3/2《圍爐取戀》我男友係樓奴
ฝัง
- เผยแพร่เมื่อ 19 พ.ย. 2024
- 事主同佢男友一齊4年，不過自從佢男友買咗樓之後，就愈嚟愈淨係識得講錢，仲嫌棄佢㖭！今集，主持人同大家分析樓奴是如何煉成的～！
#100毛 #毛記電視 #圍爐取戀 #東方昇 #Kneta #專家Dickson #叻叻
【毛記電視】www.tvmost.com.hk
=========================
【毛記電視】www.tvmost.com.hk
Instagram：100mosthk／TV_Most
Facebook： 100毛 ／ 毛記電視
TH-cam：毛記電視
兩人價值觀都唔同唔適合一齊，男仔角度上進＝搵多啲錢，女仔則想自我增值，要既fulfilment唔係物質，好難磨合。我同另一半都係月入一萬元，但我地都好開心，唔想做樓奴，工作外有閑餘時間去專注自己的興趣，唔太睇錢同物質，但相信好多香港人都會認為係「不上進」，但做人最緊要開心啫，而搵到同自己價值觀接近的人好重要
其實好多叫人上進嘅人，都會話上進唔係講緊搵幾多錢，但當你再追問咁乜先叫上進，佢哋又唔會答到😂
@@j62093 係，而人地問我係咪上進，我都會好同意我係唔上進。😂 因為比起搵錢，我寧願唔番全職做freelance，我夠生活夠交租就夠，其餘唔工作的時間我就睇下書玩下音樂，咁的確係唔上進但我生活好輕鬆無壓力。
我都認同唔應該太睇重錢同物質 講真無人知自己壽命有幾長 最緊要自己活得開心有意義 覺得夠洗就得 無需理會其他人點諗 好高興你搵到個同你價值觀相同既另一半 祝你地長長久久❤
好有興趣想知你同你另一半幾歲😅
@@FFFJable 哈哈我28/另一半30
個男既, 應該想溝個女同事
但自已既人工又唔夠個女同事男友高, 溝唔起;
懦弱心頭高
所以搵自已女友出氣, 順道唔洗做衰人飛起人
Love Kneta! So glad she's back!
佢反眼嗰下真係道盡所有港女心聲！😔😔😔OS: 你又唔係搵得多，又自卑，我而家學下韓文你就支支左左。
分手啦, 我其實明個男人點諗, 其實佢只係想睇到個女仔有進步, 唔想好似得佢一個努力咁。 世界邊有完美, 有上進心既女強人自尊都好強, 2個咁有主見既人一齊又係會嘈, (E.G. 中年女上司)
好同意你嘅講法
同意 要人小鳥依人又要人鵬程萬里 萬中無一
其實, 好多男人搵女人都喜歡搵一D 學歷比自己低架, 因為感覺就係可以係女朋友面前有一種優越感. 我都好相信今次個案架男仔一開始有感架感覺. 隨住時間架演變, 自己生活/ 工作得到改善, 開始有少少嫌棄/ 覺得自己可以搵個更好, 於是就出現埋怨, 或者要求女友按自己想架方向去改善. 感覺愛情已經變左質, 好好考慮日日係一個怨你唔夠好架男人身邊, 好事咩?
供居屋就串到咁,供私樓重得了.
既然條仔咁多厭三厭四,咁叻咪搵過個囉,女又係自己溝既,又要厭三厭四,條仔真係好失敗.
女主角早走為妙,呢種人搵到兩個錢又話你窮,搵少左又怪你阻佢搵錢.
每次睇完圍爐取戀都覺得東方昇係個好男人
@dijoe 你咁唔鍾意，但係似乎睇咗好多集同睇得好仔細喎。
個男人最鍾意嘅係自己，處處計算。佢擔心女朋友無買保險，萬一有事會連累佢，佢覺得女朋友學韓文唔專業無出息，反映佢好計較女友未來搵錢能力。呢d男人屬於大難臨頭各自飛嘅類型，可以唔要
同意，樣樣都計到盡，做人係唔會開心，感覺呢種男人係食軟飯嘅好材料
鍾意同搵一個伴侶過餘生係兩回事，長貧難顧一份感情係需要經營同維持，基於已有嘅愛情定律係由激情，親密同埋責任組成，每個人嘅比例都唔同亦都會有唔同嘅年紀需要唔同嘅程度嘅愛情，所以搵到一個夾得來嘅人過到下半世就已經執到啦，搵一個人最緊要舒服同合適嘅人，但如果知道自己唔合適點解唔放手
如果本身供萬五，一加加再供萬九兩萬
身邊果件完全無awareness又無打算幫手
自己為家庭支出cut晒消費嘅同時睇住身邊人駛錢玩興趣，你到時就唔會咁講
咁閣下既意思應該男方供完樓比女方入埋去住，然後男方負擔大部分(8成以上)既經濟能力，女方只需要做下hea工牛工咁，香港而家女尊男卑，唔係咁樣既尊法吓?
