無汝佇阮的身邊

音樂創作
日頭欲落山去
燕仔猶原佇天頂樹頭飛袂煞
今仔日的我，
嘛是擱佇熟識的路邊，
我若親像路邊的電火柱仔，
徛佇逐工等你的所在。
彼一工的汝，
嘛是無遵照約束出現，
我若親像塗頂的干樂，
戇戇佇遐為汝踅啊踅。
一個人來到咱兩人定定來的海埔，
海湧雖然較遠嘛有伊的聲勢，
汝煞人海中像斷了線的風吹。
黃昏的色水，
雖然仝款遐爾仔媠，
我煞看袂落去，
因為減一味汝的芳味，
已經無汝佇阮的身邊
無汝佇阮的身邊