حل مشكلة رمز F8 غسالة الحافظ
ฝัง
- เผยแพร่เมื่อ 17 ก.ย. 2024
- تصليح الغسالات الاوتوماتيك النجف
=======================
ورشة المهندس 07821324488
07719642180
=======================
نصائح لمن يمتلك او يريد ان يشتري غسالة اوتوماتيك
=======================
اولا ...لا تستخدم مسحوق غسيل الصحون (تايت)
استخدم زاهي غسالات اوتوماتيك افضل شي
وحتى افضل من مسحوق الغسيل الخاص بالغسالات
لان التايت العادي لا تذهب كل رغوته عند الشطف
وتتكون بالحوض رواسب صعبة التنضيف جدا
جاي يجيبولي غسالات للورشة ملبوخة كانما
سمنت ابيض في داخل الحوض وهذا طبعا يسد
المسامات في الحوض ويسد صوندة التفريغ الداخلية
واني ما اريد تعطل غسالتك وتجيني لو تروح للمصلح
=======================
ثانيا...اخواني مستوى الماء دائما يكون اعلى من مستوى
الملابس فد 5 اصابع علمود البشارة تفتر براحتها لان
اذا مستوى الماء قليل راح يصير ضغط على الماطور
ويحمة وبعدين يعطل وتضل انتة حاير بالتصليح
=======================
ثالثا ...اخواني الحذر كل الحذر من تنصيب الغسالة
في الحمام لان الرطوبة تدمر الكيربوكس وبقية العتاد
واكو غسالات ما اله كيربوكس يعني كم شهر وتذبها
=======================
رابعا...اخواني اتركو تاسيس الماء الحار الا للضروره
القسوى مثلا لغسل الملابس الخاصة بالعمل مثل الاخوان
الفيترية او الحدادين او الملابس التي تحتوي على زيوت
اما الاتربة والاوساخ لا تحتاج الماء الحار لان اغلب
الغسالات مصممة لدرجة حراره 30 درجة مئوية اما
عدنة بالعراق الكيزرات من 60 ولفوك اخواني تجيني
للورشة الغسالات مايعة الصمامات مايعة من الحراره
فنصيحة علمود لتعطل غسالتك ياحبيب كلبي
=======================
خامسا ...ثبت الغسالة باحكام مع التوزين الصحيح
واذا اكو بيها شوية حركة تعب نفسك جيب جوب
وكصة قطع صغار وخلي تحت الغسالة بحيث تحس
بالثبات واستخدم القبان الخاص بها للتوزين
========================
سادسا...لا تغسل الغسالة الاوتوماتيك بالصوند والماء
وانما استخدم قطعة قماش رطبة وامسحها جيدا ولا باس
ان تستخدم القليل من الرغوه للتنضيف
========================
سابعا ...فتشو الملابس جيدا قبل وضعها في الغسالة
اخواني اخواتي الملابس اذا بيها كلنس او فلوس او بعض
الازرار او الاكسسوارات النسائية كلها تضر اذا وقعت
في الحوض الكلنس يتحول الى فتات ويملى غرفة التفريغ
مما يؤدي الى الانسداد واما الازرار او الاكسسوارات
تحشر بين البشاره والحوض مما يؤدي الى تكسر فيهما
وكل ما اقوله لك رايته في عملي في صيانة الغسالات
الاوتوماتيك
========================
ثامنا...اخواني برمجة الغسالات عموما من اليسار لليمين
وليس العكس......يعني
1- تشغيل
2- تحديد مستوى الماء
3- وقت الغسل
4- عدد الشطفات
5- وقت الدوران
6- ستار او البدء
طبعا مو كل الغسالات نفس الشي اذا غسالتك تختلف
اتصل بي على الواتساب اعلمك عليها وبكل سرور
========================
تاسعا ...اخواني نضفوا فلاتر الغسالة بين فتره وفتره
خصوصا فلتر الصمام الخلفي للماء البارد لان اذا ضعف
الماء تطلعلك رمز 4E يعني ضعف في تدفق الماء
========================
عاشرا ..رفع صوندة التفريغ بمستوى واير الكهرباء ومن
ثم الرجوع بها الى فتحة المنهول او المجري
وهية بالغسالة يجي وياها قوس على شكل حرف يو U
بالانكليزي مقلوب وفي اعلاه ثقب للمسمار ثبت المسمار
افقيا مع مستوى واير الكهرباء لا صاعد ولا نازل
واذا ما عرفت مشكولة ذمتك اذا متخابرني على الواتساب
افهمك بالمضبوط بس دعواتكم تكفيني
========================
حادي عشر....سوي غسيل حوض تقريبا كل ثلاث اشهر
تضغط على زر تنضيف الحوض وتضغط ستار او ابدا
واتركها وينتهي الموضوع
========================
ثاني عشر....عدد الشطفات اخواني الاعزاء
وقت كل شطفة تقريبا 18 دقيقة حسب مستوى الماء
فاذا كانت الملابس لا تحتوي على نجاسات فقط اتربة
فافضل عدد الشطفات يكون 2
اما اذا كانت الملابس تحتوي على نجاسات فتكون
3 شطفات على الاقل (طبعا هنا حسب الرغبة )
هذا الشي للتنبيه فقط و ((للاستبراء الشرعي ))
========================
ثالث عشر ..يفضل تاسيس الغسالة على التانكي وليس
على الاسالة لان ماء الاسالة متذبذب يضعف ويقوه
========================
بالنسبة للاخوان الي ميعرفون شيشترون يانوعية
اخي اخذ السامسونك جميع انواعها جيدة واغراضها
متوفرة بكثره ومتعطل بسهولة الا اذا سوء استخدام
واذا قرأت هذة النصائح جيدا وطبقتها امن على الغسالة
========================
ياحجم تشتري راح اكلك حسب كبر عائلتك اذا عائلتك
صغيره ومتغسلون بطانيات اخذ الصغيرة
========================
اخواني اي مشكلة بغسالتكم خابروني واتساب اعلمك
تعيد برمجتها واذا العطل بسيط اعلمك واخليك تصلحها
بنفسك وما تخسر ولا فلس على التليفون افتح كامره
وراويني مشكلتك وراح اخليك تصلحها بنفسك
بس اذا العطل صعب عليك لو يتطلب الورشة بهاي
الحالة اكلك تجيبها
========================
مع تحيات.... ((ورشة المهندس))...