自己都話要養家住公屋得個中五畢業低收入，咁仲諗咩興趣學韓文，就算真係比女方學完韓文，頂多咪比女方追劇容易睇姐，其實不如留返低當儲又好，學多樣其他技能都好，就算係考返個社工/幼教個類，我相信比韓文﹑甚至比hea工牛工多幾倍。
然後閣下一定會話又係錢問題，咁呢個世界咩都係錢，你講到咁巴閉咪你自己搞掂佢。第時我會講學韓文好阿，學完得個睇劇2個字，連去韓國玩下都玩唔到。
(敢肯定而家女方好難儲錢，佢講到成頭家佢養個陣)
我遇過呢的男人，佢今日嫌棄得你，將來更加，早走早著
其實我聽咁耐個男既似係叫女方上進啲有返啲技能專少少旁下身,而唔係話佢搵得唔夠多喎。呢樣野同養屋企人,身邊有咩人無關,個重點好似有少少錯。可能女方覺得學韓文就叫上進,但男方可能會覺得韓文其實對未來既幫助未必會好大,其實係大家都有D固執係自己果套,單純唔同channel姐。
「男方叫女方有番d上進心 」 呢點係無錯。
但係唔好出口傷人囉
其實男方都係未穩定到自己經濟能力
然後要求對方有技能賺取穩定既經濟能力
@@kinglam3334 講真打得上黎梗係講到人地嫌棄自己
我讀City, ex當年retake, 見佢全日喺度打機叫佢溫下書都話我睇唔起佢入唔到U 🫠
@@mickeyyyy9547 🥲你叫我呢d無讀過u既顏面何存🥲
可以話 不如學xxx 而不是否定現在對方學的東西
好難講學的期間遇到咩其他人 識到其他朋友 多咗社交資源wor
再者用 成個人生散修修 評頭品足
咩個女仔七老八十 男仔係算命 知道佢將來會點咩？男仔淨係想個女仔自動波，自己識得主動搵多d錢，幫輕埋佢，但有冇諗過佢用呢d口吻否定個女仔已經令對方想「進步」的心卻步
我朋友同男朋友拍左拖10幾年，而家都40歲，女既搵緊35k，男既搵緊17k 無樓無車唔結婚，女既一樣無嫌棄，覺得各人有各人既選擇，唔可以迫人過同自己一樣既人生，如果接受唔到就分手啦
仲有60+老人家公屋應該唔使搬細架，通常都唔會郁佢
咁40歲搵35k其實都係普普通通，冇咩資格話特別嫌棄人啦，始終唔係真係爭咁遠
@@JgvnkhgbbKhrfhutfhk 你ignore左後面成句->條仔17k
條女係佢double都唔爭得遠?
@@seanpaul491 冇ignore，我意思係40歲35k都唔係有咩特別咁標青，17k係低過佢一截但係我唔覺得係一個大到足以話嫌棄既差距
@@JgvnkhgbbKhrfhutfhk 係呀…40搵35k係普通，但女仔20歲果陣都係搵10幾k挨上去，但20年後男仔人工加多幾千
但我相信女仔就算搵100k個月都好，都唔會嫌棄男友囉
@@JgvnkhgbbKhrfhutfhk 其實35同17差好遠架,17K基本上衣食住行就無曬,去旅行係要儲錢去,但35K基本上一有假就去旅行(雖然買唔到貴野),一年搵40萬仲未計B,搵得3萬5的工作通常係派B,而17K最多咪俾你DOUBLE PAY,10-20,20-29係一個水平,30-49係一個上平,5-10萬又係一個水平,銀行做問卷都有分開
最慘17K係拎唔到公屋,如果你有間公屋,搵到20-25K,淨洗係夠,如果唔係2個結婚,租層樓AA制都每人5-6千
東方昇，Dickson真係講得好好，不要活得卑微，女事主要好好愛自己❤
真係愛對方就唔會強硬更改對方
如果個女仔會好進取,好強上進心(野心).
個男仔應該仲怕:1.女方認識到個條件好過你嘅,好易飛你.2.如果個女仔識嘢多過你,又會反過來嫌棄你
PhD=野雞學店(?) digital marketing=傳銷鴨(?) 接job=影下相 上車=買市價折扣嘅居屋 專長技能=好多人業餘興趣都會做嘅嘢 有上進心=做搵錢機器同樓奴
成單嘢真係可悲又可笑
所以邊個話上咗車就係人生勝利組？唔只佢自己，而家連佢身邊既人都係輸家😢
同我同ex一樣，乜都睇錢重，又嫌我無樓住，又話唔上進，依種關係早分早著
好可惜, 你係男呀~即係唔上進啦~~~咁即係你錯啦😂
@@fonglun2000 sad but true
我覺得都係base on溝通&設身處地問題
冇話邊個錯邊個啱
就算門不當戶不對都冇所謂
大家一齊都係就嚟就去
價值觀問題
解決唔到 改變唔到 就及早止蝕
行落去浪費時間
