Olmazor ko’chasiga asfalt qoplamasi yotqizish ishlari boshlandi.

Davlat byudjetining shakllanishi va hududlarning ijtimoiy-iqtisodiy rivojlanish loyihalarini ishlab chiqish jarayoniga aholini faol jalb etish hamda joylardagi dolzarb muammolarni hal etishda jamoatchilik ishtirokini kengaytirish maqsadida O‘zbekiston Respublikasi Prezidentining 2021-yil 13-apreldagi “Byudjet jarayonida fuqarolarning faol ishtirokini ta’minlash bo‘yicha qo‘shimcha chora-tadbirlari to‘g‘risida”gi PQ-5072-sonli qarori qabul qilingan.
Tashabbusli byudjet jarayonlarida “Sohibkor” mahallasi Olmazor ko’chasi fuqarolari faol ishtirok etib, qishloq ko‘chasining asfalt bo‘lishi uchun tumanda eng ko‘p ovoz to‘plashgan edi.
Ayni damga kelib belgilangan mablag‘ qurilish ishlariga yo‘naltirilib, mahallaning 1 kilometr 200 metr yo‘liga 6 metr enlilikda asfalt qoplamasi yotqizilmoqda.
Buxoro tumani hokimligi axborot xizmati