شيلة غلاء القرناس كلمات : ممدوح الجنفاوي أداء : حميد النعيضي

كلمات الشاعر : ممدوح محمد الجنفاوي
أداء : حميد النعيضي
أنا في غلا القرناس ما طاوع النصاح
له أخير من كثر الهرابيد توفيره
اليا لجلج الرعاد والوسم برقه لاح
كسر حاجز الصبر المدي يالله الخيره
ما دام النداوي كمل الجرد بالملواح
وكل(ن) تنوى للقنص جاهز(ن) طيره
وأنا فوق كفي مخلف العازمه وضاح
عريض الثنادي عوق شرد معاشيره
تغطي الكفوف الحرش شلايل طراح
تلحف بها ساقن مقاسه مثل سيره
غليظ المناكب جل عن عاتقه نزاح
رهاوي مقاس وروز نقوة مغاتيره
نبي نقصر الفرجه على اللي لها يجتاح
ابريمي خذا عند العصامي تقاريره
تخيرت من عبدالعزيز الطلب بانصاح
وشدوا على شوف المريدي مساميره
ومشينا قبل ما تبدتي فجة الاصباح
مع أهل الكرم جزلين الأطباع والسيرة
نخاوي رجاح المرجلة والعقول رجاح
كرام اللحى ما حسبوا به مخاسيره
نبي يم لوقه لين عقرب على أم رماح
وذيك الفياض اللي تخالط نواويره