其实我换一个角度睇，我觉得呢个男仔其实无错，因为他想同你发展下去才会考虑你的能力，你的将来，一开始在一起不考虑你的能力可能是因为他觉得你们可以一齐进步，因为其实婚姻说到底是两间公司合拼，你肯定不想你合拼一间空壳公司的，你男朋友非常理性，不能说是错，只能说你没跟上他的步伐。睇钱重要过女朋友也不是问题，因为婚姻不是拍拖，每天都是油盐酱醋茶，经济是婚姻的基石，贫贱夫妻百事哀是真的。
諗清楚先買樓…男方不如分手專心搵錢啦，淨係負面地覺得另一半有問題。
佢同個女同事冇野，係因為人地對佢冇興趣姐😂😂
又一個叻人. 一個高學歷人士連$1200驗樓都痛到俾人bbq 個spring pocket 要女朋友支一半先平衡到嘅叻人
咁叻嘅就自己去考牌做埋驗樓啦
叻極有限😂
haha, 其實無人迫佢用驗樓師
@@kelvincheng00 係呀, 不過佢用有限能力要求其他人無限可能
高學歷都有分幾類.一班係真係叻做醫生工程師。好明顯條仔唔係果班
分手好易，只不過個女仔同呢個分手後，係咪打算搵一個唔上進無目標，但令自己感覺舒服既男人一齊呢？
男友上進係好事，至於佢唔尊重個女仔，我覺得可以作出最後既努力，講出感受，講清楚底線，同時表達明白同體諒個男仔近排既供樓壓力。平心而論，買左樓咁大件事又撞正不停加息，正常人要少少時間適應個份壓力。佢咁努力買左層樓，係人都想守住層樓同財富。
如果個男既在乎個女既，佢會改，我覺得段感情問題又不大。 大家一齊捱過份壓力，感情會更牢固。
至於想女友買保險，我覺得好正常。代表萬一個女仔有事，個男人係唸住幫佢，如果唔係個女仔買唔買，關佢鬼事？
女同事既問題，佢係咪心動都好啦，自己做好自己，其他野控制唔到。
唔緊張錢只識yolo既男人，其實都一樣好可怕。人無完美，但我個人覺得搵老公必須具備上進心。如果驚佢婚後睇你唔起，就自強吧。
個啲話「居屋」咋嘛既人，我覺得反而唔尊重個男仔既努力。佢今日係居屋，佢有上進心，將來就唔止係居屋。
利申：有個女仔朋友同個叻仔男友，愛情長跑，個男既好有上進心，但婚前婚後都真係開口埋口嫌棄個女仔，佢地都係離婚既邊緣。確係有最後都唔work既例子，但唔代表樓主都會既姐。
PhD grad咗幾年 去教書就唔使擔心錢
買樓 最緊要靠父幹。呢個就係道理😂。自己搵錢 緊係攞黎洗。成個守財奴咁。點得😂
點解要繼續愛一個不斷令自己難堪嘅人?!
我覺得個女仔都唔好得去邊，公屋個POINT有人講左唔講。
個女都有話係個男Complaint女既未來冇男，又complaint見得少，其實證明左個男係著緊個女。
而家男想建議女想一齊進步, 只係可能係個男口衰唔識講野(?) ，如果真係男覺得女配唔起佢佢就直接飛佢啦邊洗講OR建議咁多野
個女話自己孝順但又唔買保險保障家人，公屋資料又唔搵，有幾孝順?
個男既"朝做到晚先得區區千二蚊"，PHD都去做份日薪1200既JOB，算係女仔口中既上進啦掛?! (當然佢都唔係好到爆啦性格呀睇錢重呀果D)
個人總結: 呢一對伴侶價值觀唔同, 分開都好正常。男想女同佢一齊進步，女想男同佢一齊固步自封。
進步同固步自封呢d字眼要留意
其實佢地只係各自想令對方同自己一齊固步自封（好多人口中嘅一齊進步，但個女仔世俗地上進不一定快樂，女仔都冇限制對方追求自己想要嘅嘢）
各自沒有自由談咩愛？
@@wingc1911 @Wing Lam Chau 多謝提醒，我覺得"女想男同佢一齊固步自封"係基於女方好似想男方被公司炒咁，所以得出呢個諗法。
但反思一點，所謂既"男進步女唔進步"的確未必有問題(例如就如以前男主外女主內咁)，只要雙方有溝通有共識就ok，但好明顯男方唔係咁諗，所以都係價值觀唔同，結論都係不變。
而且點解個女咁自私，當佢既認知係岩，搬出去後，人少了，搬去細一點的公屋，人少了還要佔有大既屋，只諗自己。一邊話對方只諗自己，要對方迎合自己，問對方想自己學什麼，但佢又有無好簡單咁同對方講返，妳想對方點同佢講野？ 我相信兩邊都咁做，男既好易攪掂，女就未必。最後都係價值觀以至三觀問題，分手啦。
由朝影到晚 得1200蚊🤣
有啲質疑佢啲所謂技能其實係多但唔專🤡
揾佢做freelance都係貪平
又話擔心你有咩事要攞錢醫你🤡係既咪幫你供多份🤡
同埋學語言點會無用🤡呢啲人都好短視下
要求愈高, 只會令雙方更痛苦.
