ياراحم الخدام | شور | هادي السيهاتي
ฝัง
- เผยแพร่เมื่อ 21 ต.ค. 2024
- [ياراحم الخدام]
الرادود | #هادي_السيهاتي
الشاعر | #حيدر_الدر_العاملي
هندسة صوتية | #مهدي_عليق
تصوير | احمد آل عباس
طلال الحسن
خروج الامام الحسين عليه السلام 1444ه
مأتم العقيلة زينب | القطيف - الرابعة
كلمات القصيدة للشاعر حيدر الدر العاملي
أغلط واجيلك . أصرخ دخيلك
واتحن عليّة اردود
لولا رحمتك . اوجنّة خدمتك
چي آنه ما موجود
البيك استدل ما اتضيّعه
يا رحمة الله الواسِعه
--
مذنب أنا بسّ اعرفك
إنته شفيع المذنبين..
غيري لَوَن عندك بشر
ما عندي غيرك ياحُسين
أغلط واجيلك منكسر
ايرد بيّة دمعي والونين
صار اتكالي اعله العفو
عفوك تراه ابذِمْتي دين
حُبّك نجاتي . إعفو يغاتي
وامسح على الدلّال
اعليك اتكالي . غيّرلي حالي
يمغيّر الأحوال
إنته الوسيلة النافعه
يا رحمة الله الواسِعه
--
كلما ضعت دلني العشگ
اوصحّاني يحسين الغرام
كون اليحب يحچي ابدمع
دمع المحب أبلغ كلام..
ابدمعاتي تايب جيت الك
عنّ الذنب ناوي الصيام
إحرگ ذنوبي اللي مضت
ابفد جمرة من ذيچ الخيام
كفّر ذنوبي . واستر عيوبي
يا راحم الخدّام
ما مرّة شفتك . لكن عرفتك
احنيّن وانا المحتام
من گلبي كلشي طلّعه
يا رحمة الله الواسِعه
--
أحتاج الك مثل الهوا
واشلون اعيش ابلا هواء
أحتاج الك مثل الشمس
گلبي اظلم اوإنته الضياء
عزّي امن اجدّي ابعتبتك
واخضع على باب الرجاء
كلّ المدن غربة صفت
إلا مدينة كربلاء…
إنته عشگنه . ليك انخلقنه
اولزيارِتك مولاي
يا ضي صبحنه . نحتاجك احنه
مثل الزرع والماي
صيتك وصل للسابعه
يا رحمة الله الواسِعه
--
نجمة ابسما احزانك صرت
أفتر على ذكر المصاب
اومو للأجر گمت ابچي الك
مو للجزاء اوللثواب
أبچي لأنك منذبح
تنزف ثلاثًا عالتراب
شيخ الشباب انته اشعجب
ما حنّت اعليك الشباب
اشكبره مصابك . سلبوا ثيابك
اوحرگولك الصيوان
اتحز نفسي هايه . اتگول الروايه
جائع گضى اوعطشان
لا تعفي عنّ المشرعه
يا رحمة الله الواسِعه
--
طاري الحوافر من يمر
ما تشفي ألامي الدموع
كون الطم ابحيل اوعزم
اويه المنتظر فوگ الضلوع
هل من ضلوع امكسّره
لمصيبته هل من جزوع
ياربي إرزقني الجزع
أدعي بسجودي والركوع
للغاضريّة . اوذيچ الرزيّة
فدوة الوجود ايروح
ألطم خدودي . شلّي ابوجودي
لو سيّدي مذبوح
واچفوف اخوه امگطّعه
يا رحمة الله الواسِعه
مأجورين ومثابين طيب الله هاذاه الأنفاس
اعظم الله اجوركم ، احسنتم ملا هادي طيب الله انفاسكم وأنامل الشاعر حيدر
أعظم الله أجورنا و أجوركم🏴
طيب الله انفاسك ملانا العزيز الغالي.
مأجورين .
كُل التوفيق .
✨🤍🤍🤍🤍