តើនរណាជាអ្នកជួយកុមារអូទីស្សឹមនៅក្នុងសង្គម?​

ការកំណត់ថា កុមារមានបញ្ហាអូទីស្សឹម ត្រូវបានរកឃើញដំបូងបង្អស់ក្នុងពិភពលោកក្នុងឆ្នាំ ១៩៤៣ ដោយលោក Leo Kanner អ្នកចិត្តសាស្ត្រកុមារ នៅសាកលវិទ្យាល័យ Johns Hopkins University School សហរដ្ឋអាម៉េរិក ! ប៉ុន្តែរហូតមកដល់ឆ្នាំ២០១៩ នេះ មូលហេតុបង្កឱ្យកុមារមានបញ្ហាអូទីស្សឹម មិនទាន់មានអ្នកវិទ្យាសាស្ត្ររកឃើញច្បាស់លាស់នោះទេ ! មូលហេតុកុមារមានបញ្ហាអូទីស្សឹម នៅតែអាថ៌កំបាំងរហូតមកដល់សព្វថ្ងៃ !
តាមការសិក្សារបស់បណ្តាញអូទីស្សឹមកម្ពុជា បានឱ្យដឹងថា កុមារមានបញ្ហាអូទីស្សឹមនៅប្រទេសកម្ពុជានាពេលបច្ចុប្បន្ន មានចំនួនប្រមាណ ៣០ម៉ឺននាក់ ! ហើយកុមារទាំងនោះ ត្រូវការការអប់រំឥរិយាបថ និងអប់រំបំណិនជីវិត។ តើនរណាជាអ្នកជួយកុមារទាំងនោះនៅក្នុងសង្គម?