價值觀不合，就會這樣。試一下角式對調，女的也會不接受。
而且不同階段，人的價值觀會改變，當日沒問題，的確可以之後有問題，人一直都改變。
Um...係評論呢段關係之前
首先結左婚公屋唔需要除名架Wor
去左伴侶私樓到住，係可以唔洗除名的
我同我老公財政情況&學歷上同事主有D似
只係男女情況相反
我老公住公屋學歷較低但有穩定工作亦係同我一齊前有保險
掉番轉我有私人物業學歷較高人工亦較高同事主男友一樣好多Plan供緊但自己亦要養屋企
其實事主男友有幾個Point係認同，例如如果銀彈唔鬆動，但又要學呢樣學個樣對事業又冇咩幫助既話又係咪必要？另外我個人都覺得買保險係反映自己對家庭責任態度，伴侶冇保險係真係會驚。而一早置業對婚姻黎講點計都係好，但就好睇出發點係咩，想同對方有好將來定純粹想有優越感。
其實事主男友Package係好，不過最大問題係唔尊重一直照顧自己女友，以奚落方式貶低對方，唔係以想一齊進步俾對方建議。
但另一方面其實事主&其男友都唔係做錯d咩，只係三觀愈來愈唔夾，令大家關系漸行漸遠。我同我先生雖然本身財政&學歷&工作都好大分別，但因為三觀近，所以即使差距大但依然可以互相扶持同補足。所以伴侶揾三觀近比package更重要。
祝事主擁有更美滿關係~
所以個女事主男友叫女事主了解世界學多啲野並唔一定錯，而女事主可能只係記得最後難聽果啲，一開始好聽既佢忘記左，人地講到口臭，覺得講完都不被尊重，開始講到難入耳，就唔會攪亂除名果樣野
以我認知, 女事主搬左出去住既話就要申報除名 (當然你唔做, 房處周唔周到你又係另一回事)
然後除名後如果係3個人住4人單位之類, 就會歸類為寬敞戶, 有機會要你搬去個細d既單位
@@tam1234hk 咁其實少人住，俾返間大啲有需要既人，都好公平合理。女主好自私
@@hokamchun 咁想阿媽阿爸住大D, 又唔想煩搬屋, 都好合理
有錢人可以用一萬種方法合法避稅, 無理由一般人合法爭取公共資源都要比人批鬥
呢啲叫呃，唔係咩爭取。
有條例講到明唔得，唔好合理化自己嘅行為好喎
其實個女仔著重左大部分係到講男朋友嫌棄佢
佢自己係咪真心覺得學完韓文，繼續打份Hea工牛工叫上進先
正常人都會睇錢好重，特別供埋樓，同埋個男仔人工都唔會高
如果佢本身高，應該就唔會咁大反應
講到尾，係社會的問題，兩個人差距太大喇
香港女尊男卑，女人嫌棄男人無樓似乎好合理
但調番轉男人想個女仔上進少少係咪都好合理先，衰啲講句都叫讀到博士
睇到呢個留言真係安心翻少少
"想改變對方"呢件事本身已經係on9,女朋友育成計劃咩, 點解要強迫人地跟自己既價值觀?
而唔係搵到一個大家都開心既相處方法,難度我搵6皮一個月, 一日做20個鐘,又要迫個搵三皮既女朋友陪自己辛苦咩.
男主角咁計較自己個兩個錢,咪同自己個戶口拍拖囉.
咁都係果句啦 拍拖前都知個差距嫁啦 如果大家唔岩既時候 分開似付係對大家最好既結果 如果唔分又好難睇得出大家既態度會改變
@@willy1231232006 拍拖時兩個角色跟現在不同。兩個的生活圈子也不同，慢慢價值觀會有差距。
agree，然後我敢肯定佢上台講一定係幫自己多，當中肯定有唔少係話緊男方又左又右，當到自己好高級咁，然後成日用住公屋黎大男方。
分手啦，個女仔根本覺得自己無問題。成條片個女仔覺得男仔大男人+移情別戀+樓奴+感情淡左+睇錢大過天+唔肯照顧女仔。一個啱啱讀完phd+收入唔算好好+不段做pt+買左樓仲驚緊負資產嘅男仔，我明佢嘅壓力。
Kneta講6萬蚊都反眼就睇得出，個男仔喺大眾眼光真係唔算搵得多，萬一個女仔屋企有事而個女仔負擔唔到，你係男朋友你幫唔幫？
結論單身幾好😂
錢係重要，但唔會係頭幾位，最憎將錢放第一位💰嘅人，溝通唔到的。
就係傾到談婚論嫁嘅時候男人現實嘅一面就出嚟喇
身邊嘅都見過
男主角佢係對自己有要求既人，先會高學歷又多技能，仲靠自己上埋車，香港有幾何有人單靠一己之力上車，真係人上人。靠自己過程樣樣逼住都要精打細算，佢事業有成佢都希望自己另外一半可能共同進步，只能說男主角同女方實力不對等，導致另外一方心理不平衡，建議分手，因為結婚係相互相成，唔係男方扶貧定點，長期拍拖對男女方都無結果
反而應該問點解一開始會一齊？真係咁高要求點會讀讀下PhD無啦啦走去溝中五女？明知對方係公屋女有家累都唔screen走佢。定係買咗樓先至性情大變呢？
不過點都好，長痛不如短痛，價值觀同人生priority唔同不如快刀斬亂麻。世界好大，唔係個個都淨係識向錢看。
@@ztilthedawn7330 因為無社會經驗，覺得個女仔做左咁多年，又有讀下書應該會一齊進步同有買下保險保障自己未來。
點知連份保險都唔買，說實話，中五畢業買份保險由500開始有幾難，如果有困難，就應該讀d有用既，然後搵多啲錢，唔係就咁讀少少，佢適合搵d簡簡單單既人。
