ابداي و توكلي على ربي بدي بحاجة صغيرة و غير بشوية حتي توصلي للهدف تاعك ماتخافيش و كاين حاجة انا نأمن بيها و نطبقها ""ولا تؤجل عمل اليوم الى الغد "" بالتوفيق
5000 دج كافية تشري مثلا باكي خرز لولي و 2 باكي كريستال تاع 500 غرام لونين مختلفين و تشري خيط 0.6 و 0.5 و تشري حلقات لي يجو في الجنب و تشري سلاسل و تشري أقفال و بالنسبة الماركة شريتها من عند باج فالانستقرام هدا رابط لاباج instagram.com/galaxy.homedecor?igsh=NWo3czlyeTZiaW0x
500 غرام كرستال او خرز لولي رقم 10 خيط رقم 0.6 مم 2 حلقات / قفل / سلسال و الحجم تاع الصاك 19 رباعية طول / 5 رباعيات عرض / 8 رباعيات ارتفاع بالتوفيق حبيبتي
لا حبيبتي ماشي مشروط ديري دورات تقدري غير من اليوتيوب وتتعلمي انا وحدة من الناس لي تعلمت ماليوتيوب الاساسيات و زدت طورت من روحي وحدي تالمون وليت نخدم بزاف و هاد الحاجة نبغيها ولات عندي خبرة مع الوقت و ادا سحقيتي اي حاجة تقدي تتواصلي معايا فالانستقرام بالتوفيق حبيبتي 🩷
شوفي الفيديوهات لي فالقناة ڨاع صيكان عندهم نفس الطريقة تاع الخدمة تعلمي الاساسيات اهم حاجة تلقي الفيديو التعليمي الاول فالقناة بعدها اي صاك تشوفيه تقدري تخدميه يتبدل غير ملفوق في اليد والحجم
الطريقه الاولى سعر اللوازم تضربيه في اثنان و هذاك هو سعر البيع الطريقه الثانية ديري سعر ثابت لخدمة يدك مثلا 1000 دج و لا 1500 على حسب حجم الصاك وتزيدي له سعر شراء اللوازم وهذاك هو غادي يكون سعر البيع بالتوفيق
ادخلي في رابط الانستقرام راح تلاقي الصورة تاع الصاك تقدري تحسبي القياسات بالرباعيات لانه الصاك بعته مانيش عاقلة على القياسات ولكن تقدي تحسبي السطر شحال فيه من رباعية
الخرز انواع لازم كي تروحي تشوفي تشري نوعيه تكون مليحه وما تتقشرش كي تكون نوعيه الخرز جيده ما تخافيش ومن الاحسن نوع الخرز يكون CCB هو أفضل لولو خدمت بيه بالتوفيق
سعر الخيط 250 دج رقم 0.5 او 0.6 او 0.7 علي حسب نوع الخرز بالنسبة للاسعار تاع البيع راني حطيتهم في قناة الانستقرام تلقي الرابط تاعها في البايو بالنسبة للاقبال توكلي على ربي و انت و شطارتك لازم تعرفي ديري الترويج في مواقع التواصل الاجتماعي او تتفاهمي مع حانوت تحطي عنده خدمتك و نصيحة من عندي الخواف رزقه قليل ابداي ادا نجحتي فيها بركة ادا منجحتيش المهم جربتي و تعلمتي مخليتيهاش في خاطرك بالتوفيق حبيبتي
ختي من فضلك راني شريت كرستال صغير حجمو واول مرة نخدم صاك ومعرفتش درت لاباز من قناتك وفطلعة فزدلي شغل كاين فيهم فراغات كبار شوية ملقري نزير وزيد تاني نحوس نعرف كيتخلاصلي لخيط كفاه نبدا بخيط جديد بلا ميفزدلي تعيشي عاونيني الله يعطيك ماتتمني حبيبتي🥺❤️
شوفي الفيديو التعليمي الاول تلقيه في القناة فيه ڨاع الاساسيات كيفاش تبداي تخدمي الصاك و الجوانب و كيفاه ديري مين يكمل الخيط و هاد هو رابط الفيديو th-cam.com/video/wwmSTEn6kEY/w-d-xo.htmlsi=FqZPKwZSVUJ4BqoM
