ياداعج العين - فايز الدوسري (حصرياً) - كلمات: أحمد التميمي | 2024

يا داعج العين - فايز الدوسري (حصرياً) | 2024
Ahmed Al tamimi - yadag alayn (EXCLUSIVE) | 2024
كلمات : أحمد التميمي
أداء والحان : فايز الدوسري
جرافيكس : مطرب السبيعي
الكلمات :
ياغايتي بالعين بانت دواوين
البعض منها ينوصف بالكتابه
طال الشعر ياقصر ليل المحبين
روّح ولا احد من الحبايب درا به
يابنت عودٍ من شيوخٍ مسمين
ياللي خذيتي منه عز ومهابه
ياميم حبك ساكنٍ بالشرايين
اهيم في حبك لحد الصبابه
على النقا حبي وواضح كما البين
حتى ولو شاعرك طال بغيابه
وأفرح بشوفك ياعنود المزايين
في طلّتك اجر قوس الربابه
أفرح كما شايب وعنده بعارين
وبان السحاب اللي بعيد ورجابه
الين لاح البرق في ناظره زين
وسالت خباريها ورويت ترابه
اليا عشقنا بالمحبة عفيفين
انا الحبيب اللي ينومس جنابه
احمد ترى ماهو مثل ماتخبرين
بعد الغياب اليوم ضاقت ثيابه
ترى التميمي في غرامه تعرفين
يزبنك لاكشر الوقت نابه
من اجل عينك لو ادك الميادين
الموت انا ماني بحاسب حسابه
من روس قومٍ بالملاقى سلاطين
لابة فخر أمجادها ماتشابه
بني تميم أفعالهم بالاكاوين
تقدح سطر يوم الوغى والحرابه
أولاد غيث اللي كعام المعادين
روس النواصر بالشدايد عصابه
لو القبايل تدري بوضعي الشين
ويدرون عن قلبٍ نزف من مصابه
لو يعرفون الاد زايد وابو اثنين
وعيال وايل والجحادر عذابه
قبايل بالضيق يقضى بها الدين
ريفٍ على الجيران وقت المجابه
قلبي غزاه الشوق ياداعج العين
والموت مابين الرموش وهدابه
ارقبك انا مثل العفو للمساجين
واستبشرك مثل الثراء لسحابه
ولشوق مسرى وللقصايد مغنين
وللحب قلبن ماتوانت ركابه
وعنزتها بخالق الناس من طين
الواحد اللي كل خلقه ببابه
#أحمد_التميمي #فايز_الدوسري #شيلات #شيله #ياداعج_العين

[@user-vt1qt2yz9h]

اداء وكلمات ولحن جميل ..

[@user-sd2el4xc6s]

جااي من بث ناصر السبيعي ،،،،،

[@Mmmma-iw6ns]

مامدا نتخطا شيلة عمر بن هذال وجتنا شيلة احمدد! 😢💔

[@Alotaibi1naif]

ياسلااااااام احمد وفايز في عمل واحد ولله الي الجزاله الغير مستغربه

[@Altamimi-bd2si]

صح لسانك يالبناخي

[@Meem-502]

اههههخخ لقيت سبب ابكي عليه 🥺😔

[@G_71]

صححح لسانك يبناخي عزالله شيلة وكلمات

[@Almutire305xx]

حقت خطط وشتويه يالبيييه 🤞🏽

[@YUSEFSUBAIE]

ارقبك مثل العفو للمساجين ؟ الله يخي الله

[@Reem-ej1vc]

سمعتها بتيك وتعبتت عشان احصلهاا

[@Saud1998s]

يابررررري حاليي الشاعر مايباها تثور فالخبا