@@ztilthedawn7330 所以我都建議分手。買左樓係壓力大，你每日訓醒就算唔食唔飲，都要嘔條數出黎。唔係話唔向錢向，生活中大大小小既樣樣都需要錢。女仔真係彈出又彈入。男人唔在意錢，就話男人唔上進，男人在意錢，又話男現實，呢個世界邊有十全十美既人嫁。定還是你地要個富二代算。因為佢有錢味唔在乎錢,仲日日同你談心講興趣。至於問點解一開始要開始？我唸男方一開始都係拍住先 睇睇有無希望。都係個句，拍拖同結婚係兩回事，有些人適合拍拖。並不適合結婚。女仔要唸住自己想要咩另一半。食得鹹魚就要抵得渴。
@@Kellyly324 冇社會經驗都傾唔埋啦下話？背景差咁遠……難聽啲講句女事主嘅家世係最差嗰浸，就算配個冇家累公屋男都算向上流，冇能力養埋人哋一家應該一早斬纜。咁我又公道講句，如果男方一開始已經有一齊買樓目標嘅話，女方都有責任講清楚斷咗佢，而家係雙方都拖泥帶水。
另外公屋出身對保險冇概念好常見，聽得出女事主根本唔認同買保險嘅作用。只可以話金錢觀差太遠，溝唔埋。
個人始終唔認同只有為錢途增值先至叫進步，但以結婚為前提最好都係搵返自己舒適圈嘅人，大家嘅人生方向先會一致。咩人群返咩人，有野心搵返有野心，唔好嫌人老嫌人強勢，簡單搵返簡單，唔好嫌人唔上進冇前途，咁先唔會階層錯配。
@@ztilthedawn7330 都係個句女主角如果想做自己，保持依家個生活模式，分手係遲早。如果唸清唸楚想嘗試去進步，改變，我相信以男方實力加上女方努力，未來絕對比上不足 比下有餘。男方唔肯分手可能仲觀察俾緊機會女方
同呢種人一起會好辛苦
主持都講得很好，價值觀唔一致最好就是分開，各有各自己的自由空間
其實老實講，供緊樓嘅呢年都肯定壓力大咗唔少
年加三次息，加息步伐咁快都係好多人入市前預料唔到，男方有壓力有考慮都係正常
如果個女方有以家庭為單位咁考慮佢同男方加埋嘅家庭財政，我諗佢都唔會好似依家咁老定打上去呻男朋友講嘢難聽hurt到佢
依家有幾多夫婦可以男方一邊出晒所有支出，個女嘅只係搵錢買花戴？
無啲自覺又三觀不合，不如早啲搵過個養得起自己嘅男人啦，前提係搵得到嘅話
同埋個女嘅諗到件事太簡單太美好
你話要養屋企，但兩個家姐唔駛一齊負擔？
如果兩個家姐連屋企都唔養，你點解expect意外起上嚟兩個家姐會養你而唔理佢地本身另外自己屋企嘅財政？
講真，女事主真係廢，廢在個心態覺得自己有俾錢供養自己父母就盡晒佢嘅人生所有責任
其他嘢自己無需要去諗，出事自然有其他人幫，老奉咁款
佢嘅未來無佢男朋友，因為都無諗過同佢搬出嚟生活所有細節，駛費各樣
呢個明顯係供緊樓都無供樓睇嘢方向唔同，而個女嘅除咗無學歷，更加無vision無諗嘢
如果條仔係靠呼吸plan上車嘅話真係搵牛工租租好過，得閒去下日本，嘆過喺香港做樓奴，加個息起座公屋都嗌生嗌死。
都未結婚 點解要以家庭為單位咁考慮 唔通拍緊拖仲要幫佢供樓 咁分手個陣咪渣都冇 咁如果個男仔供唔起 點解要跳step 而唔係同個女仔傾左個共識先 再一齊決定大家分擔幾多 個女仔要養家咁呢個佢都冇得揀 點解個男仔唔一早考慮埋女仔嘅壓力 當然個女仔都有責任 規劃係兩個人嘅事 兩個人都有責任 溝通 讓步 如果最後都係同步唔到 咁唯有分手啦
@@brid101286 因為唔係結完婚先開始諗，正常拍拖時要開始傾⋯ 唔傾點知結唔結，幾時適合結，要向咩方向做咩準備。唔係去到結婚嗰日突然先用家庭單位諗嘢😂 個女仔話唔想屋企搬細屋，咁都要有個plan點安排，可以係五年十年廿年，但明顯佢冇諗過淨係一日拖一日。依啲要早啲攞出嚟傾，如果唔係永遠唔會行到去覺得「啱時候」結婚or even同居
@@brid101286 你啱，所以就話個女仔都未必係想同個男朋友組織家庭，係個男仔一廂情願，既然三觀唔夾咪分開囉
圍爐取戀無改錯名
女仔講到自己要養家,要交水電煤,咁你兩個家姐唔洗架? 仲講到遲下有事家姐會幫你，真係太年輕了，一講錢親戚都無得做
如果男朋友係有心溝女同事既，又洗咩俾你知，我覺女事主完全係自己諗錯方向
我好懷疑女事主講咁多男朋友既諗法，到底係真係男朋友講OR諗既呢，定係自己幻想出黎
而且個男既都可能要養家
我認為個男方唔係想要條女俾啲乜佢，而係本身自己供緊層樓，如果將來結婚生仔，開支會好大，男方睇得比較遠，到時如果咁多突然意外使費出來，會精神崩潰，主要係男方覺得女方連照顧自己嘅能力都無，所以先去PUSH佢，講真女方如果都為咗自己將來家庭著想，應該唔會諗佢男友係咁嘅人，依家係男方好努力咁俾安全感將來，而女方無俾到安全感男方，雙方水平都唔同，真係感建分。
同意, 可能佢男朋友都唔識點表達好
@@YanYan-fv2dd yes, coz maybe guys are lack of ability to communicate.