شوفي الفيديو التعليمي الاول تلقيه في القناة فيه ڨاع الاساسيات كيفاش تبداي تخدمي الصاك و الجوانب و كيفاه ديري مين يكمل الخيط و هاد هو رابط الفيديو th-cam.com/video/wwmSTEn6kEY/w-d-xo.htmlsi=FqZPKwZSVUJ4BqoM
ماشاء الله ❤️ ❤️ ❤️ تحفة إذا أمكن صنعينا صاك الأبيض الي يديه الخرز الكبير
شكراً حبيبتي 🩷 انشاء ندير فيديو عليه
ربي يجازيك ختي وربي يعطيك ما تتمناي والله حابة نتعلم ونخدم ونعاون روحي ان شاء الله نقدر
ابداي و توكلي على ربي بدي بحاجة صغيرة و غير بشوية حتي توصلي للهدف تاعك ماتخافيش و كاين حاجة انا نأمن بيها و نطبقها
""ولا تؤجل عمل اليوم الى الغد "" بالتوفيق
ما شاء الله عليك
شكراً
انا خدمتهم في عرسي قفات صغار ديرت فيهم ليدراجي تعلمنهم في تكوين عندها 2006❤
ماشاء الله
انا من مواليد في 2006
@FatimaBouss-f2k العمر كله انشاء الله
Khti svp hotilna les pages ta3 houdk les tags❤
اول مرة نشوف قناتك مشاء الله عليك
راني درتلك اشتراك
شكرا حبيبتي و مرحباً بيك
@@ronillahandmade نصيحتك ليا الاخت
بارك الله فيك
شكرا
الله يعطيك الصحة وربي يبارك فيك اختي 🌹
شكرا حبيبتي 🌹
يعطيك الصحة الله يبارك ربي يوفقك إن شاء الله
شكرا حبيبتي 🌹
شكرا اختي ربي يعطيك ما تتمني
شكرا حبيبتي 🌹
شكرا على المعلومات❤
🌹🌹🌹
يعطيك الصحة.مديلي صفحة المحل لي تشري من عندو يعيشك حببتي
شكرا حبيبتي 🩷 و بالنسبة اللوازم انا نشري من محلات لي يبيعو لوازم الخياطة منشريش من صفحة احسن تروحي دوري و تشوفي قدامك خير بالتوفيق
ناعتيلنا كيفاه درتي ذراع تاع لحديد فالصاك منفضلك
انشاء الله حبيبتي 🩷 كي تكون عندي طلبية في هداك المودال راني ندير فيديو
اختي كيفاه كانت بدايتك وخصوصا مكنش واحد يعرفك بلي تخدميهم كيفاه درتي اشهار لروحك!؟
ان شاء الله نحكيلكم على تجربتي في فيديو يوتيوب
@@ronillahandmade نشاله في قريب عاجل ❣️❣️
انشاء الله
❤❤❤❤❤❤❤❤❤
🩷🩷
شكرااا ❤❤❤على هذا الفيديو بصح حبيت نسقسي علي لوقو منين تكومنديه وكيفاه تلسقيه ؟؟؟
نخدمه عند باج فالانستقرام
أختي شحال لازملي دراهم نبدا هاد لمشروع ؟؟ و قوليلي وين خدمتي هداك تع لماركة ديالك ❣️ و يعطيك الصحة متتابعة جديدة
5000 دج كافية تشري مثلا باكي خرز لولي و 2 باكي كريستال تاع 500 غرام لونين مختلفين و تشري خيط 0.6 و 0.5 و تشري حلقات لي يجو في الجنب و تشري سلاسل و تشري أقفال و بالنسبة الماركة شريتها من عند باج فالانستقرام هدا رابط لاباج
instagram.com/galaxy.homedecor?igsh=NWo3czlyeTZiaW0x
@@ronillahandmade ربي يحفظك 😍🥰🧸
🩷
@@ronillahandmade❤
@@ronillahandmade
❤❤❤❤❤❤❤
🩷🩷
وش تنصحيني اول صاك نبدا بيه حابة نتعلم اول واحد تنعلم بيه معرفتش عاونيني بليز😢
اول حاجه روحي تفرجي الفيديوهات التعليمية راهم في القناة تعلمي الاساسيات بعدها اي صاك من هذو لي فالفيديو غادي تقدري تخدميه بالتوفيق
ماشاء الله عليك خدمتك هايلة الله يبارك نسقسيك ختي 2000دج تكفي باه نشري صوالح تع صاك لولي صغير ؟؟
واه تكفيك حبيبتي 🌹
