peko ristjätse’ vabarna anne

Rockooper PEKO
Peko ristjätse'
Sõnad: Vabarna Anne
Productsioon: Kullamäe Productions
Kõik elleq tarõh tasatsõhõ, elli majah ilosahe. Elleq nääq päävä, kasveq kats, kulla kolm üükest. Sis käve Essu ilma pite, Maarja marssõ maad pite. Sis Essu jal tarrõ tagasi, sai saavessa taadõ, tõbist lätś tervest tegemähe, kulla ihho kustutamma. Tarõ tälle naane naaraskõlli, istõ kulla koti pääle. Essu võtt´ koste kotista, kallit saiu karmanest. Essu õks and´, esi ütel´, Maarja kallut´, esi kadsat: "Süüq sa, naane, sütüq arja, haukaq saia, tundku-i hallu!" Haigõ sei, arja süttü, naane haugaś, tunnõ-s hallu. Oo tuud noorta nulganaist, pääle tarka tarõnaist - tilljo võtt´ tä-kese teki seest, kõva latsõ kõrralitsõ, Essulõ kääni käe pääle, näile and´ üskä üli höste. Sis õks Jummal naaraskõlli, kallis Maarja kai pääle, Essu kergüt´, esi kiti , Maarja nõrgut´, nõsti üles, esi hinele kõnõliq, katõkeske kadsatõlliq: "Kolmõl lännöq jo pääväl korgõpast, piirnöq häste pikebäst!" Essu nakaś nimme nimitsemmä, kulla nimme korjamma, kõvalõ panni nime kõrralitsõ, perüs nime Pekolasõ. Essuks panni igäväst, Maarja kallut´ kaugust. Essu höste hüpätelli, Maarja korgõst kukutõlli, Essu kukut´, esi kost´, Maarja hüpät´, ütel´ höste: "Peko minguq pedäjä piust, saaguq korgõ kui kuus, nii õks kõvasta mehestä, minguq julgõst jovvumehest: põtru maalõ põrotagoq, kahra maalõ kallutagoq, käänkuq kahruq kaala pääle, põdraq toekuq turjo pääle, kandkuq kodo kui kanno, nobõhõhõ kui nurmõtsirka!" Essu õks kui ütel´, nii sai, ai jutto, sai julgõ. Sis riste Essu riste-räste, Pühä Maar´a mar´a-höste, hõpõ pand´ risti rinna pääle, kaitana kalõvutsõ. Essu and´ sis latsõ ime kätte, kandja kätte kallutõlli. Essu lätsi nulgast nobõhõhõ, tarõst vällä targastõ - Essut jal kutsuti kolmõ paika, viite paika veerätedi. Oo õks Peko esekeist, kallist latsõ kasvatajat - kokko kutsi risti-ristämmä, pääle valgõq vadõraq, peiväq tälle pikä hoolõ, kanniq kalle kõrra: suurõ lavva laaditõlliq, munapudru moodotõlliq. Vadõrillõ sis ante andit, kallutõdi kaputit. Ristkätseq saivaq peetüst, Peko laud laaditõdust, pääle nääq söögi laulo lauliq, kulla höste kuljatõlliq. Lauliq tarka tarõnaist, pääle nuurt nulganaist, lauliq kõvva kõrda piti, peiväq illo nääq Pekolõ, kõva lauliq sõnaq kõrda piti, Pekolõ pikkä laulu. Kitiq naaq lauljaq jumalat, Pühä Maarjat manitsõlliq. Jummal sallõ lauljit, Essu ilopidäjit - Essul olli mesine miil, Maarjal suu sukkrunõ, timä et nimme nimitedi, hellä nimme heljotõdi. Kõik anniq lauljaq aitjummat, tiidseq höste tehnädä. Nii õks laulijaq laulivaq, peiväq illo pidorahvas - tilljokõnõ jo naard´ teki seest, ai Peko pikkä jorro. Kolm nääq päivä kuljatõlliq, viis päivä veerätelliq: pikäl olli latsõl pikk pido, kõval latsõl kangõ kõrd. Viländ sai kõigilõ kullõldaq, mõnõlõ mõistutõllaq: kagoh olliq rikkaq ristkätsiq, tarõnaase naljatusõq - laulo sai küläle kõnõldaq, illo vallalõ vahteq, kumu olli näil muista kuulusap, laul mõnõst ladosap. Sis oidoq kodo näil umadsõq, kaldo kodo kallis hõim. Oo õks Peko esekeist, kallist latsõ kasvatajat - kokko kutsi risti-ristämmä, pääle valgõq vadõraq, peiväq tälle pikä hoolõ, kanniq kalle kõrra: suurõ lavva laaditõlliq, munapudru moodotõlliq. Vadõrillõ sis ante andit, kallutõdi kaputit. Ristkätseq saivaq peetüst, Peko laud laaditõdust, pääle nääq söögi laulo lauliq, kulla höste kuljatõlliq. Lauliq tarka tarõnaist, pääle nuurt nulganaist, lauliq kõvva kõrda piti, peiväq illo nääq Pekolõ, kõva lauliq sõnaq kõrda piti, Pekolõ pikkä laulu. Kitiq naaq lauljaq jumalat, Pühä Maarjat manitsõlliq. Jummal sallõ lauljit, Essu ilopidäjit - Essul olli mesine miil, Maarjal suu sukkrunõ, timä et nimme nimitedi, hellä nimme heljotõdi. Kõik anniq lauljaq aitjummat, tiidseq höste tehnädä. Nii õks laulijaq laulivaq, peiväq illo pidorahvas - tilljokõnõ jo naard´ teki seest, ai Peko pikkä jorro. Kolm nääq päivä kuljatõlliq, viis päivä veerätelliq: pikäl olli latsõl pikk pido, kõval latsõl kangõ kõrd. Viländ sai kõigilõ kullõldaq, mõnõlõ mõistutõllaq: kagoh olliq rikkaq ristkätsiq, tarõnaase naljatusõq - laulo sai küläle kõnõldaq, illo vallalõ vahteq, kumu olli näil muista kuulusap, laul mõnõst ladosap. Sis oidoq kodo näil umadsõq, kaldo kodo kallis hõim.