有上進心既人，真心唔會理其他人上唔上進，我哂時間理你不如自己讀多樣野好過😂
10:58 點解冇人講Kneta講個6萬蚊嘅時候嘅樣有幾正😂😂笑死
有、笑到好大聲😂
佢個樣攞命😂
啲健身.保險狗有啲都搵到依個數.唔出奇啦
2年前我同男朋友分手，因為佢話想我地出來租屋，而我話唔想，想草錢買樓。其實佢同我都無錯，佢想我地多d時間相處，而我想將用來租樓嘅錢做首期，無話邊個錯邊個岩，但價值觀同想法個一刻唔同，行唔到落去。
愛情同金錢掛勾既話 全世界就唔會有80億人口喇😂
但婚姻絕對同錢掛勾 除非個男仔有錢到唔使愁啦 （閣下一定未婚吧😅）
一個上進一個唔係，係唔會相處到，男女角色互換個結果都係一樣
不過男人慘D，男上進要分手係男人機心，男唔上進就話 9 feng feng 食軟飯
分手啦
呢d男人剩係會照顧自己
有咩事佢會走先
建議你重睇屍殺列車😂
感情問題一律建議分手😊😊
今時今日 重有人覺得博士就好勁😅好笑，做人最重要有冇品，林鄭讀書夠讀得多la 😂
同意
佢邊忽讀得多，bachelor grad咋喎，當年可能算係勁但係同PhD邊有得比
佢老公同仔就讀得多啦
林鄭唔係讀左好多書其實。讀博士最大問題係opportunity cost, 損失左幾年賺錢既時間，會想追返。
而且，個人背景唔重要，只係個女仔提左phd, 大家有反應，就覺得咩都同佢學歷有關。
圍爐其中之一最好睇嘅一集❤
😭1200蚊做一日 拜託唔好做爛市 成個攝影界比你拉低曬
其實很抱歉，講到最尾，如果真係要結婚嘅話，兩個人一齊都係要錢，如果你搵唔到或者冇能力給予對方的話，對方就要為自己負責之餘，再要為你負責甚至你嘅家人負責，睇女方方嘅家境，所以擔憂又擔心都是正常的
咁佢擔心 都不可以人身攻擊
覺得冇希望就分手 乾脆利落 無謂浪費大家時間
要嫌棄 雞蛋也可挑出骨頭
個女仔好孝順👍
算 la, 冇對錯。 不同步，分開對大家都好
冇話邊個啱定唔啱，不過分手係啱嘅。兩個人一齊，若果一個不斷進步，而另一半跟不上甚或無乜上進心，出問题係遲早嘅事。男方只不過是早一點面對現實世界而已
完全同意分手,知識學歷地位不同,係需要滿滿嘅愛先包容到,係咪值得付出嘅人呢？
女方需要將時間換金錢,然後將時間與金錢都放喺原生家庭,又點為二人共同嘅將來付出呢？而男方想搵個人去共同為雙方嘅將來付出,甚至可能要付出埋自己已有嘅俾對方,所以好顧慮。
男方無要求女方將已付出俾原生家庭嘅時間同金錢轉移俾俾佢，就想睇吓佢可唔可以好似自己咁，將額外嘅時間去換額外多出嚟嘅金錢去為大家將來做儲備呢？結果又睇到女方學歷同搵錢能力係得咁多,完全無野表現到女方係有能力去付出嘅。即使將來有能力,都係會幫原生家庭去上車嘅，即係有可能幫屋企人供30年樓....咁女方將來能夠付出到啲咩俾男女雙方嘅家庭呢？
假設他日女方完全無能力去付出俾男方,如果人生再出現大事大病,男方好擔心要將自己多年來嘅儲備甚至已有嘅野去搭救女方,所以感覺同呢個女仔一齊之後嘅將來會好暗淡。
而嗰600蚊，或者要付出金錢去解決問題嘅時候,個女方原來都能夠表現出係有能力付出嘅，相信男方當時係感覺終於有返少少安慰，個壓力同對將來嘅顧慮喺嗰一刻被呢個行為緩和咗，所以就變成喺女方眼中嘅好緊張錢然後獲得咗600蚊之後就平衡咗喇。
唔好可惜，價值觀唔岩又接受唔到既一定要分開。
又回到專一既定義~ 完
總之一句, 自私的人你有咁快走咁快
呢個出入平安 我鐘意
我有無聽錯幾年前先PHD出黎咁快就買到樓，本身好有定係做老世，仲買咁多份保險，一個普通人點攻，首先仲要有啲錢去讀完個PHD🤨
PhD本身有人工
唔俾人有父幹?? 唔通好似條女咁要被父母拖累
@@stupidass4933 咁叫做拖累🤔
@@sharkxdd 佢竟然因為屋企人會冇公屋而唔結婚，咁都唔係拖累？ 仲要事實唔係咁 結咗婚都會有返層公屋 分分鐘係佢屋企人誤導咗佢
事主準前男友，想上進搵錢，成件事最錯就係走去讀PhD
唔知點解我覺得東方講得啱 我覺得呢條仔以前唔係咁樣 如果係嘅話條女唔5會到依家4年先至呻, 佢係聽咗條女啲唔好聽嘅說話依家嚟報仇畀啲說話踩低條女（純粹自己感覺）
公屋60+ 已經唔駛搬細屋⋯⋯
如果覺得個男自私，點解冇人覺得條女先最自私!? 一段關係有心行埋落去，係應該互相付出，為將來打算。即使男要條女增值，其實女要自己好好諗下，任何野都好，增值得益唔係別人，係自己! 係陪你一世。 touch wood 你另一半失去工作能力，你又可唔可以調轉養返佢? 多D為你地自己另一半諗下。