@@ronillahandmade بارك الله فيك حنونتي شكرا جزيلا
🩷
اختي بغيت نسقسيك اظا تخدمي بخيط صنارة او خيط استيكي
خيط صنارة تاع الصيد
@@ronillahandmade صحيتي ربي يحفظك
💞
بالنسبة لسعر الساك كيفاش تحسبيه و لا حسب حجم الساك
هدرت على الاسعار فالفيديو قلت سعر شراء اللوازم+ سعر خدمة يدك او سعر شراء اللوازم تضربيه في 2 و هاداك يكون سعر البيع
تعيشي اختي ساشيات تع الخرز اكريليك وين تصيبي الالوان و موديلات رحت دار البيضاء مصبتش و درت بزاف منيش نصيبو مع الاسف
انا نسكن في وهران حبيبتي منعرفش في ألجي وين يبيعو حبيبتي
الخرز الكبير ما طيرلوش الصبغة و شحال نشروا و شكرا❤
شري احسن نوعية ماتتقشرش و بالنشدسبة لشعال تشري شوفي كل صاك و شعال يحتاج شوفي الفيديوهات ادلي فالقناة و كل مودال دايرة شعال تسحقي بالتوفيق
@ronillahandmade صحيتي ربي يحفظك
@FatimaBouss-f2k
🌹
لاباج من وين تشري لامارك
هادي هيا لاباج لي شريت عليها التاق
instagram.com/galaxy.homedecor?igsh=NWo3czlyeTZiaW0x
أختي واش الخيط مطاطي ولا عادي ديال الصيد ؟؟؟
ماشاء الله حبيبتي ❤
بليييييييز جاوبيني🎉
خيط الصيد عادي حبيبتي 🩷
السلام عليكم ختي باش نخدم صاك واحد حجم صغير نخبي فيه البورطابل و المفتاح شحال يستقاملي
500 غرام كرستال او خرز لولي رقم 10
خيط رقم 0.6 مم
2 حلقات / قفل / سلسال
و الحجم تاع الصاك 19 رباعية طول / 5 رباعيات عرض / 8 رباعيات ارتفاع بالتوفيق حبيبتي
شكرا اختي ممكن تقولي الثمن بالدولار
ثمن تاع شاه
صاك شحال يدي من شكارة تع خرز لي دير 1000
باكي تاع 500 غرام يديرلك صاك متوسط الحجم يعني يدخل فيه بورتابل و بزاف سوالح أطوال 19سم عرض / 13 سم طول و العرض داخل الصاك 7 سم
بارك الله فيك اختي
اذا حبيت نديرو كمشروع هل لازم ندير دورات ولا نقدر نتعلم غير من اليوتيوب
لا حبيبتي ماشي مشروط ديري دورات تقدري غير من اليوتيوب وتتعلمي انا وحدة من الناس لي تعلمت ماليوتيوب الاساسيات و زدت طورت من روحي وحدي تالمون وليت نخدم بزاف و هاد الحاجة نبغيها ولات عندي خبرة مع الوقت و ادا سحقيتي اي حاجة تقدي تتواصلي معايا فالانستقرام بالتوفيق حبيبتي 🩷
من فضلك شحال نشري خيط من كريستال الحر باش يخدملي حقيبة من فضلك حقيبة متوسطة
حابا نعرف شحال من خرزة تكفيني باش ندير صاك ❤
500 غرام
ختي شحال تحتاجي من ميترة تاع خيط باه تخدمي صاك
انا نشري بوبينة فيها 100 متر ب 250 دج ديرلي صاك و نص
اختي شحال طول سنسلة كي نشروها بلييز جاوبيني؟؟؟
انا نشري متر لكل حقيبه ولكن في بعض الاحيان تكون البنت طويلة نشري متر و 20 حتى متر و 50 على حسب البنت لي غادي تلبسه بالتوفيق
أختي من فضلك راني حابة نفهم كيفاش نخير رقم لخيط لنخدم بيه خدمت ساك لولي رقم 10 مم و الخيط 0.5 خرجلي ارخف شوي
الرقم 10 مم الخيط اللي يجي معه هو 0.7
لازم تعرفي بلي الخيط لازم يعمر المكان تاع الثقب تاع الخرز ما يكونش الخيط يلعب في وسط الخرز
أختي انا شريت هاذاك لي ديرو بيه ليبراسلي اسكو يصلح نخدم بيه ساك ولا لا.
