O’zbek elektrotexnika mahsulotlari afg’on bozoriga kirib boradi

Afg’oniston - hali o’rganilmagan ulkan bozor. Janubiy qo’shnimiz bilan savdo aloqalarini rivojlantirish uchun hukumatimiz tomonidan bir qator ishlar amalga oshirilmoqda.
Xususan, joriy yil 29-avgustda 36 gektarlik hududda “Airitom” erkin savdo zonasi tashkil etildi.
Mazkur erkin savdo zonasi Surxondaryo viloyati Termiz tumanida, O‘zbekiston va Afg‘oniston chegarasida joylashgan bo‘lib, qiymati $70 million dollarga teng.
Kuni kecha “O’zeltexsanoat” uyushmasi va “Airitom” erkin savdo zonasi rahbariyati hamkorligida yurtimiz elektrotexnika sanoati korxonalari uchun savdo zonasi hududida biznes-tur tashkil etildi.
Ushbu tadbir mobaynida tadbirkorlar savdo zonasi hududida joylashgan bino-inshootlar, yaratilgan imkoniyatlar bilan yaqindan tanishdilar.