我以前個同事好又係叻同著重錢，佢講過佢係貪個女朋友係學歷低，做$8000文職，易控制，有日我聽到佢鬧女朋友無進步bababa⋯⋯
我就覺得事主個男朋友唔係嫌事主學歷低無技能，而係享受去睇低同踐踏事主😂所以男朋友應該無可能會想個咁叻嘅女同事一齊
其實事主係你同事個女朋友
想女友上進諗下未來 為大家將來想買個保險又係錯 呢個世界真係好奇怪 睇呢單野得一個人努力 一個諗緊將來 咁都係錯 如果係咁真係建議分手
我愛叻叻 我愛叻叻 !!!
個男仔處處都話個女仔呢樣唔得，果樣唔好，似搵人出氣多，長時間咁兩個人都會唔開心😐個男仔再無改變，都要考慮趁早走。。。
反而想聽埋男方既版本。
香港人真係好慘，簡單拍個拖都要精於計算
唔講感情 ，女事主自己去了解一下公屋資料先。
有時成日話大陸人落黎搶資源，但自己有得享受房屋福利都唔去了解……
買完樓就咁, 所以唔好買就得. 長租, 老左就入老人院
有比較有傷害，根本就係開始睇唔起自己好朋友，心中就係個女同事。
我只可以講條仔未來佢識既某啲技能都會比ai取代包括佢依家做緊果份工😅
其實拍拖就係雙方互相了解既過程, 如果去到大家步伐同價值觀係大出入既, 分手係好合理. 其實結錯婚都應該離婚啦
其實愛一個人唔係用物質同金錢去衡量。而係兩個人可唔可以同金共苦。相處開唔開心。大家甲唔甲有冇默契。兩個人一起開心食麥當勞住公屋都開心
日日食麥當都開心 ?
真係好難同意住公屋食麥記都開心。講得出既人一定未窮過。貧夫妻百事哀。
分手啦，唔好阻住個男仔 😂
成個分析錯到一個點
成班mk 仔女用感情角度出發
但一個人生結合仲要睇好多野， 包括經濟能力， 視野， 人生觀同成就
所有野都要配合先係一個成功既婚姻
你問你男朋友點解四年前簡你， 好簡單， 因為佢無諗過以佢角度黎講你四年都無進步。 你男朋友因為唔想hurt你先唔口講出口。 係好男仔黎
同時佢講得出口都係相信有得改善先同你講。 我係佢如果真係有個條件好禁多既女同事，真心係吸引既， 留得番嚮你身邊證明個男仔堅係個重感情既人
嚮你諗你阿媽既時候調番轉你男朋友會覺得你無投入到嚮兩個人既關係上面
大屋搬細屋好正常， 人小左住細d， 有損失？ 調番轉你為左你阿媽多餘果幾十尺去衡量你同你男朋友既未來
我係你男朋友就會諗你究竟有幾重視兩個人既未來
咪係，少左人住又要佔多啲空間，好自私
三觀不合分手
一個博士，一個中五。一個有專業技能，一個樣樣半桶水，一個有樓，一個公屋。四年前係點四年後仲係點，導致圈子或者視野都已經差太遠。而且個人認爲若然學韓文唔係為工作的話最多叫自我增值，好難稱之爲進步
自我增值唔係進步咁咩叫增值🤡
咁嘅標準
用錢黎計 冇增值 學咗韓文 不等於進步
但男的讀完phd 諗嘢咁窄 係唔係都失敗？根本教育冇為佢帶來少少幸福增值。講到搵錢，讀phd的付出咁多，只喺得到咁基本嘅物質，仲要宜家不停加息，男仔又有幾進步呢？（以世俗成功標準黎講）
個男仔讀完PhD都仲要為$1200接job 做成日，驗樓$1200又覺得貴，真係夠膽死收女友$600個人就開心返，咁個男仔都有啲廢啦。不過可能就係因為佢睇錢睇得重要，但係自己又搵唔多，所以就好睇重另一半嘅搵錢能力
老實講學韓文真係好興趣班feel，如果個女仔同個男仔講得出佢學黎之後有咩plan我覺得個男仔又會放心啲，其實個女仔都唔係好想同個男仔傾咁
10:09 條女真係好唔識體諒人，一野ban埋黎話‘吓，又冇迫你返。’我係男仔我一定飛左條女，唔係佢有冇錢，係佢絕對唔識體諒人，辛苦搵錢重要受佢氣cls
邊個會想放假返parttime架，我都要供樓我都明佢條仔。唔好講咩冇人迫你買。到你5-60歲個陣你就知。冇樓住重邊個比你租佢間屋
無比較 無傷害 係真
人比人 比死人
如果我係事主男友
我有樓都唔會講出黎😂。
我自己都係供樓既人。
一年內加左3次息。。😢
男方係有經濟壓力。
有穩定收入係重要。
但係都唔好講d甘既說話。
佢自己工作咪又係散修修😂。
岩岩先開始有經濟能力。
買新樓但係納米size
但係又貴真係會比我笑😂。
希望男方珍惜現在有位女士係你身邊。
我真係咁諗....讀到phd但係做digital marketing, 咁其實佢自己都係讀左個可能對工作無關嘅書，但而家自己有份穩定嘅工就話女朋友讀啲嘢無用...