وربي يحفضك
اذا راكي على الخيط حبيبتي اللي نخدم بيه لبراسلي هذاك يتكسل ما نقدوش نخدم بيه الصاك نخدمو بالخيط العادي تاع الصنارة تاع لي يصيدو بيه السمك
بارك الله و فيك معليش تقوليلي شحال راكي تبعيهم و عطيني اذا عندك صفحة فالفيسبوك
عندي صفحة انستقرام والرابط راه في القناة وبالنسبة للاسعار تلقايهم فالانستقرام
من فضلك لوقو مين نكمونديه؟؟
من عند هاد الصفحة فالانستقرام
instagram.com/galaxy.homedecor?igsh=NWo3czlyeTZiaW0x
مين راكي تشري الصوالح اختي❤
من عند محل ليبيع لوازم الخياطة 🌹
ختي وريلنا كيفه يصنعو هذوك صيكان صغار تع توزيعات عروس
انشاء الله حبيبتي 🌹
اختي اديري ليفريزو
أكيد حبيبتي كاين توصيل ل 58 ولاية مرحبا بيك رسليلي فالانستقرام الرابط تلقيه فالقناة
كيفاش ندير اليد الذهبي مع ساك كيفاش نلسقها
شوفي الفيديو التعليمي حبيبتي تلقيه فالقناة
ممكن طريقة تع خدمتهم
شوفي الفيديوهات لي فالقناة ڨاع صيكان عندهم نفس الطريقة تاع الخدمة تعلمي الاساسيات اهم حاجة تلقي الفيديو التعليمي الاول فالقناة بعدها اي صاك تشوفيه تقدري تخدميه يتبدل غير ملفوق في اليد والحجم
الاخت كيفاش ندير السعر للزبونة
الطريقه الاولى سعر اللوازم تضربيه في اثنان و هذاك هو سعر البيع
الطريقه الثانية ديري سعر ثابت لخدمة يدك مثلا 1000 دج و لا 1500 على حسب حجم الصاك وتزيدي له سعر شراء اللوازم وهذاك هو غادي يكون سعر البيع بالتوفيق
@@ronillahandmade merci pour ta réponse
🌹
ممكن صاك غوز شحال قياسات
ادخلي في رابط الانستقرام راح تلاقي الصورة تاع الصاك تقدري تحسبي القياسات بالرباعيات لانه الصاك بعته مانيش عاقلة على القياسات ولكن تقدي تحسبي السطر شحال فيه من رباعية
خرز تاع خيط شعال يدير وشعال نشري من خيط لصاك متوسط
كرستال رقم 8 تحتاجي 28 خيط و يدير من 900 دج حتى 1000 دج باكي فيه 10 خيوط
من وين راكي تشري كريستال
من محلات لي يبيعو لوازم الخياطة
دوك اني حابة نخدم ساك الكريستال معرفتش رقم الخيط
تبعي شاقلت تعرفي و لا قوليلي رقم الكرستال و انا نقلك شا تستعملي
@@ronillahandmade رقم الكريستال 8 مم
رقم الخيط 0.6
أنا نشري هدا تع لولو بصح نخاف صاك مع الوقت قادر يتقشر واش لحل ختي
الخرز انواع لازم كي تروحي تشوفي تشري نوعيه تكون مليحه وما تتقشرش كي تكون نوعيه الخرز جيده ما تخافيش ومن الاحسن نوع الخرز يكون CCB هو أفضل لولو خدمت بيه بالتوفيق
شحال نبيعوا صاك من فضلك ردي
على حسب الحجم وعلى حسب نوعية الخرز شوفي شحال جاك سعر اللوازم وزيدي لها خدمة يدك ولا سعر اللوازم وتضربيه في اثنين وهذاك هو سعر البيع
Svp ou je peux trouver les pièces dorées que vous mettez sur le sac???? Merci 😘😘
nakhdamhom 3and wahd la page f Instagram w had le lien ta3ha
instagram.com/galaxy.homedecor?igsh=NWo3czlyeTZiaW0x
شحال من ميترا نديرها في الصاك
شوفي الفيديوهات السابقة كاين عدة اشكال و كل واحد و شعال الأطوال تاعه
بقداه يدير سعر خيط 0٫6mm
200 دج فيه 100 غرام
هل 500 غرام خرز تخدملي ساك اختي او لا
نعم تخدملك صاك متوسط الحجم و يدخل فيه هاتف و بزاف سوالح
