الغيرة العراقيه | الرادود

#عزاء_عين_الزهراء
قصيدة (#حيهم_ياخدامة)
Poem (Welcoming Muharram Al-Haram)
الرادود ¦ #سيد_فاقد_الموسوي
Al-Radoud ¦ Sayyid Faqid Al-Mousawi
كلمات الشاعر ¦ سيد محمد الموسوي
Words of the poet ¦ Sayyed Muhammad al-Mousawi
تنفيذ مجموعة ميامين ¦ محمد كاظم
Implemented by Mayamin Group ¦ Muhammad Kazem
مكساج وتوزيع الصوت ¦ علي افسري
Mixing and sound distribution by ¦
Ali Afsari
إنتاج عزاء عين الزهراء (عليها السلام)
productionaza ayn alzahra
مجالس ليالي استشهاد
الامام محمد علي الجواد (عليه السلام)
#ذو_القعدة 1446هـ . 2024م
---------
حيهم يا خدامه
ماضل شي لايامه
نشمي الشد حزامه
لحسينه .. لحسينه
________________
1)
ماضل شي محرم جاي __ وأيام العمر تبدي
واليخدم صدك محسوب __ سيف بيمنة المهدي
لو جندي
هاي الدنيا خد وعين __ تفسير المثل عندي
معناهه انا غير حسين __ والدمعات البخدي
ماعندي
ربي عمري خادم خلصه __ للدمع محرم فرصه
وي حبيبي عايش قصه ___ حاير بيهه القلم
حبه شرد اسولف عنه __ يا بشر يوصف الجنه
ماكدرنه نشبع منه __ واسأل كل الخدم
غالي حسين هوايه
ويريد الوفايه
ياهو يشيل الرايه
بجفينه
______________
2)
نستقبل محرم كون __ بالغيرة العراقية
شايف ركضة الخدام __ يم باب الحسينية
ليلية
شايف بجية الشياب __ شكد متروسه حنيه
ويا لطمة شباب الشور __ تشعر بيهه روحيه
روحيه
نعمة المجالس فطره __ بيهه نخدم ابن الزهره
عدنا عشرة مو بس عشرة ___ نعشك من كل كلب
لو سمعنه مجلس نركض __ نلطم عله هذا الينبض
مايهمنه حجي اليعرض __ ما يمنعنه الدرب
ضوه العالم نورك
مخلوقين نزورك
مايوم وعاشورك
ناسينه
________________
3)
خل تتحضر الرايات __ وحزام الخدم ينشد
وادري الخدمة مو باللون __ بس يا هيبة الاسود
من ينشد
اخدم وابذل عله حسين __ ولا تحسب صرفت شكد
اول خادم العباس __ وسعر جفوفه ماينعد
ماينعد
الله من رزقني الخدمه __ هيه هايه أكبر نعمه
عمري فدوة يابو اليمه __ خل يكضي بخدمتك
يا حبيبي يا بو جروحي __ ماكو غيرك انته بروحي
وانعم الله يا مذبوحي __ من ألزم رايتك
كل خادم ذب حيله
بجاه الزهره ادعيله
اسمه بهاي الليله
مسجلينه
__________________
4)
لحد اخر نفس بالروح __ ما تخلص مجالسنه
عشكك يندرس مفروض __ يحسين بمدارسنه
مدارسنه
كون الطف صدك ينعاد __ واحنه بهذا واهسنه
من نفزع يبو السجاد __ بس عابس ينافسنه
ينافسنه
والله لو ترد ايامك __ مايمر هوه عله خيامك
تدخل الحرب خدامك __ وي عباس الكمر
معركة عله المسناية __ جيش اميه والمشايه
للنصر ترف الرايه __ ونهوس عالنهر
رد يحسين لدارك
فزعولك زوارك
بالطف وي انصارك
خلينه
___________________
5)
أدعي شما شلت جفين ___ يارب هالسنه هايه
كون انا بضريح حسين ___ من تتبدل الرايه
بالرايه
واحضر مجلس بكل يوم __ والطمله بشكو قرايه
واخدم جية الزوار ___ وامشي انوبه مشايه
مشاية
عمري بس الك يحسيني __ فدوة الك دمعتي وعيني
ادعي لو شلت جفيني __ منك ما انحرم
غالي يالتدك بصدري __ شحصل اليعوفك مدري
والله ريته يخلص عمري __ وانا بمجلس لطم
كون تصيح الوادم
الله يرحمه الخادم
موت وكلبك هايم
بحسينه
_____________________
محمد الموسوي
_______________________________
#العراق
#بغداد
#ويبقى_الحسين
#اللهم_عجل_لوليك_الفرج