想讀完追求世俗嘅有用就唔好讀phd
男仔冇腦
我比較同情個男，知道自己做緊咩，做有意義嘅事，條女明顯比較短視。個男都已經有結婚打算，如果以後有小朋友，依家所有嘅付出就係為將來打好基礎。條女就認為個男依家辛苦賺嘅錢同佢無關系。咁唔通以後結婚層樓你無份住，以後有小朋友嘅洗費係50 50？
你爆完佢大獲上節目佢咁小器真係等分手
呢單嘢真係感建分，btw事主都係買返份保險好啲
6 萬蚊就羨慕。。。
如果係嫌棄就唔會開始，可能係之後嘅生活改變，畢業後工作環境嘅改變、壓力係會令人有唔同睇法，而對方嘅說話傷害左人都唔知。對方唔識得處理壓力而發洩左落事主身上，高IQ低EQ嘅人多得是。 如果仲想繼續，就攤開講清楚，如果對方仲係覺得問題係人地度，咁就狠心分手。
但無論係咩背景咩學歷，都要懂得欣賞對方，問下自己欣賞對方嘅野，問下對方欣賞自己嘅野，真係要講出黎俾對方知。
ps 支持事主學韓文，學識左嘅野總會有用得着嘅時候。
讀到PHD, 一日做到好辛苦先$1200, 既然個人咁計錢, 有冇計佢自己幾多年先可以賺返讀PHD啲錢.
Cls Dickson祝人自求多福😂😂
見到個個都話男既有問題真係心都寒埋
男人就要有車有樓人工高，女人想佢上進少少就叫嫌棄佢
佢人身攻擊就已經喺有問題啦
家下各自財政獨立wor
佢又唔使理自己屋企人 可以比較咩？
你定義嘅上進也太狹義了吧 事主學歷較低 冇咁多收入
就等於不上進了嗎 喺改變生活就已經喺上進 事主又有返工又有規劃過負責嘅屋企使費 而唔係似男朋友咁冇咁大個頭戴咁大頂帽
@@wingc1911 拍拖就梗係財政獨立，結左婚就唔係啦
@@mickeyyyy9547 咁女仔又唔喺想同佢結婚 喺就會扮勤力 令男仔快d想同佢結啦
@@wingc1911 勤力都要扮真係陰公
公屋60+ 好似唔駛搬
呀媽60+就唔會要求搬細屋 (off topic)
太多計算嘅男人，唔使留戀。
有上進心咪又係俾人投訴😂
公屋名下有65歲以上既戶主，家人除名公屋可避免搬細屋，可能幫到事主
由朝做到晚先得區區千二蚊，仲以為自己巴屎閉😂分手啦
影足成日相都係得千二仲要呻，不如唔影好過啦！
@@honamak 出面炒散都係呢個價
@@kaikaikkk 炒散攝影？？由朝影到晚都係千二咋喎
@@honamak 我指係第二啲炒散，例如酒店，男工做足一日包食都有呢個價。
心唸，炒一個鐘美股都千二啦
仲話人才，人才唔會靠勞力搵食
步伐唔同思維唔同 勉強無幸福
就咁睇都係女方的觀點 我覺得男方又未必完全係錯 當然佢處理方法未係最好 不過佢買左樓自然金錢壓力大d 亦都希望自己另一半係個上進嘅人 一齊努力 呢d好正常
姐係如果一方要求另一方愛你 但又咩都唔做 唔去改善自己的缺點 咁其實都唔係一段好的愛情
始終都係要睇現實 要起埋一齊幾十年 都唔係一時三刻的感性就可以解決問題， 始終都係要有自己努力去變得更好 比對方欣賞你 段感情同家庭先會變得更好
咁冇既, 香港地早幾年比人吹奏得太過, 有樓有高潮, 冇樓冇女, 事實上個社會就係要求男人有衣食住行先叫有安全感, 話男女平等係哂氣既, 權利果方面就平等, 家庭責任方面就推哂比男人。個男人好明顯係比呢D價值觀迫到抖唔到氣先會變到咁現實。
公屋住戶得返65歲以上既人好似唔洗搬
60好似理論上都唔洗(最尾先會趕60果批)
東升哥 好似錢小豪 或者錢小豪同東升好似
10:58 😂😂😂笑左