اتعبوا لاهدافكم ياهل الحلم الشغوف - مطحس بن حمد
ฝัง
- เผยแพร่เมื่อ 11 ก.ย. 2024
- راكب اللي للنوايب مضمّن ومعسوف
للعسير من التضاريس ورتوج الفياح
جافلٍ سلفه من القاع للدرب الكلوف
له مع حمر الحورني نفوذٍ واجتياح
لا اعترض له سيف عرقٍ مهلل ومعكوف
من مسنات الذواري وشفتات الرياح
قال به قول الليالي وغارات الصدوف
في بعارين الثقيلات وطيور الفلاح
ان عطا الهيويّ الاسمر تشيّخ فالكتوف
وان تعرّض منكب البيد كدّم بالفساح
في حديده صاقع المرو مع صلب الحتوف
مثل صفق مولّع الماو من خلج السلاح
منوة اللي واقفٍ له على صبر مهيوف
بين عقلان التهاني ومزلاق المطاح
لا فصخ عقده من المدن زهقانٍ عيوف
يكتب كتابه على البيد ويعقد النكاح
مركب اللي ينضرب به معاويج الصفوف
لا حظى بيومٍ محقته تسوّد بالصباح
اتعبوا لاهدافكم ياهل الحلم الشغوف
عنفوان زهور الاعمار قافيها المراح
الضعافه ويش ودت وجابت للضعوف
غير صبرٍ ما يواجر وهمٍ ما يزاح
الفشل لا تجعلونه ذريعه للوقوف
هو تراه اول مراحل محطات النجاح
ما يعدّيك المهونه ويلحقك الشفوف
غير ممشاك بشجاعة وعزمٍ من كفاح
حوّلت بالذيب سرحان من سمر الكهوف
وركعت بمكوسر الحوم صفّاق الجناح
في حمى الله من غرامٍ تصلقط فالنجوف
مبركه في صيهد البال غادي له مداح
ياعيون اللي يجلحد مجاليد الريوف
من سلم من جولهن عرّضه خضر الرفاح
يامضلاتٍ عليها تحرش بالقحوف
تبعث السهم المسقوى من السم الذحاح
ناحتٍ نقشك على الزور من خمس الحروف
نقشة اصحاب المداين على صمد الصفاح
من لفح من خمر هرجك على الخلوه رشوف
يرحم الله لايمه كل ما عط الصياح
شبه وضحىً تيهوها مطانيخ القروف
في ثنادي خلط الاعشاب واودام الصلاح
دايرٍ في خدودك البلج يالغض التروف
هيّةٍ من بين ناصع بياضك والشقاح
شعر شعراء قصيدة قصيّد سعد بن جدلان مطحس حمد عبدالله بن عون سلطان بن وسام الهاجري ضيدان بن قضعان عبدالله بن شايق احمد الناصر الشايع جارالله السواط مستور العصيمي حبيب العازمي عايض الشريف الفيصل خلف بن هذال سفر الدغيلبي صياف الحربي فيصل الرياحي مطلق الثبيتي ناصر الفراعنة عبدالله بن زويبن
الشاعر هذا خياله مصيبه ومفرداته قويه هذا صمخ القصيد اللي يطرى
مبدع
ماشالله شاعررر كارثه
خيااال واسع
وش فهمت من القصيده وش الخيال الواسع تقول عنه فهمني
@@L_OL51واضح من كلامك الغباء المستفحل
سلوبه يذكرني في بن جدلان الله يرحمه
ماهوب صاحي ذا الشاعر
يا سلاممم
الله الله ابدعتي 👌🤍
قصيدتي الأحببب🤍🤍
🙏❤️
شاعر مصيبه
ياكثر الصور الشعريه
عندك تليجرام
لا
منهو منه الشاعر مطحس
دوسري
@@user-iz2qg5zt8r ونعم في عيال زايد
يالشيخ نبي القصيده كتابه
ابشر اكتبها لك هنا ولا ارسلها انستا؟
@@user-iz2qg5zt8r عندك انستا عطنياه واجيك خاص
@@user-dv9sd7lp7h qz7e
@@user-iz2qg5zt8r عني ضفتك