خبره احترافية في صيانة الغسالات الاوتوماتيك
و غسالات الصحون بكافة انواعها
========================
العنوان ....
منطقة ـ النجف حي ميلاد فاو قرب مركز الصحي الامام الجواد
اخوكم .. ابو حسين البصراوي 07821324488
07719642180
انشر وشاركنا الثواب وعمل الخير اذا تحب
ألف رحمه الوالديك على هاي المعلومات
اكيد فادنا. وجزاك الله الف خير
جزاك الله خير غسالتي نفس الحاله جرذي داخل عليها
استاذي العزيز شلون افرمت الغسالة الاولى اللي سويت الفيشة مالتها مع الشكر الجزيل
اني اليوم اشتريتها وبعدني مافاحصتهه ان شاءلله تطلع زينه
جزيل الشكر والتقدير
سلام عليكم استاذ شلون افرمت الغساله ننظتر فيديو النوع لاول
رحمه لاهلك ممكن رمز E9شنو حلها
اخي عدنا مثلها بس منعرف انشغلها
السلام عليكم ممكن طريقة ترسيت للغساله هايه عندي نفس نوعهه واريد رستهه
مرحبا شنو معنه دورة المياه في الغساله الحافظ ممكن جواب
السلام عليكم عندي غساله الحافظ فول 15 كيلو من اشكلها بالكهرباء تشتغل شطف مباشر والشاشة طافيه
مشكله بلكارت
@@m-aliselehmahdi شكد سعر الكرت
يعني لازم اوديها للمصلح لو عادي اي شخص يسويها
السلام عليكم اني غسالتي يطلع E1 ومرات يطلع صوت قوي وتعيد الغسل شنو السبب
@@ريتاجريتاج-ل8ط ماي ضعيف
اشغل الغساله يطلعلي رمز F 8 الي يعرف يشرفنه ياريت اكون ممنونه منكم
السلام عليكم بلا زحمه اشلون افرمت الغسالة نفس النوع
سلام وعليكم اخي بلازحمه عليك عندي نفس هذه الغساله اول مااشغله تطلعلي علامه E3 وباليوتيوب كاتبين هذا الرمز مال حساس الباب فتحته انا وماندليت حساس الباب وين يصير اذا ماتصير زحمه ممكن ادليني مكانه حتى ابدله لو اسوي جطل جزاك الله خير الجزاء
وعليكم السلام ورحمه الله وبركاته
السلام عليكم
رحمه لوالديك هاي شلون تترست
ها خويه بشر
أحسنت ، الطوافة على كم فولت تعمل ؟
٥ فولت
@@m-aliselehmahdi
كل الطوافات تعمل ب 5 فولت لو فقط طوافات الغسالات الأنفيرتر ،،
@@user-xh6io1mp2i اغلبيه تعمل ٥ فولت
نوع دنكا الغساله
عندي غساله نوع الحافظ يطلع بيها رمز E2 ويقف العداد على الدقيقه 36
حسا س باب موجود حل بقناتي
استاذي العزيز عندي غساله نوع بلسان بيها نفس هذا العطلاطلع بالشاشه f8ودك صوت تنبيه نضفت فيش الطوافه وبعده العطل ماتصلح
بدل طوافه
@@m-aliselehmahdi شكراعلى الرد بدلتها واشتغلت
بلازحمةليش تسرب ماي من جوة مومن الخرطوم ماينترس الحوض
صوندا مثقويه او مشلوعه
@@m-aliselehmahdi الخرطوم مابي شي ورافعتةبعلو حوض الغسالة بس من اكمل تشغيلها ويةماينزل الماي بلحوش ينزل كبل للكاع ماينترس وجديدةامس ربطناها
@@m-aliselehmahdi واحنةبس اسسنالهةماي كلشي ماسوينةبيهةبس اكول اخاف بيهةصمام ينفتح لو من البرمجة ياريت رقمكم حتي ادز صورةتشغيل ع واتس اب اوتفهمني عليهةولو تصيرزحمة بس دوختني لان جاي اتعلملهةمن اليوتيوب
السلام عليكم مشكله رمز E1 وشنو حلة عيوني رغم جبتها جديدة وهيج
ماي ضعيف يدخل ربطيه علماطور مباشر وصوند خروج ماي رفعيه مستوى غساله والزايد من نزليه مثل حرفU مقلب
@@m-aliselehmahdi خوية رابطتها على الماطور بس تتنرس وترجع تصرف منها ولحالها
هاي النوعية من غسالة الحافظ شلون تتفرمت
اني هم ما أعرف شلون تتفرمت
اخي اذا امكن طريقة التشغيل
اخويه مثل مالتي بس مطلعتنه كيف شكلتهه
مافهمت شي
و اذا الغسالة الحافض و يطلع الرمز f6
اذا عطل E1بغسالت الحافظ
مشكلة دخول ماي