انا حابة نصنع ليا برك ادا ممكن تقوليلي شانسحق ❤
تسحقي
باكي خرز 500 غ
خيط 0.5 او 0.6 او 0.7 حسب رقم الخرز
زوج حلقات + قفل + سنسلة
بالتوفيق حبيبتي 🩷
@@ronillahandmade شكرا لك
🩷
@@ronillahandmade ممكن تقوليلي شحال تستقام لي كامل
سناسل هدوك مين نشروهم ؟!؟؟
من عند محل ليبيع لوازم الخياطة
اختي سعر لخيط لي تخدمي بيه شحال بالاضافة شحال سعر بيع ساك يعني بتكاليف هدي شحال نقدر نحسبو انا سراحة حابة ندير لمشروع هدا بيسك فريمو مسحقا نعاون روحي بصح خايفة ميكونش الاقبال عليه واش تنصحيني تعيشي
سعر الخيط 250 دج رقم 0.5 او 0.6 او 0.7 علي حسب نوع الخرز
بالنسبة للاسعار تاع البيع راني حطيتهم في قناة الانستقرام تلقي الرابط تاعها في البايو
بالنسبة للاقبال توكلي على ربي و انت و شطارتك لازم تعرفي ديري الترويج في مواقع التواصل الاجتماعي او تتفاهمي مع حانوت تحطي عنده خدمتك و نصيحة من عندي الخواف رزقه قليل ابداي ادا نجحتي فيها بركة ادا منجحتيش المهم جربتي و تعلمتي مخليتيهاش في خاطرك بالتوفيق حبيبتي
🎉
🌻
عجبني الغوز كيوت بغيت نسقسيك الخرز هذا هو نفسو لي يصنعو بيه البراسليات ويجي فيه عدة ألوان ولا راني غالطة؟؟
واه رقم تاع الخرز 6 مم و يجي حنين الملمس تاعه فيه بزاف الوان و يتباع بالباكي فيه 250 غرام يدير 650 دج
@@ronillahandmade صحيتي ربي يحفظك 🥰
🩷🩷
@@ronillahandmade بغيت نخدم واحد ولقيت ينباع باكي فيه 200غ معليش تقوليلي شحال نشري من باكي ورقم الخيط تعيشي ..
الصاك يرفد 250 غ سما شري 2 باكي و الخيط رقم 0.5
ختي من فضلك راني شريت كرستال صغير حجمو واول مرة نخدم صاك ومعرفتش درت لاباز من قناتك وفطلعة فزدلي شغل كاين فيهم فراغات كبار شوية ملقري نزير وزيد تاني نحوس نعرف كيتخلاصلي لخيط كفاه نبدا بخيط جديد بلا ميفزدلي تعيشي عاونيني الله يعطيك ماتتمني حبيبتي🥺❤️
شوفي الفيديو التعليمي الاول تلقيه في القناة فيه ڨاع الاساسيات كيفاش تبداي تخدمي الصاك و الجوانب و كيفاه ديري مين يكمل الخيط و هاد هو رابط الفيديو
th-cam.com/video/wwmSTEn6kEY/w-d-xo.htmlsi=FqZPKwZSVUJ4BqoM
ختي انا تاني شريت صغير بصح لازم تشريلو لخيط لعشين باش يجيك واقف وتديري نتاع لغرزة ❤يخرجلك شباب عن تجربة
شوفي الفيديوهات التعليمية حبيبتي تلقيتهم فالقناة
شوفي حبيبتي كاين في القناه فيديوهات تعليميه راني دايره فيها كيفاش تبداي حتى كيفاش تكملي دخلي للقناه وحوسي على الفيديوهات التعليميه معلباليش وينه فيديو اللي خدمتي منه القاعده ولكن كيما قلت لك تدخلي شوفي الفيديوهات التعليميه بالتوفيق
شوفي الفيديو التعليمي الاول تلقيه في القناة فيه ڨاع الاساسيات كيفاش تبداي تخدمي الصاك و الجوانب و كيفاه ديري مين يكمل الخيط و هاد هو رابط الفيديو
th-cam.com/video/wwmSTEn6kEY/w-d-xo.htmlsi=FqZPKwZSVUJ4BqoM
حابة نتواصل معاك فيسبوك اختي اذا ممكن
رسليلي فالانستقرام الرابط تلقيه فالقناة
بارك الله فيك اختي
اذا حبيت نديرو كمشروع هل لازم ندير دورات ولا نقدر نتعلم غير من اليوتيوب
ماشي مشروط ديري دورات انا وحدة من الناس تعلمت وحدي و انتي تاني قادرة تتعلمي وحدك وغير من اليوتيوب بالتوفيق 🌹