6 Rupa Diantara Kaperluan Diayakeun na Peringatan Rajaban |

GENEP RUPA DI ANTARA PERLUNA RAJABAN
1.Genep rupa di antara kaperluan
Diayakeun peringatanna Rajaban
Tah ieu nu kapikir dina pikiran
Kitu Pangersa midawuh misauran
2. Isro Mi 'raj ieu urusan ngahubung
Kana Aqo'id Sama'iyat teu sarung
Pinterna para Ulama nu laluhung
Nyimpen kayaqinan ka anu ngariung
3. Kaduana nambah-nambah kayakinan
Pikeun jalma anu aya kaimanan
Tilu ngingetkeun ka anu kahilapan
Ma'lum jalma biasa sok kapohoan
4. Kaopatna numpes hujjah ti golongan
Kafir ku Nabina rasa kumagungan
Éta ku sabab ayana kabodoan
Séjén akibat ayana kapinteran
5. Lima narik cendikiawan kafirna
Ngarah asup Islam ku kapinteranna
Saperti anu kaluar ti Islamna
Disababkeun ayana kabodoanna
6. Genep turut tingkah Qur'an anu Agung
Kitu paréntah Gusti Allooh nu Agung
Tah sakitu pidawuh Guru nu luhung
Prak amalkeun ulah sok bararingung
____________________________
Dianggit ping 1Sya'ban 1427H. Malem saptu di Cibayondah ku kolamna Al-Ustadz Muhammad Makhsus Jamil RA
Kénging nukil tina pidawuh KH. M. Muhyiddin AQA MA
Di Madrosah Bojong Mahmud