: شيلة البوعينين سيوف الملحمة | بدينا بسم رب الكون

شيلة البوعينين سيوف الملحمة
إعداد وتقديم: راشد بن مبارك الجابر البوعينين
كلمات: سالم عبدالله التميمي
أداء: أنس آل بهيش
بدينا باسم رب الكون واللي راجيه ماخاب
عظيم الشان رب العرش مجري السحب ومنشيها
قلوب الناس في ايدينه وما يصمد لحكمه باب
تسبح له ملايكة السما والخوف ماليها
ألا يارب نبدا بك وحنا نفعلّا لَسْباب
وبك تدبيرنا يا من يدبر كل ما فيها
وحنا جندك اللي مثل جندك غزوتا لَحزابْ
تميم اللي بفضلك تشهد الدنيا لماضيها
وفعايلنا تبيض وجه شاهدها ومن قد غاب
جميع الناس تحفظها وجميع الناس ترويها
على الدجال شلفتنا لها هزّة بكل كتاب
مفاخر تضرب الدنيا التحية من معاليها
وبيت الفخر في دارم من انساب ورى أنساب
محازمها البوعينين وذخاير كل لياليها
ألاد عيوني اللي اسطولهم له في البَحَر مخلاب
صقور الساحل الشرقي واسود في بواديها
مدافعنا ليا دكت تليّن صملة المرقاب
تهز قلوب تنسى من صداها ويش اساميها
يرفرف فوقنا البيرق كما رفرف جناح عقاب
بواخرنا الى الوكرة بعيدات مراميها
وقايعنا تخلي ارقاب بعض الناس دون رقاب
من سيوف سلايلها بروق في دياجيها
على وضح النقا حنا نواجه كل من له ناب
دوا راسه علينا لا بغى له من يداويها
وحنا للكرم قبلة وحنا طيبين اجناب
تشوف دلالنا اتحيي وتسبقها مراكيها
نقلّط ساعة الهيا نسور في السما وذياب
عشاها قد توكد قبل ما حنا نعشيها
يفوح العود الازرق في مجالسنا وله ترحاب
واهل كل نية قشرا لها البارود يشذيها
#البوعينين
#سيوف_الملحمة
#بسم_رب_الكون
#بني_تميم
#الجبيل
#الوكرة
#الملحمة_الكبرى
#الفخر