kinders te leer hoe belangrik dit is om vir iemand te sê as daar ’n probleem is-en as daardie persoon nie luister nie, moet hulle bly vertel totdat iemand luister!
2. Gee vir kinders ’n lys van mense aan wie hulle kan vertel:
• Mamma
• Pappa
• Ouma
• Oupa
• Ouer broer/suster
• Tannie
• Oom
• Onderwyser
• Skoolhoof
• Dominee
• Polisie
• Buurman
Notas vir Onderwysers of Ouers:
Om vir iemand van ’n probleem te vertel, kan vir kinders baie moeilik wees. Hulle mag sukkel om dit te verduidelik of bang wees oor hoe volwassenes gaan reageer.
Berei kinders voor op moontlike reaksies:
• a) Volwassenes kan geskok, kwaad of bang wees.
• b) Hulle mag die kind dalk nie glo nie.
• c) Hulle kan die kind dreig om vir niemand anders te vertel nie.
Belangrikste les:
As iemand jou nie glo of niks doen om die probleem op te los nie-Vertel vir Iemand Anders en hou aan vertel totdat iemand luister!
5. Liefde is Sag
Liedoelwitte:
Om kinders te leer dat liefde sag, vriendelik en omgee is.
Liefde gaan oor deel, omgee, vertrou en respek.