شيلة اكتوبر 2024 | كلمات فارس سلطان اداء جزاع المري 🔥
ฝัง
- เผยแพร่เมื่อ 13 ต.ค. 2024
- شيلة أكتوبر 2024 | كلمات فارس سلطان ادا جزاع المري
اتمنى انه ينال اعجابكم ولاتنسى اللايكات والاشتراك بالقناة.
الكلمات:
يالله ياللي ماغشى عينك نعاس
تفرج لجفنً شد عنّه نعاسه
باسباب هوجاسً مهو ب اي هوجاس
لو اعترض له دالهً فر راسه
من شدة الضيقة ومن قل الاوناس
ماعاد فيني للقصايد حماسه
القل شيّب شعرة الدقن والراس
وسبب لجزلين الفعول انتكاسه
احاول اصبر وادفع الضيق بالباس
واسلى بسجات القدم والعساسه
قفى بي اكتوبر وانا معه محتاس
اطرد ورى رزقي بعزم وشراسه
احيان قل الطرح يجلب لي عماس
واحيان اقول اهم شي الوناسه
مع ان حلمي فرخةً تطرد الياس
منها الفقر يرحل وينزع لباسه
املك بها طيّب وشهره ونوماس
ومالً عليه يشددون الحراسه
فرخة ولكن طبعها طبع قرناس
يبغى له عودً خبير وسياسه
قبل المزاد وقبل يطلع لها قياس
يطمع بها اللي للوحش به فراسه
سنين واجد مانطرح مثلها اجناس
حتى اذهلت راع المقاس بقياسه
من الطبيعة والكرم تاخذ لباس
وصفً يبي له ثقل عقل و دراسه
كن الدقوق اللي على الصدر جلاّس
طعس انتثر به بن بعد انحماسه
من غير عاتقها ومن غير الامواس
شوط التنافس هالسنه وين كاسه
تشبه لحمرا جابها طيب الساس
وافرح بها بالطرح ربعه وناسه
خالي وتقصر عن فعايله الانجاس
ياجعل عينه ماتذوق التعاسه
من لابةً بالطرح تشهد لها الناس
من قبل ملهم لايحطون ساسه
كم عاصيً تعّب طويلين الانفاس
لا استلمه اطرف لابتي لان باسه
عيال غانم يوم الارياق يبّاس
حطوا لهم مجدً صعيبً مراسه
ولاهو قليلً لجل يحصَر بقرطاس
لو جحدوه اهل الردا والخساسه
#فارس_سلطان
