Ahjoo Na Zabad O Kull | New Song | Singer Mir Ahmed Baloch | Lyricist Essa Nadan

آجو نا زبادو کُل دا خاک ءَ کہوکاتا
پیوند و خل آتیٹی ہر قصہ اِنوکاتا
گور بند ئٹی دھرتی نا کاٹم نا دسوکاتا
چُر چیل گر آتیٹی یپّارہ گنوک آتا
نسل آ تِٹی پُر واک آ کِردار اجب سنج ئے
بارود و دتر تیٹی سینگار اجب سنج ئے
او شوخ و شِروخ ئٹ دُن جنگاتہ لڑو پارہ
خاکی ءَ تُمَندار آک جفتی ٹی اجب کارہ
ہر اٹکل ءِ دشمن نا سرپند ءُ صفا چارہ
ڈولدار ءُ پَتَن بال آک دروشُم تو نِمادارہ
سیبو ءُ اُلُس نا او اومیت ئنا ٹاری او
گواڑِخ نا رُدوم آکو او مُدّ ءِ بہاری او
سامبوک گِسِر کیرک غم پِیر مرے کائے
مونا نُما توکل نا خل دِیر مرے کائے
ہر باسک نُما خُڑک آ ٹِک تِیر مرے کائے
گام گیج نُما ننکن اکسیر مرے کائے
ھَڑبنگ مرے اندن فِکراتہ نُما چیدہ
خواریک رُدِر بُٹ آ پنداتہ سلی قِصّہ
ہنکین ہُرا آلُم خن اُست ءُ جغر ایتِر
پاک اِنگا خمیر آتا زِگر اِنگا دِتر ایتر
چِنجِک تا گُئورا توُلوک خید آتے کسر ایتر
دَرز آتے غُلامی نا الَّنگ کہ ہُنر ایتِر
مَش خل تا بِسند ئے دا او راج ئنا باہوٹ او
خواری و شپادی ٹی ام باج ئنا باہوٹ او
مہر آک تَفِر بانزُل کے بال وفا سر مف
آٹی ءَ نما وس کے ہِچ ناز و ادا سر مف
اصناف خلے بِلسُم رنگ آتہ نِما سر مف
اسلم نا چُناک پُجِّر آدم نا چُنا سر مف
ہر دکّ نُما راجے پِشکار تِریسہ ئے
مہر آتہ نُما جَمبول رغ تیٹی وہیسہ ئے
بُودی ءَ کَشالا تا ھیروف برے پائے
جنگاتہ نُما قِصہ تیرونک خلے کائے
ساہ مرگ ءِ کرو بانکُر گر جوان نُمے چائے
دا مَشک نما سنگت دا خاک نُما سائے
شیپول مرو ڈے نا دلدار نُما نادان
شیموش ءُ زَبکّہ ئے ہر وار نما نادان
Ahjoo Na Zabad O Kull
New Song
Singer : Mir Ahmed Baloch
Lyricist : Essa Nadan
#newsong #mirahmedbaloch #balochistan

[@MunwarAhmad-gi7gw]

QurBan ustad Mir Ahmed ❤❤❤

[@Watan00786]

Qurbaan❤

[@Watan_na_warna]

Qurban ustad g ❤

[@Mahalbaloch7598]

❤❤❤❤wakiii

[@NasirKhan-mv8ot]

Hardworking Bro Keep it up..i really agree your edit smooth and wonderful ❤❤

[@Mahalbaloch7598]

Qurban❤

[@Mahalbaloch7598]

❤❤❤

[@NasirKhan-mv8ot]

❤❤

[@_Http.Bezanjo]

❤

[@Watan_na_warna]

Qurban ustad g ❤